ინგრედიენტები :

1 კგ. კირში გამოყვანილი კაკალი

1 ლიმონი

2 კგ.შაქარი

10 მიხაკის ბუტკო სურვილისამებრ

2 დარიჩინის ჯოხი სურვილისამებრ

მომზადების წესები :

კირში გამოყვანილი კაკლები დავჩხვლიტოთ, ჩავყაროთ მომინანქრებულ  ქვაბში   ,დავასხათ ცივი წყალი და 4 დღე – ღამე გავაჩეროთ. დღეში 2-3 ჯერ გამოვუცვალოთ წყალი.

მე-5 დღეს  ქვაბში ბლომად ავადუღოთ წყალი, ჩავყაროთ კაკლები და ვხარშოთ 15 წუთი. წყალი გადავღვაროთ,კაკლები ამოვიღოთ და შევაშროთ.

მოვხარშოთ სიროფი, ჩავყაროთ კაკლები, ლიმონი, მიხაკის ბუტკოები და დარიჩინის ჯოხი, მივიყვანთ ადუღებამდე და გავაჩეროთ ერთი დღე და ღამე.ასე გავაკეთებთ 3 ჯერ. ბოლოჯერზე ვხარშოთ კაკლები მანამ, სანამ კარგად არ დარბილდება. გადავიტანოთ სტერილურ ქილებში კაკლის მურაბა და მოვხუფოთ.