ქართული ქადის რეცეპტი

ინგრედიენტები ცომისათვის:

250 გრ.კარაქი ან მარგარინი

2,5 ჭიქა ფქვილი(400 გრ.)

1ჩ.კოვზი სოდა ან 2 ჩ.კოვზი გამაფხვიერებელი

0,5 ჭიქა არაჟანი (125 მლ.)

2 ს.კოვზი შაქარი( შეგიძლიათ არ  დაუმატოთ)

1 კვერცხი

ინგრედიენტები გულსართისათვის:

1 ჭიქა ფქვილი(180 გრ.)

1,5 ჭიქა შაქარი(345 გრ.)

200 გრ.კარაქი ან ერბო

100-150 გრ.ნიგოზი ( წვრილად დაფქული)

მომზადების წესები :

ფქვილში ჩავახეხოთ მარგარინი და ხელით ავაფხვიეროთ.დავუმატოთ დანარჩენი ინგრედიენტები და მოვზილოთ ცომი.

ცომი შევახვიოთ პარკში და შევინახოთ მაცივარში 3-4 საათი.

გულსართის მომზადება:

შაქარი  და კარაქი გავადნოთ საშუალო ცეცხლზე. როგორც კი კარაქი გადნება ,დავუმატოთ ფქვილი ,ვურიოთ ხის კოვზით და მოვშუშოთ კარგად,ისე რომ მასა გასქელდეს.გამოვრთოთ გაზი და შევურიოთ ნიგოზი.

ცომი გავყოთ 3-4 ნაწილად .თითოეული გავაბრტყელოთ ოთხკუთხედათ,მოვაყაროთ გულსართი,რულეტივით გადავახვიოთ .

დავჭრათ ნაჭრებად , ზემოდან წავუსვათ კვერცხის გული და გამოვაცხოთ 15-20 წუთი 200 გრადუსზე წინასწარ გახურებულ ღუმელში.