 5/5

ფარშირებული ბოსტნეული

April 29, 2019
, 7:33 pm
, ფრინველის ხორცის კერძები, ბურღულეული, საქონლის, ხბოს ხორცის კერძები, ხორცეული, ღორის ხორცის კერძები, ბოსტნეულის კერძები, ბოსტნეული, ბავშვთა კვება, სამარხვო კერძები, ვეგეტერიანული კერძები, სადღესასწაულო კერძები, სიახლეები

გააზიარეთ სოციალურ ქსელებში

ინგრედიენტები :

1 კგ. ბულგარული

1 კგ. პამიდორი

1 კგ.ბადრიჯანი

პილპილი,მარილი გემოვნებით

ბრინჯის შიგთავსი ( სამარხვო ვარიანტი ):

1 კგ ბრინჯი

200 გრ.სტაფილო

200 მლ ზეთი

კამა

პილპილი და მარილი გემოვნებით

ხორცის შიგთავსი :

1 კგ საქონლის რბილი ხორცი

200 გრ.ღორის ხორცი

200 გრ.ბრინჯი

5-6 კბილი ნიორი

1 ჩ.კოვზი უცხო სუნელი

1 ჩ.კოვზი ხმელი ქინძი

პილპილი და მარილი გემოვნებით

მწვანილი გემოვნებით

მომზადების წესები :

ბულგარულ წიწაკას მოვაჭრათ თავი,თესლები გამოვაცალოთ,ყუნწი გადავაგდოთ.

მოჭრილი ნაწილები წვრილად დავჭრათ და შევინახოთ ფარშისათვის.

ბადრიჯნებს თავი მოვაჭრათ,შუაში ჩავჭრათ,გული ამოვაჭრათ.

პამიდვრებსაც თავი მოვაჭრათ,თესლები გამოვაცალოთ.

ნახევრად მოხარშულ ბრინჯი პილპილითა და მარილით შევაზავოთ,

დავუმატოთ წვრილად დაჭრილი კამა,ბულგარული წიწაკა და გახეხილი სტაფილო.

ბრინჯის შიგთავსით ამოვავსოთ წინასწარ გამოშიგნული ბოსტნეული.

ქვაბში ჩავასხათ ზეთი,ძირში თანაბრად მოვყაროთ 3 ცალი კანგაფცქვნილი პამიდორი ,ზემოდან დავაწყოთ ფარშირებული ბოსტნეული ისე,რომ ხარშვისას შიგთავსი არ გადმოიყაროს.

დავასხათ იმდენი წყალი,რომ ბოსტნეული დაიფაროს.კერძი მოვამზადოთ დაბალ ცეცხლზე. როცა ბრინჯი მოიხარშება ,კერძი მზად არის.

თუ მარხვაზე არ ვართ ,ბრინჯი შეგვიძლია შევცვალოთ ხორცის შიგთავსით.ხორცის შიგთავსით მომზადებულ ბოსტნეულს სხვა მწვანილებთან ერთად უხდება რეჰანიც.