თეთრი ბლის მურაბა

ინგრედიენტები:

3 კგ ბალი

3 ჭიქა წყალი

3 კგ.შაქარი

1 ლიმონი

3 შეკვრა შაქრიანი ვანილი

250  გრ.ნიგოზი ან თხილი  სურვილისამებრ

მომზადების წესები:

ბალი გავრეცხოთ,მოვაცალოთ ყუნწები და დავკურკოთ. თუ სურვილი გვაქვს ბლებში კურკების ნაცვლად ჩადოთ დაჭრილი ნიგოზი  ან თხილი

მინანქრის დიდ თასში ჩავასხათ წყალი,ჩავყაროთ შაქარი,მოვადუღოთ სიროფი.

ცხელ სიროფში ჩავყაროთ თეთრი ბალი და ვადუღოთ 5 წუთი.ცეცხლი გამოვრთოთ და კარგად გავაციოთ.

ასეთივე პროცედურა ჩავატაროთ კიდევ 4-5 ჯერ.პროცედურებს შორის შუალედი უნდა იყოს 4-5 საათი.

დროდადრო წარმოქმნილი ქაფი მოვხადოთ.

ბოლო დუღილის დროს დავუმატოთ ლიმონის ცედრა,ლიმონის წვენი ან ჩავახარშოთ 1 ცალი ლიმონი(ლიმონს კურკები გამოვუღოთ).

მზა მურაბაში ჩავყაროთ ვანილი,კარგად მოვურიოთ .

თეთრი ბლის მურაბა ცხელი ჩავასხათ ქილებში და მოვხუფოთ.