როდესაც მარწყვის სეზონი მოდის, ჩვენ თვითნასწავლი მზარეულები და დიასახლისები იქვე ვიწყებთ ფიქრს, თუ როგორ მოვამზადოთ მარწყვის მურაბა. გთავაზობთ,მარწყვის მურაბის და ჯემის მომზადების რეცეპტს.
ინგრედიენტები მარწყვის მურაბისათვის :
1 კგ.მარწყვი
1 კგ შაქარი
ნახ. ჭიქა წყალი
პიტნა , მწვანე ბაზილიკი დარიჩინი ან ვანილი – არომატის გასაძლიერებლად
მომზადების წესები :
მარწყვი გადავარჩიოთ, ჩავყაროთ საწურში და გავრეცხოთ, ფენა-ფენა ჩავაწყოთ ქვაბში. ფენებს შორის მოვაყაროთ შაქარი.
ჭურჭელი გავაჩეროთ გრილ ადგილას რამდენიმე საათით . მარწყვი წვენს გამოუშვებს და ცალკე გადავწუროთ .
მარწყვის წვენში ჩავასხათ წყალი და მოვადუღოთ,სანამ შაქარი არ გადნება.
ცხელ სიროფში ჩავყაროთ მარწყვი და გავაჩეროთ 4-5 საათი.
ჭურჭელი შემოვდგათ მაღალ ცეცხლზე, როგორც კი წამოდუღდება დავუწიოთ და მარწყვი მოვხარშოთ დაბალ ცეცხლზე 10 წუთი, პერიოდულად მოვქაფოთ, გადმოვდგათ ცეცხლიდან და გავაციოთ.
ასეთივე პროცედურა ჩავატაროთ კიდევ ორჯერ. ბოლო ორი პროცედურის დროს ჩავახარშოთ პიტნა ან დავუმატოთ დარიჩინი ან ვანილი.
მარწყვის მურაბის ხარშის დრო ჯამურად არის 40 წუთი.
გავუკეთოთ ქილებს პასტერილიზაცია.წყლით სავსე ჭურჭელში მოვათავსოთ თავსახურავები და ქილები თავით ქვემოთ.ვადუღოთ 10 -15 წუთი.
პასტერილიზებულ ქილებში მოვათავსოთ მარწყვის მურაბა,,თავი მოვუხუფოთ და გადმობრუნებული დავდოთ მაგიდაზე გაცივებამდე.
მარწყვის ჯემი ვანილის საოცარი არომატით
ინგრედიენტები :
2 კგ.მარწყვი
900 გრ.შაქარი
2 შეკვრა შაქრიანი ვანილი
2 სუფრის კოვზი ლიმონის წვენი
მომზადების წესები :
მარწყვი გადავარჩიოთ, ყუნწები მოვაშოროთ, დავყაროთ საწურზე, გავრეცხოთ და ცოტა ხნით გავაჩეროთ, რომ წყალი დაიწუროს.
მარწყვს მოვაყაროთ შაქარი, მოვასხათ ლიმონის წვენი,ალუმინის ჭურჭელი შემოვდგათ ბადალ ცეცხლზე და ვადუღოთ . 5 წუთის შემდეგ დავუმატოთ შაქრიანი ვანილი, და გავაგრძელოთ დუღილი, სანამ მარწყვი არ დარბილდება. ჯემს ვურიოთ ხის კოვზით და ვადუღოთ გასქელებამდე.
ცივი ჯემი გადავიტანოთ სტერილურ ქილებში და მოვხუფოთ.
