გურული საშობაო ღვეზელი შეფ-მზარეული ნინო წენგუაშვილის რეცეპტით

ინგრედიენტები ცომისათვის:

1/2 ლ. მაწონი

1 ჩ.კოვზი სოდა

1 კილო ფქვილი

250 გრ.მარგარინი ან კარაქი

5 კვერცხი

1 ჩ.კოვზი მარილი ცომისათვის

გულსართისათვის :

1 კგ.ყველი და 7-8 მოხარშული კვერცხი

მომზადების წესები :

თასში ჩავყაროთ ფქვილი,ჩავახეხოთ მარგარინი,ავაფხვიეროთ ,შუაში გავაკეთოთ ორმო.

მაწონში გავხსნათ სოდა.

მაწონი  ფქვილის  ორმოში ჩავასხათ, მარილი,3 მთლიანი კვერცხი, 2 კვერცხის ცილა დავუმატოთ და  ცომი მოვზილოთ.

150 გრამიანი გუნდები გავაკეთოთ.

კვერცხი მოვხარშოთ,ცივი წყალი გადავავლოთ,გავფცქვნათ ,შუაზე გავჭრათ.

იმერული ყველი გავხეხოთ,მოვზილოთ.

გავშალოთ ცომის გუნდა,შუაში ჩავდოთ 100 -120 გრ.ყველი,კვერცხი დავალაგოთ ,თავი მოვუკრათ,მივცეთ ნახევარმთვარის ფორმა.

ღვეზელს გადავუსვათ კვერცხი,180 გრადუსზე გამოვაცხოთ.