Assign modules on offcanvas module position to make them visible in the sidebar.

ხელოვანთა და ოსტატთა ყველაზე ფართომაშტაბიანი უფასო სარეკლამო გვერდი

Nino User

Nino User

ინგრედიენტები:

1 კგ კარტოფილი

800 გრ. საქონლის  ან ღორის ხორცის ფარში

5-6 კვერცხი

2 თავი ხახვი

300 გრ.ყველი

 400 გრ.მაიონეზი

150 გრ.ზეითუნის ზეთი

მარილი,პილპილი გემოვნებით

 

 

1. მოხარშული კარტოფილი ჩავახეხოთ ცეცხლგამძლე ჭურჭელში.

 

2. მოვაყაროთ შავი პილპილი და მარილი, მოვასხათ ზეთი.

 

3.ცალკე ტაფაზე დავასხათ ზეთი,დავაყაროთ საქონლის ხორცის ფარში და მოვშუშოთ.

  ხორცთან ერთად მოვშუშოთ წვრილად დაჭრილი ხახვი.

 

4.კარტოფილის ფენას თანაბრად მოვაყაროთ ხორცი.

 

5.შემდეგ ჯერ დავახეხოთ მოხარშული კვერცხი,ბოლოს ყველი.

 

6. მოვასხათ მაიონეზი და შევდოთ გაზქურაში 40 წუთი.

 

ინგრედიენტები:

1 კგ.ღორის ხორცი

3 პამიდორი

3 ხახვი

მაიონეზი

მარილი,წიწაკა გემოვნებით

 

ღორის ხორცი დავჭრათ თხელ ნაჭრებად და დავბეგვოთ.

 

ხორცის ნაჭრებს ორივე მხრიდან მოვაყაროთ მარილი და წიწაკა.

 

ღუმელის ტაფაზე დავალავოთ ხორცის ნაჭრები,მოვაყაროთ რგოლებად დაჭრილი ხახვი,დავალაგოთ პამიდვრის ნაჭრები,

მოვასხათ მაიონეზი,მოვაყაროთ გახეხილი ყველი და შევწვათ ღუმელში 200 გრადუსზე გახურებულ ღუმელში 

45 წუთი.

Wednesday, 28 February 2018 04:11

აზუ თათრულად

ინგრედიენტები:

500 გრ. საქონლის ხორცის რბილობი

2 თავი ხახვი

3 მჟავე კიტრი

1 კბილი ნიორი

1 ჭიქა წყალი

1 ს.კოვზი ტომატ-პასტა

3 პამიდორი

მარილი და წიწაკა გემოვნებით

ოხრახურში

 

 

 ხორცის თხელი ფირფიტები მსუბუქად დავბეგვოთ და დავჭრათ 3-4 სმ-ის წვრილ ზოლებად.

 

ზეთიან ღრმა ტაფა-ქვაბში   მოვბრაწოთ ხორცი,შემდეგ დავაყაროთ წვრილად დაჭრილი ხახვი , ნიორი, ცეცხლს დავუწიოთ

და ერთად მოვშუშოთ.

 

ხორცს დავასხათ წყალში გახსნილი ტომატ-პასტა, დავაყაროთ კუბებად დაჭრილი პამიდორი, მჟავე კიტრი.

ქვაბს თავზე დავაფაროთ და ვშუშოთ ხორცის მომზადებამდე.

 

ცალკე ტაფაზე შევწვათ მსხვილ ზოლებად   დაჭრილი კარტოფილი.

 

შემწვარი კარტოფილი გადავიტანოთ კერძში, წამოვადუღოთ,მოვაყაროთ მარილი,წიწაკა და ოხრახურში.

 

 

 

 

 

Tuesday, 27 February 2018 06:15

გულიაში

ინგრედიენტები:

 

600 გრ.ძროხის  რბილი ხორცი

1 ხახვი

1 სტაფილო

2 ს. კოვზი ფქვილი

1 დაფნის ფოთოლი

1 ს.კოვზი ტომატ-პასტა

2 კბილი ნიორი

400 მლ.წყალი ან ბულიონი

ზეთი

მარილი და პილპილი გემოვნებით

1 პატარა კონა კამა და ოხრახურში სურვილისამებრ

 

 

ძროხის ხორცის რბილობი დავჭრათ პატარა კუბებად და   ზეთში ღრმა ტაფა-ქვაბში შევწვათ .

როდესაც ხორცი შეიწვება,დავაყაროთ წვრილად დაჭრილი ხახვი , გახეხილი სტაფილო და 

10-15  წუთი ვშუშოთ.

 

ცალკე ტაფაზე მოვხალოთ ფქვილი.

 

ხორცს დავუმატოთ ფქვილი, ტომატ-პასტა ,ნიორი,დაფნის ფოთოლი , შემდეგ დავასხათ ბულიონი ან წყალი

და ვადუღოთ ცოტა ხანი. მზა კერძს, სუფრაზე მიტანის წინ, მოვაყაროთ წვრილად დაჭრილი მწვანილები.

 

რჩევა;გულიაში ბავშვებისათვის მოვამზადოთ ხბოს ხორცით და არ შევაზავოთ წიწაკით.

 

 

 

 

 

 

 

 

 

 

 

 

ინგრედიენტები:

500 გრ.ღორის ხორცის  ან შერეული ფარში

100 მლ.რძე

1 ხახვი

1 კვერცხი

80 გრ.ფუნთუშა

150 გრ.ყველი

3 კვერცხი

მარილი წიწაკა გემოვნებით

 

 

 

ფარშს შევურიოთ რძეში დამბალი პური, 1 კვერცხი,გატარებული ხახვი,მარილი,წიწაკა და კარგად ავურიოთ.

 

 ფარშით ( სურათის მიხედვით) გავაკეთოთ 3 ცალი კატლეტი,კოვზით გავაკეთოთ

ღრუ და შევდოთ 200 გრადუსზე 20 წუთი ღუმელში.შემდეგ მოვაყაროთ გახეხილი ყველი , მწვანილი ,თითოეულ

ღრუში ჩავდოთ კვერცხი და კიდევ გამოვაცხოთ ღუმელში 20-25 წუთი 200 გრადუსზე.

 

  

 

 

 

 

ინგრედიენტები:

850  გრ.თევზის ფილე

2  ნაჭერი პური

2 ტოტი მწვანე ხახვი

2 კბილი ნიორი

2 კვერცხი

1 კონა კამა

2 ს.კოვზი ფქვილი

საფანელი

მარილი და პილპილი გემოვნებით

ზეთი შესაწვავად

 

თევზის ფილე ,ხახვი,ნიორი, პური ( წინასწარ დავალბოთ წყალში და გავწუროთ) გავატაროთ ხორცსაკეპში , დავუმატოთ 

კვერცხი,ფქვილი,მარილი,წიწაკა,წვრილად დაჭრილი მწვანილები.

 

მიღებული თევზის ფარშისაგან  გავაკეთოთ კატლეტები და შევწვათ ზეთიან ტაფაზე ორივე მხრიდან.

თევზის კატლეტები შეგვიძლია შევწვათ 20-25 წუთი 200 გრადუსზე ღუმელში.

 

 

 

ინგრედიენტები:

 

500 გრ.წიწიბურა

300 გრ.ქამა სოკო

1 ხახვი

10 გრ.კარტოფილის სახამებელი

კამა,ოხრახურში,მარილი,შავი დაფქული წიწაკა გემოვნებით

 

 

მოვხარშოთ წიწიბურა.

 

ხახვი და სოკო დავჭრათ წვრილად და ერთად მოვშუშოთ ზეთიან ტაფაზე.

 

სოკო,ხახვი,წიწიბურა გადავიტანოთ ბლენდერში,დავამატოთ სახამებელი,მარილი,წიწაკა,მწვანილები გემოვნებით და

დავაბლენდეროთ.

 

წიწიბურას ფარშის პატარა გუნდები ამოვსვაროთ საფანელში  და  ზეთიან ტაფაზე შევწვათ ორივე მხრიდან.

 

 

 

 

 

ინგრედიენტები:

1 ჭიქა წიწიბურა

2 ჭიქა წყალი

2- 3 ცალი კარტოფილი

მარილი,წიწაკა გემოვნებით

მწვანილი სურვილისამებრ

 

 

წიწიბურას დავასხათ წყალი , წამოვადუღოთ,მოვაყაროთ მარილი,ცეცხლს დავუწიოთ და დაბალ ცეცხლზე ვხარშოთ.

 

კარტოფილი გავხეხოთ და ხელით გავწუროთ.

 

წიწიბურას ფაფას  დავუმატოთ გახეხილი კარტოფილი და საჭყლეტით დავჭყლიტოთ.

 

ფარში შევაზავოთ მარილით, შავი დაფქული წიწაკითა და მწვანილებით  სურვილისამერ.

 

 წიწიბურას ფარშის პატარა გუნდები ამოვსვაროთ საფანელში  და  ზეთიან ტაფაზე შევწვათ ორივე მხრიდან.

Saturday, 24 February 2018 14:09

შვრიის კატლეტები

ინგრედიენტები:

1 ჭიქა შვრიის ფანტელები

1 ხახვი

1კვერცხი

1  კბილი ნიორი

1 ს.კოვზი მანანის ბურღული

50 გრ.ყველი

ნახ.სუფრის კოვზი ერბო

საფანელი საჭირო რაოდენობის

მარილი,შავი დაფქული წიწაკა გემოვნებით

1 ჭიქა ხორცის ბულიონი

საფანელი

 

 

შვრიის ფანტელებს შევურიოთ მანანის ბურღული,მარილი, დავასხათ ცხელი ბულიონი და გავაჩეროთ ასაფუებლად.

 

აფუებულ შვრიას დავუმატოთ გახეხილი ნიორი,ერბოში მოშუშული წვრილად დაჭრილი ხახვი,სურვილისამებს წვრილად დაჭრილი

მწვანილები,კვერცხი,შავი დაფქული წიწაკა.თუ ფარში თხელი გამოგვივა,გავასქელოთ საფანელით.

 

ჰერკულესის ფარშის პატარა გუნდები ამოვსვაროთ საფანელში  და  ზეთიან ტაფაზე შევწვათ ორივე მხრიდან.

 

 

 

 

ინგრედიენტები:

1 ჭიქა შვრიის ფანტელები

1 ხახვი

1 კარტოფილი

2 კბილი ნიორი

1 პატარა კონა მწვანილი

მარილი,შავი დაფქული წიწაკა გემოვნებით

ზეთი შესაწვავად

 

შვრიის ფანტელებს დავასხათ ადუღებული წყალი და გავაჩეროთ 20 წუთი.

 

კარტოფილი, სტაფილო  გავხეხოთ წვრილ სახეხზე. ნიორი დავჭყლიტოთ.

 

მწვანილი  და ხახვი წვრილად დავჭრათ.

 

 

შვრიას შევურიოთ ინგრედიენტები,მარილი და შავი დაფქული წიწაკა გემოვნებით.

თუ  ჰერკულესის ფარში ძალიან თხელი გამოგვივა,დავუმატოთ შვრიის ფანტელები.

 

კატლეტები შევწვათ ტაფაზე ორივე მხრიდან.