წითლად შეღებილი კვერცხი ქრისტეს აღდგომის სიმბოლოა. აღდგომის ბრწყინვალე დღესასწაული კი ყველაზე საყვარელი დღესასწაულია მართმადიდებელთათვის.

საჭირო მასალები და ხელსაწყოები :

კვერცხი 40-60  ცალი

5 შეკვრა ენდრო

წყალი 5 -7 ლიტრა

8-10 ხახვის გარეთა ფურცლები

1/2  ჩ.კოვზი მარილი

5 ს.კოვზი ძმარი

ჭურჭელი ,რაშიც ვხარშავთ

მომზადების წესები :

კვერცხის მომზადება

სასურველია,რომ კვერცხი იყოს მუქი ფერის ან სოფლის. მუქი ფერის კვერცხს საღებავი უკეთესად  ეკიდება.

თუ კვერცხი თეთრი ფერისაა,მაშინ გავრეცხოთ სოდიან წყალში,რომ ფერი ადვილად ჩაჯდეს ნაჭუჭში.

შეღებვისას კვერცხი რომ არ დაგვისკდეს, რამდენიმე საათით ადრე  გავაჩეროთ ოთახის ტემპერატურაზე.

შეღებვის წინ 10-15 წუთი კვერცხი ჩავდოთ თბილ წყალში.ამ პროცედურის გამოყენებით,საღებავი თანაბრად გადანაწილდება კვერცხის ზედაპირზე.

საღებავის მომზადება :

ენდრო კარგად გავრეცხოთ,დავჩეჩქვოთ ან დავაბლენდეროთ.თუ დაჩეჩქვა არ შეგვიძლია,მაშინ დავტეხოთ.

დამუშავებული ენდრო გამოვკრათ მარლაში ან ქალის კაპრონის წინდაში.

ჭურჭელში ჩავასხათ წყალი ,მარლაში შეხვეული ენდრო ჩავდოთ,ხახვის ფურცლები ჩავყაროთ. თუ წითელი ხახვის ფურცლებს ჩავყრით ,მაშინ კვერცხი იღებება მუქი შინდისფრად.

ხახვის ფურცლები გვეხმარება კვერცხის დიდხანს შენახვაში.მოგეხსენებათ,რომ დუღილისას ხახვის ფურცლები გამოყოფენ ანტიბაქტერიულ ნივთიერებებს.ეს ნივთიერებები  ჯდება კვერცხში და გვეხმარება დიდხანს შენახვაში.

კვერცხის შეღებვის წესი :

ხუთშაბათს საღამოს ზემოთ აღნიშნული მეთოდით მომზადებული საღებავიანი ჭურჭელი შემოვდგათ ცეცხლზე და 20-25 წუთი ვადუღოთ.დუღილის პერიოდში ჩავყაროთ მარილი და ჩავასხათ ძმარი.ეს ორი ინგრედიენტი აუცილებელია,რომ კვერცხმა სიმტკიცე შეინარჩუნოს.

მოდუღებული საღებავი გავაგრილოთ და კიდევ 2 ჯერ უნდა მოვადუღოთ.

მესამედ მოდუღების შემდეგ  საღებავის  გაციებას  დაველოდოთ  და კვერცხები წითელ პარასკევს მზის ჩასვლამდე შევღებოთ .

საღებავში ჩავაწყოთ კვერცხები (წყალი ბოლომდე უნდა ფარავდეს).

ვადუღოთ კვერცხები  დაბალ ცეცხლზე 20-25 წუთი.კვერცხის ხარისხიანად შესაღებად ენდროს რაოდენობა გავზარდოთ,ხარშვის დრო კი შევამციროთ.

კვერცხი ადვილად რომ გავფცქვნათ ,შეღებელი  20 წუთი მოვათავსოთ ცივ წყალში .

გაგრილებული კვერცხები გავაცივოთ,გავამშრალოთ  და  სიპრიალისათვის ზემოდან გადავუსვათ ზეთიანი ნაჭერი.

 

 

 

 

 

 

 

 

 

 

 

 

 

 

 

ინგრედიენტები :

500 გრ.ხაჭო

150 გრ.არაჟანი

100 გრ. შაქრის პუდრა

100 მლ. შედედებული რძე

2 კვერცხის გული

150 გრ. ოთახის ტემპერატურაზე დარბილებული კარაქი

60 გრ.ქიშმიში

60 გრ.ფორთოხლისა და ლიმონის ცუკატი

ნიგოზი ცოტა

მწიკვი მარილი.

სანელებლები: მიხაკი,მუსკატის კაკალი, ილი დაფქული დანის წვერით

 

მომზადების წესები :

1.ხაჭო გავატაროთ მეტალის  საცერში.

2.მიქსერით გოგლი – მოგლი მოვამზადოთ,თანმიმდევრობით შევათქვიფოთ კარაქი,არაჟანი და შედეებული რძე.

3.მიღებულ მასა დავასხათ ხაჭოს ,დავაბლენდეროთ,დავუმატოთ ქიშმიში,ნიგოზი  და ჩვენთვის სასურველი ცუკატი.

4.პასკა გადავიტანოთ ფორმაში და მოვრთოთ ჩვენი გემოვნებით.

თუ ფორმა არ გვაქვს ,ავიღოთ არაჟნის ან მაიონეზის 500 გრ პლასტიკის ქილები.ძირში გავუკეთოთ ფართე ზომის 5-6 ჭრილი.ჭრილის ამოჭრა აუცილებელია,რომ  სითხე გარეთ გამოვიდეს.

ფორმა დავდოთ ღრმა თეფშზე ,შიგ  ჩავაფინოთ 2-3 ფენად მარლა,ჩავდოთ პასკა მოვუკრათ თავი,ზემოდან სიმძიმე  მოვათავსოთ.დროდადრო ამ სითხეს ვღვრით.

პასკა მაცივარში შევდოთ დაახლოებით 12-15 საათი.შემდეგ ზემოდან მარლას გადავხსნით,დავაფარებთ თეფშს,ამოვაბრუნებთ და ამის შემდეგ მოვხსნით ფორმას , მარლას.

 

 

 

 

 

 

 

 

ინგრედიენტები :

1,5 კგ.ფქვილი

500 მლ. თბილი წყალი

20 გრ.საფუარი

2 გრ.მარილი

2 კვერცხის გული ზემოდან წასასმელად

შიგთავსი:

1 კგ ჭყინტი ყველი

2 კვერცხის ცილა

მომზადების წესები :

თასში  ფქვილი,საფუარი,მარილი ჩავყაროთ.მშრალი ინგრედიენტები ერთმანეთს კარგად შევურიოთ,თბილი წყალი დავასხათ და თხელი ცომი მოვზილოთ. ცომი დავასვენოთ ნახ. საათი.

ყველი ხელით დავჭყლიტოთ და შევურიოთ 2 კვერცხის ცილა.

ცომისაგან სასურველი ზომის  გუნდები მოვამზადოთ  და თითოეული გავაბრტყელოთ.

გაბრტყელებული ცომის შუაგულში ჩავდოთ ბლომად შიგთავსი,მოვუკრათ პირი,ზემოდან წავუსვათ ათქვეფილი კვერცხის გული და 15 წუთის განმავლობაში გამოვაცხოთ წინასწარ გახურებულ ღუმელში.

 

 

 

 

 

 

 

 

 

 

ინგრედიენტები სამარხვო ბისკვიტისათვის :

130 გრ.ფქვილი

140 გრ.ყავისფერი შაქარი ,შესაძლებელია თეთრიც

60 მლ.ფორთოხლის ფრეში ( ახალგამოწურული წვენი )

1 ფორთოხლის ცედრა.

60 მლ.რაფინირებული ზეთი

150 გრ.მოხალული ნიგოზი

250 გრ.მსხვილ სახეხზე გახეხილი სტაფილო

2 გრ.დარიჩინი

1/3 ჩაის კოვზი მარილი

მომზადების წესები :

ღუმელი წინასწარ გავახუროთ 170 გრადუსზე.

შევურიოთ მშრალი ინგრედიენტები :ფქვილი, მარილი, შაქარი, დარიჩინი, გამაფხვიერებელი.

მშრალ ინგრედიენტებს დავუმატოთ ზეთი,ფორთოხლის წვენი,ფორთოხლის ცედრა.

ფორმაში ჩავაფინოთ ქაღალდი და მასში გადავიტანოთ ცომი.

ბისკვიტი გამოვაცხოთ 170 გრადუსზე 50 წუთი.

ბისკვიტი გავაციოთ, შემოვახვიოთ  პლასტიკი და 12 საათი გავაჩეროთ.

ფორთოხლის მარმელადი:

100 გრ.ფორთოხლის  კანგაცლილი რბილობი

50 მლ.ფორთოხლის ფრეში

4 გრ.პექტინი

ნახევარი ფორთოხლის ცედრა

40 გრ.შაქარი

1/5 ჩაის კოვზი ლიმონმჟავა

მომზადების წესები :

პექტინი და შაქარი შევურიოთ.

ფორთოხლის ცედრა, რბილობი და ფრეში შევურიოთ, შევათბოთ 40 გრადუსამდე, შემდეგ დავუმატოთ შაქარი პექტინთან ერთად, მივიყვანოთ ადუღებამდე ,ვადუღოთ  ცეცხლზე  მხოლოდ 1 წუთი და გადმოვდგათ.

გადავაფაროთ პლასტიკი კონტაქტში და ისე გავაგრილოთ.

სამარხვო კრემი :

500 მლ.წყალი

3 სუფრის კოვზი ფქვილი

150 გრ.შაქარი

ვანილი

100 გრ.მცენარეული კარაქი

150 გრამი სამარხვო ნაღების ფხვნილი გახსნილი 150 მლ წყალში

მომზადების წესები :

შაქარი, ვანილი და ფქვილი შევურიოთ,დავასხათ წყალი და მოვადუღოთ ფაფა.

ფაფა გავაგრილოთ.

ცივ ფაფას შევათქვიფოთ კარაქი.

სამარხვო ნაღების ფხვნილი შევურიოთ ცივ წყალს, ავთქვიფოთ და შემდეგ შევათქვიფოთ  კარაქიანი ფაფა.

სტაფილოს ბისკვიტი გავჭრათ 3 ნაწილად, ფენებს შორის წავუასვათ ფორთოხლის მარმელადი ან კრემი გავაფორმოთ ფორთოხლის ჩიფსებით ან სურვილისამებრ.

 

 

 

 

 

 

 

 

 

 

 

ფუნთუშები, რომლებსაც “აჩმას” უწოდებენ, თურქული სამზარეულოს კლასიკაა.  ამ უგემრიელის ფუნთუშას  ამზადებენ მარტივად და სწრაფად.

ინგრედიენტები:

500 მლ.რძე

12 გრ.საფუარი

3 სუფრის კოვზი შაქარი

100 მლ.ზეთი

700-400 გრ.ფქვილი

მწიკვი მარილი

1კვერცხი ცომისათვის+ 1 კვრცხის გული ზემოდან წასასმელად

100 გრ.კარაქი

მომზადების წესები :

ფქვილი გავცრათ.

თბილ რძეში გავხსნათ საფუარი და შაქარი, დავუმატოთ კვერცხი,ზეთი და მარილი,მოვაყაროთ ფქვილი და მოვზილოთ ცომი.

ცომს გადავაფაროთ საკვების შესაფუთი პარკი და ერთი საათი დაველოდოთ აფუებას.

ამოსული ცომი დავყაოთ გუნდებად.

ერთი ფუნთუშის  მოსამზადებალდ დაგვჭირდება 2 ცალი გუნდა.

გუნდები გავაბრტყელოთ, წავუსსვათ დარბილებული კარაქი და გადავახვიოთ.

ფუნთუშებს წავუსვათ კვერცხის გული,

მოვაყაროთ შავი ქუნჟუთის მარცვლები, გავაჩეროთ 10 წუთი და გამოვაცხოთ 200 გრადუსზე წინასწარ გახურებულ ღუმელში 20 წუთი.

 

 

 

ინგრედიენტები :

1 მსხვილი სტაფილო

2 ცალი ხახვი

2 ცალი ნიახურის ძირი

1 პრასის ღერო

2-3 ტოტი ოხრახუში

2-3  ქონდარი

2-3 ცალი. დაფნის ფოთოლი

4-5  მარცვალი  შავი პილპილი

1 ს.კ. მარილი

მომზადების წესები :

გავასუფთაოთ ხახვი და სტაფილო.

გავრეცხოთ ხახვი, სტაფილო, მწვანილი.

ცტაფილო სიგრძეზე გავჭრათ,ხახვი კი მსხვილად დავჭრათ.

ტაფა ძალიან გავახუროთ და უზეთოტ შევწვათ  ხახვი,სტაფილო,

ქვაბში ჩავასხათ ლიტრანახევარი წყალი. შიგნით ჩავყაროთ მშრალად შემწვარი ბოსტნეული,პრასი და ნიახურის ძირები, ვხარშოთ 30 წუთი.

მოხარშვამდე 3-5 წუთით ადრე ჩავყაროთ დაფნის ფოთლები,ქონდარი,სავი წიწაკის მარცვლები და დავამარილოთ.

ცხელ ბულიონს თავზე დავახუროთ და 1-2 საათი გავაჩეროთ.

ბულიონი გავატაროთ საცერში ან მარლაში .

 

ინგრედიენტები :

1 კგ ძროხის  ძვლიანი ( ტვინიანი)  ხორცი

1 საშუალო ხახვი

ოხრახუშის პატარა ფესვი

1 დიდი სტაფილო

ნახევარი ბულგარული წიწაკა

3-4 შავი წიწაკა

მარილი (დაახლოებით 1 სუფრის კოვზი)

წყალი

მომზადების წესები :

ღუმელის ტაფას მოვასხათ ზეთი,დავაწყოთ ხორცის ნაჭრები და წინასწარ გახურებულ ღუმელში გამოვაცხოთ 10-15 წუთი.

ხორცი  ჩავდოთ ქვაბში,დავასხათ ორი ლიტრა წყალი და  საშუალო ცეცხლზე მოვხარშოთ.პერიოდულად მოვხადოთ ქაფი.

ხახვი  და სტაფილო სიგრძეზე გავჭრათ შუაზე,მშრა ტაფაზე მოვათავსოთ და მსუბუქად შევწვათ.

შემწვარი ბოსტნეული, დაჭრილი ბულგარული, მწვანილი, შავი წიწაკის მარცვლები, გადავიტანოთ ხორციან ქვაბში.წვენი დავამარილოთ.

ბულიონი 2 -2,5 ნახევარი ვხარშოთ  აუცილებლად ძალიან დაბალ ცეცხლზე, რომ მოდუღების შემდეგ გახდეს  გამჭვირვალე.

ბულიონი გავწუროთ,

ხორცს ძვლები მოვაშოროთ და  ჩავწყოთ  ბულიონში.

გრილი ბულიონი შევდოთ მაცივარში და ზემოდან მოყენებული ცხიმი კი  მოვაშოროთ.

მივირთვათ გემრიელად!