საახალწლო ტარტალეტკები ჯემით და მოხარშული ცილოვანი კრემით

ინგრედიენტები :

200 გრ.ფქვილი

100 გრ.მარგარინი

100 გრ.შაქრის პუდრა

4 კვერცხის გული

1 -2 ს.კოვზი ცივი წყალი

მომზადების წესები ;

კვერცხის გულები  მსუბუქად ავთქვიფოთ ,შევურიოთ წყალი.

ფქვილი ჩავყაროთ თასში,ჩავახეხოთ ცივი  მარგარინი ,ხელის თითებით ავაფხვიეროთ,,დავუმატოთ შაქრის პუდრა,შევურიოთ კვერცხის გული და მოვზილოთ სწრაფად ცომი,რომ არ გაგვითბეს.

ცომი შევახვიოთ პლასტიკში და შევდოთ საყინულეში ნახევარი საათი.

ტარტალეტკის  ან ტარტის ფორმებში ჩავდოთ ცომი, ძირი ჩანგლით დავჩხვლიტოთ, ზემოდან დავაფაროთ საცხობი ქაღალდი,დავადოთ სიმძიმე.

ტარტალეტკები ან ტარტი  გამოვაცხოთ 180 გრადუსზე წინასწარ გახურებულ ღუმელში 15 წუთი,შემდეგ მოვაშოროთ სიმძიმე და კვლავ გამოვაცხოთ 5 წუთი.

 

ტარტალეტკები ან ტარტი  გავაგრილოთ ამოვავსოთ  ჯერ  ჯემით ან ლიმონის კრემით, შემდეგ კი მოხარშული ცილოვანი კრემით ,გავაფორმოთ მარწყვით და სხვა კენკროვანებით.

 

ორბელიანის კაკლუჭები და თეთრი, კნატუნა გოზინაყი

ინგრედიენტები:

500გრ.თეთრი ნიგოზი

300 მლ.ღია ფერის თაფლი

40 გრ.შაქრის პუდრა

მომზადების წესები ;

ღუმელი გავახუროთ და შემდეგ  ცეცხლი გამოვრთოთ.

თუნუქის ფირფიტაზე დავყაროთ დარჩეული ნიგოზი და შევდოთ გახურებულ ღუმელში.

ნიგოზი ღუმელში გავაჩეროთ გაგრილებამდე და შემდეგ თითოეულ ლებანს ქერქი დანის წვერით მოვაშოროთ.გაგრძელება წაიკითხეთ 

თავადი ორბელიანის კაკლუჭები

ინგრედიენტები :

500 გრ.ნიგოზი

200- 250 გრ.თაფლი

ვანილი

კარამელი. წაიკითხეთ რეცეპტი

ნიგოზი გავატაროთ,შევურიოთ თაფლი და ვანილი.

გავაკეთოთ 20 გრამიანი  ბურთები,გვერდებზე აქედან და იქედან მივაწეპოთ ნიგვზის ლებნები,დავაწყოთ ბადეზე  და გადავასხათ მოდუღებული კარამელი.

 

 

სადღესასწაულო სალათი ” პატარძალი “

ინგრედიენტები :

400 გრ.ქათმის ფილე

4 კვერცხი

4 კარტოფილი

2 მდნარი ყველი

2  ხახვი

მაიონეზი

გადაფორმებლად:

პომიდვრები,კვერცხები,ზეთის ხილი და მწვანე ხახვი

მომზადების წესები :

ყველი  გამოყენებამდე ერთი საათით ადრე შევდოთ მაცივარში და გავხეხოთ.

კვერცხი მოვხარშოთ .

კვერცხის გული და ცილა ცალცალკე გავხეხოთ .

კარტოფილი მოვხარშოთ მარილიან წყალში და მსხვილ სახეხზე გავხეხოთ.

ქათმის ფილე დავბეგვოთ და ორივე მხრიდან მოვაყაროთ მარილი,წიწაკა, დაფქული : კურკუმა,კარი და ორეგანო .

ფილეს  ორივე მხიდან  ფუნჯით წავუსვათ ზეითუნის ზეთი,შევახვიოთ პერგამენტში .

ქაღალდში შეხვეული ფილე მშრალ ტაფაზე დავდოთ და საშუალო ცეცხლზე  შევწვათ 2-2 წუთი ორივე მხრიდან. ტაფას თავზე არ დავახუროთ.

ხახვი დავჭრათ  წვრილ კუბებად ,დავუმატოთ 1 სუფრის კოვზი მარილი,1 სუფრის კოვზი შაქარი,1 სუფრის კოვზი ძმარი და 10 წუთი გავაჩეროთ დასამარინადებლად.

სალათი  ფენაფენა ავაწყოთ შემდეგი თანმიმდევრობით: კარტოფილი,ქათმის ფილე,ხახვი,სიმინდის მარცვლები,კვეცხის გული და კვერცხის ცილა.ფენებს შორის მოვასხათ მაიონეზი.

ტორტი “რაფაელო “ნუშის და ქოქოსის ბისკვიტით

ინგრედიენტები ნუშის  ბისკვიტისათვის :

125 გრ.ფქვილი

100 გრ.ნუშის ფქვილი

6 კვერცხი

1 ჩ.კოვზი გამაფხვიერებელი

1 ჭიქა შაქრის პუდრა

( თუ კარგი გაზქურა გვაქვს,გამაფხვიერებელი არ უნდა)

ვანილი

მწიკვი მარილი

ბისკვიტის დასანამად :

100-150 გ. ქოქოსის რძე

მომზადების წესები :

კვერცხის ცილისა და შაქრის პუდრისგან მოვამზადოთ ბეზე , მიქსერით შევათქვიფოთ კვერცხის გულები.

მშრალი ინგრედიენტები ერთმანეთში შევურიოთ და ქვემოდან ზემოთ მიმართულებით ნიჩბით შევათქვიаოთ კვერცხის მასას.

ღუმელი გავახუროთ 170 გრადუსზე. 24 სმ დიამეტრის ფორმაში ჩავაფინოთ ქაღალდი,წავუსვათ ცხიმი ფსკერზე და გვერდებზე,

ჩავასხათ ცომი და 40-45 წუთის განმავლობაში გამოვაცხოთ.

ბისკვიტი კარგად გავაციოთ და გავყოთ 3 ნაწილად.

კრემი ტორტი რაფაელოსათვის :

2 ფილა თეთრი შოკოლადი

400 მლ შედედებული რძე

200 გრ.ნაღების კარაქი

70 გრ.ქოქოსის ფანტელები

ორთქლის აბაზანაზე ერთად დავადნოთ კარაქი და  დატეხილი შოკოლადის  ფილა.

მიქსერით შევათქვიფოთ შედედებული რძე და ჩავყაროთ ქოქოსის ფანტელები.

ბისკვიტის ფენები დავნამოთ ქოქოსის რძით,ფენებს  წავუსვათ კრემი და ერთმანეთზე დავალაგოთ.

ტორტს გვერდებზე და ზემოდან მოვაყაროთ ქოქოსის ფანტელები და ასევე გავაფორმოთ დატეხილი ნუშით, მარწყვით.

ინგრედიენტები ქოქოსის ბისკვიტისათვის.მეორე ვერსია

3 კვერცხი

150 გრ.ფქვილი

110 გრ.შაქარი

30 გრ.ქოქოსის ფანტელები

4 გრ.გამაფხვიერებელი

მომზადების წესები :

ავიღოთ 20 სმ დიამეტრის ფორმა

.ღუმელი გავახუროთ 165 გრადუსზე კონვეციით.

კვერცხი და შაქარი ავთქვიფოთ.

ფქვილს შევურიოთ გამაფხვიერებელი.

კვერცხიან მასას დავუმატოთ ფქვილი გამაფხვიერებლით, მოვურიოთ და შემდეგ შევურიოთ ქოქოსის ფანტელები.

გამოვაცხოთ 35-40 წუთი.ქოქოსის ბისკვიტი ფორმაშივე გავაგრილოთ.

ბისკვიტი კარგად გავაციოთ და გავყოთ 3 ნაწილად.

კრემი ქოქოსით:

250 მლ.ქოქოსის რძე

150 ქოქოსის შედედებული რძე

300 მლ.ქოქოსის ნაღები

7 გრ.ჟელატინი+ 35 მლ წყალი

მომზადების წესები :

პირველ რიგში  დავალბოთ ჟელატინი.

შევურიოთ ქოქოსის რძე და შედედებული რძე ერთმანეთში.

ნარევი შევათბოთ და შევურიოთ ჟელეტინი. მასას გადავაფაროთ პარკი კონტაქტში და შევდოთ მაცივარში.

ავთქვიფოთ ქოქოსის ნაღები  მსუბუქად. მასას  უნდა ჰქონდეს გამდნარი ნაყინის კონსისტენცია და  შევურიოთ რძიანი ნარევი.

ავაწყოთ ტორტი.

ფორმა შიგნიდან ავამაღლოთ აცეტატური პარკით. ფსკერზე დავდოთ პირველი ფენა, დავნამოთ ქოქოსის რძით, გადავუსვათ კრემი და ასევე კრემით ამოვავსოთ ფორმასა და ბისკვიტს შორის არსებული სივრცე.

ასეთივე წესით  პირველ ფენაზე  დავაწყოთ დანარჩენი ორ ფირფიტაც.

შევდოთ ტორტი 4-5 საათი მაცივარში.

ტორტი გავაფორმოთ ნუშის ფანტელებით და კანფეტი რაფაელოთი.

რემის მეორე ვერსია :

200 გრ.თეთრი შოკოლადი

1 ს.კოვზი სავსე შაქრის პუდრა

250 გრ.მასკარპონე

50 მლ.ქოქოსის რძე

33-35% ნაღები

50 გრ.ქოქოსის ფანტელები

ნაღები ავთქვიფოთ გასქელებამდე,შევათქვიფოთ შაქრის პუდრა .

ცალკე ავთქვიფოთ მასკარპონე და  დავუმატოთ ორთქლის აბაზანაზე გამდნარი,გაგრილებული შოკოლადი.

თუ ნარევი სქელი გამოგვივა,გავათხელოთ ქოქოსის რძით.

ათქვეფილი ნაღები ნიჩბით შევურიოთ მასკარპონეს და ბოლოს დავუმატოთ ქოქოსის ფანტელები.

 

 

მასტერკლასი.კარამელზე მუშაობა

ინგრედიენტები :

150 გრ.შაქარი

4 ს.კოვზი წყალი

ლიმონმჟავა დანის წვერით

მომზადების წესები :

სქელძირიან ალუმინის ქვაბში ჩავყაროთ შაქარი, ცენტრში დავასხათ ძმარი.

ქვაბი შემოვდგათ მაქსიმალურად მაღალ ცეცხლზე.

შაქარს კოვზით მოვურიოთ.როგორც კი შაქარი გადნება,მორევა შევაჩეროთ.

შაქრის სიროფი უნდა გახდეს ქარვისფერი.

ქვაბის  გვერდებზე გაჩნდება  შაქრის კრისტალები,რომელიც არავითარ შემთხვევაში არ უნდა მოხვდეს სიროფში.

კრისტალები ფრთხილად მოვაშოროთ წყალში დასველებული ფუნჯით.

თუ კულინარიული თერმომეტრი არ გვაქვს,1 ჩ.კოვზი  სიროფი ჩავასხათ  ცივ წყალში. თუ მივიღეთ რბილი ბურთულა,მაშინ ( ტემპერატურა არის 118 გრადუსი) სიროფი მზადაა.

თუ მივიღეთ მკვრივი ბურთულა (ტემპერატურაა 155 გრადუსი),მაშინ კარამელი იქნება კნატუნა.

მუქი ფერის( ტემპერატურა 170 გრადუსი)კარამელს მწარე გემო დაკრავს.

კარამელის მომზადებას სულ ჭირდება 5 წუთი.როგორც კი მოდუღდება,ქვაბი ჩავდოთ  ცივ წყალში.

კარამელში ნიგოზი,თხილი,ხილის ნაჭრები ამოვსვაროთ სანამ ცხელია.

ვაშლი დავჭრათ და შევამშრალოთ ქაღალდის ხელსახოცით.თხილს,ვაშლის  ნაჭრებს ჩავასოთ ჯოხი,ამოვსვაროთ კარამელში და დავალაგოთ პერგამენტის ქაღალდზე.

ნიგვზის ლებნები და თხილი ჩანგლის მეშვეობით ამოვავლოთ კარამელში.

 

ასევე შეგვიძლია გავაკეთოთ კარამელის ძაფები და სხვა ფიგურები.ქაღალდს წავუსვათ ზეთი და კოვზის გამოყენებით ქაოსურად მოვაწუწოთ კარამელი.

მოვამზადოთ კარამელის სპირალი.

კარამელის ბურთი

კარამელის მომზადების მე-2 ვერსია .

150 გრ.შაქარი

75 მლ.ძმარი ან ლიმონის წვენი

ვამზადებთ ისე,როგორც პირველ ვერსიაში

 

არამელის მომზადება გლუკოზით.მე-3 ვერსია

570.გრ.შაქარი

20 გრ.წყალი

115 გრ.გლუკოზა

1 სუფრის კოვზი გლუკოზა არის 15 გრ.

ვამზადებთ ისე , როგორც  პირველ ვერსიაში.ამ რეცეპტით მომზადებული კარამელი გამოიყენება ორბელიანის კაკლუჭების გასაკეთებლად .

” ხარის წელი ” – საახალწლო სალათი

ინგრედიენტები :

400 გრ.ქათმის ფილე

4 კვერცხი

4 კარტოფილი

2 მდნარი ყველი

2  ხახვი

მაიონეზი

გადაფორმებლად:

პომიდვრები,კვერცხები,ზეთის ხილი და მწვანე ხახვი

მომზადების წესები :

ყველი  გამოყენებამდე ერთი საათით ადრე შევდოთ მაცივარში და გავხეხოთ.

კვერცხი მოვხარშოთ .

კვერცხის გული და ცილა ცალცალკე გავხეხოთ .

კარტოფილი მოვხარშოთ მარილიან წყალში და მსხვილ სახეხზე გავხეხოთ.

ქათმის ფილე დავბეგვოთ და ორივე მხრიდან მოვაყაროთ მარილი,წიწაკა, დაფქული : კურკუმა,კარი და ორეგანო .

ფილეს  ორივე მხიდან  ფუნჯით წავუსვათ ზეითუნის ზეთი,შევახვიოთ პერგამენტში .

ქაღალდში შეხვეული ფილე მშრალ ტაფაზე დავდოთ და საშუალო ცეცხლზე  შევწვათ 2-2 წუთი ორივე მხრიდან. ტაფას თავზე არ დავახუროთ.

ხახვი დავჭრათ  წვრილ კუბებად ,დავუმატოთ 1 სუფრის კოვზი მარილი,1 სუფრის კოვზი შაქარი,1 სუფრის კოვზი ძმარი და 10 წუთი გავაჩეროთ დასამარინადებლად.

სალათი  ფენაფენა ავაწყოთ შემდეგი თანმიმდევრობით: კარტოფილი,ქათმის ფილე,ხახვი,სიმინდის მარცვლები,კვეცხის გული და კვერცხის ცილა.ფენებს შორის მოვასხათ მაიონეზი.

გავაფორმოთ პომიდვრებით ან კვერცხებით.

 

 

 

 

 

 

 

 

ფლავი ხორცით და კომშით

ინგრედიენტები :

500 გრ. საქონლის ან ცხვრის ხორცი

500 გრ.ბრინჯი

150 გრ.ცხიმი ან 120 მლ.ზეთი

1 თავი ნიორი

1 სტაფილო

ნახევარი კილო კომში

1 სუფრის კოვზი შაქარი

მარილი,წითელი დაფქული წიწაკა,ძირა გემოვნებით

მომზადების წესები :

ყაზანში ან თუჯის ქვაბში  ჩავასხათ   ზეთი  და მოვხრაკოთ ხახთან ერთად  კუბებად დაჭრილი ხორცი.

ხორცი,რომ დარბილდება დავამატოთ წვრილად დაჭრილი სტაფილო და ვშუშოთ სტაფილოს ფერშეცვლამდე.

ხორცს მოვაყაროთ მარილი,წიწაკა,ძირა ,დავასხათ 5 ჭიქა წყალი,ჩავდოთ 1 თავი ნიორი და წამოვადუღოთ.

კომში გავთალოთ,გული გამოვუღოთ და დავჭრათ.

ცალკე ტაფაზე დავასხათ ზეთი,დავყაროთ კომშის ნაჭრები,მოვაყაროთ შაქარი და  ცოტა ძირა ,დავახუროთ თავსახური და შევწვათ.

შემდეგ  ჩავყაროთ ბრინჯი , ცოტა რომ მოიხარშება ,დავაწყოთ კომშის ნაჭრები ,დავადოთ სიმძიმე და დაველოდოთ სითხის დაშრობას.მომზადების პერიოდში ერთხელ ამოვურიოთ. სუფრასთან მიტანის წინ მოვაყაროთ მწვანილი.

სულ ესაა.გემრიელად მიირთვით!

 

ლეგენდარული ტორტი ” წითელი ხავერდი “

ინგრედიენტები :

100 გრ. კვერცხი

150 გრ. იოგურტი ან კეფირი

170 გრ. შაქარი

70 გრ. ნაღების კარაქი

3 გრ. გამაფხვიერებელი

3 გრ. სოდა

5გრ. კაკაო

წითელი საღებავი ( მარწყვი+ ჟოლო 2: 1)

მომზადების წესები :

კარაქი ცეცხლზე გავადნოთ.

კვერცხი ავთქვიფოთ შაქართან ერთად  და ამ ეტაპზე ჩავყაროთ წყალში ხსნადი საღებავი.

ფქვილში შევურიოთ სოდა,გამაფხვიერებელი და კაკაო. მიაქციეთ ყურადღება, აუცილებლად შეიძინეთ 20 %  ალკალიზირებული კაკაო  ( აწერია შეფუთვაზე).ალკალიზირებული კაკაო ბისკვიტს აძლევს კარგ ფერს და  თერმული დამუშავებისას არ კარგავს არომატს,გემოს და ფერს.

წითლად შეღებელ  და გათქვეფილ შაქრიან კვერცხს შევურიოთ თბილი კარაქი და ოთaხის ტემპერატურის კეფირი.

ნაზავს შევათქვიფოთ ფქვილი   და გადავიტანოთ 18 სმ დიამეტრის ცხიმწასმულ   ფორმაში.

ფორმას დავაფაროთ პერგამენტის ქაღალდი,დავადოთ ზემოდან პატარა ზომის თუნუქის ფირფიტა და სიმძიმე.ასე ვიქცევით იმიტომ,რომ ბისკვიტს ქონდეს სწორი ზედაპირი.

გამოვაცხოთ 165 ( 325 F)  გრადუსზე 40 წუთი.

მარწყვის გულსართი:

200 გრ.მარწყვის პიურე სახამებელი

20 გრ.ლიმონის წვენი და 1 ლიმონის ცედრა

50 გრ. შაქარი

12 გრ.სიმინდის სახამებელი

6 გრ.ჟელატინი

30 მლ.წყალი

მომზადების წესი :

მარწყვის პიურეში შევურიოთ შაქარი,ლიმონის ფრეში და სახამებელი ,მოვადუღოთ.

მოდუღებულ მასა დავუმატოთ წინასწარ დამბალი და აფუებული ჟელატინი.

გულსართი პიურე გავყოთ 2 ნაწილად

16სმ. დიამეტრის რკალს ( 2 ცალი) შემოვახვიოთ საკვები პარკი და ჩავასხათ გულსართი და შევდოთ მაცივარში რამდენიმე საათი.

კრემ –  ჩიზი:

150 გრ.მასკარპონე

250 გრ.კრემ ყველი

400 გრ. 30 % ნაღები

100 გრ.შაქრის პუდრა

მომზადების წესები :

მომზდების წესები :

ძალიან ცივი კრემყველი  და მასკარპონე  საშუალო სიჩქარეზე ავთქვიფოთ  პუდრასთან ერთად.

შევათქვიფოთ ძალიან ცივი ნაღები.

კრემი ავთქვიფოთ მიქსერით ძალიან დაბალ სიჩქარეზე ცოტა ხნით,რომ მასა არ გათხელდეს.

ტორტის აწყობა :

ბისკვიტი გავყოთ 4 ნაწილად. ერთი ნაწილი დავაქუცმაცოთ და გამოვიყენოთ დეკორისათვის.

ბისკვიტს ფენებს შორის წავუსვათ კრემი და მათ შორის მოვათავსოთ მარწყვის პიურეს გულსართი . კრემი ასევე წავუსვათ ზემოდან და გვერდებზე, მოვაყაროთ ნამცეცები და გავაფორმოთ მარწყვით ან  ჩვენი გემოვნებით.

 

 

 

 

 

 

შვეიცარული მერენგა – საახალწლო ნაძვის ხე,თოვლის ბაბუა

ინგრედიენტები :

180 გრ.კვერცხის ცილა

180 გრ.შაქარი

180 გრ.შაქრის პუდრა

ქოქოსის ფანტელები

კულინარიული საღებავი

მომზადების წესები :

თასში კვერცხის ცილას შევურიოთ შაქარი და პუდრა.

ორთქლის აბაზანაზე შემოვდოთ თასი, ისე რომ ფსკერი არავითარ შემთხვევაში არ უნდა ეხებოდეს წყალს და ვურიოთ მანამდე ,სანამდე შაქარი არ გადნება.ხელით მოვსინჯოთ.თუ შაქრის კრისტალები ვერ ვიგრძენით ,მაშინ მზად არის

კვერცხის ცილა ავთქვიფოთ მყარ პიკამდე.

მომზადებული შვეიცარული მერენგა გადავიტანოთ საკონდიტრო ტომარაში და ქაღალდდაფენილ თუნუქის ფირფიტაზე დავსვათ ნაძვის  ხეები,თოვლის ბაბუები.

შესაძლებელია ,რომ ბეზე შევღებოთ ნებისმიერი ფერით.

თოვლის ბაბუები მოვხატოთ კულინარიული საღებავებით

 

მერენგას  ნაძვის ხეს  მოვაყაროთ  სხვადასხვა ფერის ქოქოსის ფანტელები და 90 გრადუსზე  გამოვაშროთ1,5-2 საათი.

მარწყვის ტორტი რიცხვი დაბადების დღისათვის

ინგრედიენტები :

190 გრ.ფქვილი

50 გრ.კარაქი

1 კვერცხი

80 გრ.შაქარი

40 გრ.თაფლი

0,5 ჩაის კოვზი სოდა

მწიკვი მარილი

კრემისათვის;

300 გრ.ნაღების ყველი

200 გრ. ნაღები 33%

200 გრ. თეთრი შოკოლადი

მარწყვის ან ჟოლოს კომფიტიურისათვის;

მარწყვის ან ჟოლო 100 გრ. პიურე

1 ჩაის კოვზი სიმინდის სახამებელი

1 სუფრის კოვზი შაქარი

მომზადების წესები :

ქვაბში შევურიოთ შაქარი, კვერცხი, თაფლი, მარილი, მივიღოთ ერთგვაროვანი მასა და შემდეგ შევურიოთ კარაქი.

ქვაბს საშუალო ცეცხლზე ვდებთ, მუდმივად ვურევთ, ნარევს ვადუღებთ. გადმოდგათ ცეცხლიდან და დავამატოთ  სოდა, ავურიოთ – მასა უნდა გაიზარდოს მოცულობით. დაველოდოთ, სანამ ნარევი გაცივდება ოთახის ტემპერატურაზე, რის შემდეგაც დავამატებთ გაცრილი ფქვილის ნახევარს და მოვურიოთ , სანამ გლუვი არ გახდება.

დავყაროთ ფქვილის მეორე ნახევარი სამუშაო ზედაპირზე, ხელებით მოვზილოთ ცომი.,შევახვიოთ პარკში  და ჩავდოთ მაცივარში 2 საათის განმავლობაში (შეგვიძლიამთელი ღამის განმავლობაში).

ცომი გაცივების შემდეგ, გავყოთ  2 ნაწილად და  პერგამენტის ქაღალდზე გავაბრტყელოთ 3-4 მმ სისქის ფენად.  ცომს მოვაყაროთ ფქვილი , ზემოდან  დავადოთ  შაბლონი  და გამოვჭრათ  სასურველი რიცხვი.

ზედმეტი ცომი ავიღოთ . ცომის ციფრი ჩანგლით დავჩხვლიტოთ ,რომ არ დაიბუშტოს ცხობისას .ქაღალდი გადავიტანოთ საცხობ ფირფიტაზე და  წინასწარ გახურებულ ღუმელში 170 გრადუსზე გამოვაცხოთ .

გამომცხვარი ფირფიტა გავაგრილოთ ჯერ ქაღალდზე და შემდეგ ბადეზე.

კრემის მომზადება;

ნაღები  მიიყვანეთ ადუღებამდე, მაგრამ არ აადუღოთ.

ცხელი ნაღები დავასხათ შოკოლადს და დავაბლენდეროთ გადა ავაფაროტ საკვები პარკი და შევდოთ  მაცივარში 8 საათის განმავლობაში ან მთელი ღამე.

ამის შემდეგ ცივი შოკოლადის განაში და კრემყველი ერთად ავთქვიფოთ მიქსერით. კრემი გადავიტანოთ  საკონდიტრო ტომარაში .

მარწყვის ან ჟოლოს კონფიტიური

საქარი და სახამებელი შევურიოთ ერთმანეთს  და დავუმატოთ  მარწყვის ან  ჟოლოს  ცივ პიურეს.

ნარევი შემოვდგათ საშუალო ცეცხლზე და 1-2 წუთი მოვადუღთ,ვურიოთ განუწყვეტლივ.

კონფიტიური გადავნიტანოთ საკონდიტრო ტომარაში.

პირველ ფირფიტაზე კრემი დავსვათ “წვეთებად’ და მათ შორის მოვათავსოთ კონფიტიურის “წვეთები”.დავაფაროთ მეორე ფირფიტა და მოვრთოთ კრემით,  მარწყვით და სხვა ზაფხულის ხილით.