ტაფაზე გამომცხვარი ხაჭაპური

ინგრედიენტები ( პირველი ვერსია) :

200 გრ.მაწონი

25-50 მლ. (მინერალური წყალი)

ნახევარი ჩაის კოვზი ძმრით

300  – 400 გრ. ფქვილი

მარილი

ინგრედიენტები შიგთავსისათვის:

2 კვერცხი

250 გრ.სულგუნი

300 გრ.იმერული ყველი

მომზადების წესები :

ფქვილს მოვაყაროთ მარილი.

მინერალური წყალი და მაწონი შევურიოთ,დავუმატოთ სოდა ძმრით.

სითხე დავასხათ ფქვილს და წრიული მოძრაობებით მოვზილოთ ცომი.

ცომი ოდნავ უნდა ეწეპებოდეს ხელს.

ცომს გადავაფაროთ და გავაჩეროთ ნახევარი საათი ოთახის ტემპერატურაზე.

მოვამზადოთ გულსართი :

ყველი გავხეხოთ ან გავატაროთ ხორცსაკეპში,შევურიოთ კვერცხი.

ცომი და ყველი დავყოთ ერთნაირი რაოდენობის გუნდებად.

ცომის გუნდა გავაბრტყელოთ,ჩავდოთ ყველის ერთი გუნდა,მოვუკრათ პირი და შევწვათ გახურებულ  ტაფაზე ორივე მხრიდან.ზემოდან გადავუსვათ ცხიმი.

ინგრედიენტები ცომისთვის ( მეორე ვერსია)

250 მლ. მინერალური( გაზიანი ) წყალი

2 კვერცხი

1 სუფრის კოვზი შაქარი

2 სუფრის კოვზი ზეთი

ნახევარი ჩაის კოვზი მშრალი საფუარი

ფქვილი რამდენსაც შეიზელს

მომზადების წესები :

ნახევარ ჭიქა მინერალურ წყალში გავხსნათ საფუარი , ნახევარი სუფრის კოვზი შაქარი .დაველოდოთ აქაფებას.

თასში ჩავასხათ ოპარა,ზეთი,ჩავახალოთ კვერცხი,ჩავყაროთ მარილი,შაქარი,შევაზილოთ ფქვილი და მოვზილოთ ელასტიური ცომი.

ცომი ოდნავ უნდა ეწეპებოდეს ხელს.

ცომს გადავაფაროთ და გავაჩეროთ ნახევარი საათი ოთახის ტემპერატურაზე.

მოვამზადოთ გულსართი :

ყველი გავხეხოთ ან გავატაროთ ხორცსაკეპში,შევურიოთ კვერცხი.

ცომი და ყველი დავყოთ ერთნაირი რაოდენობის გუნდებად.

ცომის გუნდა გავაბრტყელოთ,ჩავდოთ ყველის ერთი გუნდა,მოვუკრათ პირი და შევწვათ გახურებულ  ტაფაზე ორივე მხრიდან.ზემოდან გადავუსვათ ცხიმი.

 

 

თეთრი ბლის კომპოტი

ინგრედიენტები :

წყალი – რამდენიც საჭიროა ქილების ასავსებად.

შაქარი -350 გრ.ერთ ლიტრა წყალზე.

თეთრი ბალი

მომზადების წესები :

გარეცხილი, გასუფთავებული ,ყუნწმოცლილი  თეთრი ბლებით ავავსოთ 1/4 ნაწილი 3 ლიტრიანი ქილის,დავასხათ ქაფქაფა ცხელი წყალი,ავავსოთ ბოლომდე ,დავაფაროთ თავსახური და დაველოდოთ გაგრილებას.

ნაყენი გადმოვასხათ ,დავუმატოთ შაქარი და მოვადუღოთ სიროფი.

სიროფით  ბოლომდე  3 ლიტიანი ქილა ავავსოთ  , გავუკეთოთ 10 წუთი სტერილიზაცია , მოვხუფოთ.ქილები, გადმოვაბრუნოთ და ისე გავაციოთ.შევინახოთ ზამთრისათვის გრილ ადგილას.

 

 

 

იაპონური ბისკვიტი კასტელა

ინგრედიენტები :

100 გრ.ფქვილი

100 გრ.კარაქი

100 გრ.შაქარი

100 მლ.რძე

6 კვერცხი

ინგრედიენტები მოცემულია 24 სმ დიამეტრის ფორმისთვის

მომზადების წესები :

კვერცხის ცილა და გული გავაცალკავოთ.

ფქვილი გავცრათ.

კარაქს რძე დავასხათ და გავალღოთ,სათქვეფით შევურიოთ ჯერ ფქვილი,შემდეგ რიგრიგობით კვერცხის გულები,ბოლოს კი ვანილი.

ცილისგან და შაქრისგან ამოვიყვანოთ ბეზე.

ბეზეს ხის კოვზით ( მიქსერი არ გამოიყენება) შევურიოთ ფქვილიანი მასა.

ფორმას შიგნიდან შემოვაყოლოთ საცხობი ქაღალდი,გარედან კი ფოლგა შემოვახვიოთ.

ფორმაში ჩავასხათ ცომი,მოვათავსოთ უფრო დიდ ფორმაში,ჩავასხათ პატარა ფორმის ნახევრამდე ცხელი წყალი.

ვაცხობთ 150 გრადუსზე 50-55 წუთი.

მარწყვის და ჟოლოს ვარდისფერი რულეტი

ინგრედიენტები  მარწყვის ბისკვიტისათვის :

160 გრ.ფქვილი

150 გრ.შაქარი

3 კვერცხი

6 გრ.გამაფხვიერებელი

მწიკვი მარილი

45 მლ. მზესუმზირას ან ქოქოსის ზეთი ან გამდნარი კარაქი

ვანილი

200 გრ.მარწყვი( სუფთა წონა)

1 წვეთი წითელი საღებავი

ღუმელის ტაფა 42×24 სმ

მომზადების წესები :

მარწყვი დავაბლენდეროთ.

კვერცხის გულები,ზეთი,ვანილის ექსტრაქტი,მარწყვის პიურე,1/3 შაქარი,მწიკვი მარილი ავქვიფოთ მიქსერით 5-7 წუთი.ბოლოს დავუმატოთ წითელი საღებავი.

მიღებულ მასაში ორ ეტაპად ჩავყაროთ ფქვილი გამაფხვიერებელთან ერთად.

ცალკე ავთქვიფოთ ცილა,შევათქვიფოთ დარჩენილი შაქარი. ეს ორი მასა გავაერთიანოდ.

ღუმელის ტაფაზე დავაფინოთ ქაღალდი,წავუსვათ ცხიმი ,დავასხათ ცომი და შევდოთ 190 გრადუსზე გახურებულ ღუმელში გამოსაცხობად 15-20 წუთი.

გამომცხვარ ბისკვიტს მოვაშოროთ ქაღალდი,გადავაფაროთ სუფთა ტილო,გადავახვიოთ რულეტივით და ასევე  გაგრილდეს.

მოვამზადოთ კრემი ჩიზი.

200 გრ ნაღების ყველი
130 გრ. ცივი ნაღები  32-35%
50 გრ შაქარი პუდრა (40 გრ ყველისთვის და 10 გრ. ნაღებისათვის )
1/2 ლიმონის ცედრა ან 10-15 მლ ლიმნის წვენი
1 ჩ.კ. ვანილის ექსტრაქტი ან პასტა

მომზადების წესები :

ყველი,შაქრის პუდრა.ვანილის ექსტრაქტი და ცედრა ერთად ავთქვიფოთ.

ცალკე ავთქვიფოთ ცივი ნაღები შაქრის პუდრასთან ერთად.

ეს ორი მასა  ნიჩბით ორ ეტაპად შევურიოთ.

ბისკვიტი გავშალოთ,გვერდები ჩამოვაჭრათ,წავუსვათ კრემი ჩიზი,მოვაყაროთ დაჭრილი მარწყვი და გადავახვიოთ ისევ რულეტივით.

რულეტი ზემოდან გააფორმეთ სურვილისამებრ.

 

 

 

 

 

 

 

 

ღუმელში გამომცხვარი ქათამი ბრინჯის,სოკოს , ჩირის სატენით და კარტოფილის გარნირით

ინგრედიენტები :

ერთი 2 კილოგრამიანი ქათამი

300 გრ.სოკო

5 -6 გარგრის ჩირი

70 გ.თხილი,ქეშიუ ან ნიგოზი

2 მუჭა ბრინჯი

1 თავი ხახვი

3 კბილი ნიორი

70 გრ.კარაქი

50 მლ.ზეთი

მომზადების წესები :

სოკო  საშუალო ზომებად დავჭრათ.

ხახვი გავფცქვნათ,დავჭრათ გრძლად.

ნიორი დავჭრათ.

მაღალ ცეცხლზე შემოვდგათ საშუალო ზომის ტაფა.მასში გავადნოთ კარაქი,დავასხათ ზეთი და  ჩავყაროთ ხახვი,ნიორი და სოკო . შემდეგ დავაყაროთ დაჭრილი ნიგოზი და გარგრის ჩირი.სოკო ბოლომდე არ უნდა შეიწვას,უნდა გამოცხვეს ქათამში.მოვაყაროთ 2 მუჭა ბრინჯი.

შიგთავსი გადავიტანოთ სხვა ჯამში და დაველოდოთ გაცივებას.

ტაფაზე გავადნოთ კარაქი.

ღუმელის ტაფაზე მოვასხათ ზეთი,გადავიტანოთ ქათამი,ამოვავსოთ შიგთავსით,ფეხები კარგად შევუკრათ ალუმინის ქაღალდით,ზემოდან გადავუსვათ გამდნარი კარაქი და შევდოთ ღუმელში გამოსაცხობად.

ვაცხობთ 190 გრადუსზე ზედა და ქვედა წვაზე დაახლოებით  ერთი საათი და 25 წუთი.

კარტოფილის გარნირი:

5-6  კარგად გარეცხილი კარტოფილი ქერქიანად დავჭრათ კუბებად,ჩავყაროთ თასში.

კარტოფილს მოვაყაროთ : ერთი მწიკვი წითელი წიწაკა,მარილი გემოვნებით,  ერთი გრამი როზმარინი,ერთი გრამი შაშკვლავი, 5 კბილი გახეხილი ნიორი,მოვასხათ კარაქი და ზეთი.

სანამ კარტოფილს მოვაყრით ქათამს,გადავუსვათ გამდნარი კარაქი.

ქათამს ირგვლივ კარტოფილი მოვაყაროთ ნახევარი საათით ადრე და გამოვაცხოთ.

წყარო: იუთუბი,გადაცემა გურმანია,2015 წელი.

 

 

 

 

მარწყვის ტორტი ” წითელქუდა “

ინგრედიენტები :

6 კვერცხიანი ბისკვიტი( წაიკითხეთ რეცეპტი)

არაჟნის სუფლე:

450 გრ.არაჟანი

2 კვერცხის ცილა( 60-70გრ)

10 გრ.ვანილი

90 გრ.შაქარი

30 გრ.სიმინდის სახამებელი

ხილის შემავსებელი:

200 გრ.მარწყვი

25 გრ .შაქარი

4 გრ.ჟელატინი

30 მლ.წყალი

დეკორი:

მარწყვი ან ჟოლო,მაყვალი,წითელი მოცხარი

მომზადების წესები :

გამოვაცხოთ ბისკვიტი.

ბისკვიტს გამოვაჭრათ გული ისე,რომ მიიღოს ჯამის (კალათის) ფორმა.შევეცადოთ,რომ ბისკვიტის ჯამის კედლები იყოს  5 მმ სისქის.

ბისკვიტის თასი ჩავდოთ იგივე ფორმაში,რომელშიც გამოვაცხვეთ.

ბისკვიტის ნამცეცები შევინახოთ და მოვამზადოთ ტრაიფლი.

არაჟანს დავუმატოთ შაქარი და სახამებელი.

კვერცხის ცილისა და შაქრიაგან მოვამზადოთ ბეზე.

ბეზე ორ ულუფად შევურიოთ არაჟნის მასას.

ბისკვიტის ჯამი  შევავსოთ არაჟნის მასით.

 

ფორმას გარედან შემოვახვიოთ ფოლგა, რომ  ღუმელში არ დაგვეწვას.

ბისკვიტი გამოვაცხოთ 140 გრადუსზე 60 წუთი (შუა თარო )კოვნერსიის გარეშე.გამოცხობის შემდეგ ღუმელის კარები გამოვაღოთ,გავაჩეროთ 30 წუთი.

ბისკვიტი ბოლომდე გავაგრილოთ,გადავაფაროთ პლასტიკი და მაცივარში შევინახოთ 10 საათი.

ჟელატინს დავასხათ წყალი და გავაჩეროთ ასაფუებლად.

მარწყვი დავაბლენდეროთ,შემოვდგათ ცეცხლზე და ადუღებიდან 1 წუთის განმავლობაში ვხარშოთ.

ცხელ მარწყვის პიურეში გავხსნათ შაქარი და ჟელატინი.

მარწყვები ლამაზად დავჭრათ.

ტორტზე დავაწყოთ მარწყვის ნაჭრები,მოვასხათ პიურე.

 

 

 

 

 

ხაჭოს მაჭკატები გარგრით

ინგრედიენტები :

1 კვერცხი

500 გრ.ხაჭო

100 გრ.ფქვილი

5 ს.კოვზი შაქარი

მწიკვი დარიჩინი

ნახევარი ჩაის კოვზი გამაფხვიერებელი

300 გრ.გარგარი

მომზადების წესები :

ხაჭო,შაქარი,კვერცხი,ფქვილი,გამაფხვიერებელი,დარიჩინი შევურიოთ ერთმანეთს და მოვზილოთ ცომი.

გარგარი გავყოთ შუაზე,გამოვუღოთ კურკა.

გარგრის ლებნები ჩავყაროთ ცხელ სიროფში,ვხარშოთ 1-2 წუთი და შემდეგ დავწრიტოთ .

ხაჭოს ცომისგან მოვამზადოთ ბურთულები,რომლის შუაშიც მოვათავსებთ გარგრის ლებანს.

ხაჭოს მაჭკატები გარგრით ამოვსვაროთ ფქვილში ,გავაჩეროთ 5 წუთი და შევწვათ ზეთში ტაფაზე.

ღუმელში გამომცხვარი ხაჭოს მაჭკატები გარგრით

300 გრ.ხაჭო

2 კვერცხი

50 გრ.ფქვილი

50 გრ.შაქარი

1/3  ჩაის კოვზი გამაფხვიერებელი

გარგარი

მომზადების წესები :

ხაჭო და კვერცხი ჩანგლით ავსრისოთ.შემდეგ შევათქვიფოთ შაქარი,ფქვილი,გამაფხვიერებელი.

გარგარი გამრეცხოთ,გავამშრალოთ,კურკა გამოვუღოთ და გავყოთ შუაზე.

ღუმელის ტაფაზე დავაფინოთ ქაღალდი, მოვუსვათ ცხიმი, დაშორებებით დავდოთ 1 ს.კოვზი ცომი,ზემოდან  თითოეულში მოვათავსოთ გარგრის  ლებანი.

გარგარს ზემოდან  დავადოთ  1 სუფრის კოვზი ცომი.

ხაჭოს მაჭკატები 180 გრადუსზე გახურებულ ღუმელში გამოვაცხოთ დაახლოებით 20 წუთი,ბოლო 5 წუთი ავიტანოთ ზედა თაროზე,რომ ცხობისას გაიკეთოს ქერქი.

ხაჭოს მაჭკატები მივირთვათ ცხელი არაჟანთან ერთად.

 

 

 

როგორ მოვამზადოთ მდოგვი მარტივად სახლის პირობებში: 2 განსხვავებული რეცეპტი

როგორ მოვამზადოთ მდოგვი ფხვნილისაგან

ინგრედიენტები :

100-120 მლ. ცხელი წყალი,ტემპარატურა არ უნდა აღემატებოდეს 45 გრადუსს.

2 სუფრის კოვზი მდოგვის ფხვნილი

1,5 ჩ.კოვზი შაქარი

1,5-2 ჩ.კოვზი ზეთი

1/2 ჩ.კოვზი მარილი

1 სუფრის კოვზი ძმარი

 

მომზადების წესები :

პირველ რიგში მინის ქილაში  ( 200 გრ ) ჩავასხათ ზეთი,შემდეგ დავაყაროთ მდოგვის ფხვნილი,შაქარი,მარილი,მოვურიოთ და ნელნელა დავასხათ ცხელი წყალი ,თან ვურიოთ.ნაზავს ბოლოს დავუმატოთ ძმარი ან ლიმონის წვენი,დავახუროთ თავსახური და 3-4 საათი შევინახოთ თბილ ადგილას.

ამის შემდეგ შევინახოთ მაცივარში.

მაცივარში მდოგვი ინახება ერთი თვე.

როგორ მოვამზადოთ დიჟონის  მდოგვი მარცვლებისაგან – ფრანგული სამზარეულო

ინგრედიენტები  და მომზადების წესები :

250 გრ.მდოგვის მარცვალი

1/2 სუფრის კოვზი ვაშლის წვენი

1/2 სუფრის კოვზი ვაშლის ძმარი

მდოგვის მარცვლებს მოვასხათ ვაშლის წვენი,ვაშლის ძმარი ,გადავაფაროთ პლასტირი და 48 საათი შევინახოთ მაცივარში.

მიღებულ მასას დავუმატოთ შემდეგი ინგრედიენტები :

2 ს.კოვზი თაფლი

20 გრ.შაქარი

1 ჩ.კოვზი მარილი

2 ს.კოვზი ვაშლის ძმარი

მიღებული ნარევი შემოვდგათ  დაბალ ცეცხლზე  2 წუთი,გადმოვდგათ.

მთლიან მასას მოვაკლოთ 1/3 ,რომელსაც დავნაყავთ და ისევ ჩავამატებთ ძირითად მასაში.

მდოგვი ინახება მაცივარში1,5-2 თვე.

 

 

 

 

 

 

როგორ მოვამზადოთ ვაშლის მდოგვი სახლის პირობებში

ინგრედიენტები :

120 გრ.ვაშლის პიურე ( 3 დიდი ზომის ვაშლი)

2 სუფრის კოვზი( 10 გრ) მდოგვის ფხვნილი

1 ს.კოვზი თაფლი

3 ს.კოვზი სახლის პირობებში მომზადებული  ძმარი

3  მიხაკის მარცვალი

ნახევარი ჩაის კოვზი დარიჩინი

 

მომზადების წესები :

ვაშლები  180 გრადუსზე გახურებულ ღუმელში 30 წუთი გამოვაცხოთ.

გამომცხვარი ვაშლები გავაგრილოთ,ქერქი და გული მოვაშოროთ .

გამომცხვარი რბილობი ცალკე  ღრმა თასში ჩავდოთ.

ალუმინის ტაფა-ქვაბში ჩავასხათ ძმარი,დავუმატოთ მიხაკი,დარიჩინი და მივიყვანოთ ადუღებამდე.

გამომცხვარ რბილობს შევურიოთ მდოგვის ფხვილი და დავაბლენდეროთ.

მასას შევურიოთ მოდუღებული ძმარი,თაფლი და ისევ დავაბლენდეროთ.

 

ხორცის რულეტი გარგრის,შავი ქლიავის ჩირით – სადღესასწაულო კერძი

ინგრედიენტები :

700 ღორის რბილი ხორცი( საქონლის ,ქათმის ,ინდაურის ფილე)

100 გრ.ქლიავის ჩირი

100 გრ.გარგრის ჩირი

5-10 გრამი ხმელი სუნელი

40 გრ.ტკბილი ვაშლის  მდოგვი

მარილი გემოვნებით

მომზადების წესები :

ღორის ხორცი მსუბუქად დავბეგვოთ ორივე მხირდან.

ხორცს ერთი მხრიდან მოვაყაროთ მარილი და ხმელი სუნელი,ხოლო მეორე მხრიდან წავუსმევთ  ტკბილ ვაშლის  მდოგვს( წაიკითხე რეცეპტი)და გავაჩერებთ დასამარინადებლად 30 წუთი ოთახის ტემპერატურაზე.

ჩირს დავასხათ ქაფქაფა ცხელი წყალი და გავაჩეროთ 15 წუთი.

ხორცის ნაჭრებზე(მდოგვის მხარე) დავაწყოთ გარგრის ან შავი ქლიავის ჩირი და გადავახვიოთ რულეტივით.

ტაფა გავახუროთ,დავასხათ ზეთი , დავაწყოთ რულეტები( ნაკეცით  ქვემოთ) და შევწვათ.

ნახევრად მომზადებული რულეტები გადავიტანოთ ფორმაში,გადავაფაროთ ფოლგა და 180 გრადუსზე გახურებულ ღუმელში დავასრულოთ გამოცხობა.