იტალიური დესერტი პანაკოტა

ინგრედიენტები :

500 მლ 35% ნაღები

1 ვანილის ჩხირი ან შაქრიანი ვანილი

130 მლ.რძე

50 გრ.შაქარი

10 გრ.ჟელატინი

50 მლ.წყალი

ხილის სოუსი :

250 გრ.ხილი

1,5 ჭიქა შაქარი

1 ჭიქა წყალი

ვანილი

ჟელატინს დავასხათ წყალი და 15 წუთი გავაჩეროთ ასაფუებლად.

ალუმინის ქვაბში ჩავასხათ ნაღები ,დავუმატოთ რძე, შაქარი , ვანილი და გავაცხელოთ.

ნარევი არ უნდა მივიყვანოთ ადუღებამდე.

ცხელ ნაღებში ჩავდოთ აფუებული ჟელატინი.

პანაკოტა ჩავასხათ მინის ჭიქაში, გადავაფაროთ პლასტიკი და 1 საათი შევდოთ მაცივარში.

ხილის სოუსი:

1 ჭიქა წყალში ჩავყაროთ შაქარი და მოვადუღოთ.სიროფი ვადუღოთ 10 წუთი.

ცხელ სიროფში ჩავყაროთ ხილი,დავახუროთ თავსახური და გავაციოთ.

პანაკოტას ჭიქიდან ამოსაღებად,ჭიქა 1-2 წუთი მოვათავსოთ ორთქლის აბაზანაზე,დავაფაროთ

თეფში და გადმოვაბრუნოთ.პანაკოტა გავაფორმოთ პიტნითა და ალუბლის ან კენკროვანის სოუსით.

ფლავი ხორცით და კომშით

ინგრედიენტები :

500 გრ. საქონლის ან ცხვრის ხორცი

500 გრ.ბრინჯი

150 გრ.ცხიმი ან 120 მლ.ზეთი

1 თავი ნიორი

1 სტაფილო

ნახევარი კილო კომში

1 სუფრის კოვზი შაქარი

მარილი,წითელი დაფქული წიწაკა,ძირა გემოვნებით

მომზადების წესები :

ყაზანში ან თუჯის ქვაბში  ჩავასხათ   ზეთი  და მოვხრაკოთ ხახთან ერთად  კუბებად დაჭრილი ხორცი.

ხორცი,რომ დარბილდება დავამატოთ წვრილად დაჭრილი სტაფილო და ვშუშოთ სტაფილოს ფერშეცვლამდე.

ხორცს მოვაყაროთ მარილი,წიწაკა,ძირა ,დავასხათ 5 ჭიქა წყალი,ჩავდოთ 1 თავი ნიორი და წამოვადუღოთ.

კომში გავთალოთ,გული გამოვუღოთ და დავჭრათ.

ცალკე ტაფაზე დავასხათ ზეთი,დავყაროთ კომშის ნაჭრები,მოვაყაროთ შაქარი და  ცოტა ძირა ,დავახუროთ თავსახური და შევწვათ.

შემდეგ  ჩავყაროთ ბრინჯი , ცოტა რომ მოიხარშება ,დავაწყოთ კომშის ნაჭრები ,დავადოთ სიმძიმე და დაველოდოთ სითხის დაშრობას.მომზადების პერიოდში ერთხელ ამოვურიოთ. სუფრასთან მიტანის წინ მოვაყაროთ მწვანილი.

სულ ესაა.გემრიელად მიირთვით!

 

ეკლერი

ინგრედიენტები :

125 მლ. წყალი

125 მლ.რძე

1/2 ჩ . კოვზი შაქარი

მწიკვი მარილი

4-5 კვერცხი

100 გრ.კარაქი

150 გრ.ფქვილი

ცომის მე-2 ვერსია

250 მლ.წყალი

100 გრ.კარაქი

100 გრ.ფქვილი

1/3 ჩ.კოვზი მარილი

4 კვერცხი

მომზადების წესები :

რძე და წყალი ერთმანეთში შევურიოთ,ჩავყაროთ შაქარი,მწიკვი მარილი და ავადუღოთ.

როგორც კი წამოდუღდება ჩავაგდოთ კარაქი ,დავაცადოთ კარაქს გადნობა.

ადუღებულ სითხეში ჩავყაროთ ერთბაშად ფქვილი,მოვურიოთ ხის კოვზით,როგორც კი ცომი ქვაბის კედლებს მოშორდება,ერთ გუნდად შეიკვრება,მზადაა.

ცომი გადმოვდგათ და გავაგრილოთ.

ცალკე ავთქვიფოთ კვერცხი,ნელ-ნელა შევათქვიფოთ გაგრილებულ მასას მიქსერის დახმარებით.

თუნუქის ფირფიტაზე დავაფინოთ პერგამენტის ქაღალდი.ცომი გადავიტანოთ საკონდიტრო ტომარაში და დავსვათ ჩვენთვის სასურველი ზომის ბურთები ერთმანეთისაგან მოშორებით ან მივცეთ ეკლერის,რგოლის  ფორმა.

შეგვიძლია კულინარიულ ტომარას გავუკეთოთ ვარსკვლავისებური თავი.

ღუმელი წინასწარ გავახუროთ 200 გრადუსზე და ვაცხობთ ქვედა წვაზე.პირველი 10 წუთი დავაცადოთ შუს ან ეკლერს  ამოსვლა.

ღუმელის კარები არ გამოვაღოთ ,ისე დავწიოთ ტემპერატურა 180 გრადუსამდე და ვაცხობთ კიდევ 20 წუთი.საჭიროებისამებრ, ჩავრთოთ ბოლო 1 წუთი ზედა წვა.

გამოვრთოთ ღუმელი,კარები არ გამოვაღოთ და შუ ან ეკლერი ღუმელშივე გავაგრილოთ .

შუ ან ეკლერი ამოვავსოთ მოხარშული კრემი პატისიერით ან კარამელის კრემით .ზემოდან მოვასხათ შოკოლდის განში ან შაქრის მინანქარი.

გებჟალია-მეგრული სამზარეულო

ინგრედიენტები:

500 მლ. რძე

500 გრ.სულგუნი

100 გრ.არაჟანი

200 გრ.ნადუღი

1 პატარა კონა პიტნა

ბროწეულის მარცვლები

მარილი,მწვანე წიწაკა გემოვნებით

მომზადების წესები:

პიტნის შიგთავსის მომზადება;

ნახ. კონა პიტნის ფოთლები დავჭრათ ძალიან წვრილად და დავნაყოთ მარილთან ერთად;

რძე ჩავასხათ ალუმინის ქვაბში და ცეცხლზე დავდგათ .

სულგუნი ძალიან პატარა ნაჭრებად დავჭრათ, ჩავყაროთ გაცხელებულ რძეში და მოვხარშოთ რძესთან ერთდ.

მოვურიოთ ,სულგუნი გახდება წელვადი , შეერთდება,მოვაგუნდავოთ და მივიღებთ სულგუნის ცომის ერთგვაროვანი მასა.

სულგუნის ცომი სველ  ხის დაფაზე 1 სმ-ის სისქეზე გავაბრტყელოთ  და ცხელსვე წავუსვათ წინასწარ მომზადებული პიტნის შიგთავსი .

სულგუნის ცხელი ფირფიტა გადავახვიოთ რულეტივით  და გავაციოთ.

რულეტი დავჭრათ ნაჭრებად და მოვათავსოთ  სოუსში.

სოუსის მომზადება:

ნადუღი მოვათავსოთ თასში და დავუმატოთ არაჟანი,თვალზომით პიტნის გულსართი(დაახლოებით 2 ჩ.კოვზი),მარილი,ყველის ნახარში.

ნარევი აუცილებლად დავაბლენდეროთ(ნადუღის კოშტები არ იგრძნობოდეს).

სოუსი დავასხათ გებჟალიას ნაჭრებს და მოვრთოთ პიტნით,ბროწეულის მარცვლებით

 

 

 

ვაშლის ჟელე – მოვემზადოთ ზამთრისათვის

ვაშლის მრავალი ჯიში მდიდარია პექტინით და  ჟელის დასამზადებლად საჭირო არ არის ჟელატინის, აგარის აგარის დამატება. ამ რეცეპტით გამოდის ბევრი ჟელე და ინახება დიდი ხნის განმავლობაში,

ვაშლის ჟელედან ადვილია არა მხოლოდ გემრიელი, არამედ საოცრად ლამაზი დესერტების დამზადება. გარდა ამისა, ეს არის დამოუკიდებელი დესერტი ჩაისთვის, მასთან ერთად თქვენ დაუყოვნებლივ დაივიწყებთ შეძენილ მარმელადებს.

ინგრედიენტები :

5 კგ.ვაშლი ნებისმიერი ჯიშის

1 ლიტრა ვაშლის წვენზე 650 გრ.შაქარი

2 ლიტრი წყალი

ლიმონმჟავა

მომზადების წესები :

ვაშლს მოვაშოროთ ყუნწი და დაზიანებული ადგილები.გავრეცხოთ და გავჭრათ 4 ნაწილად.

ავიღოთ დიდი ზომის სქელძირა ქვაბი,ჩავყაროთ ვაშლის ნაჭრები,დავასხათ წყალი. სითხე არ უნდა დავუმატოთ ბევრი, თორემ გაგვიჭირდება სქელი ჟელეს მოდუღება.

ქვაბს დავახუროთ თავსახური და საშუალო ცეცხლზე მოვხარშოთ ჩაქნამდე.

ღრმა თასში ჩავდოთ საწური, ჩავაფინოთ 3 ფენა მარლა,გადავიტანოთ მოხარშული ვაშლი წვენით და გავაჩეროთ მთელი ღამე.მასის ხელით გაწურვა,რეკომენდირებული არ არის.

დაწურული ვაშლის რბილობი გავატაროთ საცერში.მივიღებთ ვაშლის პიურეს,რომელიც შეგვიძლია გავყინოთ შემდგომი გამოყენებისათვის.

ავწონოთ სითხე. და ერთ ლიტრ ვაშლის წვენს შევურიოთ 650 გრ.შაქარი.შაქრის რაოდენობას აქვს დიდი მნიშვნელობა ჟელეს წარმოქმნაში.

ვაშლის წვენი ავადუღოთ მაღალ ცეცხლზე,შემდეგ დავუწიოთ და საშუალო ცეცხლზე ვადუღოთ.წარმოქნილი ქაფი პერიოდულად მოვქაფოთ და ვადუღოთ 1- 1,5 საათი.

როცა ვაშლის წვენი ჩასქელდება,ფერს შეიცვლის და ქაფი გახდება წებოვანი,ჟელე მზად არის.

ჟელე ცხელი ჩავასხათ სტერილურ ქილებში,მოვხუფოთ ,გაგრილდება და შესქელდება.

შოკოლადის თაფლაკვერი, იგივე “პრიანიკი “

ინგრედიენტები :

200 მლ.რძე

50 გრ.თაფლი ( 1,5 სუფრის კოვზი)

20 გრ.კარაქი

100 გრ.ფქვილი –  პირველი ნაწილი

200 გრ.შაქარი

40 გრ.კვერცხის გული

1 ჩაის კოვზი დარიჩინი

1 ჩაის კოვზი მშრალი ჯანჯაფილი

1/3 ჩაის კოვზი მუსკატის კაკალი

250 გრ.ფქვილი მეორე ნაწილი

60 გრ.კაკაო მაღალი ხარისხის

7 გრ. სოდა

აისინგი :

60 გრ.კვერცხის ცილა

250 გრ.შაქრის პუდრა

2 სუფრის კოვზი ლიმონის წვენი

მომზადების წესები :

შაქრი და  100 გრ. ფქვილი (პირველი ნაწილი ) შევურიოთ ერთმანეთს.

რძეში ჩავყაროთ სანელებლები ( დარიჩინი,ჟანჯაფილი, მუსკატი )., შევურიოთ თაფლი და გაზზე გამდნარი კარაქი.

რძიანი მასა ,როგორც კი ადუღდება ,გადმოვდგათ და დავაყაროთ საქრისა დაფქვილის ნარევი.ცხელ რძეში ფქვილი მოიხარშება, შაქარი გადნება.ცოტა ხნით გავჩეროთ გაგრილებამდე.

შევურიოთ  მეორე ნაწილი ფქვილი,კაკაო და სოდა ერთმანეთს.კაკაო უნდა ავიღოთ ძალიან ხარისხიანი,რონ თაფლაკვერს გემო არ შეუცვალოს.

თხელ ცომს დავუმატოთ კვერცხის გულები ,მოვურიოთ და ამის შემდეგ შევათქვიფოთ  დანარჩენი.მშრალი ინგრედიენტები. მივიღებთ მუქი ფერის წებოვან ცომს. ცომი ხელზე მიგვეკვრება,მაგრამ ფქვილის დამატება არ შეიძლება.

ფქვილმოყრილ მაგიდაზე ცომი  5-6 მმ სისქზე გავაბრტყელოთ და ამოვჭრათ სასურველი ფორმები ან დავყოთ გუნდებად და თითოეულს მივცეთ ბურთულის ფორმა.

თუნუქის ფირფიტაზე დავაფინოთ ქაღალდი, დავაწყოთ ცომის ბურთულები, გამოვაცხოთ 180 გრადუსზე 10 წუთი.

გაგრილებული პრიანიკები ამოვსვაროთ აისინგში.

აისინგის მომზადება : კვერცხის ცილა, შაქრის პუდრა და ლიმონის წვენი შევურიოთ.

 

 

 

 

 

 

 

 

 

 

 

 

 

 

 

 

 

 

 

 

 

 

ყვითელი ტყემლის ჯემი

ინგრედიენტები :

3 კგ. ტყემალი

3 კგ. შაქარი

ვანილი 

მომზადების წესები :

ყვითელი ტყემალი გავრეცხოთ, ჩავყაროთ ალუმინის ქვაბში და გავთუთქოთ.

მოთუთქული ტყემალი მოვათავსოთ თუშფალანგზე და გავაჩეროთ მთელი ღამე, რომ კარგად დაიწრიტოს.

ტყემალი გავხეხოთ ,ავწონოთ და დავაყაროთ იგივე რაოდენობის შაქარი.

ტყემლის პიურე  დაბალ ცეცხლზე ვადუღოთ შესქელებამდე,პერიოდულად ვურიოთ ხის კოვზით,რომ შაქარი კარგად გაიხსნას.

მოდუღებული ჯემი ცხელ-ცხელი ჩავასხათ ქილებში და კარგად მოვხუფოთ.

ამ რეცეპტით მოდუღებული ტყემლის ჯემი მარმელადივით სქელი გამოდის და ძალიან გემრიელია!

 

 

 

გამომცხვარი ჭარხლის წითელი მხალი – ქართული სამზარეულო

ინგრედიენტები :

500 გრ. წითელი მხალი

1 ჭიქა ნიგოზი

3 ჭარხალი

2 თავი ხახვი

6 კბილი ნიორი

1 დიდი კონა ქინძი

1 სუფრის კოვზი უცხო სუნელი

1 სუფირს კოვზი ყვითელი ყვავილი

ძმარი

მარილი

წიწაკა

მომზადების წესები :

ჭარხალი მოვხარშოთ,  გავფცქვნათ , საშუალო ზომის ფირფიტებად დავჭრათ,დავაწყოთ თუნუქის ფირფიტაზე და 10 -15 წუთი ჰაერღმელში შევწვათ.

წითელი მხალი  მდუღარე  მარილიან წყალში მოვხარშოთ,გავაგრილოთ და გავწუროთ.

ხახვი  ძალიან წვრილად დავჭრათ.

წითელი ფხალი, ქინძი ,ნიორი  და ნიგოზი გავატაროთ, შევურიოთ ძმარი,ხახვი,უცხო სუნელი,ყვითელი ყვავილი, ხელით ავზილოთ და მივცეთ სასურველი ფორმა.

 

რევანი – თურქული სამზარეულო

რევანი კლასიკური დესერტია, რომელიც თურქულ სამზარეულოში ოსმალეთის იმპერიის დროიდან არსებობს. მას ზოგჯერ რაბანსაც უწოდებენ.

არსებობს მოსაზრება, რომ დესერტმა მიიღო სახელი რევანი, როდესაც XVI საუკუნეში ოსმალებმა დაიპყრეს ქალაქი ერევანი. რევანის ბრძოლამ (ასე ერქვა იმ დროს სომხეთის დედაქალაქს) სახელი მიანიჭა ამ ცნობილ დესერტს.

ასევე არსებობს ვერსია, რომ სახელი რევანი მომდინარეობს პოეტის რევანის სახელიდან, რომელიც მე -15 და მე -16 საუკუნეებს შორის ცხოვრობდა თურქეთში.

ინგრედიენტები :

3 კვერცხი

1,5 ჭიქა მანანის ბურღული

0,5 ჭიქა შაქარი

1 სუფრის კოვზი მაწონი

1 ჭიქა ზეთი

1 ჭიქა ფქვილი

10 გრ.გამაფხვიერებელი

ვანილი

შერბეტი მოსასხმელად:

3 ჭიქა შაქარი

3 ჭიქა წყალი

ლიმონის წვეთები

მომზადების წესები :

პირველ  ეტაპზე მოვამზადოთ შერბეტი: წყალი და შაქარი ერთად ვადუღოთ 10 წუთი,ბოლოს შევურიოთ ლიმონის წვენი.

მოვამზადოთ ბისკვიტი:

მშრალი ინგრედიენტები შევურიოთ.

კვერცხი ავთქვიფოთ, დავუმატოთ მაწონი და შევურიოთ მშრალი ინგრედიენტები .

თუნუქის ფირფიტას წავუსვათ კარაქი.

ფირფიტაზე ტანაბრად გადავანაწილოთ ცომი და გამოვაცხოთ 20-25 წუთი 160 გრადუსზე.

ოდნავ გაგრილებულ ნამცხვარს მოვასხათ  ცივი შერბეტი.

რევანი დავჭრათ ნაჭრებად. მოვაყაროთ თხილი .  ეს თურქული დესერტი ძალიან გემრიელია!

 

 

 

 

როგორ შევინახოთ ვაზის ფოთლები ზამთრისათვის: 3 განსხვავებული მეთოდი

ვაზის ფოთლებში შეხვეული ტოლმა წარმოუდგენლად გემრიელი და ჯანსაღი კერძია. სამწუხაროდ, ზამთარში არ არის ყურძნის ფოთლები და იმისათვის, რომ მთელი ზამთარი მისი არომატით ვისიამოვნოთ, მოგვიწევს დამარინადება.

ინგრედიენტები :

ვაზის  ფოთლები

მომზადების წესები :

დავკრიფოთ ვაზის ქორფა ფოთლები.

ვაზის ფოთლები გავრეცხოთ,გავშალოთ კულინარიულ ხელსახოცზე და გავაშროთ.

5-5 ცალი ფოთოლი ერთმანეთზე  დავაწყოთ,  დავახვიოთ სიგარასავით, მჭიდროდ ჩავაწყოთ  მინის ქილებში ან პლასტმასის ხრახნიან  ბოთლებში.ასევე მჭიდროდ დავახუროთ თავსახური და შევინახოთ გრილ ადგილას.

მომზადების მეორე ვერსია :

დავკრიფოთ ვაზის ქორფა ფოთლები.

ვაზის ფოთლები გავრეცხოთ,გავშალოთ კულინარიულ ხელსახოცზე და გავაშროთ.

5-5 ცალი ფოთოლი ერთმანეთზე  დავაწყოთ,  დავახვიოთ სიგარასავით, მჭიდროდ ჩავაწყოთ  ცელოფნის პარკში და გავყინოთ.

გალღობილი ფოთოლი გამუქდება,

გამოყენების წინ ჩვეულებრივი წესით დავდუღრავთ და გამოვიყენებთ.

მომზადების მესამე ვერსია :

120 ცალი ვაზის ფოთოლი

2 სუფრის კოვზი მარილი

1 სუფრის კოვზი  შაქარი

200 მლ.ძმარი

1 ლიტრა წყალი

ოხრახურშისა და ტარხუნის ღეროები – არ არის აუცილებელი

მომზადების წესები :

დავკრიფოთ ვაზის ქორფა ფოთლები.

ვაზის ფოთლები გავრეცხოთ,გავშალოთ კულინარიულ ხელსახოცზე და გავაშროთ.

10 10  ცალი ფოთოლი ერთმანეთზე  დავაწყოთ,  დავახვიოთ რულეტივით, მჭიდროდ ჩავაწყოთ ქილებში ,ამ ეტაფზე შეგვიძლია  ,არომატის გასაძლიერებლად,  ჩავაყოლოთ ოხრახურშის ან ტარხუნის ღეროები ( არ არის სავალდებულო),დავასხათ ქაფქაფა მარინადი, ისე რომ ყველა ფოთოლს თანაბრად მოხვდეს, გავაპიპინოთ, მოვხუფოთ, ამოვატრიალოთ და დავალაგოთ თავით ქვემოთ,ასევე გავაციოთ და შევინახოთ გრილ ადგილას.

მარინადის მომზადება : წყალი, ძმარი, მარილი და შაქარი ვადუღოთ  3-5 წუთი.

რჩევა : სასურველია , ადესა ყურძნის ფოთლები მოვკროფოთ 16 ივნისიდან.