Posted on

სადღესასწაულო ტორტი ” სენატორი ” თუ ” იმპერატორი ” -ქართული სამზარეულო

დღეს მოგართვით მისი აღმატებულება იმპერატორის რეცეპტი.ზოგიერთი ამ დესერტს სენატორს უწოდებს.საბჭოთა ქართველი ქალი დედის  რეცეპტების რვეულში ამ ტორტის რეცეპტსაც შევხვდებით,რაც ჩვენ სიხარულს გვანიჭებს და ბავშვობაში გვაბრუნებს.

ინგრედიენტები ერთი ბისკვიტისათვის :

10კვერცხი

10 სუფრის კოვზი შაქარი

1 ჭიქა საფანელი

1 ჭიქა გატარებული ნიგოზი

2 სუფრის კოვზი ფქვილი

1 ჩაის კოვზი სოდა ძმრით

ვანილი

მარილი

მომზადების წესები :

შევურიოთ საფანელი, ფქვილი, გატარებული ნიგოზი, ვანილი და ნარილი .მიღებული მასა გავცრათ.

კვერცხის ცილისა და შაქრისაგან ამოვიყვანოთ ბეზე მიქსერით,შემდეგ  შევათქვიფოთ კვერცხის გულები.

გოგლი -მოგლს ნიჩბის გამოყენებით შევურიოთ მშრალი ინგრედიენტები და სოდა ძმრით.

ფორმაში ჩავაფინოთ ქარალდი,ჩავასხათ ცომი და 179 გრადუსზე გამოვაცხოთ.

ბისკვიტი გავაგრილოთ ,შევახვიოთ პლასტიკში და შევდოთ მაცივარში 6 საათის განმავლობაში.

ასეთივე წესებით ვაცხობთ მეორე ბისკვიტს.

კრემი :

12 კვერცხის გული

4 სუფრის კოვზი ყავა

12 კოვზი შაქარი

2 ქილა შესქელებული რძე

800 გრ.კარაქი

მომზადების წესები :

კვერცხის გულები,შესქელებული რძე,ყავა,შაქარი შევურიოთ ერთმანეთს.ეს ნარევი შემოვდგათ ცეცხლზე,ხის კოვზით განუწყვეტლივ ვურიოთ და მივიყვანოთ ადუღებამდე. როგორც კი ცოტა ბუშტუკები წამოვა იქვე გადმოვდგათ და გავაგრილოთ ოთახის ტემპერატურამდე.

ოთახის ტემპერატურაზე დარბილებული კარაქი მიქსერით ავთქვიფოთ და ულუფობით შევათქვიფოთ მიღებულლი თხევადი მასა.

ბეზე:

12 კვერცხის ცილა

3 ჭიქა შაქარი

მარილი

3 დანის წვერი ლიმონმჟავა

მომზადების წესები :

მოვამზადოთ ბეზე და 3-5  წუთი შემოვდგათ ორთქლის  აბაზანაზე.გნუწყვეტლივ ვთქვიფოთ .ქვაბის ძირზე გაჩნდება ქერქი .ამით მივხვდებით რომ ბეზეორტქლზე დამუშავდა და  გადმოვდგათ.

თუნუქის ფირფიტას მოვუსვათ ცხიმი,დავაცრათ ფქვილი და ცივ ფირფიტაზე დავასხათ ბეზე.პირველი 10 წუთი გამოვაცხოთ 120-130 გრადუსზე და შემდეგ 90 გრადუსზე 3-4 საათი გამოვაშროთ.

მოხალული ნიგოზი დავჭრათ.

შემდეგ ფორმას დანა ირგვლივ შემოვატაროთ და გადმოდის ძალიან ადვილად.

ავაწყოთ ტორტი :ბისკვიტი- კრემი-ბეზე- ბისკვიტი-კრემი- მოხალული ნიგოზი.

თუ ზემოდანაც გვინდა ბეზეებით გავაფორმოთ,ვამზადეთ იგივე წესით,დავსვათ ფირფიტაზე მოსართავი ფორმით და გამოვაცხოთ.

 

 

 

 

 

 

 

 

 

 

 

 

 

Posted on

იტალიური დესერტი პანაკოტა

ინგრედიენტები :

500 მლ 35% ნაღები

1 ვანილის ჩხირი ან შაქრიანი ვანილი

130 მლ.რძე

50 გრ.შაქარი

10 გრ.ჟელატინი

50 მლ.წყალი

ხილის სოუსი :

250 გრ.ხილი

1,5 ჭიქა შაქარი

1 ჭიქა წყალი

ვანილი

ჟელატინს დავასხათ წყალი და 15 წუთი გავაჩეროთ ასაფუებლად.

ალუმინის ქვაბში ჩავასხათ ნაღები ,დავუმატოთ რძე, შაქარი , ვანილი და გავაცხელოთ.

ნარევი არ უნდა მივიყვანოთ ადუღებამდე.

ცხელ ნაღებში ჩავდოთ აფუებული ჟელატინი.

პანაკოტა ჩავასხათ მინის ჭიქაში, გადავაფაროთ პლასტიკი და 1 საათი შევდოთ მაცივარში.

ხილის სოუსი:

1 ჭიქა წყალში ჩავყაროთ შაქარი და მოვადუღოთ.სიროფი ვადუღოთ 10 წუთი.

ცხელ სიროფში ჩავყაროთ ხილი,დავახუროთ თავსახური და გავაციოთ.

პანაკოტას ჭიქიდან ამოსაღებად,ჭიქა 1-2 წუთი მოვათავსოთ ორთქლის აბაზანაზე,დავაფაროთ

თეფში და გადმოვაბრუნოთ.პანაკოტა გავაფორმოთ პიტნითა და ალუბლის ან კენკროვანის სოუსით.

Posted on

მხლოვანი

 ინგრედიენტები :

500 კგ. ფქვილი

5 გრ . საფუარი

250 მლ.წყალი

30 მლ.ზეთი

მარილი

გულსართი ;

1000 გრ.ისპანახი

20 გრ.მწვანე ხახვი

20 გრ.ქინძი

100 მლ.ზეთი

დაღერღილი წიწაკა და მარილი გემოვნებით

მომზადების წესები :

ფქვილი და  საფუარი შევურიოთ ,დავასხათ თბილი წყალი და მოვზილოთ. ზელვის პროცესში შევურიოთ მარილი.

ცომს შევაზილოთ ზეთი და დავდოთ ასაფუებლად თბილ ადგილას.

აფუებული ცომი ზეთიანი ხელებით 2-ჯერ გადავზილოთ 15 –  20  წუთის შუალედით.

გულსართის მომზადების წესები :

კარგად გარეცხილი ისპანახის მხოლოდ ფოთლები დავჭრათ.

ტაფა გავახუროთ და ისპანახის ფოთლები ზეთში მოვშუშოთ.თავიდანვე დავუმატოთ წინასწარ დაჭრილი მწვანილი და მწვანე ხახვი,ბოლოს კი მარილი და დაღერღილი წიწაკა.თუ მარხვაზე არ ვართ,მზა მასას  შევურიოთ გახეხილი ყველი.

ცომი დავყოთ  300 გრამიან გუნდებად,გავაბრტყელოთ ,შუაგულში მოვათავსოთ გულსართი , გვერდები მოვუკრათ და ხაჭაპურივით გავაბრტყელოთ .

გამოვაცხოთ ღუმელში 220-250 გრaდუსზე 7-10 წუთი.

 

 

Posted on

ვაზის ფოთლებში შეხვეული ტოლმა ტყემლით ან ალუჩით – ქართული სამზარეულო

ინგრედიენტები :

1 კგ საქონლის ხორცი

300 გრ.ღორის ხორცი

120 გრ.ბრინჯი

5-6 თავი ხახვი (საშუალო ზომის)

1 კონა ქინძი

რამოდენიმე ღერი ტარხუნა

რამდენიმე ცალი ტყემალი ან ალუჩა

5-6 კბილი ნიორი

მარილი,წიწაკა გემოვნებით

ვაზის ფოთოლი

მომზადების წესები :

შერეული ხორცი, ხახვი ქინძი,ნიორი გავატაროთ ხორცსაკეპ მანქანაში.ფარშს დავუმატოთ ბრინჯი,წიწაკა,მარილი,1/2 ჭიქა წყალი ან ბულიონი.

გამზადებული ვაზის ფოთლებს მოვაცალოთ ყუნწები, გავავლოთ ცხელ წყალში.ვაზის ფოთოლში ჩავდოთ ხორცის ფარშის ნაზავი და გადავახვიოთ.

ასევე მოგეწონებათ კომბოსტოს ფურცელში შეხვეული ტოლმის რეცეპტი.

ტოლმები მჭიდროთ ჩავალაგოთ ქვაბში და ქვაბის ძირზე,ფენებს შორის ჩავაფინოთ ტარხუნის ღეროები,მოვაყაროთ ალუჩა, ცოტა მარილი,დავაფაროთ თეფში, დავადოთ ქვა, ჩავასხათ წყალი(წყალი უნდა ფარავდეს ტოლმას),დავაფაროთ თავსახური და დაბალ ცეცხლზე მოვხარშოთ.

სუფრაზე მისატანად დავალაგოთ თეფშზე , ფიალით მივიტანოთ მაწონი შეზავებული ნივრით.ტოლმას მოვაყაროთ წვრილად დაჭრილი კამა.

მაწვნის ან არაჟნის სოუსის მომზადება : 400 მლ.მაწონს შევურიოთ 3 კბილი ნიორი ( დაჭყლეტილი),მწიკვი დარიჩინი და 1 ჩ.კოვზი შაქარი.

Posted on

ეკლერი

ინგრედიენტები :

125 მლ. წყალი

125 მლ.რძე

1/2 ჩ . კოვზი შაქარი

მწიკვი მარილი

4-5 კვერცხი

100 გრ.კარაქი

150 გრ.ფქვილი

ცომის მე-2 ვერსია

250 მლ.წყალი

100 გრ.კარაქი

100 გრ.ფქვილი

1/3 ჩ.კოვზი მარილი

4 კვერცხი

მომზადების წესები :

რძე და წყალი ერთმანეთში შევურიოთ,ჩავყაროთ შაქარი,მწიკვი მარილი და ავადუღოთ.

როგორც კი წამოდუღდება ჩავაგდოთ კარაქი ,დავაცადოთ კარაქს გადნობა.

ადუღებულ სითხეში ჩავყაროთ ერთბაშად ფქვილი,მოვურიოთ ხის კოვზით,როგორც კი ცომი ქვაბის კედლებს მოშორდება,ერთ გუნდად შეიკვრება,მზადაა.

ცომი გადმოვდგათ და გავაგრილოთ.

ცალკე ავთქვიფოთ კვერცხი,ნელ-ნელა შევათქვიფოთ გაგრილებულ მასას მიქსერის დახმარებით.

თუნუქის ფირფიტაზე დავაფინოთ პერგამენტის ქაღალდი.ცომი გადავიტანოთ საკონდიტრო ტომარაში და დავსვათ ჩვენთვის სასურველი ზომის ბურთები ერთმანეთისაგან მოშორებით ან მივცეთ ეკლერის,რგოლის  ფორმა.

შეგვიძლია კულინარიულ ტომარას გავუკეთოთ ვარსკვლავისებური თავი.

ღუმელი წინასწარ გავახუროთ 200 გრადუსზე და ვაცხობთ ქვედა წვაზე.პირველი 10 წუთი დავაცადოთ შუს ან ეკლერს  ამოსვლა.

ღუმელის კარები არ გამოვაღოთ ,ისე დავწიოთ ტემპერატურა 180 გრადუსამდე და ვაცხობთ კიდევ 20 წუთი.საჭიროებისამებრ, ჩავრთოთ ბოლო 1 წუთი ზედა წვა.

გამოვრთოთ ღუმელი,კარები არ გამოვაღოთ და შუ ან ეკლერი ღუმელშივე გავაგრილოთ .

შუ ან ეკლერი ამოვავსოთ მოხარშული კრემი პატისიერით ან კარამელის კრემით .ზემოდან მოვასხათ შოკოლდის განში ან შაქრის მინანქარი.

Posted on

გებჟალია-მეგრული სამზარეულო

ინგრედიენტები:

500 მლ. რძე

500 გრ.სულგუნი

100 გრ.არაჟანი

200 გრ.ნადუღი

1 პატარა კონა პიტნა

ბროწეულის მარცვლები

მარილი,მწვანე წიწაკა გემოვნებით

მომზადების წესები:

პიტნის შიგთავსის მომზადება;

ნახ. კონა პიტნის ფოთლები დავჭრათ ძალიან წვრილად და დავნაყოთ მარილთან ერთად;

რძე ჩავასხათ ალუმინის ქვაბში და ცეცხლზე დავდგათ .

სულგუნი ძალიან პატარა ნაჭრებად დავჭრათ, ჩავყაროთ გაცხელებულ რძეში და მოვხარშოთ რძესთან ერთდ.

მოვურიოთ ,სულგუნი გახდება წელვადი , შეერთდება,მოვაგუნდავოთ და მივიღებთ სულგუნის ცომის ერთგვაროვანი მასა.

სულგუნის ცომი სველ  ხის დაფაზე 1 სმ-ის სისქეზე გავაბრტყელოთ  და ცხელსვე წავუსვათ წინასწარ მომზადებული პიტნის შიგთავსი .

სულგუნის ცხელი ფირფიტა გადავახვიოთ რულეტივით  და გავაციოთ.

რულეტი დავჭრათ ნაჭრებად და მოვათავსოთ  სოუსში.

სოუსის მომზადება:

ნადუღი მოვათავსოთ თასში და დავუმატოთ არაჟანი,თვალზომით პიტნის გულსართი(დაახლოებით 2 ჩ.კოვზი),მარილი,ყველის ნახარში.

ნარევი აუცილებლად დავაბლენდეროთ(ნადუღის კოშტები არ იგრძნობოდეს).

სოუსი დავასხათ გებჟალიას ნაჭრებს და მოვრთოთ პიტნით,ბროწეულის მარცვლებით

 

 

 

Posted on

ლეღვის ჩირი

ინგრედიენტები :

2 კგ.ლეღვი

2 ჭიქა წყალი

1 ჭიქა შაქარი.

მომზადების წესები :

მწიფე ლეღვებს  მოვაშოროთ ყუნწები,  ჩავაწყოთ წყალში და გავეცხოთ, შემდეგ დავაწყოთ თუშფალანგზე დასაწრეტად.

5 ლიტიან ქვაბი შემოვდგათ ცეცხლზე, ქვეშ გამანაწილებელი დავუდოთ ჩავასხათ წყალი, ჩავყაროთ შაქარი და საშუალო ცეცხლზე  მოვადუღოთ სიროფი.

ადუღებულ სიროფში ჩავყაროთ ლეღვები,დავახუროთ თავსახური და ვხარშოთ 5-7 წუთი.

5-7 წუთის შემდეგ  ცეცხლიდან გადმოვდგათ ,გავაციოთ .

თითოეული მათგანი მოვაქციოთ ხელისგულებს შორის   და ოდნავ გავაბრტყელოთ.

გაწურული ლეღვები დავალაგოთ ბადეზე ( თუ არ გვაქვს,მაშინ ფიცარზე) და გადავაფაროთ მარლა და მზეზე 4-5 დღე გავაშროთ.

50-60 სმ სიგრძის ძაფზე ავასხათ ლეღვები ისე, რომ ერთმანეთს არ ეხებოდნენ, დავკიდოთ გაშლილად, რამდენიმე დღეში იქნება მზად.

თუ 2 ჭიქა წყალში ჩავყრით 2 ჭიქა შაქარს და ლეღვს მოვხარშავთ 12-15 წუთი, მაშინგამოშრობის შემდეგ მივიღებთ ცუკატებს.

Posted on

კუჭმაჭი

ინგრედიენტები :

300 გრ ფრინველის გული

300 გრ .ფრინველის კუჭი

300 გრ.ფრინველის ღვიძლი

2 თავი ხახვი

4 კბილი ნიორი

6 გრ.კოწახური

1 ცალი წითელი წიწაკა

6 გრ.უვხო სუნელი

3 გრ ყვითელი ყვავილი

ქონდარი გემოვნებით

ხმელი მწვანე ბაზილიკი გემოვნებით

120 მლ წითელი მშრალი ღვინო

ნახ.ჩ.კოვზი მარცვალი შავი წიწაკა

1 ჩ.კოვზი ქინძის მარცვლები

100 მლ.ზეთი

12 გრ .მარილი ან  გემოვნებით

3 გრ.დაფქული შავი წიწაკა

მომზადების წესები :

გახურებულ ტაფაზე დავასხათ 2 ს.კოვზი ზეთი.

ფრინველის გული გავჭრათ შუაზე,ხოლო კუჭი და ღვიძლი გავყოთ 4 ნაწილად.

დავყაროთ გახურებულ ტაფაზე გულები ,  კუჭები და საშუალო ცეცხლზე შევწვათ.

დაახლოებით 5 წუთის შემდეგ  ცხელშივე მოვაყაროთ  მარილი გემოვნებით,შავი დაფქული წიწაკა , მოვასხათ 60 მლ.ღვინო და  დაველოდოთ, სანამ ალკოჰოლი აორთქლდება.

ცეცხლს ძალიან დავუწიოთ და ვშუშოთ დაახლოებით30 წუთი,სანამ კუჭები კარგად არ შეიწვება.

ხახვი დავჭრათ მოგრძო ნაჭრებად. მეორე ტაფაზე დავასხათ 60 მლ.ზეთი და  მოვშუშოთ ხახვი შემდეგ დავაყაროთ ღვიძლები და შევწვათ.

ნიორი, წიწაკა, კოწახური, ქინძის ,შავი წიწაკის მარცვლები, მარილი დავნაყოთ და მიღებული მასა გავხსნათ 60 მლ .ღვინოში.

ფრინველის შიგნეული ერთმანეთში შევურიოთ, შევაზავოთ დანაყილი მასით, დავუმატოთ ხმელი ბაზილიკი (შეგვიძლია არც დავუმატოთ),უცხო სუნელი, ყვითელი ყვავილი, ქონდარი და 5 წუთი გავჩეროთ საშუალო ცეცხლზე.

კუჭმაჭი მოვრთოთ ბროწეულის მარცვლებით,წითელი ხახვითა და ქინძით.

 

 

Posted on

იმერული ხაჭაპური

ინგრედიენტები :

1,5 კგ.ფქვილი

500 მლ. თბილი წყალი

20 გრ.საფუარი

2 გრ.მარილი

2 კვერცხის გული ზემოდან წასასმელად

შიგთავსი:

1 კგ ჭყინტი ყველი

2 კვერცხის ცილა

მომზადების წესები :

თასში  ფქვილი,საფუარი,მარილი ჩავყაროთ.მშრალი ინგრედიენტები ერთმანეთს კარგად შევურიოთ,თბილი წყალი დავასხათ და თხელი ცომი მოვზილოთ. ცომი დავასვენოთ ნახ. საათი.

ყველი ხელით დავჭყლიტოთ და შევურიოთ 2 კვერცხის ცილა.

ცომისაგან სასურველი ზომის  გუნდები მოვამზადოთ  და თითოეული გავაბრტყელოთ.

გაბრტყელებული ცომის შუაგულში ჩავდოთ ბლომად შიგთავსი,მოვუკრათ პირი,ზემოდან წავუსვათ ათქვეფილი კვერცხის გული და 15 წუთის განმავლობაში გამოვაცხოთ წინასწარ გახურებულ ღუმელში.

 

 

 

 

 

 

 

 

 

 

Posted on

სტაფილოს ტორტი – სამარხვო ბისკვიტი

ინგრედიენტები სამარხვო ბისკვიტისათვის :

130 გრ.ფქვილი

140 გრ.ყავისფერი შაქარი ,შესაძლებელია თეთრიც

60 მლ.ფორთოხლის ფრეში ( ახალგამოწურული წვენი )

1 ფორთოხლის ცედრა.

60 მლ.რაფინირებული ზეთი

150 გრ.მოხალული ნიგოზი

250 გრ.მსხვილ სახეხზე გახეხილი სტაფილო

2 გრ.დარიჩინი

1/3 ჩაის კოვზი მარილი

მომზადების წესები :

ღუმელი წინასწარ გავახუროთ 170 გრადუსზე.

შევურიოთ მშრალი ინგრედიენტები :ფქვილი, მარილი, შაქარი, დარიჩინი, გამაფხვიერებელი.

მშრალ ინგრედიენტებს დავუმატოთ ზეთი,ფორთოხლის წვენი,ფორთოხლის ცედრა.

ფორმაში ჩავაფინოთ ქაღალდი და მასში გადავიტანოთ ცომი.

ბისკვიტი გამოვაცხოთ 170 გრადუსზე 50 წუთი.

ბისკვიტი გავაციოთ, შემოვახვიოთ  პლასტიკი და 12 საათი გავაჩეროთ.

ფორთოხლის მარმელადი:

100 გრ.ფორთოხლის  კანგაცლილი რბილობი

50 მლ.ფორთოხლის ფრეში

4 გრ.პექტინი

ნახევარი ფორთოხლის ცედრა

40 გრ.შაქარი

1/5 ჩაის კოვზი ლიმონმჟავა

მომზადების წესები :

პექტინი და შაქარი შევურიოთ.

ფორთოხლის ცედრა, რბილობი და ფრეში შევურიოთ, შევათბოთ 40 გრადუსამდე, შემდეგ დავუმატოთ შაქარი პექტინთან ერთად, მივიყვანოთ ადუღებამდე ,ვადუღოთ  ცეცხლზე  მხოლოდ 1 წუთი და გადმოვდგათ.

გადავაფაროთ პლასტიკი კონტაქტში და ისე გავაგრილოთ.

სამარხვო კრემი :

500 მლ.წყალი

3 სუფრის კოვზი ფქვილი

150 გრ.შაქარი

ვანილი

100 გრ.მცენარეული კარაქი

150 გრამი სამარხვო ნაღების ფხვნილი გახსნილი 150 მლ წყალში

მომზადების წესები :

შაქარი, ვანილი და ფქვილი შევურიოთ,დავასხათ წყალი და მოვადუღოთ ფაფა.

ფაფა გავაგრილოთ.

ცივ ფაფას შევათქვიფოთ კარაქი.

სამარხვო ნაღების ფხვნილი შევურიოთ ცივ წყალს, ავთქვიფოთ და შემდეგ შევათქვიფოთ  კარაქიანი ფაფა.

სტაფილოს ბისკვიტი გავჭრათ 3 ნაწილად, ფენებს შორის წავუასვათ ფორთოხლის მარმელადი ან კრემი გავაფორმოთ ფორთოხლის ჩიფსებით ან სურვილისამებრ.