ღუმელში გამომცხვარი ბატკნის ხორცი ახალი კარტოფილის გარნირით

ინგრედიენტები :

ბატკნის  ნეკნები ან ბარკალი

250 მლ.მაწონი

2 თავი ხახვი

50 მლ.წყალი

1 ს.კოვზი ღვინო

1  კონა ტარხუნა

1 ჩ.კოვზი მარილი

თავი ახალი ნიორი

1 კგ ახალი კარტოფილი

5-6 ცალი სატაცური თუ სურვილი გვაქვს.

მარილი გემოვნებით

0,5  ჩა.კოვზი შავი დაფქული  წიწაკა გემოვნებით.

მომზადების წესები :

მარინადისათვის : თასში ჩავყაროთ  დაჭრილი ხახვი, ტარხუნის ღეროები,მოვაყაროთ მარილი,წიწაკა,მოვასხათ ღვინო,წყალი,მაწონი და ავურიოთ კარგად.

ბატკნის  ნეკნებს ან ბარკალს შევაზილოთ მარინადი  ,გადავაფაროთ პლასტიკი და გავაჩეროთ მთელი ღამე .

მეორე დღეს ბატკნის  ნეკნები ან ბარკალი მარინადიდან ამოვიღოთ,კარგად გავამშრალოთ, ორიევ მხრიდან მოვასხათ ზეთი ,მოვაყაროთ დაჭრილი ნიორი,მარილი,შავი დაფქული წიწაკა და შევდოთ 180 გრადუსზე გახურებულ ღუმელში 30  – 50 წუთი გამოსაცხობად.შევეცადოთ ძალიან არ გამოვაშროთ.

სატაცური დავჭრათ.იგი ბატკნის ხორცს ძალიან უხდება.

ახალი კარტოფილი მოვწალოთ,მოვაყაროთ დაჭრილი ახალი ნიორი,მარილი,დაჭრილი სატაცური( სატაცურს მოწალვა არ უნდა),მოვასხათ ცოტა ზეთი და დავდოთ ბატკნის ნეკნები ან  ბარკალი და ბოლო 15 წუთი ერთად გამოვაცხოთ ღუმელში.

მივირთვათ მაწვნის სოუსთან ერთად.

შავ ღვინოში ჩაშუშული ბატკანი ახალი კარტოფილით

ინგრედიენტები :

500 გრ.ბატკანი ( რბილი)

300 გრ.ახალი კარტოფილი

4 კბილი ნიორი

1 თავი ხახვი

2 მწვანე წიწაკა

400 გრ.პომიდორი

200 მლ.შავი ღვინო

1 ს.კოვზი ტომატ-პასტა

50 მლ.ზეთი

ქონდარი გემოვნებით

ქინძი გემოვნებით

დაღერღილი წიწაკა გემოვნებით

 

მომზადების წესები :

უძვლო ბატკნის ხორცი დავჭრათ კუბებად.

ტაფაზე გავაცხელოთ ზეთი და შევწვათ ბატკნის ხორცი.

ახალი კარტოფილი დავჭრათ რგოლებად.

ხახვი დავჭრათ წვრილად.

ბატკნის ხორცის შეწვას ცოტა რომ დააკლდება,დავუმატოთ ჯერ კარტოფილი,შემდეგ ხახვი და ჩავახეხოთ ნიორი,ცეცხლს დავუწიოთ,თავსახური დავახუროთ და ვშუშოთ.

კანგაცლილი პამიდორი წვრილად დავჭრათ,შევურიოთ სანელებლები,ტომატ პასტა , დავასხათ ბატკნის ხორცს,ცეცხლს ავუწიოთ საშუალოზე ,მოვასხათ 100 მლ.წყალი და თავღია ჭურჭელში ვშუშოთ.პამიდვრის დაწევამდე.


კერძს მოვასხათ შავი ღვინო და თავღია ჭურჭელში ვშუშოთ.

კერძს მოვაყაროთ დაჭრილი წიწაკა.

 

 

 

 

 

ბატკნის,ხბოს,ქათმის ხორცის ,სოკოს ჩაქაფული .

ჩაქაფული ქართული საგაზაფხულო კერძია.ჩვენ გთავაზობთ ამ შესანიშნავი კერძის კლასიკურ  და არატრადიციულ რეცეპტებს.

ბატკნის ხორცის ჩაქაფული

ინგრედიენტები:

2 კგ.ბატკნის ან ხბოს ხორცი

4-5 კონა ტარხუნა

3-4 პიტნის ტოტი (სურვილისამებრ)

3 კონა მწვანე ხახვი

2 კონა ქინძი

ნახ. ჭიქა წყალი

1 ჭიქა თეთრი ღვინო ( რქაწითელი)

მარილი გემოვნებით

10 ცალი ტყემალი ან 1 ჭიქა ალუჩა

2 ცალი მწვანე წიწაკა

მომზადების წესები :

ბატკნის ხორცი დავჭრათ . გაგრძელება >>>

ხბოს ხორცის ჩაქაფული

ინგრედიენტები:

2 კგ. ხბოს ხორცი

4-5 კონა ტარხუნა

3 კონა მწვანე ხახვი

2 კონა ქინძი

ნახ. ჭიქა წყალი

1 ჭიქა თეთრი ღვინო ( რქაწითელი)

მარილი გემოვნებით

ცოტა პიტნა ან წიწმატი თუ სურვილი გვაქვს

10 ცალი ტყემალი ან 1 ჭიქა ალუჩა

2 ცალი მწვანე წიწაკა ან გემოვნებით.

1 თავი მწვანე ნიორი

მომზადების წესები :

ხბოს გარეცხილი  ხორცი დავჭრათ ,ჩადოთ ქვაბში.

ქვაბის ძირზე ხორცი რომ არ მიიწვას ჩავასხათ ნახევარი ჭიქა წყალი,დავახუროთ თავსახური და მოვხარშოთ საკუთარ წვენში.

გაგრძელება >>>

ქათმის ხორცის ჩაქაფული

ინგრედიენტები:

2 კგ.ქათმის ხორცი

4-5 კონა ტარხუნა

3-4 პიტნის ტოტი (სურვილისამებრ)

3 კონა მწვანე ხახვი

ნახევარი თავი ხახვი

ცოტა კარაქი

2 კონა ქინძი

ნახ. ჭიქა წყალი

1 ჭიქა თეთრი ღვინო ( რქაწითელი)

მარილი გემოვნებით

10 ცალი ტყემალი ან 1 ჭიქა ალუჩა

2 ცალი მწვანე წიწაკა

მომზადების წესები :

ქათმის ხორცი დავჭრათ  და თავდახურულ ჭურჭელში მოვხრაკოთ ცოტა კარაქში და  წვრილად დაჭრილ ხახვში დაბალ ცეცხლზე. დავასხათ წყალი და  მოვხარშოთ.

მწვანილები ,მწვანე ხახვი  ახალი ნიორი წვრილად დავჭრათ და ერთმანეთში შევურიოთ.გაგრძელება>>>

სოკოს ჩაქაფული

ინგრდიენტები:

1 კგ.სოკო

1 კონა მწვანე ხახვი

3 თავი თეთრი ხახვი

1 მუჭა ტყემალი

100 გრ ტარხუნა

გაგრძელება>>>

 

 

 

 

 

 

 

 

 

 

 

 

 

 

 

როგორ მოვამზადოთ ჩაქაფული ღვინის გარეშე

ინგრედიენტები :

2 კგ.ბატკნის ხორცი

5 კონა წიწმატი

ტყემალი ნახევარკილოიანი ქილით

6 კონა ტარხუნა

რამოდენიმე ღერი პიტნა სურვილისამებრ

4 კონა ქინძი

4 კონა მწვანე ხახვი

250 მლ.წყალი

1 მწვანე წიწაკა

მარილი გემოვნებით

 

მომზადების წესები :

ყველანაირი მწვანილი დავჭრათ წვრილად.

წვრილად ვჭრით მწვანე ხახვსაც.

დაჭრილი და გარეცხილი ხორცი  მწვანილებთან ერთად ფენა – ფენა ჩავაწყოთ ქვაბში. ფენებს შორის  მოვაყაროთ მარილი და წიწაკა.

ხორცს დავასხათ 250 მლ.წყალი ,წამოვადუღოთ,ცეცხლს დავუწიოთ და მოვხარშოთ. როცა ხორცი ნახევრად მოიხარშება,შემდეგ ჩავამატოთ ტყემალი.

მზა კერძი ცეცხლზე გავაჩეროთ რამოდენიმე წუთი და გადმოვდგათ.

 

 

 

 

ცხვრის ხორცი კომშით – ქართული სამზარეულო

ინგრედიენტები :

1200 გრ.ცხვრის ხორცი

180 გრ.ხახვი

1 კგ. ტკბილიკომში

1 ს.კოვზი შაქარი,გვჭირდება თუ კომში ტკბილი არ არის.

1/2 ჩ.კოვზი დარიჩინი

1 ს.კოვზი ერბო

მარილი და  ქინძი გემოვნებით

მომზადების წესები :

მსუქანი ცხვრის ხორციგავრეცხოთ,დავჭრათ,დავასხათ ცხელი წყალი და მოვხარშოთ.ხარშვის პერიოდში მოვხადოთ ქაფი.

ცალკე ტაფაზე მოვშუსოთ ერბოში ალყად დაჭრილი ხახვი,ზემოდან დავაწყო გათლილი და ნაჭრებად დაჭრილი კომში,დავასხათ ცოტა  ნახარში და მოვხარშოთ.

სანამ კომში და ხახვი მოიხარშება, ამასობაში ცხვრის ხორციც  დარბილდება.

ხორცი,ხახვი და კომში გადავიტანოთ ერთ ქვაბში ,მოვაყაროთ მარილი და მიხაკ-დარიჩინი. კერძს  მომზადების დასრულებამდე შეგვიძლია მოვაყაროთ ქინძიც.

 

 

მწყემსის ღვეზელი

მსუყე და წარმოუდგენლად  გემრიელი მწყემსის ღვეზელი – ცხვრის, კარტოფილისა და ფეტა ყველისგან დამზადებული. იცით, როგორ უნდა მოამზადოთ ეს კერძი?

ინგრედიენტები :

ბატკანი – 300 გრ;
ფქვილი – 1 სუფრის კოვზი
ხახვი – 1 ცალი;
სტაფილო – 1 ცალი;
ტომატის პასტა – 2 სუფრის კოვზი
კარტოფილის პიურე – 400 გრ;
ხმელი ორეგანო ,ქონდარი,მაიორანი გემოვნებით ;
ნაღები – გემოვნებით;
კარაქი – გემოვნებით;
ბულიონი – გემოვნებით;
ყველი ბრინზა ან ფეტა – გემოვნებით;
წიწაკა – გემოვნებით;
მარილი გემოვნებით

მომზადების წესები :

ბატკნის ხორცს  ნაჭრები ჩავდოთ ქვაბში,მოვაყაროთ მარილი,დაჭრილი ხახვი,სტაფილო,ორეგანო,ქონდარი,მაიორანი  და 10 წუთი ვშუშოთ.

მოშუშულ ხორცს დავუმატოთ ფქვილი,ტომატ-პასტა,ბულიონი და ცეცხლზე გავაჩეროთ 5 წუთი.შემდეგ გადმოვდაგათ ცეცხლიდან.

კარტოფილისგან მოვამზადოთ პიურე დავუმატოთ ნაღები და კარაქი.

ფორმაში გადავიტანოთ ხორცი,ზემოდან მოვათავსოთ კარტოფილის პიურე ,ზემოდან მოვაყაროთ ყველი ბრინზა( თუ სურვილი გვაქვს)და  პეროგი გამოვაცხოთ 180 გრადუსზე 20-25 წუთი.

 

 

გუფთა, ბოზბაში – აზერბაიჯანული სამზარეულო

ინგრედიენტები :

1 კგ ცხვრის ხორცი ( რბილი)ან საქონლის ხორცი

200 გრ.დუმა

200 გრ.ხახვი

მწვანილი: ქინძი,კამა,პიტნა გემოვნებით

200 გრ .მრგვალი ბრინჯი

შავი წიწაკა და მარილი გემოვნებით

1/2 ჩ.კოვზი ხმელი პიტნა

3-4 ცალი პამიდორი

3-4 ცალი კარტოფილი

100 გრ.კარაქი

ნახ ს.კოვზი კურკუმა

2 -3  ს.კოვზი მუხუდო

 

მომზადების წესები :

ხორცი ,დუმა და 100 გრ.ხახვი გავატაროთ ხორცსაკეპში,დავუმატოთ წვრილად დაჭრილი მწვანილები,ხმელი პიტნა, მრგვალი ბრინჯი,მარილი და შავი დაფქული წიწაკა.

მოვზილოთ ფარში სველი ხელებით. ხორცი ხელს უნდა მიეწებოს.

ფარშისაგან მოვამზადოთ სასურველი ზომის ბურთები. თითოეულში ჩავდოთ წინასწარ დამბალი შავი ქლიავი ან ალუჩა.

ხახვი და პომიდორი წვრილად დავჭრათ.

100 გრ.კარაქში მოვშუშოთ ხახვი და დავაყაროთ პომიდორი,დავუმატოთ კურკუმა,ვშუშოთ დაბალ ცეცხლზე.

მოშუშულ ხახვს და პამიდორს დავასხათ ბულიონი,წამოვადუღოთ,ჩავაწყოთ ხორცის ბურთულები .

ვჭრით 4 -6 ნაწილად  გარეცხილ,გაფცქვნილ კარტოფილებს და ვაწყობთ ბულიონში.ქვაბს დავახუროთ თავსახური და გავაგრძელოთ კერძის მომზადება.როცა კარტოფილი ნახევრად მოიხარშება,დავუმატოთ მუხუდო,ცოტა ხმელი პიტნა და ვადუღოთ კერძი მუხუდოს  მოხარშვამდე.

მზა კერძი გადმოვიღოთ ღრმა თეფშზე,მოვაყაროთ თუთუბო (სუმახი) და წვრილად დაჭრილი მწვანილები.

 

 

 

 

ფენოვან ცომში გახვეული ხორცის ღვეზელი

ინგრედიენტები :

700 გრ.ხორცის შერეული ფარში

1 შეკვრა ფენოვანი ცომი

4-5 ცალი პატარა  მოხარშული კვერცხი

1 ს.კოვზი ერბო

2 ნაჭერი თეთრი პური

2 ჩ.კოვზი მდოგვი

2 ცალი კვერცხი

1-2 კბილი ნიორი

მარილი გემოვნებით

ნახ.ჩ კოვზი დაფქული შავი წიწაკა

მომზადების წესები :

ტაფაზე დავასხათ ერბო და ოდნავ მოვშუშოთ წვრილად დაჭრილი ხახვი დაჭყლეტილ ნიორთან ერთად.

მოშუშული ხახვი და ნიორი შევურიოთ ფარშში,დავუმატოთ მარილი,წიწაკა,მდოგვი და ორი ნაჭერი წყალში დამბალი თეთრი პური.

ცომის შუაში მოვათავსოთ ფარში,დავალაგოთ მოხარშული კვერცხები  და  შევახვიოთ ისე ,როგორ ეს სურათზე არის ნაჩვენები.ღვეზელს ზემოდან ფუნჯით წავუსვათ გათქვეფილი კვერცხი.

ღუმელის ფირფიტაზე დავაფინოთ ქაღალდი,გადავიტანოთ ღვეზელი,ზემოდან გადავუსვათ გათქვეფილი კვერცხი და გამოვაცხოთ 190 გარდუსამდე  წინასწარ გახურებულ ღუმელში  25-35  წუთი.

 

 

 

ხორცის “ჟარკოე” ბოსტნეულით

ინგედიენტები :

800 გრ.ნებისმიერი ხორცი

1,2 კგ კარტოფილი

400 გრ.პამიდორი

200 გრ.სტაფილო

1 ჩ.კოვზი ყავისფერი შაქარი

150 გრ.წითელი ბულგარული

1 თავი ხახვი

3 ს.კოვზი ზეთი

1,5 ჭიქა წყალი

მარილი,წიწაკა გემოვნებით

მწვანე ხახვი,ოხრახურში,სუნელები გემოვნებით

 

მომზადების წესები :

ხორცი დავჭრათ საშუალო ზომის ნაჭრებად და ზეთში შევწვათ  ორივე მხრიდან.

კარტოფილი გავთალოთ,გავჭრათ 4-6 ნაწილად , დავაყაროთ ხორცს და ერთად შევწვათ  მაღალ ცეცხლზე  4-5 წუთი.

შემწვარ ხორცსა და კარტოფილს  მოვაყაროთ მარილი,წიწაკა და დავაყროთ მსხვილად დაჭრილი  ბულგარული,ხახვი,სტაფილი,ნიახურის ძირები,მოვაყაროთ ხმელი ქინძი  ან ჩვენთვის სასურველი სუნელები.ხორცი  და ბოსტნეული  მაღალ ცეცხლზე კიდევ შევწვათ 4-5 წუთის განმავლობაში,თან ხშირად ვურიოთ,რომ არ დაგვეწვას.

კერძს დავასხათ წყალი,დავამატოთ დაჭრილი პამიდორი,ყავისფერი შაქარი,დავახუროთ თავსახური,დავუწიოთ ცეცხლს და კიდევ  ვშუშოთ  1სთ 20 წუთი .

 

მზა კერძს მოვაყაროთ  დაჭრილი მწვანე ხახვი და ოხრახურში.