ლობიო ოჯახურად შებოლილი ლორით და პურით

ინგრედიენტები:

რუხი პურის ფქვილი 500 გრ

წყალი 250 მლ

გამაფხვიერებელი 10 გრ

ქონდარი 1 ჩ.კოვზი

მარილი

ზეთი 10 მლ

შიგთავსი :

ლობიო 300 გრ

ლორი 200 გრ

ხახვი 1/2

ნიორი 2 კბილი

პამიდორი 1 ცალი

ზეთი 50 მლ

ქინძი 10 გრ

მარილი

პილპილი

მო ზადების წესები:

პირველ რიგში გამოაცხვეთ  რუხი პური.

მშრალი ინგრედიენტები ერთმანეთში შეურიეთ,დაასხით წყალი და მოზილეთ ცომი.ზელვის პროცესში დაუმატეთ ქონდარი.

ცომი გააჩერეთ ასაფუებლად 30 წუთი.

სანამ ცომი ამოვა მოამზადეთ შიგთავსი.გახურებულ ტაფაზე ზეთში შევწვათ დაჭრილი ხახვი,ნიორი და ეტაპობრივად დააყარეთ ჯერ დაჭრილი ლორი,შემდეგ მოხარშული ლობიო,კანგაცლილი , წვრილად დაჭრილი პამიდორი.

ლორის და ლობიოს შიგთავსი შეაზავეთ მარილი,პილპილით,დაუმატეთ წვრილად დაჭრილი მწვანილი.

ტაფას თავსახური  დაახურეთ .შიგთავსი შუშეთ ტაფაზე მომზადებამდე

პურის ცომს ზემოდან ზეთიანი ხელი გადაუსვით.გამოსაცხობ ფორმას ძირში მოაყარეთ ფქვილი,ჩადევით ცომი და 200 გრადუსზე 20-25 წუთი  გამოაცხვეთ.

გამომცხვარ პურს შუაგული ამოუღეთ  და შიგნით მოათავსეთ ლობიო ლორით.

 

 

 

წყარო: იუთუბი, გადაცემა გურმანია 2015 2 მაისი

ფერთხი თონეში

ინგრედიენტები:

ღორის ხორცის ფერთხი 300 გრ

პილპილი,მარილი გემოვნებით

სერვირება:

ლავაში1 ცალი

ხახვი 1 ცალი

ბროწეულის მარცვლები 10 გრ

მომზადების წესები:

ფერთხის,ჩალაღაჯის ნაჭრები ორივე მხრიდან შევაზავოთ მარილით,შავი პილპილით და თონეში ჩავაკრათ.

ხახვი დავჭრათ თხელ, მოგრძო ნაჭრებად.

ლავაში სიგრძეზე გავჭრათ .მასზე დავალაგოთ  ხახვი,შემწვარი ხორცი ,მოვაყაროთ ბროწეულის მარცვლები,გადავახვიოთ,სასურველი ზომის ნაჭრებად დავჭრათ და მოვრთოთ ხახვით,ბროწეულით.

 

წყარო: იუთუბი,გადაცემა გურმანია ,16 მაისი 2015 წელი

 

 

ნაზუქი

ინგრედიენტები:

რძე – 1 ლ

შედედებული რძე 200 მლ

ზეთი 200 მლ

ფქვილი 2 კგ

შაქარი 1,5 კგ

საფუარი 2 ს.კოვზი

კვერცხი 6 ცალი

მიხაკი,დარიჩინი,ვანილი 2-2 გრ

ქიშმიში 200 გრ

 

მომზადების წესები:

რძე,შედედებული რძე,ზეთი და შაქარი შევურიოთ ერთმანეთში.

ფქვილს შევურიოთ საფუარი,მიხაკ-დარიჩინი,ვანილი ქიშმიში,მწიკვი  მარილი.

ფქვილში ჩავახალოთ 3 კვერცხი,შევაზილოთ რძიანი მასა   და მოვზილოთ ცომი.

ზელვა საჭიროა დიდხანს,სანამ ცომი არ გახდება ელასტიური,ბუშტუკიანი.

გადავაფაროთ ტილო და დავდოთ 1 საათი ასაფუებლად.

ცომი დავყოთ გუნდებად,მივცეთ შოთის ფორმა,ზემოდან გადავუსვათ ათქვეფილი კვერცხი ვანილთან ერთად

და გამოვაცხოთ წინასწარ გახურებულ ღუმელში.

რჩევა;

თუ ნაზუქს ვაცხობთ თონეში,მაშინ იგი წინასწარ უნდა გავახუროთ.

ნაკვერცხალს მოვაყაროთ 2 მუჭა  შაქარი( შაქარი კარამელიზირდება და ნაზუქს აძლევს კარგ ფერს).

თონეს თავზე დავახუროთ და 20-30 წუთი ვაცხოთ.

ღუმელში შაქრის შეყრა არ შეიძლება და რადგანაც გაზქურაში ვაცხობთ,ცომი შესაძლებელია,  მოვზილოთ  უფრო ფაფუკი და რბილი.

 

 

ხაჭაპური შამფურზე

ინგრედიენტები:

ფქვილი 500 გრ

წყალი 200 მლ

საფუარი 5 გრ

მარილი 5 გრ

შაქარი 5 გრ

შიგთავსისათვის:

სულგუნი 1.5 კგ

წასასმელად:

არაჟანი 50 მლ

კვერცხი 2 ცალი

 

მომზადების წესები:

ფქვილი გავცრათ და მოვაყაროთ მარილი.

საფუარი და შაქარი  გავხსნათ თბილ წყალში,დავუმატოთ გაცრილი ფქვილი და

მოვზილოთ საშუალო სიმაგრის ცომი.

ცომს თავზე დავაფაროთ და დაველოდოთ ამოფუებას.

ცომი გავყოთ 200 გრამიან გუნდებად და თითოეული გუნდა გააბრტყელეთ გრძლად 6-7 სმ-ის სისქეზე.

სულგუნი დაჭერით 4 სმ-ის სისქის და დაახლოებით 150 გრამიან გრძელ ნაჭრებად .

სულგუნის თითო ნაჭერი წამოვაგოთ შამფურზე და მთელ სიგრძე გრძლად შემოვახვიოთ გაბრტყელებული ცომი.

შამფურზე წამოგებულ ხაჭაპურს გარედან გადავუსვათ კვარცხის გული ათქვეფილი არაჟანში.

ხაჭაპური შევწვათ 200 გრადუსზე ღუმელში ან დაბალ ცეცხლზე მაყალზე.

 

 

 

 

 

კვარი – მეგრული სამზარეულო

ინგრედიენტები:

500 -550 გრ.ფქვილი

1 ჭიქა რძე

მწიკვი მარილი

1 კვერცხი

2 ს.კოვზი ზეთი

შიგთავსისათვის:

500 გრ.სულგუნის ყველი

50 გრ.კარაქი

სოუსისათვის:

200 გრ არაჟანი

1 ჩ.კოვზი აჯიკა

 

მომზადების წესები:

რძეში ავთქვიფოთ კვერცხი.ფქვილს მოვაყაროთ მარილი და

ზეთიანი ხელებით მოვზილოთ ელასტიური,რბილი ცომი.

ცომს გადავაფაროთ ტილო და დავასვენოთ.

სულგუნი გავხეხოთ,ხელით შევაზილოთ ოთახის ტემპერატურაზე დარბილებული კარაქი და მოვამზადოთ პატარა ყველიანი  ბურთები.

ცომი გავაბრტყელოთ,ჭიქით გამოვჭრათ რგოლები.ჩავდოთ ყველის ბურთულები,მოვუკრათ პირი,ხელით გავაბრტყელოთ და მივცეთ მრგვალი ფორმა,როგორც სურათზეა ნაჩვენები.

კვარი  მოვხარშოთ მარილიან წყალში.ზემოდან მოვასხათ გაზზე გამდნარი კარაქი.

თუ ბავშვებისთვის არ ვამზადებთ კერძს,მაშინ არაჟანს შევურიოთ აჯიკა.

მივირთვათ  კვარი  ცხარე არაჟნის სოუსთან ერთად

 

 

კვარი აჯიკით -თანამედროვე მეგრული სამზარეულო

ინგრედიენტები:

500 -550 გრ.ფქვილი

1 ჭიქა რძე

მწიკვი მარილი

1 კვერცხი

2 ს.კოვზი ზეთი

შიგთავსისათვის:

500 გრ.სულგუნის ყველი

50 გრ.კარაქი

ზოგიერთი დიასახლისი  500 გრ.გახეხილ სულგუნს უმატებს რამოდენიმე ტოტს მწვანე ხახვს და კამას.

სოუსისათვის:

200 გრ არაჟანი

1 ჩ.კოვზი აჯიკა

 

მომზადების წესები:

რძეში ავთქვიფოთ კვერცხი.ფქვილს მოვაყაროთ მარილი და

ზეთიანი ხელებით მოვზილოთ ელასტიური,რბილი ცომი.

ცომს გადავაფაროთ ტილო და დავასვენოთ.

სულგუნი გავხეხოთ,ხელით შევაზილოთ ოთახის ტემპერატურაზე დარბილებული კარაქი და მოვამზადოთ პატარა ყველის  ბურთები.

ცომი გავაბრტყელოთ,ჭიქით გამოვჭრათ რგოლები.ჩავდოთ ყველის ბურთულები,მოვუკრათ პირი

ხელით გავაბრტყელოთ და მივცეთ მრგვალი ფორმა,როგორც სურათზეა ნაჩვენები.

კვარი  მოვხარშოთ მარილიან წყალში.ზემოდან მოვასხათ გაზზე გამდნარი კარაქი.

არაჟანს  შევურიოთ აჯიკა.

მივირთვათ  კვარი  ცხარე არაჟნის სოუსთან ერთად.

შესაძლებელია მოაყაროთ მარტო შავი დაფქული წიწაკა და მოასხათ ზეთი.

 

სინორი – აჭარული სამზარეულო

ინგრედიენტები:

2 კგ ფქვილი

1 ლ წყალი

1 ჩ.კ. მარილი

ნადუღის შიგთავსი:

150 გრ.ნადუღი

80 გრ.კარაქი

100 მლ წყალი

1 ს/კ.შაქარი

ნიგვზის შიგთავსი:

100 გრ.ნიგოზი

100 გრ.კარაქი

100 მლ წყალი

2 ს.კოვზი შაქარი

 

მომზადების წესები:

ფქვილს მოვაყაროთ მარილი და მოვზილოთ მაგარი ცომი. ცომი დავყოთ გუნდებად,გადავაფაროთ ტილო და სათითაოდ გავაბრტყელოთ ძალიან თხლად .  პური (ბიში)180 გრადუსზე გამოვაცხოთ ჰაერღუმელში 5 წუთი.

ცხელივე გადავახვიოთ რულეტივით ,მოვკეცოთ,შევახვიოთ ტილოში,რომ არ გახმეს.

დავჭრათ პურის რულეტი თანაბარ  რგოლებად,მომცრო რულეტებად.

რულეტები ერთმანეთის მიყოლებით,მჭიდროთ ჩავალაგოთ ტაფაში და მოვასხათ ნადუღის  ან ნიგვზის შიგთავსი.

ნადუღის შიგთავსის მომზადება.

კარაქი გავადნოთ ტაფაზე,მასში გავხსნათ ნადუღი და გავთხელოთ ადუღებული წყლით.

ნიგვზიანი სინორის მომზადებისას პურის რულეტებს  ჯერ მოვაყაროთ გატარებული (დანაყული)  ნიგოზი,შემდეგ მოვასხათ გამდნარი კარაქი.

კარაქი გავადნოთ ტაფაზე,დავასხათ ადუღებული წყალი ,მოვაყაროღ შაქარი.

 

წყარო:  იუთუბი,გადაცემა გურმანია,2015 წელი

 

 

ბორანო პურში – თანამედროვე ქართული სამზარეულო

ბორანოს ტრადიციული რეცეპტი -აჭარული სამზარეულო

ინგრედიენტები:

200 გრ.აჭარული დაწნული (ჩეჩილი ყველი}.

100 გრ.კარაქი

ცხელი  წყალი

მომზადების წესები:

ყველი დავჭრათ ძალიან წვრილად , დავასხათ ადუღებული წყალი,დავალბოთ და ბოლოს გადავწუროთ.

კარაქი გავადნოთ ტაფაზე და ცოტა ხნით მოვბრაწოთ.

კარაქი ,როგორც კი ფერს შეიცვლის (არ უნდა დაგვეწვას) და მოყავისფრო გახდება,მოვასხათ ყველს .კერძი 5 წუთი გავაჩეროთ.

ბორანო მზადაა.მივირთვათ გემრიელად.

ბორანო პურში – თანამედროვე ქართული სამზარეულო

1 პური

150 გრ.სულგუნი

150 გრ.მოცარელა

2 კბილი ნიორი

60 გრ.კარაქი

1/4 კონა მწვანე ხახვი

ცოტა ქინძი

ცოტა პიტნა

მომზადების წესები:

ყველი გავხეხოთ,შევაზილოთ  ოთახის ტემპერატურაზე დარბილებული კარაქი,შევურიოთ წვრილად დაჭრილი ნიორი,მწვანილი.

პური დავსეროთ ჯერ სიგრძეზე,შემდეგ სიგანეზე.ბოლომდე არ უნდა ჩავჭრათ.

პურის ყველა უჯრედი ამოვავსოთ შიგთავსით და გამოვაცხოთ 15-20 წუთი 180 გრადუსზე.

 

 

 

 

წყარო: იუთუბი ,გურმანია 25 ივნისი 2015 წელი

 

 

 

 

ხაჭაპური მაწვნისა და არაჟნის ცომით

ინგრედიენტები:

1/2 ჭიქა მაწონი

1/2 ჭიქა არაჟანი

100 გრ.კარაქი

4 კვერცის გული

600-700 გრ. ფქვილი

1 ჩ.კოვზი სოდა

მარილი გემოვნებით

ზემოდან მოსასმელად:

1 კვერცხი

1 ჩ.კოვზი არაჟანი

გულსართი:

1 კგ.ყველი

მარილი გემოვნებით

4 კვერცხის ცილა

მომზადების წესები :

ფქვილი გავცრათ.შევურიოთ მარილი.

კვერცხის გული ავთქვიფოთ,ჩავუმატოთ არაჟანი,მაწონი(სოდა წინასწარ გავხსნათ არაჟანში).

შემდეგ დავუმატოთ გაზზე გამდნარი კარაქი,ფქვილი და მოვზილოთ ცომი.

ცომს გადავაფაროთ ტილო და დავასვენოთ 1-2 საათი.

ამოსული ცომი გავყოთ 2 ნაწილად.ერთი ნაწილი უფრო დიდზე გავაბრტყელოთ.

თუნუქის ფირფიტაზე გადავიტანოთ პატარა ფენა , გადავანაწილოთ გულსართი ,გადავაფაროთ მეორე ფენა და გვერდები შემოვუხვიოთ.

ზემოდან წავუსვათ გათქვეფილი კვერცხი არაჟნით.გამოვაცხოთ 190-200 გრადუსზე 15-20 წუთი.

გულსართის მომზადება :

ყველი გავხეხოთ,მოვაყაროთ მარილი გემოვნებით,დავუმატოთ კვერცხის ცილა და ხელით მოვჭყლიტოთ.

 

 

 

 

 

 

 

ფუნთუშები – საბჭოთა რეცეპტი

ინგრედიენტები:

ოპარა:

90 მლ თბილი წყალი

112 მლ თბილი რძე

15 გრ.ნედლი საფუარი

232 გრ.ფქვილი

 

ცომი:

95 მლ წყალი

195 გრ.შაქარი

15 გრ მარილი

15 გრ.ნედლი საფუარი

3,5 გრ.ვანილი

98 გრ .კვერცხი ( 2 საშუალო ზომის კვერცხი)

112 გრ.გამდნარი და გაგრილებული მარგარინი

ქიშმიში სურვილისამებ

1 კვერცხი ზემოდან წასამელად

 

პირველ რიგში მოვამზადოთ ოპარა: წყალი და რძე ერთმანეთში შევურიოთ ,გავხასნათ ფქვილი,გადავაფაროთ ტილო და დავდგათ 3-4 საათი თბილ ადგილას.ვაცადოთ ამოფუება.

ამის შემდეგ ვიწყებთ ცომის მოზელვას დიდი თასში ჩავასხათ წყალი ,რძე, ჩავყაროთ შაქარი, მარილი და შევურიოთ ოპარა.

ივივე მასას შევურიოთ კვარცხი, ფქვილი, საფუარი ,ვანილი და დავიწყოთ ცომის მოზელვა.შევურიოთ გარეცხილი,გამშრალებული ქიშმიში და

შემდეგ შევაზილოთ მარგარინი.ცომი ვზილოთ დაახლოებით 10 წუთი.მივიღებთ რბილ და წებოვან ცომს.ცომი ხელზე უნდა

გვეწებებოდეს. ცომი გავაჩეროთ თბილ ადგილას 3-4 საათი.

 

 

ცომისაგან დავამზადოთ 16-18 ბურტულა.ცომის ბურთულები მოვჭრათ ზეთიანი ხელებით.დავაწყოთ ფუნთუშები

ცხიმწასმულ თუნუქის ფირფიტაზე  ახლოს გადავაფაროთ ტილო  და 1 საათი კიდევ ვაცადოთ ამოსვლა.

 

ცომის ბურთულებს ძალიან ფრთხილად ფუნჯით გადავუსვათ კვერცხი  და წინასწარ გახურებულ ღუმელში 190 გრადუსზე

გამოვაცხოთ 20-25 წუთი.