სადღესასწაულო ტორტი ” სენატორი ” თუ ” იმპერატორი ” -ქართული სამზარეულო

დღეს მოგართვით მისი აღმატებულება იმპერატორის რეცეპტი.ზოგიერთი ამ დესერტს სენატორს უწოდებს.საბჭოთა ქართველი ქალი დედის  რეცეპტების რვეულში ამ ტორტის რეცეპტსაც შევხვდებით,რაც ჩვენ სიხარულს გვანიჭებს და ბავშვობაში გვაბრუნებს.

ინგრედიენტები ერთი ბისკვიტისათვის :

10კვერცხი

10 სუფრის კოვზი შაქარი

1 ჭიქა საფანელი

1 ჭიქა გატარებული ნიგოზი

2 სუფრის კოვზი ფქვილი

1 ჩაის კოვზი სოდა ძმრით

ვანილი

მარილი

მომზადების წესები :

შევურიოთ საფანელი, ფქვილი, გატარებული ნიგოზი, ვანილი და ნარილი .მიღებული მასა გავცრათ.

კვერცხის ცილისა და შაქრისაგან ამოვიყვანოთ ბეზე მიქსერით,შემდეგ  შევათქვიფოთ კვერცხის გულები.

გოგლი -მოგლს ნიჩბის გამოყენებით შევურიოთ მშრალი ინგრედიენტები და სოდა ძმრით.

ფორმაში ჩავაფინოთ ქარალდი,ჩავასხათ ცომი და 179 გრადუსზე გამოვაცხოთ.

ბისკვიტი გავაგრილოთ ,შევახვიოთ პლასტიკში და შევდოთ მაცივარში 6 საათის განმავლობაში.

ასეთივე წესებით ვაცხობთ მეორე ბისკვიტს.

კრემი :

12 კვერცხის გული

4 სუფრის კოვზი ყავა

12 კოვზი შაქარი

2 ქილა შესქელებული რძე

800 გრ.კარაქი

მომზადების წესები :

კვერცხის გულები,შესქელებული რძე,ყავა,შაქარი შევურიოთ ერთმანეთს.ეს ნარევი შემოვდგათ ცეცხლზე,ხის კოვზით განუწყვეტლივ ვურიოთ და მივიყვანოთ ადუღებამდე. როგორც კი ცოტა ბუშტუკები წამოვა იქვე გადმოვდგათ და გავაგრილოთ ოთახის ტემპერატურამდე.

ოთახის ტემპერატურაზე დარბილებული კარაქი მიქსერით ავთქვიფოთ და ულუფობით შევათქვიფოთ მიღებულლი თხევადი მასა.

ბეზე:

12 კვერცხის ცილა

3 ჭიქა შაქარი

მარილი

3 დანის წვერი ლიმონმჟავა

მომზადების წესები :

მოვამზადოთ ბეზე და 3-5  წუთი შემოვდგათ ორთქლის  აბაზანაზე.გნუწყვეტლივ ვთქვიფოთ .ქვაბის ძირზე გაჩნდება ქერქი .ამით მივხვდებით რომ ბეზეორტქლზე დამუშავდა და  გადმოვდგათ.

თუნუქის ფირფიტას მოვუსვათ ცხიმი,დავაცრათ ფქვილი და ცივ ფირფიტაზე დავასხათ ბეზე.პირველი 10 წუთი გამოვაცხოთ 120-130 გრადუსზე და შემდეგ 90 გრადუსზე 3-4 საათი გამოვაშროთ.

მოხალული ნიგოზი დავჭრათ.

შემდეგ ფორმას დანა ირგვლივ შემოვატაროთ და გადმოდის ძალიან ადვილად.

ავაწყოთ ტორტი :ბისკვიტი- კრემი-ბეზე- ბისკვიტი-კრემი- მოხალული ნიგოზი.

თუ ზემოდანაც გვინდა ბეზეებით გავაფორმოთ,ვამზადეთ იგივე წესით,დავსვათ ფირფიტაზე მოსართავი ფორმით და გამოვაცხოთ.

 

 

 

 

 

 

 

 

 

 

 

 

 

კომბოსტოს მწნილი ჭარხლით – ქართული სამზარეულო

ინგრედიენტები ორი სამკილოიანი ქილისათვის :

3კგ.კომბოსტო

1 დიდი ზომის ჭარხალი

3-4 კბილი ნიორი

1 პატარა კონა ნიახური

მარინადისათვის:

3 ლიტრი წყალი

1 ჭიქა შაქარი

9 სუფრის კოვზი მარილი

50 მლ.70% ძმარი

5 დაფნის ფოთოლი

7 ბაჰარის მარცვალი

10 შავი წიწაკის მარცვალი

მომზადების წესები :

კომბოსტო გავჭრათ 8 ნაწილად.თითოეულს ამოვაჭრათ მურკი.

ჭარხალი გავთალოთ, გავრეცხოთ და დავჭრათ თხლად.

ნიორი გავფცქვნათ, წიწაკას თესლი გამოვაცალოთ, დავჭრათ და ნიახური გავრეცხოთ.

მზა ინგრედიენტები ფენებად ჩავაწყოთ ქილაში : კომბოსტო,ჭარხალი,ნიახური,წიწაკა,ნიორი

მოვადუღოთ მარინადი თ ადუღებულ წყალში გავხსნათ მარილი და შაქარი,ჩავაგდოთ დაფნის ფოთლები და ვადუღოთ ერთი წუთი. მარინადი გადმოვიღოთ ცეცხლიდან,  დაფნის ფოთლები ამოვიღოთ,გავაჩეროთ 10 წუთი და ჩავასხათ ძმარი.მოვურიოთ კარგად.

ცხელი მარინადი დავასხათ კომბოსტოს,ისე რომ სითხემ მთლიანად დაფაროს ბოსტნეული,დავაფაროთ თავსახური ( არ მოვხუფოთ),გავაჩეროთ 3 დღე ოთახის ტემპერატურაზე.ამის შემდეგ მწნილი მზადაა.

 

მხლოვანი

 ინგრედიენტები :

500 კგ. ფქვილი

5 გრ . საფუარი

250 მლ.წყალი

30 მლ.ზეთი

მარილი

გულსართი ;

1000 გრ.ისპანახი

20 გრ.მწვანე ხახვი

20 გრ.ქინძი

100 მლ.ზეთი

დაღერღილი წიწაკა და მარილი გემოვნებით

მომზადების წესები :

ფქვილი და  საფუარი შევურიოთ ,დავასხათ თბილი წყალი და მოვზილოთ. ზელვის პროცესში შევურიოთ მარილი.

ცომს შევაზილოთ ზეთი და დავდოთ ასაფუებლად თბილ ადგილას.

აფუებული ცომი ზეთიანი ხელებით 2-ჯერ გადავზილოთ 15 –  20  წუთის შუალედით.

გულსართის მომზადების წესები :

კარგად გარეცხილი ისპანახის მხოლოდ ფოთლები დავჭრათ.

ტაფა გავახუროთ და ისპანახის ფოთლები ზეთში მოვშუშოთ.თავიდანვე დავუმატოთ წინასწარ დაჭრილი მწვანილი და მწვანე ხახვი,ბოლოს კი მარილი და დაღერღილი წიწაკა.თუ მარხვაზე არ ვართ,მზა მასას  შევურიოთ გახეხილი ყველი.

ცომი დავყოთ  300 გრამიან გუნდებად,გავაბრტყელოთ ,შუაგულში მოვათავსოთ გულსართი , გვერდები მოვუკრათ და ხაჭაპურივით გავაბრტყელოთ .

გამოვაცხოთ ღუმელში 220-250 გრaდუსზე 7-10 წუთი.

 

 

ვაზის ფოთლებში შეხვეული ტოლმა ტყემლით ან ალუჩით – ქართული სამზარეულო

ინგრედიენტები :

1 კგ საქონლის ხორცი

300 გრ.ღორის ხორცი

120 გრ.ბრინჯი

5-6 თავი ხახვი (საშუალო ზომის)

1 კონა ქინძი

რამოდენიმე ღერი ტარხუნა

რამდენიმე ცალი ტყემალი ან ალუჩა

5-6 კბილი ნიორი

მარილი,წიწაკა გემოვნებით

ვაზის ფოთოლი

მომზადების წესები :

შერეული ხორცი, ხახვი ქინძი,ნიორი გავატაროთ ხორცსაკეპ მანქანაში.ფარშს დავუმატოთ ბრინჯი,წიწაკა,მარილი,1/2 ჭიქა წყალი ან ბულიონი.

გამზადებული ვაზის ფოთლებს მოვაცალოთ ყუნწები, გავავლოთ ცხელ წყალში.ვაზის ფოთოლში ჩავდოთ ხორცის ფარშის ნაზავი და გადავახვიოთ.

ასევე მოგეწონებათ კომბოსტოს ფურცელში შეხვეული ტოლმის რეცეპტი.

ტოლმები მჭიდროთ ჩავალაგოთ ქვაბში და ქვაბის ძირზე,ფენებს შორის ჩავაფინოთ ტარხუნის ღეროები,მოვაყაროთ ალუჩა, ცოტა მარილი,დავაფაროთ თეფში, დავადოთ ქვა, ჩავასხათ წყალი(წყალი უნდა ფარავდეს ტოლმას),დავაფაროთ თავსახური და დაბალ ცეცხლზე მოვხარშოთ.

სუფრაზე მისატანად დავალაგოთ თეფშზე , ფიალით მივიტანოთ მაწონი შეზავებული ნივრით.ტოლმას მოვაყაროთ წვრილად დაჭრილი კამა.

მაწვნის ან არაჟნის სოუსის მომზადება : 400 მლ.მაწონს შევურიოთ 3 კბილი ნიორი ( დაჭყლეტილი),მწიკვი დარიჩინი და 1 ჩ.კოვზი შაქარი.

ღვიძლის სალათა – თანამედროვე ქართული სამზარეულო

ინგრედიენტები :

ქათმის ღვიძლი -500 გრ.

პამიდორი – 350 გრ.

წითელი ხახვი- 60 გრ

ნიორი 2 კბილი

ფქვილი –  2 სუფრის კოვზი

მცენარეული ზეთი 2 სუფრის კოვზი

ზეითუნის ზეთი- 2 სუფრის კოვზი

შავი დაფქული წიწაკა – 1/4 ჩაის კოვზი

ნიგოზი – 50 გრ

ნახევარი ბროწეული

ქინძი – 30 გრ

წითელი წიწაკა გემოვნებით

მარილი გემოვნებით

მომზადების წესები :

ქათმის ღვიძლი გავრეცხოთ,  გავჭრათ 2 ნაწილად ,ხელსახოცით გავამშრალოთ, მოვაყაროთ ფქვილი  და შევწვათ  ცხელ ზეთში 3-3 წუთი ორივე მხრიდან.

ნიგოზი მსხვილად გავატაროთ .

ქინძი დავჭრათ .

პამიდორი დავჭრათ 8 – 10 ნაწილად.

ნიორი გავატაროთ

ხახვი დავჭრათ გრძლად.

თასში ჩავყაროთ დაჭრილი პამიდორი,მწვანილი, ხახვი,გატარებული ნიგოზი,ნიორი,მოვასხათ ზეითუნის ზეთი,მარილი და სუნელი მოვაყაროთ,ამოვურიოთ.

მიღებულ პამიდვრის სალათს დავაყაროთ  შემწვარი ღვიძლი,კიდევ ერთხელ ავურიოთ ,დავახუროთ თავსახური და გავაჩეროთ 10 წუთი.

მზა სალათს მოვაყაროთ ბროწეულის მარცვლები

 

 

 

 

 

 

 

გებჟალია-მეგრული სამზარეულო

ინგრედიენტები:

500 მლ. რძე

500 გრ.სულგუნი

100 გრ.არაჟანი

200 გრ.ნადუღი

1 პატარა კონა პიტნა

ბროწეულის მარცვლები

მარილი,მწვანე წიწაკა გემოვნებით

მომზადების წესები:

პიტნის შიგთავსის მომზადება;

ნახ. კონა პიტნის ფოთლები დავჭრათ ძალიან წვრილად და დავნაყოთ მარილთან ერთად;

რძე ჩავასხათ ალუმინის ქვაბში და ცეცხლზე დავდგათ .

სულგუნი ძალიან პატარა ნაჭრებად დავჭრათ, ჩავყაროთ გაცხელებულ რძეში და მოვხარშოთ რძესთან ერთდ.

მოვურიოთ ,სულგუნი გახდება წელვადი , შეერთდება,მოვაგუნდავოთ და მივიღებთ სულგუნის ცომის ერთგვაროვანი მასა.

სულგუნის ცომი სველ  ხის დაფაზე 1 სმ-ის სისქეზე გავაბრტყელოთ  და ცხელსვე წავუსვათ წინასწარ მომზადებული პიტნის შიგთავსი .

სულგუნის ცხელი ფირფიტა გადავახვიოთ რულეტივით  და გავაციოთ.

რულეტი დავჭრათ ნაჭრებად და მოვათავსოთ  სოუსში.

სოუსის მომზადება:

ნადუღი მოვათავსოთ თასში და დავუმატოთ არაჟანი,თვალზომით პიტნის გულსართი(დაახლოებით 2 ჩ.კოვზი),მარილი,ყველის ნახარში.

ნარევი აუცილებლად დავაბლენდეროთ(ნადუღის კოშტები არ იგრძნობოდეს).

სოუსი დავასხათ გებჟალიას ნაჭრებს და მოვრთოთ პიტნით,ბროწეულის მარცვლებით

 

 

 

სალათი “აწეწილი ” – ქართული სამზარეულო

აწეწილი არის ქართული სალათი საოცარი გემოთი. ინგრედიენტების, სანელებლებისა და მწვანილის სრულყოფილი კომბინაციის წყალობით, სალათს აქვს უნიკალური, ორიგინალური გემო.

ინგრედიენტები :

* შებოლილი ქათმის მკერდის ფილე – 400 გრ
* ბადრიჯანი – 700 გ
* ტკბილი წიწაკა – 500 გ
* თეთრი ხახვი – 150 გ
* ნიგოზი – 120 გ
* აჯიკა – 2 ჩ.კ
*აყვავებული  ქინძი- 40 გ
* ნიორი – 4 კბილი
* წითელი ღვინის ძმარი – 5 სუფრის კოვზი
* ხმელი -სუნელი – 2 ჩ.კ
* მწვანე წიწაკა გემოვნებით
* ბროწეულის მარცვლები – გემოვნებით
* ბროწეულის სოუსი – გემოვნებით
* მარილი გემოვნებით

მომზადების წესები :

ღუმელის ტაფაზე დავაფინოთ ქაღალდი, დავაწყოთ ბადრიჯანი და ბულგარული  წიწაკა,შევდოთ  ღუმელში 200 გრადუსზე 30-35 წუთი გამოსაცხობად.

ხახვი დავჭრათ რკალებად, მოვასხათ ძმარი და შევურიოთ აჯიკა.

შებოლილი ქათმის მკერდი ხელით ავწეწოთ.

მწვანე წიწაკა დავჭრათ.

ნიგოზი ჩავყაროთ კულინარიულ პარკში და საბრტყელებლის გამოყენებით წვრილად დავტეხოთ.

წვრილად დავჭრათ ქინძი

ღუმელიდან გამოვიღოთ გამომცხვარი ბოსტნეული ,ქერქი მოვაცილოთ და რბილობი დავჭრათ.

ნიორი გავატაროთ.

სასალათეში  შევურიოთ გამზადებული ინგრედიენტები,სუნელები,მოვაყაროთ ბროწეული და მივირთვათ გემრიელიად.

 

 

 

“ტყემალი” – გემრიელი რეცეპტი

ინგრედიენტები:

5 კგ. წითელი და ყვითელი  ტყემალი .

10  თავი ახალი ნიორი

5  პატარა კონა აყვავებული  ქინძი

5  პატარა კონა ცერეცო ან კამა

1-2  კონა ომბალო ,შეგიძლიათ არ დაუმატოთ

დაღერღილი წიწაკა,მარილი გემოვნებით

შაქარი გემოვნებით

მომზადების წესები:

ტყემალი მოვხარშოთ და საცერში გავატაროთ.

გარჩეული ნიორი, გარეცხილი მწვანილი, მოვათავსოთ ბლენდერში. დავასხათ ტყემლის  ნახარში და დავაბლენდეროთ.

საცერში გატარებულ ტყემალს დავასხათ დაბლენდერებული მასა, დავუმატოთ წიწაკა, მარილი, შაქარი და კარგად მოვურიოთ.ტყემალი 

თუ სქელი გამოგვივიდა,გავათხელოთ ტყემლის ნახარშით .

ჭურჭელი ცეცხლზე შემოვდგათ და ვადუღოთ 20-30 წუთი. დავუმატოთ სალიცილი ან ასპირინი  და გადავიტანოთ ქილებში.მოვხუფოთ  და შევინახოთ ზამთრისთვის.

აჯაფსანდალი ყველით

ინგრედიენტები :

ბადრიჯანი 1 კგ

პამიდორი 1 კგ

სხვადასხვა ფერის ტკბილი წიწაკა – 3 ცალი 

 სტაფილო – 1 ცალი

ზეთი 200 მლ

ნიორი 200 გრ

სულგუნი 200 გრ.

რაჰანი(ბაზილიკი) მწვანე და წითელი 100 გრ

ქინძი 100 გრ

პილპილი,მარილი გემოვნებით

მომზადების წესები :

გარეცხეთ ბადრიჯანი და პამიდორი.

ბადრიჯანი გათალეთ , პამიდორი გაფცქვენით და დაჭერით პატარა ნაჭრებად.

ბადრიჯანი ნახევრად შეწვით ზეთში ცალ-ცალკე.

დაუმატეთ კუბებად დაჭრილი პამიდორი, სურვილისამებრ გახეხილი სტაფილო და მრგვლად დაჭრილი ბულგარული  და შუშეთ 5 -10 წუთი.

მოაყარეთ წვრილად დაჭრილი ნიორი, მწვანილი, პილპილი, მარილი ,შუშეთ 2- 3 წუთი  და გადმოდგით ცეცხლიდან.

მზა აჯაფსანდალი მოვათავსოპთ კეცზე.

ყველი სულგუნი დავჭრათ თხლად, დავაწყოთ ბოსტნეულზე და შევდოთ გახურებულ ღუმელში, სანამ ზემოდან მოიბრაწება.

ბევრი ახალგაზრდა მზარეული აჯაფსანდალს მწვანილებიდან  უმატებს მხოლოდ და მხოლოდ ორეგანოს, რომელიც კერძს განსხვავებულად გემრიელ გემოს აძლევს.

 

 

 

გამომცხვარი ჭარხლის წითელი მხალი – ქართული სამზარეულო

ინგრედიენტები :

500 გრ. წითელი მხალი

1 ჭიქა ნიგოზი

3 ჭარხალი

2 თავი ხახვი

6 კბილი ნიორი

1 დიდი კონა ქინძი

1 სუფრის კოვზი უცხო სუნელი

1 სუფირს კოვზი ყვითელი ყვავილი

ძმარი

მარილი

წიწაკა

მომზადების წესები :

ჭარხალი მოვხარშოთ,  გავფცქვნათ , საშუალო ზომის ფირფიტებად დავჭრათ,დავაწყოთ თუნუქის ფირფიტაზე და 10 -15 წუთი ჰაერღმელში შევწვათ.

წითელი მხალი  მდუღარე  მარილიან წყალში მოვხარშოთ,გავაგრილოთ და გავწუროთ.

ხახვი  ძალიან წვრილად დავჭრათ.

წითელი ფხალი, ქინძი ,ნიორი  და ნიგოზი გავატაროთ, შევურიოთ ძმარი,ხახვი,უცხო სუნელი,ყვითელი ყვავილი, ხელით ავზილოთ და მივცეთ სასურველი ფორმა.