როგორ მოვამზადოთ შოკოლადის მინანქარი კულიჩის გასაფორმებლად

ძალიან მარტივი შოკოლადის ჭიქურის რეცეპტი, რომელიც თქვენს კულიჩს განსაკუთრებულს გახდის.

ინგრედიენტები :

1 ჭიქა შაქრის პუდრა

1-2 კვერცხის ცილა

2 ჩ.კოვზი კაკაო

1 ჩ.კოვზი შაქრიანი ვანილი

1 ჩ.კოვზი ლიმონის წვენი ან 10 წვეთი  წყალში გახსნილი ლიმონმჟავა

მომზადების წესები :

ღრმა ჭურჭელში ჩავყაროთ შაქრის პუდრა,კაკაოს ფხვილი და შაქრიანი ვანილი.

წაიკითხეთ კულიჩის რეცეპტები  აქ >>

შემოვდგათ ორთქლის აბაზანაზე, დავუმატოთ ლიმონის წვენი,კვერცხის ცილა და ავსრისოთ კოვზით ერთგვაროვანი მასის მიღებამდე.

 

შოკოლადის ტორტი მოხარშული კრემით თუ პეროგი ” ვულკანი “

შოკოლადის  დესერტი ” ვულკანი ” – ზოგი მას ტორტს უწოდებს,ზოგი კი პეროგს,  მაგრამ ამას ხომ მნიშვნელობა არ აქვს. იგი არის  ფაფუკი და ლამაზი, მკვეთრად გამოხატული შოკოლადის არომატით.

ინგრედიენტები :

3 კვერცხი

300 გრ.შაქარი

300 გრ.ფქვილი

200 გრ.შოკოლადის ფილა

60 გრ.კაკოს ფხვნილი

160 გრ.არაჟანი( 20 %)

140 გრ.კარაქი ( 82%)

160 მლ.მდუღარე წყალი

8 გრ.გამაფხვიარებელი

8 გრ. სოდა

ვანილის მოხარშული კრემი

6 კვერცხის გული

800 მლ.რძე

40 გრ.ფქვილი

40 გრ.სიმინდის სახამებელი

160 გრ.შაქარი

1 ვანილის ჩხირი

დეკორისათვის : 

200 გრ.შავი შოკოლადი

30 მლ.ზეთი

160 გრ.მოხალული ნიგოზი

მომზადების წესები :

ავიღოთ 26 სმ დიამეტრის ფორმა. ჩავაფინოთ ქაღალდი და გვერდებზე მოვუსვათ ცხიმი.

ღუმელი გავახუროთ 170 გრადუსზე.

შოკოლადი და კარაქი გავადნოთ ერთად ორთქლის აბაზანაზე.

ფქვილი, კაკაოს ფხვნილი, სოდა და გამაფხვიერებელი შევურიოთ.

კვერცხი ,არაჟანი და შაქარი ავთქვიფოთ, ჩავუმატოთ შოკოლადი კარაქთან ერთად და ბოლოს გაცრილი მშრალი ინგრედიენტები, მოვურიოთ.

ამის შემდეგ დავასხათ ადუღებული წყალი და კიდევ მოვურიოთ.

მოვამზადოთ ვანილის მოხარშული კრემი.

ვანილის ჩხირიდან  “ხიზილალა ”  ამოვიღოთ და ჩავდოთ რძეში.

რძე გავაცხელოთ.

კვერცხი, შაქარი, ფქვილი და სახამებელი ერთმანეთში შევურიოთ, დავასხათ 1/3 ცხელი რძე, მოვურიოთ და  ისე შევურიოთ  დარჩენილ ცხელ რძეში.

მასას განუწყვეტლივ ვურიოთ კოვზით გასქელებამდე, 30-40 წამი ვადუღოთ და ჩავაგდოთ კარაქი.

კრემი გადავიტანოთ საკონდიტრო ტომარაში.

ფორმაში გადავიტანოთ ცომი, ცენტრში მოვათავსოთ კრემი, ზედაპირი   გავასწოროთ,გამოვაცხოთ  დაახლოებით 35 წუთი, გააჩნია ღუმელს.

ზემოდან დეკორისათვის: შოკოლადი გავადნოთ,შევურიოთ ზეთი და  თუ სურვილი გვაქვს მოხალული ნიგოზი.

მე გირჩევთ,რომ ბოლო ეტაპი არ  გამოტოვოთ,რადგანაც  ამ ტორტს თუ პეროგს მოხალული ნიგოზი ძალიან უხდება.

 

 

 

 

 

 

შოკოლადის ოლადები ნიგვზით

ინგრედიენტები :

200 მლ.მაწონი

30 გრ.კაკაო

30 გრ.ნიგოზი

1 კვერცხი

3 სუფრის კოვზი შაქარი

1  ჭიქა ფქვილი

1 ჩაის კოვზი გავაფხვიერებელი

1/2 ჩაის კოვზი სოდა

მომზადების წესები :

თასში ჩავასხათ ოთახის ტემპერატურის ( საიდუმლო ნომერი 1) მაწონი.

მაწონს შევურიოთ კვერცხი მსუბუქად ავთქვიფოთ.

ნიგოზი დავაბლენდეროთ.

სითხეში ჩავყაროთ სოდა,მოვურიოთ, გაჩნდება ბუშტუკები და როცა უკვე რეაქცია მინელებას დაიწყებს,დავუმატოთ გამაფხვიერებელი ( საიდუმლო ნომერი 2).

თხევად მასას დავუმატოთ მცირე რაოდენობის შაქარი.ოლადების ცომი არ უნდა იყოს ტკბილი,რადგანაც შეწვისას გარედან დაიწვება და შიგნით იქნება უმი ( საიდუმლო ნომერი 3).

მასას დავუმატოთ მარილი.

ფქვილი აუცილებლად უნდა გავცრად და უნდა იყოს უმარლესი ხარისხის( საიდუმლო ნომერი 4).

გაცრილი ფქვილი ჩავყაროთ თასში და დავასხათ თხევადი მასა, კაკაო,ნიგოზი მოვურიოთ კოვზით ან ჩანგლით.მიქსერის ან სათქვეფის გამოყენება ამ ეტაპზე არ შეიძლება ( საიდუმლო ნომერი 5).

მოვზილოთ არაჟნის კონსისტენციის ცომი და დავასვენოთ 15 წუთი.

ცომს მოვურიოთ,კოვზით დავსვათ ბურთები გაცხელებულ ზეთიან  სქელძირიან( საიდუმლო ნომერი 6) ტაფაზე ,დავახუროთ თავსახური და შევწვათ ორივე მხრიდან.

შოკოლადის  ოლადები დიდი რაოდენობის ზეთში არ უნდა შევწვათ.შეწვის მომენტში იგი იწოვს ზეთს და შიგნით რჩება უმი ( საიდუმლო ნომერი 7).

შოკოლადის ოლადიკებს გადავუსვათ შაქრის მინანქარი და მოვაყაროთ ნიგოზი.

შოკოლადის ოლადიკები ნიგვზით მივირთვათ გემრიელიად!

 

ბისკვიტის ნამცხვარი “ნაძვის ხეები”კრემით და ფსტით

ინგრედიენტები  ბისკვიტისათვის:

6 კვერცხი

6 ს.კოვზი შაქარი

6 ს.კოვზი ფქვილი

1 ჩ.კოვზი გამაფხვიერებელი( თუ კარგი ღუმელი გაქვთ,გამაფხვიერებელი არ უნდა)

შაქრიანი ვანილი

მწიკვი მარილი

დიკორაციისათვის :

200 გრ.თეთრი შოკოლადი

200 გრ.ფსტა

 

მომზადების წესები :

საცხობი ქაღალდისგან გამოვჭრათ 20 სმ დიამეტრის წრეები და ჩავჭრათ ცენტრამდე .დავამზადოთ კონუსები და  რომ არ დაგვეშალოს, გვერდები დავამაგროთ კლიფსით.

 

ღუმელი ჩავრთოთ და გავახუროთ 180 გრადუსზე.

კვერცხის გულები და ცილა გავაცალკავოთ.

კვერცხის ცილაში ჩავყაროთ მწიკვი მარილი და  3 ს.კოვზ  შაქრთან ერთად მოვამზადოთ ბეზე.ვთქვიფოთ მიქსერით.

ცალკე ავთქვიფოთ კვერცხის გულები გათეთრებამდე 3ს.კოვზ შაქართან ერთად.

გოგლიმოგლში ხის კოვზით ან ნიჩბით შევურიოთ ბეზე.

ფქვილს შევურიოთ შაქრიანი ვანილი და ხის კოვზით ან კულინარიული ნიჩაბით  ნაზად შევურიოთ კვერცხიან მასას.

ულუფობით, ქვემოდან ზემოთ მიმართულებით.დიდხანს არ ამოვურიოთ,რომ ცომიდან არ გამოვდენოთ ჰაერის  ბუშტუკები.

ცომით ავასოთ ფორმები  და გახურებულ ღუმელში გამოვაცხოთ.

ბისკვიტის ნამცხვარი გავაგრილოთ.

ფუნჯით წავუსვათ ორთქლზე გამდნარი შოკოლადი და მოვაყაროთ ფსტა .

შოკოლადით გავუკეთოთ მწვერვალი.

თეთრი და შავი ბისკვიტი კარაქით

ინგრედიენტები  თეთრი ბისკვიტისათვის:

6 კვერცხი

135 გრ.ფქვილი

45 გრ.სიმინდის სახამებელი

180 გრ.შაქარი

45 გრ.კარაქი

30 გრ.შაქრიანი ვანილი

თუ კარგი ღუმელი გაქვთ,გამაფხვიერებელი ( 1 ჩ.კოვზი) არ უნდა

მომზადების წესები :

კარაქი გავადნოთ და გავაციოთ.

ერთმანეთში შევურიოთ ფქვილი და  სახამებელი .

კვერცხის ცილისაგან მოვამზადოთ ბეზე(6 კვერცხის ცილა და 90 გრ. შაქარი).

კვერცხის გულებისა და 90 გრ.შაქრისაგან გოგლი- მოგლი  მოვამზადოთ .

ხის კოვზით ჯერ კვერცხის გულები და ბეზე ულუფობით შევურიოთ ერთმანეთს,შემდეგ კი დავუმატოთ  ფქვილი სახამებელთან ერთად.

შემდეგ ნაპირებთან მოვასხათ გამდნარი,გაციებული კარაქი.ფრთხილად გადავურიოთ,გადავიტანოთ ფორმაში და წინასწარ გახურებულ ღუმელში გამოვაცხოთ 30 წუთი.

ინგრედიენტები კაკაოს ბისკვიტისათვის :

6 კვერცხი

40 გრ.კარაქი

150 გრ.შაქარი

90 გრ.ფქვილი

30 გრ.სახამებელი

25 გრ.კაკაო

თუ კარგი ღუმელი გაქვთ,გამაფხვიერებელი ( 1 ჩ.კოვზი) არ უნდა

ამ ბისკვიტით კეთდება ტორტი პრაღა.წაიკითხეთ რეცეპტი.

მომზადების წესები :

კარაქი გავადნოთ და გავაციოთ.

ერთმანეთში შევურიოთ ფქვილი და კაკაო .

კვერცხის ცილისაგან მოვამზადოთ ბეზე(6 კვერცხის ცილა და 75 გრ. შაქარი).

კვერცხის გულებისა და 75 გრ.შაქრისაგან გოგლი- მოგლი  მოვამზადოთ .

ხის კოვზით ჯერ კვერცხის გულები და ბეზე ულუფობით შევურიოთ ერთმანეთს,შემდეგ კი დავუმატოთ  ფქვილი კაკაოსთან ერთად.

შემდეგ ნაპირებთან მოვასხათ გამდნარი,გაციებული კარაქი.ფრთხილად გადავურიოთ,გადავიტანოთ ფორმაში და წინასწარ გახურებულ ღუმელში გამოვაცხოთ 30 წუთი.

სააღდგომო შოკოლადის კულიჩი

ინგრედიენტები :

ხაში :

0,5 ლიტრა რძე

2 ჭიქა ფქვილი

2 ს.კოვზი მშრალი საფუარი ან 50 გრ.ნედლი

1 ს.კოვზი შაქარი

ინგრედიენტები ცომისათვის :

200 გრკარაქი

2 ჭიქა  შაქარი ( 260 გრ)

1 ს.კოვზი ზეთი

4 კვერცხი

200 გრ.შოკოლადი

ვანილი

40 გრ.ნუშის ფანტელები

1 ფორთოხალი

ქიშმიში გემოვნებით

დაახლოებით 1 კგ.ფქვილი,, ხაშთან ერთად 1300 გრ

ამ რაოდენობის ინგრედიენტებით გამოდის 4 დიდი ზომის კულიჩი.

მომზადების წესები :

ქიშმიში დავალბოთ ცხელ წყალში. დამბალ ქიშმიშს წყალი გადავუწუროთ და შევაშრალოთ ქაღალდის ხელსახოცით.

ჯერ მოვამზადოთ ოპარა: თბილ რძეში გავხსნათ საფუარი,შაქარი და ფქვილი,გადავაფაროთ თავზე ,დავდოთ თბილ ადგილას და დაველოდოთ ამოფუებას.

კვერცხი შაქართან ერთად ავთქვიფოთ გათეთრებამდე.

კარაქი გავადნოთ.

შოკოლადი გავადნოთ ორთლის აბაზანაზე.

აფუებულ ხაშს შევურიოთ ერთი ფორთოხლის წვენი და ცედრა, გოგლი – მოგლი, ქიშმიში, გამდნარი კარაქი, შოკოლადი . დაჭრილი ნუში და ფქვილი კარგად მოვურიოთ. ცომი უნდა ეწეპებოდეს ხელს.თავსახური დავაფაროთ,დავდოთ თბილ ადგილას და დაველოდოთ ცომის მეორედ ამოსვლას.

ამოსული ცომი ჩავზილოთ ,ისევ თავსახური დავახუროთ და დაველოდოთ მესამედ ამოსვლას.

ფორმებს მოვუსვათ ცხიმი,მოვაყაროთ ფქვილი და ნახევრამდე შევავსოთ ცომით. ფორმებს გადავაფაროთ და დაველოდოთ ცომის ამოსვლას.

კულიჩები გამოვაცხოთ  180 გრადუსზე და გავაფორმოთ სურვილისამებრ.

 

 

 

 

 

 

 

შოკოლადის ჩიფსები ტორტებისა და დესერტების გასაფორმებლად

ინგრედიენტები:

1 კვერცხი

1 კვერცხის ცილა

100 გრ.შაქარი

2  -3 ს.კოვზი კაკაო

2  -3 ს.კოვზი ფქვილი

მწიკვი მარილი

2 ს.კოვზი კარაქი ოთხის ტემპერატურის

60 გრ.ნუშის ფანტელები

მომზადების წესები :

ნუშის ფანტელები 170 გრადუსზე 5-7 წუთი ღუმელში გამოვაშროთ.

ფქვილს შეურიოთ მარილი და კაკაო.

კვერცხი, ცილა და შაქარი ავთქვიფოთ,შემდეგ შევურიოთ კარაქი და მშრალი ინგრედიენტები.

ღუმელის ტაფაზე დავაფინოთ ქაღალდი. ცომი  სუფრის კოვზით დავასხათ ულუფობით ერთმანეთისაგან დაშორებით ,მოვაყაროთ დატეხილი ან მთლიანი ნუშის ფანტელები და გამოვაცხოთ 170 გრადუსზე 8 წუთი.ცხელივე გადავაფინოთ ძალიან სწრაფად  საბრტყელებელზე, გავაგრილოთ და შემდეგ გადავიტანოთ თეფშზე.

შოკოლადის ჩიფსებით გავაფორმოთ ტორტის გვერდები ან გამოვიყენოთ სურვილისამებრ.

 

 

შოკოლადის კექსი ” ფონდანტი” თხევადი გულსართით – ფრანგული სამზარეულო

შოკოლადის ფანდანტი  ან შოკოლადის მაფინი, პოპულარული ფრანგული დესერტია, რომელიც სიტყვასიტყვით ითარგმნება როგორც “შოკოლადის დნობა”. ეს მხოლოდ ჯადოსნური დესერტია გირჩევთ ნაყინთან ერთად მიირთვათ!

ინგრედიენტები :

150 გრ.შავი შოკოლადი

50 გრ.შაქარი

50 გრ.კარაქი

2 კვერცხი

30-40 გრ.ფქვილი

 

მომზადების წესები:

შოკოლადი დავტეხოთ,დავუმატოთ კარაქი და ერთად გავადნოთ ორთქლის აბაზანაზე და შემდეგ გავაგრილოთ.

კვერცხი ავთქვიფოთ შაქართან ერთად,დავუმატოთ შოკოლადი კარაქთან ერთად და ფქვილი.ცომი არ უნდა იყოს ძალიან  მაგარი,მაგრამ ძნელად უნდა ეცემოდეს კოვზიდან.

მაფინის ფორმებს წავუსვათ კარაქი,მოვაყაროთ ფქვილი ან კაკაო,შევავსოთ 2/3  ცომით და 5-10 წუთი ვცხობთ 180 გრადუსზე გახურებულ ღუმელში.

კექსი ფრთხილად გადმოვიტანოთ თეფშზე,სუფრაზე მივიტანოთ ცხელი.

ეს ფრანგული დესერტი ფონდანტი, შოკოლადის კექსი თხევადი გულსართით ძალიან გემრიელია!

 

ადვილი და გემრიელი კექსი ბავშვებისათვის – დესერტი მარმარილოს ეფქტით

ეს კექსი ძალიან პოპულარულია 12 წლამდე ასაკის ბავშვებში.იგი ადვილი გამოსაცხობია და თანაც ყოველთვის სიურპრიზი გველოდება.კექსს ჩამოვჭრით და დავინახავთ –  მუქი და თეთრი ცომი სხვადასხვანაირად  არის განაწილებული,  შეუძლებელია ორი იდენტური ნახატის მიღება.

ინგრედიენტები :

500 გრ.ფქვილი

250 გრ.კარაქი ან მარგარინი

440 გრ.შაქარი

4 კვერცხი

250 მლ.რძე

ვანილი

ნახ. . კოვზი სოდა

3 .კოვზი კაკაო
2
კოვზი შაქარი


მომზადების წესები :

ფორმას  წავუსვათ ზეთი და მოვაყაროთ ფქვილი.

მშრალი ინგრედიენტები ერთმანეთში შევურიოთ.

კარაქი შაქართან ერთად მიქსერით ავთქვიფოთ, ცალობით შევათქვიფოთ კვერცხი. დავამატოთ ჯერ რძე,შემდეგ  ფქვილი,

მოვზილოთ თხელი ცომი.

ცომი გავყოთ 2 ნაწილად.

1 ნაწილს დავუმატოთ 3 .კოვზი კაკაო და 2..კოვზი შაქარი.

ფორმაში ჩავაფინოთ ცხიმიანი ქაღალდი,მონაცვლეობით ჩავასხათ თეთრი და მუქი  ცომი,გამოვაცხოთ 180 გრადუსზე გახურებულ ღუმელში .

კექსი გავაციოთ მოვაყაროთ შაქრის პუდრა ან დატეხილი თხილი.

ეს კექსი მარმარილოს ეფექტით ძალიან გემრიელია!

 

უბრალოდ ძალიან გემრიელია ! – შოკოლადის კექსი ვაშლისა და ხაჭოს გულსართით

ინგრედიენტები :

3 ჭიქა ფქვილი

6 კვერცხი

300 გრ.ნაღების კარაქი

1,5 ჩ.კოვზი სოდა

1,5 ს.კოვზი ლიმონის წვენი

6 ს.კოვზი კაკაო

პიტნა გემოვნებით

შაქრის პუდრა გემოვნებით

ცუკატები გემოვნებით

ინგრედიენტები გულსართისათვის :

1 კვერცხის გული

4 ვაშლი

1,5 ჭიქა შაქარი

150 გრ.ხაჭო

20 გრ.ცუკატები

მომზადების წესები :

ფორმაში ჩავაფინოთ ცხიმიანი ქაღალდი.

ფქვილში შევურიოთ კაკაო.

ავთქვიფოთ კვერცხი და შაქარი,დავუმატოთ  სოდა,ლიმონის წვენი ,კარაქი.კვერცხიან მასას შევურიოთ მშრალი ინგრედიენტები.

ცომი გადავიტანოთ ფორმაში.

ხაჭო,კვერცხის გული,შაქარი დავაბლენდეროთ,შევურიოთ ცუკატები.

ვაშლები გავთალოთ,გამოვუღოთ გული,ამოვავსოთ ხაჭოს მასით და ჩავდოთ ცომში.

ვაცხობთ ერთი საათი 180 გრადუსზე.