ტორტი ” ოტელო ”

ინგრედიენტები:

6 კვერცხი

200 გრ.ნაღების კარაქი

500 მლ. მაწონი

400 გრ.შაქარი

4 ს.კოვზი კაკაო

600 გრ.ფქვილი

1 ჩ.კოვზი სოდა ( სავსე)

კრემი:

400 გრ.კარაქი

2 ქილა შესქელებული რძე

ვანილი

 

მომზადების წესები :

მშრალი ინგრედიენტები  ერთმანეთში შევურიოთ.

კვერცხი მიქსერით ავთქვიფოთ გათეთრებამდე,დავუმატოთ გაზზე გამდნარი  და გაგრილებული კარაქი ,მაწონი.

შემდეგ შევურიოთ მშრალი ინგრედიენტები.

ფორმაში ჩავაფინოთ  ცხიმიანი ქაღალდი. ფორმას წავუსვათ  გვერდებზე ცხიმი,ჩავასხათ ცომი და 1 საათი გამოვაცხოთ 180 გრადუსზე წინასწარ გახურებულ ღუმელში.

კრემის მომზადება:

400 გრ.კარაქი მიქსერით ამოვიყვანოთ კარგად,ნელ-ნელა შევურიოთ 2 ქილა შესქელებული რძე და ვანილი.

ბისკვიტი კარგად გავაციოთ, ზემოდან ერთი ფენა ავაჭრათ,რომ გავასწოროთ,გავყოთ 2-ან 3 ნაწილად და ფენებს შორის და გვერდებზე  კრემი წავუსვათ.

ზემოდან და გვერდებზე მოვაყაროთ ბისკვიტის ნაფშვენები ან მოვრთოთ სურვილისამებრ.

 

ტორტი ზახერი – ავსტრიული შოკოლადის დესერტი.

ავსტრიელმა კონდიტერმა ფრენც ზახერმა მე-19 საუკუნეში მოამზადა მინისტრ მეტერხინისთვის. ამ ტორტის უამრავი რეცეპტი არსებობს, შოკოლადის განაში და გარგლის  ჯემის ფენა ყველა ვერსიისათვის არის აუცილებელი.ჩვენ გთავაზობთ კლასიკურ რეცეპტს.

ინგრედიენტები :

100 გრ-412 კკალ

  • 175 გრ.კარაქი
  • 150 გრ.ფქვილი
  • 6 კვერცხი
  • 100 გრ.შაქარი
  • 1 ჩ.კოვზი გამაფხვიერებელი
  • 1 ს.კოვზი კონიაკი
  • 100 გრ. შავი შოკოლადი( 70%)
  • 50 გრ.ნიგოზი
  • 1 ჩ.კოვზი შაქრიანი ვანილი

გულსართი და ზემოდან წასასმელად:

  • 300 გრ.გარგლის ჯემი
  • 200 გრ.შოკოლადის ფილა( 70%)
  • 1 ს.კოვზი კონიაკი
  • 6-7 წვეთი ლიმონის წვენი
  • 50 გრ.კარაქი
  • 100 გრ.შაქრის პუდრა.
  • 2 -3 ს.კოვზი ცხელი წყალი

 

ნიგოზი მოვხალოთ,ქერცლი გავაცალოთ,დავყაროთ პერგამენტის ქაღალდის ნახევარზე,მეორე ნახევარი გადავაფაროთ და ცომის საბრტყელებლით დავაქუცმაცოთ.მივაქციოთ ყურადღება,რომ ქაღალდი  ნიგოზის ცხიმით დაისვრება.ნიგოზის ცხიმი რომ არ დავკარგოთ და დესერტი გემრიელი გამოგვივიდეს, დავუმატებთ 1 ჩ.კოვზს შაქარს.შაქარი ცხიმს შეიწოვს და ისე გადავიტანოთ ფქვილში.

ფქვილს ასევე  დავუმატოთ კაკოს ფხვნილი,გამაფხვიერებელი,მარილი.

შოკოლადის ფილა დავტეხოთ,ორთქლის აბაზანაზე გავადნოთ და გავაგრილოთ და შევურიოთ 1 ს.კოვზი კონიაკი.

კვერცხი ცილა ავთქვიფოთ შევურიოთ  75 გრ.შაქარი.

კარაქი ავთქვიფოთ 75 გრ.შაქართან ერთად და  შევათქვიფოთ თითო-თითოდ კვერცხის გულები.ბოლოს კი დავუმატოთ გაგრილებული შოკოლადი.მიღებულ მასას მონაცვლეობით  დავუმატოთ მშრალი ინგრედიენტები და ამოყვანილი ბეზე.

ფოლგას ერთი მხრიდან წავუსვათ ცხიმი.

ფორმას წავუსვათ ცხიმი,გადავიტანოთ ცომი, გადავაფაროთ ფოლგა და  ცივ ღუმელში 170 გრადუსზე   ვაცხობთ 40 წუთი,შემდეგ ფოლგა მოვაშოროთ და კიდევ გამოვაცხოთ 10-15 წუთი.

ბისკვიტი გავაგრილოთ, გავჭრათ შუაზე.

ბისკვიტს შუაში,ზემოდან და გვერდებზე წავუსვათ გარგლის ჯემი და შევდოთ 15 წუთი საყინულეში ,რომ ადვილად წავუსვათ შოკოლადის განაში.

თუ გარგლის ჯემი სქელია,მაშინ გავაცხელოთ და  ბისკვიტს ისე წავუსვათ .

შოკოლადის განაში გავყოთ ორად.ნახევარი ტორტს წავუსვათ ზემოდან და გვერდებზე, გადავიტანოთ თეფშზე , შევდოთ საყინულეში  5-10 წუთი და ბოლოს წავუსვათ განაშის მეორე ნახევარი.

შოკოლადის განაში:

შოკოლადი გავადნოთ ორთქლის აბაზანაზე,დავუმატოთ შაქრის პუდრა,კარაქი,ლიმონის წვეთები,კარგად მოვურიოთ და ბოლოს ჩავამატებთ ცხელ წყალს და კიდევ მოვურევთ.არ დაგავიწყდეთ ლიმონის წვეთების ჩამატება,რადგანაც ლიმონის მჟავის დამატებით განაში გაცივების შემდეგ ,დესერტის ზედაპირზე ხდება ბრტყელი.

ტორტ ზახერს აუცილებლად უნდა ქონდეს ზემოდან წარწერა.

ორთქლის აბაზანაზე გავადნოთ შოკოლადი,გადავიტანოთ ქარალდის კორნეტში,წვერი მოვაჭრათ და ტორტს ზემოდან გავუკეთოთ წარწერა.

ტორტი ” შავი ქლიავი შოკოლადში”

ინგრედიენტები;

კვერცხი – 2 ცალი

შედედბული რძე – 1 ქილა

ფქვილი – 160 გრ.

სოდა – 12 გრ.

ლიმონის წვენი – 18 მლ.

შავი ქლიავის ჩირი  – 400 გრ + 10  -15 ცალი გასაფორმებლად

ნიგოზი – 160 გრ

უნალექო ყავა – 15 გრ

წყალი

კონიაკი– 18 მლ

კაკაო – 75 გრ

მზესუმზირის ზეთი – 40 მლ

შოკოლადის კარაქი – 50 გრ

კრემი:

არაჟანი (20%) – 500 მლ

კვერცხის ცილა – ½ ცალი

შაქარი – 200 გრ

მინანქარი (1 ულუფა):

 

შაქარი — 75 გრ

რძე– 55 მლ

კაკაო – 75 გრ

კარაქი — 75 გრ

გასაფორმებლად

შავი შოკოლადი – 150 გრ

 

 

ღუმელი გავახუროთ 180°C.

ავთქვიფოთ კვერცხი შედედებულ რძესთან ერთად. აურიოთ კაკაო კარაქში და შევათქვიფოთ კვერცხიან-რძიან მასას,დავუმატოთ ფქვილი,სოდა ლიმონის წვენით და მივიღებთ თხევად ცომს .

ფორმაში ჩავაფინოთ ქაღალდი,წავუსვათ შოკოლადის კარაქი,ჩავასხათ ცომი და გამოვაცხოთ 20 -25 წუთის განმავლობაში 180 გრადუსზე. გამომცხვარი ბისკვიტი გავაციოთ ფორმაში,შემდეგ შევახვიოთ პლასტიკში და შევდოთ 1 საათი მაცივარში.

შავი ქლიავი გავრეცხოთ და 1,5-2 საათი წყალში დავალბოთ . შემდეგ გამოვუღოთ კურკები,გავაშროთ და დავჭრათ. ნიგოზი მოვხალოთ,მოვაცალოთ ქერცლი და დავჭრათ.

მოვამზადოთ კრემი. არაჟანი ჩავასხათ ოთხფენა მარლაში, რომელიც მოთავსებულია საწურში.მარლის კუთხეები შევკრათ,დავახუროთ თეფში და დავადოთ სიმძიმე და ასე შევდოთ 1,5-2 საათი მაცივარში

კვერცხის ცილის ნახევარი ავთქვიფოთ და  შაქართან ერთად მიქსერით არაჟანს შევათქვიფოთ.

ყავას დავასხათ ცხელი წყალი,დავუვატოთ კონიაკი.

ბისკვიტი გავყოთ 3 ფენად.. ქვედა ორი ფენა ყავის ნაყენიტ დავნამოთ,წავუსვათ კრემი,ზემოდან კი დავაწყოთ დაჭრილი ქლიავის ჩირი და ნიგოზი.ტორტის გვერდებს და ზედა ნაწილს წავუსვათ კრემი,მაგრამ არ მოვაყაროთ ნიგოზი და შავი ქლიავის ჩირი .

ტორტი 10 წუთი შევდოთ მაცივარში. ტორტი გავაფორმოთ შავი ქლიავის ჩირით,გახეხილი შოკოლადითა და ნიგვზის ნატეხებით.

ალუმინის პატარა ქვაბში ჩავასხათ რძე,ჩავაგდოთ კარაქი.ცალკე შევურიოთ კაკო და შაქარი,როგორც კი კარაქი დადნება,დავუმატოთ კაკაო შაქრით,მოვურიოთ,მივიყვანოთ ადუღებამდე და 5 წუთი გავაციოთ.

ტორტს 2 ეტაპათ გადავასხათ მინანქარი.შოკოლადის მინანქრის ნახევარი ტორტს დავასხათ,შევდოთ მაცივარში 5 წუთი,შემდეგ კი მეორე ნახევარით დვფაროთ.

შოკოლადისა და ყავის ტორტი ფერერო როშე

ინგრედიენტები :

ბისკვიტი:
ფქვილი -380 გრ.
კაკაოს ფხვნილი – 75 გრ.
შაქარი – 450 გრ.
ვანილინი -1 გ.
მარილი -1 / 2 სთ.
სოდა -2 ჩ.კ.
ძმარი 9% -2.ს.კოვზი
კვერცხი – 3 ცალი
კარაქი – 90 გ.
მცენარეული ზეთი -90 გრ.
რძე – 420 მლ.

დასანამად:
ყავა -1,5 ს.კოვზი
მდუღარე წყალი -150 მლ.
ლიქიორი -2 ს.კოვზი

გულსართი:
თხილი -130 გ.
ვაფლები -30 გრ.
თეთრი შოკოლადი -150 გრ.
ნაღები 20% -3 ს.კოვზი

კრემი:
ნაღები  33% -300 მლ.
ნუტელა -4 ს.კოვზი

შოკოლადის  მინანქარი:
მუქი შოკოლადი -150 გ.
ნაღები 20% -100 მლ

 

მომზადების წესები :

ფორმის დიამეტრი -24-26 სმ.

ფორმაში ჩავაფინოთ ქაღალდი.გვერდებზე და ძირზე მოვუსვათ ცხიმი.

მშრალი ინგედიენტები შევურიოთ ერთმანეთს.

კვერცხები,მცენარეული ზეთი,ოთახის ტემპერატურაზე დარბილებული კარაქი,რძე ერთმანეთში შევურიოთ,დავუმატოთ მშრალი ინგრედიენტები და მიქსერით  ერთგვაროვანი მასის მიღებამდე ავთქვიფოთ.მივიღებთ თხევად ცომს,რომელშიც ჩავამატებთ ძმარს,მოვურიოთ კოვზით.

ცომი ჩავასხათ ფორმაში და გამოვაცხოთ 170 გრადუსზე 50-60 წუთი.

დასანამის მოსამზადებლად ყავას დავასხათ მდუღარე წყალი,დავუმატოთ ლიქიორი.

გულსართი: მოხალულ თხილს ქერცლი გავაცალოთ,დავაბლენდეროთ.

თეთრ შოკოლადს დავასხათ ნაღები და ორთქლის აბაზანაზე გავადნოთ.

თხილი,დატეხილი ვაფლი,დამდნარი შოკოლადი ერთმანეთში შევურიოთ.

კრემი: ცივი ნაღები მიქსერით ამოვიყვანოთ და შევურიოთ ნუტელა.

ტორტის აწყობა:ბისკვიტი გავჭრათ 3 ნაწილად.ფენები დავნამოთ.პირველ და მეორე ფენას წავუსვათ კრემი და მოვაყაროთ გულსართი.მესამე ფენას დავნამავთ და წავუსმევთ მარტო კრემს.ბისკვიტის ფენები ერთმანეთზე დავალაგოთ.ტორტს გვერდებზეც კრემი წავუსვათ და შევდოთ 4 საათი მაცივარში.

ტორტს ზემოდან შეგვიძლია მოვასხათ მინანქარი ან მოვრთოთ კანფეტის ბურთულებით.გვერდებზე მოვაყაროთ დაფქული თხილი.

 

 

ნაყინის ტორტი ” შემწვარი ალიასკა “

ინგრედიენტი:

800-1200 გრ.ნაყინი

ნამცხვარი ბრაუნი

იტალიური მერენგა

მომზადების წესები :

თასში ჩავაფინოთ პლასტიკი.ჩავდოთ ნაყინი და ჩავტკეპნოთ.

პლასტიკი თავზე დავაფაროთ და შევდოთ საყინულეში 3 საათი.

გამოვაცხოთ  ბრაუნი.

ინგრედიენტები:

150 გრ.შავი შოკოლადი 70%

200 გრ.შაქარი

70 გრ.ფქვილი

2 კვერცხი

170 გრ.კარაქი

100 გრ.თხილი ან ნიგოზი

მწიკვი მარილი

 

შოკოლადი და კარაქი გავადნოთ ორთქლის აბაზანაზე.

კვერცხისაგან და შაქრისაგან გავაკეთოთ გოგლიმოგლი, შევურიოთ შოკოლადის მასაში.

ნარევს შევურიოთ ფქვილი და მარილი.

თხილი მოვხალოთ ტაფაზე, გავაგრილოთ, მსუბუქათ დავაბლენდეროთ,ცომში შევურიოთ.

ფორმაში ჩავაფინოთ ქაღალდი,წავუსვათ ცხიმი,ჩავასხათ ცომი და გამოვაცხოთ 180 გრადუსზე 30-35 წუთი.ნამცხვარი გამოდის სველი,თითქოს ჩავარდნილია.

ბრაუნი გავაგრილოთ და შაბლონის მიხედვით  მივცეთ ფორმა.

მოვამზადოთ იტალიური მირენგა.

4 კვერცხის ცილა

200 გრ.შაქარი

100 მლ.წყალი

1ჩ.კოვზი ლიმონის წვენი

 

100 მლ.წყალი ჩავასხათ ალუმინის ქვაბში,ჩავყაროთ ცენტრში შაქარი,ამით ავიცილებთ  შაქრის დაკრისტალებას.ხელი არ ვახლოთ და მაღალ ცეცხლზე მოვადუღოთ სიროფი,სანამ შაქარი არ გადნება.

ცივ წყალში ჩავაწვეთოთ სიროფის წვეთები,თუ წარმოიქმნა თეთრი ფერის რბილი ბურთულები,სიროფი მზადაა.

კვერცხის ცილას დავუმატოთ ლიმონის წვენი და ავთქვიფოთ მყარ პიკამდე.მიქსერით თქვეფა არ შევაჩეროთ და წვრილი ჭავლით ჩავასხათ შაქრის  სიროფი.მირენგა ვთქვიფოთ გაცივებამდე ყინულის აბაზანაზე.მოხარშულ ცილოვან კრემს გადავაფაროთ პლასტიკი და შევდოთ მაცივარში.

ავაწყოთ ტორტი.ნაყინიანი თასი გამოვიტანოთ მაცივრიდან, ცეცხლგამძლე, კერამიკულ თეფშზე  გადმოვაბრუნოთ.

ზემოდან მოვრთოთ ბეზეთი.

შევდოთ 250 გრადუსზე წინასწარ გახურებულ ღუმელში 3-4 წუთი.

დესერტი  დაუყოვნებლივ  დავჭრათ,იქვე მივიტანოთ სუფრასთან   და მოვირთვათ.

 

 

 

 

 

შოკოლადისა და ყავის ტორტი ყარაყუმი

ინგრედიენტები:

კვერცხი – 3 ცალი
შაქარი – 400 გ
ვანილი – 1 ცალი
კარაქი – 100 გ
კაკაო – 75 გ (3 შეკვრა)
მაწონი – 500 გ
სოდა – 2 ჩ/კ
ძმარი – 2 ჩ/კ
ფქვილი – 3 ჭიქა ( 500- 600 გ)

კრემი:
მოხარშული შედედებული რძე  – 2 ცალი
კარაქი – 300 გ
ხსნადი ყავა – 1 ს/კ
კონიაკი – 1 ს/კ
ვანილი – 1 ცალი
შავი შოკოლადი – 1 ცალი

კვერცხები და შაქარი  თქვიფოთ, შეძლებისდაგვარად დიდხანს, დაუმატეთ ვანილი, 100გრ კარაქი,  კაკაო,  მაწონი,  სოდა ძმრით და  ფქვილი.

ცომი  გამოდის ბევრი,ამიტომ გამოვაცხოთ 26 სმ დიამეტრის გასაშლელ ფორმაში 180 გრადუსზე.

კრემი:

მოხარშული შედედებული რძე ავთქვიფოთ,შევათქვიფოთ კარაქი,დავუმატოთ კონიაკი,ყავა და ვანილი.

ბისკვიტი ფორმიდან არ გადმოვიღოთ.თუ იგი  მაღალია, ფორმას გვერდი მოვხსნათ,ბისკვიტი გავჭრათ ფენებად ,კრემი  ფენებს შორის,ზემოდან და გვერდებზე წავუსვათ,მოვაყაროთ  გახეხილი შოკოლადი და ერთი ღამით შევდოთ მაცივარში. თუ ბისკვიტი მაღალი არ გამოგვივა,მაშინ კრემი მხოლოდ ზემოდან წავუსვათ .

ამ რეცეპტით გამომცხვარი ბისკვიტი არის ძალიან ფაფუკი.კრემი მოგვეჩვენება არის ბევრი,მაგრამ არ მოვიტოვოთ ,რადგანაც ბისკვიტი მთლიანად შეიწოვს და ზედაპირზე დარჩება საკმარისი.

 

ნამცხვარი პოლ რობსონი – ბავშვობის დაუვიწყარი გემო

ინგრედიენტები:

6 კვერცხი

200 გრ.ნაღების კარაქი

500 მლ. მაწონი

400 გრ.შაქარი

4 ს.კოვზი კაკაო

600 გრ.ფქვილი

1 ჩ.კოვზი სოდა ( სავსე)

 

კრემი:

2 ლ გაწურული არაჟანი

400 გრ.შაქარის პუდრა

ან

400 გრ.კარაქი

2 ქილა შესქელებული რძე

ვანილი

 

მომზადების წესები :

მშრალი ინგრედიენტები  ერთმანეთში შევურიოთ.

კვერცხი მიქსერით ავთქვიფოთ გათეთრებამდე,დავუმატოთ გაზზე გამდნარი  და გაგრილებული კარაქი ,მაწონი.

შემდეგ შევურიოთ მშრალი ინგრედიენტები.

ფორმაში ჩავაფინოთ  ცხიმიანი ქაღალდი. ფორმას წავუსვათ  გვერდებზე ცხიმი,ჩავასხათ ცომი და 1 საათი გამოვაცხოთ 180 გრადუსზე წინასწარ გახურებულ ღუმელში.

კრემის მომზადება: გაწურულ არაჟანს შევათქვიფოთ შაქრის პუდრა

ან 400 გრ.კარაქი მიქსერით ამოვიყვანოთ კარგად,ნელ-ნელა შევურიოთ 2 ქილა შესქელებული რძე და ვანილი.

ბისკვიტი კარგად გავაციოთ, ზემოდან ერთი ფენა ავაჭრათ,რომ გავასწოროთ,გავყოთ 2-ან 3 ნაწილად და ფენებს შორის და გვერდებზე  კრემი წავუსვათ.

ზემოდან და გვერდებზე მოვაყაროთ ბისკვიტის ნაფშვენები ან მოვრთოთ სურვილისამებრ.

 

თაფლის ნამცხვარი სპარტაკი

100 გრ – 358 კკალ

ინგრედიენტები:

ცომი :

350 გრ.ფქვილი

100 გრ.კარაქი

70 გრ.თაფლი

2 კვერცხი

5 გრ.სოდა

5 გრ. გამაფხვიერებლი

30 გრ. კაკაოს ფხვნილი

150 გრ.შაქარი

მოხარშული არაჟნის კრემი:

350 გრ.20-25% არაჟანი

130 გრ.შაქარი

10 გრ. შაქრიანი ვანილი

20 გრ.სახამებელი  ან ფქვილი

200 გრ.ნაღების კარაქი

1 კვერცხი

მინანქარი:

50 გრ.რძე

50 გრ.კარაქი

30 გრ.კაკაოს ფხვნილი

100 გრ.შაქარი

მომზადების წესები :

ფირფიტების გამოსაცხობად ავიღოთ დასაშლელი ფორმა  20-22 დიამეტრის.

გაცრილ ფქვილში შევურიოთ კაკაოს ფხვილი და გამაფხვიერებელი.

კვერცხები ავთქვიფოთ.

ღრმა ქვაბში შევურიოთ კარაქი ,შაქარი და თაფლი ,შემოვდგათ ორთქლის აბაზანაზე.გამდნარ მასაში ჩავასხათ გათქვეფილი კვერცხი,დავუმატოთ სოდა და გავაჩეროთ  ორთქლის აბაზანაზე 5-10 წუთი.მასა აფუვდება.

თხელ მასას დავასხამ ფქვილს და მოვზელთ ცომს. 15 წუთი გავაციოთ.ცომი გავყოთ  8 გუნდად  და დავალაგოთ ფქვილმოყრილ თეფშზე.შევდოთ 30 წუთი მაცივარში.

მოხარშული არაჟნის კრემი:

არაჟანი,ვანილი,კვერცხი,შაქარი,სახამებელი შევურიოთ ერთმანეთს და შემოვდგათ ორთქლის აბაზანაზე.ვურიოთ განუწყვეტლივ კრემის გასქელებამდე.შესქელებულ მასას დაეტყობა სათქვებით ხაზები.გადავიტანოთ სხვა თასში და გავაგრილოთ.

ოთახის ტემპერატურაზე დარბილებული კარაქი ავთქვიფოთ და კოვზობით შევათქვიფოთ გაგრილებული მოხარშული არაჟნის კრემი.

ფქვილმოყრილ დაფაზე გავაბრტყელოთ ცომის გუნდები,გადავიტანოთ საცხობ ქაღალდზე ,დავჩხვლიტოთ ჩანგლით და თითოეული  გამოვაცხოთ 180 გრადუსზე წინასწარ გახურებულ ღუმელში 8-10 წუთი.

გამომცხვარ ფირფიტებზე დავდოთ ფორმის ძირი და ირგვლივ შემოვაჭრათ დანით. ჩამონაჭრელები წვრილად  დავფშვნათ.ფირფიტებს შორის და გვედებზე  წავუსვათ კრემი .ზემოდან მოვასხათ მინანქარი და გვერდებზე მოვაყაროთ წვრილი  ნაფშვენები.ტორტი შევდოთ მაცივარში 10-12 საათი.

მინანქრის მომზადება:

შაქარი და კაკაოს ფხვნილი ერთმანეთში შევურიოთ,დავასხათ რძე და 1-2 წუთი ვადუღოთ ცეცხლზე.შემდეგ ჩავდოთ კარაქი. როცა შეგრილდება,ზემოდან წავუსვათ ტორტ სპარტაკს.

 

 

 

 

 

 

 

 

 

 

ტორტი პრაღა

ინგრედიენტები:

ბისკვიტი:

150 გრ.შაქარი
115 გრ ფქვილი
25 გრ.კაკაო
40 გრ  კარაქი
6 კვერცხი

გამაფხვიერებელი ან სოდა საჭირო არ არის,თუ კარგი ღუმელი გვაქვს.

კრემი:
დარბილებული კარაქი 200 გ
კვერცხის გული 1
შესქელებული რძე 120 გ
წყალი 20 მლ
კაკაო 10 გ
ვანილიანი შაქარი 1 პაკეტი
გარგრის ჯემი 60 გ
მინანქარი:
შავი შოკოლადი 80 გ
კარაქი 80 გ

მინანქარი:

80 გრ.შოკოლადი

80 გრ.კარაქი

კარაქი გავადნოთ და გავაციოთ.

ერთმანეთში შევურიოთ ფქვილი და კაკაო .

კვერცხის ცილისაგან მოვამზადოთ ბეზე(6 კვერცხის ცილა და 75 გრ,შაქარი).

კვერცხის გულებისა და 75 გრ.შაქრისაგან გოგლი- მოგლი  მოვამზადოთ .

ხის კოვზით ჯერ კვერცხის გულები და ბეზე ულუფობით შევურიოთ ერთმანეთს,შემდეგ კი დავუმატოთ  ფქვილი კაკაოსთან ერთად.

შემდეგ ნაპირებთან მოვასხათ გამდნარი,გაციებული კარაქი.ფრთხილად გადავურიოთ,გადავიტანოთ ფორმაში და წინასწარ გახურებულ ღუმელში გამოვაცხოთ 30 წუთი.

კრემის მომზადება:

კვერცხის გული,შესქელებული რძე,წყალი შევურიოთ ,დაბალ ცეცხლზე დავდგათ,ვურიოთ განუწყვეტლივ შესქელებამდე.

ავთქვიფოთ კარაქი თეთრ ფუმფულა მასად.შევათქვიფოთ მოხარშულლი კრემი და კაკაო.დავუმატოთ ვანილიანი შაქარი.

ბისკვიტი გავჭრათ 3 ნაწილად.პირველ ორს წავუსვათ კრემი,მესამეს და გვერდებს კი გარგლის ჯემი(სასურველია,რომ ჯემი გავატაროთ საცერში,რომ ხილის მარცვლები შესამჩნევი არ იყოს).

ზემოდან მოვასხათ მინანქარი ( ორთქლზე გამდნარი შოკოლადი და კარაქი).

 

 

 

 

ტორტი ლეოპარდი

 

ინგრედიენტები:

300 გრ.კარაქი

6 კვერცხი

300 გრ.შაქრის პუდრა

300 გრ.ფქვილი

1 ჩ.კოვზი გამაფხვიერებელი

1 ცალი ფორთოხლის ცედრა

1 სუფრის კოვზი ჭარხლის წვენი

1 ს.კოვზი კაკაოს ფხვნილი

ინგრედიენტები განაშისათვის:

200 გრ შავი შოკოლადი

35 %-იანი ნაღები

50 გრ.კარაქი

200 გრ.თეთრი შოკოლადი(მოსართავად)

200 გრ.შავი შოკოლადი(მოსართავად)

 

დარბილებული კარაქი და შაქარი გათეთრებამდე  ავთქვიფოთ .ჯერ კვერცხი შევათქვიფოთ  და შემდეგ  მშრალი ინგრედიენტები.

ცალკე თასში გადავიტანოთ ცომის 1/3 ნაწილი და გავყოთ 2 ნაწილად.

 

1 ნაწილს შევურიოთ ყვითელი საღებავი ან ჭარხლის წვენი.თერმული დამუშავებისას  წითელი ცომი მიიღებს სტაფილოსფერს.

მე-2 ნაწილს დავუმატოთ კაკაოს ფხვნილი და კარგად მოვურიოთ.

დარჩენილ ცომში შევურიოთ ფორთოხლის ცედრა.

ავიღოთ 20-22 სმ-ის დიამეტრის საცხობი ფორმა და ჩავაფინოთ ქაღალდი.ფორმას ძირში და გვერდებზე წავუსვათ ზეთი .

ცომის სამივე ნაწილი  გადავიტანოთ 3 სხვადასხვა საკონდიტრო  ფორმაში და  გადავანაწილოთ ,წრეები მოვხატოთ გამოსაცხობ ფორმაში ისე,როგორც ეს სქემაზე არის ნაჩვენები.წრეებს შორის დარჩენილი სივრცეები  ამოვავსოთ თეთრი ცომით

 

მოვამზადოთ შოკოლადის განაში:

200 გრ შავი შოკოლადი დავტეხოთ ,დავასხათ 200 გრ.ცხელი ნაღები,დავუმატოთ 50 გრ.კარაქი და მოვურიოთ.მივიღებთ ერთგვაროვან მასას და ზემოდან,გვერდებზე ტორტს წავუსვათ.

შეგვიძლია განში 5-6 საათით შევდოთ მაცივარში და შემდეგ მიქსერით ამოვიყვანოთ .

ორთქლის აბაზანაზე სხვადასხვა თასში გავადნოთ 100 გრ.შავი შოკოლადი და 100 გრ.თეთრი შოკოლადი.

ტორტი გავაფორმოთ ზემოდან და გვერდებზე ისე,როგორც ეს სურათზე არის ნაჩვენები.