შოკოლადისა და ყავის ტორტი ფერერო როშე

ინგრედიენტები :

ბისკვიტი:
ფქვილი -380 გრ.
კაკაოს ფხვნილი – 75 გრ.
შაქარი – 450 გრ.
ვანილინი -1 გ.
მარილი -1 / 2 სთ.
სოდა -2 ჩ.კ.
ძმარი 9% -2.ს.კოვზი
კვერცხი – 3 ცალი
კარაქი – 90 გ.
მცენარეული ზეთი -90 გრ.
რძე – 420 მლ.

დასანამად:
ყავა -1,5 ს.კოვზი
მდუღარე წყალი -150 მლ.
ლიქიორი -2 ს.კოვზი

გულსართი:
თხილი -130 გ.
ვაფლები -30 გრ.
თეთრი შოკოლადი -150 გრ.
ნაღები 20% -3 ს.კოვზი

კრემი:
ნაღები  33% -300 მლ.
ნუტელა -4 ს.კოვზი

შოკოლადის  მინანქარი:
მუქი შოკოლადი -150 გ.
ნაღები 20% -100 მლ

 

მომზადების წესები :

ფორმის დიამეტრი -24-26 სმ.

ფორმაში ჩავაფინოთ ქაღალდი.გვერდებზე და ძირზე მოვუსვათ ცხიმი.

მშრალი ინგედიენტები შევურიოთ ერთმანეთს.

კვერცხები,მცენარეული ზეთი,ოთახის ტემპერატურაზე დარბილებული კარაქი,რძე ერთმანეთში შევურიოთ,დავუმატოთ მშრალი ინგრედიენტები და მიქსერით  ერთგვაროვანი მასის მიღებამდე ავთქვიფოთ.მივიღებთ თხევად ცომს,რომელშიც ჩავამატებთ ძმარს,მოვურიოთ კოვზით.

ცომი ჩავასხათ ფორმაში და გამოვაცხოთ 170 გრადუსზე 50-60 წუთი.

დასანამის მოსამზადებლად ყავას დავასხათ მდუღარე წყალი,დავუმატოთ ლიქიორი.

გულსართი: მოხალულ თხილს ქერცლი გავაცალოთ,დავაბლენდეროთ.

თეთრ შოკოლადს დავასხათ ნაღები და ორთქლის აბაზანაზე გავადნოთ.

თხილი,დატეხილი ვაფლი,დამდნარი შოკოლადი ერთმანეთში შევურიოთ.

კრემი: ცივი ნაღები მიქსერით ამოვიყვანოთ და შევურიოთ ნუტელა.

ტორტის აწყობა:ბისკვიტი გავჭრათ 3 ნაწილად.ფენები დავნამოთ.პირველ და მეორე ფენას წავუსვათ კრემი და მოვაყაროთ გულსართი.მესამე ფენას დავნამავთ და წავუსმევთ მარტო კრემს.ბისკვიტის ფენები ერთმანეთზე დავალაგოთ.ტორტს გვერდებზეც კრემი წავუსვათ და შევდოთ 4 საათი მაცივარში.

ტორტს ზემოდან შეგვიძლია მოვასხათ მინანქარი ან მოვრთოთ კანფეტის ბურთულებით.გვერდებზე მოვაყაროთ დაფქული თხილი.

 

 

შოკოლადისა და ყავის ტორტი ყარაყუმი

ინგრედიენტები:

კვერცხი – 3 ცალი
შაქარი – 400 გ
ვანილი – 1 ცალი
კარაქი – 100 გ
კაკაო – 75 გ (3 შეკვრა)
მაწონი – 500 გ
სოდა – 2 ჩ/კ
ძმარი – 2 ჩ/კ
ფქვილი – 3 ჭიქა ( 500- 600 გ)

კრემი:
მოხარშული შედედებული რძე  – 2 ცალი
კარაქი – 300 გ
ხსნადი ყავა – 1 ს/კ
კონიაკი – 1 ს/კ
ვანილი – 1 ცალი
შავი შოკოლადი – 1 ცალი

კვერცხები და შაქარი  თქვიფოთ, შეძლებისდაგვარად დიდხანს, დაუმატეთ ვანილი, 100გრ კარაქი,  კაკაო,  მაწონი,  სოდა ძმრით და  ფქვილი.

ცომი  გამოდის ბევრი,ამიტომ გამოვაცხოთ 26 სმ დიამეტრის გასაშლელ ფორმაში 180 გრადუსზე.

კრემი:

მოხარშული შედედებული რძე ავთქვიფოთ,შევათქვიფოთ კარაქი,დავუმატოთ კონიაკი,ყავა და ვანილი.

ბისკვიტი ფორმიდან არ გადმოვიღოთ.თუ იგი  მაღალია, ფორმას გვერდი მოვხსნათ,ბისკვიტი გავჭრათ ფენებად ,კრემი  ფენებს შორის,ზემოდან და გვერდებზე წავუსვათ,მოვაყაროთ  გახეხილი შოკოლადი და ერთი ღამით შევდოთ მაცივარში. თუ ბისკვიტი მაღალი არ გამოგვივა,მაშინ კრემი მხოლოდ ზემოდან წავუსვათ .

ამ რეცეპტით გამომცხვარი ბისკვიტი არის ძალიან ფაფუკი.კრემი მოგვეჩვენება არის ბევრი,მაგრამ არ მოვიტოვოთ ,რადგანაც ბისკვიტი მთლიანად შეიწოვს და ზედაპირზე დარჩება საკმარისი.

 

იტალიური ტირამისუ შეფ-მზარეული ნინო წენგუაშვილის რეცეპტით

ინგრედიენტები :

5 კვერცხიი
500 გ მასკარპონე
1/2 ჭიქა  შაქარი
ტირამისუს ჩხირები  ( სავოიარდი)
3 ს.კ. ყავა( ხსნადი)
ვანილი
კაკაო

მომზადების წესები :

ორი ჯამი ავიღოთ .ერთში  გულები, მეორეში ცილა მოვათავსოთ .გულებს  1/2 შაქარი დავამატოთ და კარგად გავთქვიფოთ.შემდეგ მასკარპონე  შევათქვიფო. ცილებისგან ბეზე გავაკეთოთ და მასას ნელა  შეურიოთ .ბოლოს ვანილი დაუმატოთ.

სანამ კრემის მომზადებას დავიწყებთ , დაახლოებით 2 დიდი ჭიქა ყავა მოვამზადოთ,რომელშიც შეგვიძლიათ დავუმატოთ ამარეტო.

ყავა დავატკბოთ ნახევარი ჭიქა შაქრით.ტირამისუს, სასურველია,მივცეთ  მართკუთხედის ფორმა.

ჩხირები  ყავაში ჩავასველოთ და ფენად ჩავალაგით ფორმაში .ფენებს შორის წავუსვათ კრემი.

ტირამისუს გადავაკრათ საკვების შესაფუთი პარკი და შევდგათ მაცივარში დაახლოებით 3-4 საათი.

სუფრასთან მიტანის წინ მოვაყაროთ კაკაო. ( ყავაში შეგვიძლია დავუმატოთ ამარეტო )

 

ჯანჯაფილის საახალწლო ქოხი

ინგრედიენტები :

200 გრ.ნაღების კარაქი ან მარგარინი

1 ჩ.კოვზი ჯანჯაფილის ფხვილი

1 ჩ.კოვზი დაფქული მიხაკი

1 ჩ.კოვზი დარიჩინი

ნახ.ჩაის კოვზი მარილი

3 ჩ.კოვზი გამაფხვიერებელი

5 ჭიქა ფქვილი

1 ჭიქა შაქარი

2 კვერცხი

150 გრ.თაფლი

4 ს.კოვზი წყალი

1 ს.კოვზი ხსნადი ყავა

 

მომზადების წესები :

4 ს.კოვზ ცივ წყალში გავხსნათ ხსნადი ყავა.

მშრალი ინგრედიენტები შევურიოთ ერთმანეთში.

კარაქი ავთქვიფოთ,შევათქვიფოთ კვერცხი,თაფლი,მშრალი ინგრედიენტები და მოვზილოთ ცომი.

მივიღებთ წებოვან ცომს.ცომი შევახვიოთ პარკში და შევინახოთ მაცივარში მინიმუმ 6 საათი.

ცომი გავყოთ 3 ნაწილად.თითოეული ნაწილი გავაბრტყელოთ 2 ქაღალდს შორის.გაბრტყელებული ცომი ქაღალდიანად გადავიტანოთ თუნუქის ფირფიტაზე.სასურველი ზომის ქოხის კედლები ამოვჭრათ და გამოვაცხოთ.

ან ცომი გავაბრტყელოთ ფქვილმოყრილ ტაფაზე, გავაბრტყელოთ ,ამოვჭრათ ქოხის ნაწილები, ვაცხობთ 12 – 15 წუთი.

ჯერ გავაფორმოთ ქოხის კედლები აისინგით,შემდეგ კი შევაერთოთ ისევ  აისინგით.

აისინგი:

2 კვერცხის ცილა

2 ს.კოვზი ლიმონის წვენი

300-500 გრ.შაქრის პუდრა საჭიროების მიხედვით

 

 

 

 

 

 

 

ყავის ტორტი” მოკო”

ინგრედიენეტები :

6 კვერცხი

1 ჭიქა შაქარი

2 ს.კოვზი ლიმონის წვენი

1 ჩ.კოვზი ლიმონის ცედრა

1 ჩ.კოვზი უნალექო ყავა

2 ს.კოვზი ცხელი წყალი

2 ჩ.კოვზი გამაფხვიერებელი

1/2 ჭიქა ფქვილი

1/4 ჩ.კოვზი მარილი

 

მომზადების წესები :

ყავა გავხსნათ ცხელ წყალში.

ფქვილს შევურიოთ გამაფხვიერებელი და მარილი.

კვერცხის გულები ავთქვიფოთ შაქართან ,ლიმონის წვენთან და ცედრასთან ერთად,შევათქვიფოთ ფქვილი,ყავა და შევურიოთ ცალკე ათქვეფილი კვერცხის ცილა.

22 სმ დიამეტრის ფორმას წავუსვათ ცხიმი,მოვაყაროთ ფქვილი,ჩავასხათ ცომი და გამოვაცხოთ 180 გრადუსზე წინასწარ გახურებულ ღუმელში 20 წუთი.

გაგრილებული ბისკვიტი გავჭრათ 3-4 ნაწილად და ფენებს წავუსვათ ყავის მინანქარი.

ყავის მინანქარი:

1/2 ჭიქა შაქარი

1/4 ჭიქა მაგარი ყავა( 1/4 ჭიქა  წყალი+1 ს.კოვზი უნალექო ყავა)

1/4 ჭიქა ყავის ლიქიორი

155 გრ.კარაქი

3 კვერცხის გული

 

მაგარ ყავაში გავხსნათ შაქარი,ჩავასხათ ლიქიორი და მოვადუღოთ სქელი სიროფი.

ცხელი სიროფი წვეთ-წვეთობით ჩავასხათ  კვერცხის გულებში და თან ვთქვიფოთ მიქსერით.

ცალკე ავთქვიფოთ დარბილებული კარაქი გათეთრებამდე და  ნელ-ნელა შევათქვიფოთ კვერცხის გულისა და ყავის მასა.

ტორტ მოკოს ყავის მინანქარი წავუსვათ გვერდებზეც,ზემოდან და მოვრთოთ სურვილისამებრ.

 

 

 

 

 

 

 

 

 

მოხარშული ყავის კრემი დესერტებისათვის

ინგრედიენტები :

500 მლ.რძე

ხსნადი ყავა

5 კვერცხის გული

60 გრ.ფქვილი

100-150 გრ.შაქარი

30 გრ.შავი შოკოლადი

მომზადების წესები :

400 მლ.რძეში ჩავყაროთ ყავა დავდგათ ცეცხლზე და ავდუღოთ.

კვერცხის გული, შაქარი  შევურიოთ ერთმანეთს, დავუმატოთ ფქვილი  და  100 მლ.ცივი რძე.

ნარევს დავუმატოთ 150 მლ. მდუღარე რძე,მოვურიოთ( კვერცხი, რომ არ ამობრუნდეს) , ჩავყაროთ გახეხილი შავი შოკოლადი,კარგად გავხსნათ და ჩავასხათ ადუღებულ  ყავიან   რძეში.

კრემი ვხარშოთ დაბალ ცეცხლზე გასქელებამდე.არ დაგვავიწყდეს ,უნდა ვურიოთ სწრაფად და შეუჩერებლად.

კრემს კონტაქტში გადავაფაროთ პლასტიკი და გავაციოთ.

ეს კრემი ზალიან უხდება შუ “პარი ბრესტს”

შუ “პარი ბრესტი”გავჭრათ შუაზე და გამოვავსოთ კრემით.

 

ყავის რულეტი

ინგრედიენტები :

400 გრ.შედედებული რძე

50 გრ.ნაღების კარაქი

2 კვერცხი

160 გრ.ფქვილი

2 გრ.მარილი

1 ჩ.კოვზი ყავა

1 ს.კოვზი გადადუღებული წყალი

1/3 ჩ.კოვზი ლიმონის წვენი

1/3 ჩ.კოვზი სოდა

მომზადების წესები :

ღუმელი გავახუროთ 180 გრადუსზე.

1 ჩ.კოვზ ყავას დავასხათ 1 ს.კოვზი გადადუღებული წყალი და გავხსნათ.

შედედებული რძე და კვერცხი ავთქვიფოთ ერთად.მასაში ჩავასხათ გაზზე გამდნარი კარაქი , დავუმატოთ სოდა ლიმონის წვენით ,მარილი, ყავა, ფქვილი და მიქსერით ავთქვიფოთ.

ღუმელის ტაფაზე დავაფინოთ ქაღალდი,მოვუსვათ ცხიმი,დავასხათ ცომი, გადავანაწილოთ თანაბრად და გამოვაცხოთ 10-12 წუთი.

ბისკვიტის სისქე უნდა გამოგვივიდეს 1 მმ.ხოლო გულსართი სისქე უნდა იყოს 2 მმ.

ცხელ ბისკვიტს მოვაცილოთ ქაღალდი,დავდოთ ტილოზე , გადავახვიოთ და ასე გავაგრილოთ.

ყავის კრემი :

300 მლ.რძე

1 ჩ.კოვზი ყავა

3 კვერცხის გული

15 გრ.სახამებელი

20 გრ.ფქვილი

30 გრ.რძიანი შოკოლადი

5 გრ.ჟელატინი

100 გრ.კარაქი

რძეში გავხსნათ 1 ჩ.კოვზი ხსნადი ყავა და შევათბოთ.

ჟელატინი დავალბოთ გადადუღებულ და გაგრილებულ წყალში,გავაჩეროთ 15 წუთი.

კვერცხის გული აავთქვიფოთ შაქართან ერთად,შევურიოთ ფქვილი და სახამებელი.

მასა ჩავასხათ რძეში,შეუჩერებლად ვურიოთ,რომ კოშტები არ გაჩნდეს,

ცხელშივე ჩავყაროთ დატეხილი შოკოლადი,მოვურიოთ და ბოლოს ჩავუმატოთ აფუებული ჟელატინი.

ჟელატინი ცხელ კრემში გადნება.

კრემი გავაგრილოთ  და მაცივარში შევდოთ ნახევარი საათი.

კარაქი ავთქვიფოთ და კოვზობით შევათქვიფოთ  კრემი.

ბისკვიტს 2 მმ სისქეზე წავუსვათ კრემი ,გადავახვიოთ.

რულეტი ზემოდანაც შეგვიძლია კრემით მოვრთოთ ან დავჭრათ 8 ნაჭრათ და თითოეული ნაჭერი  გავაფორმოთ კრემით.

შაქრის მინანქარი

ინგრედიენტები :

200 მლ.წყალი

500 გრ.შაქარი

100 გრ.საკონდიტრო გლუკოზა ან ინვენტური სიროფი

თასი წყლით.

1 ს.კოვზი ლიმონის წვენი

 

მომზადების წესები :

ალუმინის ქვაბში ჩავყაროთ  გლუკოზა,შაქარი და დავასხათ წყალი,მოვადუღოთ სიროფი .

სიროფის წვეთი ჩავასხათ ცივ წყალში.თუ წყალში წარმოიქმნა რბილი ბურთულა,მაშინ სიროფი მხადაა.

ამის შემდეგ ჩავასხათ ლიმონის წვენი და მაღალ სიჩქარეზე ავთქვიფოთ მასის გაგრილებამდე და გათეთრებამდე.

შეგვიძლია დავუმატოთ კულინარიული საღებავი.

სრულიად განსხვავებული ტორტი ”კარპატკა ” პოლონური დესერტი

ინგრედიენტები;

125 მლ. წყალი

125 მლ.რძე

1/2 ჩ . კოვზი შაქარი

მწიკვი მარილი

4-5 კვერცხი

100 გრ.კარაქი

150 გრ.ფქვილი

 

ცომის მე-2 ვერსია

250 მლ.წყალი

100 გრ.კარაქი

100 გრ.ფქვილი

1/3 ჩ.კოვზი მარილი

4 კვერცხი

რძე და წყალი ერთმანეთში შევურიოთ,ჩავყაროთ შაქარი,მწიკვი მარილი და ავადუღოთ.

როგორც კი წამოდუღდება ჩავაგდოთ კარაქი ,დავაცადოთ კარაქს გადნობა.

გაგრძელება იხ აქ.http://localhost/fuck/index.php/2016-09-09-13-15-25/item/420-2018-05-09-13-36-26

ღუმელის ტაფაზე დავაფინოთ პერგამენტის ქაღალდი.გადავიტანოთ ცომი კოვზით ან საკონდიტრო შპრიცით

და გადავანაწილოთ ისე,რომ ზედაპირი იყოს უსწორმასწორო.ტორტი,რაც მეტად არეულია ზედაპირი,მით მეტი ლამაზი გამოდის.

გამოვაცხოთ წინასწარ გახურებულ ღუმელში 200 გრადუსზე 35 წუთი.

მოვამზადოთ მოხარშული კრემი ნაღების კარაქით.

გამომცხვარი ფირიფტა გავჭრათ შუაზე,ერთ ფენას წავუსვათ სქლად კრემი,დავაფაროთ მეორე ფენა დამოვაყაროთ შაქრის პუდრა.

თუ გვაქვს პატარა ფპრმა გამოვაცხოთ ორი ბისკვიტი.

ვარიაციები;

ტორტი კარპატკა შეგვიძლია მოვამზადოთ კარამელის,მარწყვის ,ფორთოხლის ან ჟოლოს კრემით.

ასევე გავაფორმოთ  ხილით(ალუბალი,მარწყვი,მოცხარი,კენკრა).