კომშუს პიურე ხორცეულისათვის

ინგრედიენტები :

1 კგ.კომში

30 გრ.შაქარი

მწიკვი დარიჩინი

მომზადების წესები :

კომში გავრეცხოთ,თესლები გამოვუღოთ,გავთალოთ , დავჭრათ ნაჭრებად, მოვხარშოთ,დავაყაროთ შაქარი , დარიჩინი და დავაბლენდეროთ.

კომშის პიურე მზად არის.

მეორე ვარიაცია

1,5 კომში

80 გრ.შაქარი

60 გრ.კარაქი

ლიმონი

0,5 გრამი წვრილად დაფქული წიწაკა

მომზადების წესები :

კომში გავრეცხოთ,თესლები გამოვუღოთ,გავთალოთ , დავჭრათ ნაჭრებად, დავასხათ 0,5 ლიტრი წყალი ,,დავაყაროთ შაქარი , ჩავაგდოთ კარაქი და სუსტ ცეცხლზე ვხარშოთ 10-12 წუთი.

სითხე გადავღვაროთ .

კომში დავაბლენდეროთ .

პიურეს დავუმატოთ ლიმონის წვენი,ცედრა და წიწაკა.

კომშის პიურე განასაკუთებით უხდება ღორის ხორცს,ინდაური ფილეს და იხვის ხორცს.

მესამე ვარიაცია 

1 კგ.კომში

1 ჩაის კოვზი თაფლი

მარილი

სანელებლები

მომზადების წესები ;

კომში გავრეცხოთ,თესლები გამოვუღოთ,გავთალოთ , დავჭრათ ნაჭრებად, მოვხარშოთ,დავამატოთ თაფლი, , დარიჩინი ან ჯანჯაფილი და დავაბლენდეროთ.

თუ სოუსი გვინდა იყოს ცხარე.მაშინ ვუმატებთ წიწაკას.

ბულგარული წიწაკისა და პომიდვრის ლეჩო -მოვემზადოთ ზამთრისათვიოს საბჭოთა რეცეპტი

დღეს გთავაზობთ ბევრისათვის საყვარელ  ლეჩოს  საბჭოთა რეცეპტს. ამ რეცეპტით მომზადებული ბულგარული წიწაკა პომიდორში შეგვიძლია,მივირთვათ დამოუკიდებელი კერძად და ასევე გამოვიყენოთ ბორშის და სხვა მრავალი კერძის მოსამზადებლად.

ინგრედიენტები :

700 მლ.პომიდვრის წვენი ( სახლში მომზადებული)

400 გრ. წითელი ბულგარული

1 სუფრის კოვზი მარილი

80 მლ.ზეთი

80 გრ.შაქარი

4 შავი პილპილის მარცვალი

1 სუფრის კოვზი 9% ძმარი

მომზადების წესები :

პომიდვრის წვენი და ზეთი  ჩავასხათ ქვაბში,დავუმატოთ შაქარი,მარილი, შავი წიწაკის მარცვლები და ძმარი,ვხარშოთ 20 წუთი.

თუ ჩვენ არ გვაქვს პომიდვრის წვენი,მაშინ პამიდორი გავხეხოთ და გავატაროთ საცერში.პომიდვრის წვენს არ უნდა გაყვეს კანი და თესლები.

მოდუღებულ პომიდვრის წვენში ჩავყაროთ მსხვილად დაჭრილი ბულგარული და საშუალო ცეცხლზე ვადუღოთ 40 წუთი.ბოლოს ჩავუმატოთ ძმარი.

პომიდვრისა და ბულგარულის ლეჩო ცხელ-ცხელი ჩავასხათ სტერილურ ქილებში,ბოლომდე ავავსოთ და იქვე მოვხუფოთ.

 

როგორ მოვამზადოთ მდოგვი მარტივად სახლის პირობებში: 2 განსხვავებული რეცეპტი

როგორ მოვამზადოთ მდოგვი ფხვნილისაგან

ინგრედიენტები :

100-120 მლ. ცხელი წყალი,ტემპარატურა არ უნდა აღემატებოდეს 45 გრადუსს.

2 სუფრის კოვზი მდოგვის ფხვნილი

1,5 ჩ.კოვზი შაქარი

1,5-2 ჩ.კოვზი ზეთი

1/2 ჩ.კოვზი მარილი

1 სუფრის კოვზი ძმარი

 

მომზადების წესები :

პირველ რიგში მინის ქილაში  ( 200 გრ ) ჩავასხათ ზეთი,შემდეგ დავაყაროთ მდოგვის ფხვნილი,შაქარი,მარილი,მოვურიოთ და ნელნელა დავასხათ ცხელი წყალი ,თან ვურიოთ.ნაზავს ბოლოს დავუმატოთ ძმარი ან ლიმონის წვენი,დავახუროთ თავსახური და 3-4 საათი შევინახოთ თბილ ადგილას.

ამის შემდეგ შევინახოთ მაცივარში.

მაცივარში მდოგვი ინახება ერთი თვე.

როგორ მოვამზადოთ დიჟონის  მდოგვი მარცვლებისაგან – ფრანგული სამზარეულო

ინგრედიენტები  და მომზადების წესები :

250 გრ.მდოგვის მარცვალი

1/2 სუფრის კოვზი ვაშლის წვენი

1/2 სუფრის კოვზი ვაშლის ძმარი

მდოგვის მარცვლებს მოვასხათ ვაშლის წვენი,ვაშლის ძმარი ,გადავაფაროთ პლასტირი და 48 საათი შევინახოთ მაცივარში.

მიღებულ მასას დავუმატოთ შემდეგი ინგრედიენტები :

2 ს.კოვზი თაფლი

20 გრ.შაქარი

1 ჩ.კოვზი მარილი

2 ს.კოვზი ვაშლის ძმარი

მიღებული ნარევი შემოვდგათ  დაბალ ცეცხლზე  2 წუთი,გადმოვდგათ.

მთლიან მასას მოვაკლოთ 1/3 ,რომელსაც დავნაყავთ და ისევ ჩავამატებთ ძირითად მასაში.

მდოგვი ინახება მაცივარში1,5-2 თვე.

 

 

 

 

 

 

როგორ მოვამზადოთ ვაშლის მდოგვი სახლის პირობებში

ინგრედიენტები :

120 გრ.ვაშლის პიურე ( 3 დიდი ზომის ვაშლი)

2 სუფრის კოვზი( 10 გრ) მდოგვის ფხვნილი

1 ს.კოვზი თაფლი

3 ს.კოვზი სახლის პირობებში მომზადებული  ძმარი

3  მიხაკის მარცვალი

ნახევარი ჩაის კოვზი დარიჩინი

 

მომზადების წესები :

ვაშლები  180 გრადუსზე გახურებულ ღუმელში 30 წუთი გამოვაცხოთ.

გამომცხვარი ვაშლები გავაგრილოთ,ქერქი და გული მოვაშოროთ .

გამომცხვარი რბილობი ცალკე  ღრმა თასში ჩავდოთ.

ალუმინის ტაფა-ქვაბში ჩავასხათ ძმარი,დავუმატოთ მიხაკი,დარიჩინი და მივიყვანოთ ადუღებამდე.

გამომცხვარ რბილობს შევურიოთ მდოგვის ფხვილი და დავაბლენდეროთ.

მასას შევურიოთ მოდუღებული ძმარი,თაფლი და ისევ დავაბლენდეროთ.

 

საქონლის სუკი შავი შოკოლადით, ანანასით და ახალი კარტოფილის გარნირით

ინგრედიენტები :

400 გრ. საქონლის სუკი

200 გრ.კონსერვირებული ანანასის რგოლები

50 გრ.შავი შოკოლადის ფილა

2 გრ.ჯინჯერი

2 გრ. ცხარე წიწაკა

2 ს.კოვზი ზეთი

მომზადების წესები :

ანანასის რგოლები დავაბლენდეროთ  და პიურე ძალიან  გავათხელოთ კონსერვის ( ანანასი) წვენით .

საქონლის სუკს მოვაყაროთ მარილი და წიწაკა.

შავი შოკოლადი გავადნოთ,შევურიოთ ერთი სუფრის კოვზი ზეთი,ჯინჯერი და  დაფქული წიწაკა .

სუკი მოვათავსოთ ფორმაში,მოვასხათ ანანასის პიურეს  წვენი,და გამოვაცხოთ 200 გრადუსზე 20-30 წუთი.შიგნით ხორცი უნდა დარჩეს ვარდისფერი.

 

ახალი კარტოფილის გარნირი:

200 გრ.ახალი კარტოფილი

3 კბილი ნიორი

2 გრ.როზმარინი

ნახ.ჩაის კოვზი  ტრუფელის ზეთი ( იყიდება დიდ სუპერმარკეტებში)

ქინძი,რეჰანი

მარილი გემოვნებით

მომზადების წესები :

ახალი კარტოფილი შევწვათ გამდნარ კარაქში,არომატისთვის შეწვის დროს დავუმატოთ ნიორი და როზმარინი.

შემწვარ კარტოფილს მოვაყაროთ მარილი ,დაჭრილი მწვანილები და მოვასხათ ზეთი.

ავტორი: ვახტანგ დევდარიანი.

წყარო : იუთუბი,გადაცემა გურმანია ,18 მაისი 2017 წელი.

მაიონეზის მომზადება სახლის პირობებში

ინგრედიენტები :

1 კვერცხი

1 ჩ.კოვზი შაქრის პუდრა

1 ჩ.კოვზი მდოგვი

ნახევარი ლიმონის წვენი

მარილი გემოვნებით

150 მლ . მზესუმზირის ზეთი

მომზადების წესები :

როგორ მოვამზადოთ მაიონეზი მიქსერით.

კვერცხი და მდოგვი ავთქვიფოთ მიქსერით მაღალ სიჩქარეზე.

მიქსერი ვაბრუნოთ ერთი მიმართულებით .მდოგვი აუცილებელია კვერცხის  გასასქელებად.

შემდეგ ჩავამატოთ შაქრის პუდრა,მარილი და ამის შემდეგ წვეთ-წვეთობით ჩავამატოთ ზეთი.თან ვთქვიფოთ,თქვეფა არ შევაჩეროთ.

ბოლოს დავუმატოთ ლიმონის წვენი.

როგორ მოვამზადოთ მაიონეზი ბლენდერით .

ბლენდერის ჭიქაში ჯერ ჩავდოთ კვერცხი,შემდეგ ჩავდოთ მდოგვი,  ჩავყაროთ შაქრის პუდრა,მარილი , დავაბლენდეროთ ,დავასხათ ზეთი და ბოლოს ლიმონის წვენი.

ჩავდოთ ბლენდერი ჭიქის ფსკერამდე,ჩავრთოთ,გავაჩეროთ ჩართული 5 წამი და შემდეგ ვამოძრაოთ ქვემოდან ზემოთ მაიონეზის გასქელებამდე.

ასევე წაიკითხეთ, როგორ მოვამზადოთ მაიონეზი  “პროვანსალი “

რჩევა.

სასურველია ბლენდრი იყოს მძლავრი  და ყველა პროდუქტს ჰქონდეს ერთნაირი ტემპერატურა.

 

 

ქლიავის სოუსი ჩატნი – ინდური სამზარეულო

ინგრედიენტები სოუსი ჩატნისათვის:

150 გრ.ქლიავი

1 ვაშლი

1 ხახვი

3 კბილი ნიორი

დარიჩინის ჯოხი

8 გრ.ნედლი ჯანჯაფილი

2 გრ.ბაჰარი ( დაფქული)

1 გრ.წითელი წიწაკა დაფქული

20 მლ.ვაშლის ძმარი

75.გრ.შაქარი

5 გრ.მარილი

2გრ.შავი წიწაკა

 

მომზადების წესები :

ვაშლი გავთალოთ,გავყოთ 4 ნაწილად.

გავახუროთ ტაფა.

ხახვი გავფცქვნათ და გავყლოთ 6 ნაწილად.

ნიორი  დავჭრათ წვრილად.

ჯანჯაფილი გავთალოთ და გავხეხოთ.

გახურებულ ტაფაზე დავაწყოთ ვაშლი,ქლიავი,ხახვი,ჯანჯაფილი,ნიორი დავასხათ 60 მლ. წყალი და დაბალ ცეცხლზე ჩაითუშოს.

ჩატნის დავუმატოთ სუნელები:დარიჩინის ჯოხი,წითელი და შავი წიწაკა,დაფქული ბაჰარი,შაქარი,მარილი და მოვასხათ ძმარი.სოუსი ჩატნი მოვამზადოთ 40 წუთი დაბალ ცეცხლზე.მომზადებული სოუსიდან ამოვიღოთ დარიჩინის ჯოხი და დავაბლენდეროთ.

სოუსი მივირთვათ გამომცხვარ ღორის ხორცთან ერთად.

 

იტალიური პასტა ვეგეტარიანულად შეფ-მზარეული ნინო წენგუაშვილის რეცეპტით

ინგრედიენტები :

1/2 თავი ხახვი
30 გრ. წითელი ბულგარული
30 გრ. მწვანე ბულგარული
50 გრ. ბადრიჯანი
200 გრ. პომიდორი გახეხილი
შავი პილპილი
მარილი
ორეგანო
ნიორი
150 გრ. სპაგეტი

მომზადების წესები :

ხახვი წვილად დავჭრათ , ზეთში მოვშუშოთ და წვრილად დაჭრილი წითელი , მწვანე ბულგარულები დაუმატოთ .

ბადრიჯანი გავფცქვნათ , ოთკუთხედებად დავჭრად ,ხახვს და ბულგარულს  დავამატოთ, კარგად რომ ჩაიშუშება ,დავასხათ პომიდორი და ესეც კარგად მოვშუშოთ.

მარილი პილპილი, ორეგანო მოვაყაროთ.

სპაგეტი  მარილიან წყალში მოვხარშოთ , გადავწუროთ  და სოუსში ჩავყაროთ,კარგად ამოვურიოთ .ზევიდან შეგვიძლია,  წვრილად დაჭრილო ოხრახუში მოვაყაროთ.

იტალიური ლაზანია შეფ-მზარეული ნინო წენგაშვილის რეცეპტით

 

ინგრედიენტები:

10 -12 ცალი ლაზანიას ფირფიტა
800-1000 გრ. ხორცის ფარში
2-3 თავი ხახვი
2 ც სტაფილო
3-4 კბ ნიორი
500 – 700 მოცარელა
70 გრ. პარმეზანი
600 მლ პომიდორი გახეხილი
1 ლ. რძე
150 -200 გრ. ფქვილი
100 გრ. კარაქი
შავი პილპილი
ორეგანო .თეთრი ღვინო.
მუსკატის კაკალი დაფქვული

მომზადების წესები :

წვრილად დაჭრილი ხახვი კარაქში მოვშუშოთ,დავუმატოთ წვრილ სახეხზე გახეხილი სტაფილო და გავაგრძელოთ მოშუშვა.

ცოტა ხნის შემდეგ დავუმატოთ ფარში და დაბალ ცეცხლზე კარგად მოვშუშოთ.

მოშუშულ ფარშს დავუმატოთ პომიდორი , თეთრი ღვინო  , პილპილი ,ორეგანო და დაბალ ცეცხლზე

მოვშუშოთ კარგად ( რაც უფრო დიდხანს იშუშება სოუსი უფრო უკეთესია ).

ინგრედიენტები ბეშამელის სოუსისათვის :

800-1000 ლ. რძე
100 გრ. კარაქი
150- 200 ფქვილი
მუსკატის კაკალი
პილპილი
მარილი

მომზადების წესები ;

კარაქი  სქელძირიან ქვაბში გავადნოთ.

500 მ ლ რძე და ფქვილი დავაბლენდერეთ .  დავუმატოთ დამდნარი   კარაქი და  განუწყვეტლივ ვურიოთ, დარჩენილი რძით შევავსოთ

და  მუსკატის კაკალით( გახეხილი). პილპილითა და მარილით შევზავოთ.

ფორმას  მოვასხათ ცოტა ბეშამელი ,დავალაგოთ ლაზანიას ფირფიტები ფენებად.ფენებს შორის გადავანაწილოთ ხორციანი სოუსი,მოვასხათ ბეშამელი და ლაზანიას აწყობა დავამთავროთ ფირფიტით.ზემოდან მოვაყროთ  ჯერ მოცარელა და დავახეხოთ პარმეზანი.

ფორმას გადავაფაროთ ფოლგა და შევდგათ  წინასწარ გახურებულ ჰაერღუმელში  20-25 წუთი 180-200 გრადუსზე.

ბოლოს მოვაძროთ ფოლგა და ზემოდან დავბრაწოთ.