ზაფხულის ელექსირი – არომატული მარწყვის ლიქიორი

ინგრედიენტები ;

1 კილო შაქარი

1 კილო მარწყვი

1  ლიტრა  არაყი ( 40-45% სპირტი)

30 მლ.ლიმონის წვენი

ნახევარი ლიტრა წყალი

მომზადების წესები :

მარწყვი გავრეცხოთ,გადავარჩიოთ და შუაზე გავჭათ.

მარწყვის ნაჭრები ჩავყაროთ ქილაში, მოვასხათ  ლიმონის წვენი,დავასხათ სპირტი ,ისე რომ მარწყვი მთლიანად დაიფაროს.ქილას  მჭიდროდ დავახუროთ თავსახური და 14-16 დღე გავაჩეროთ მზეზე.

ქილიდან გადმოვასხათ ნაყენი და გავფილტროთ 3 ფენა მარლაში.

წყალს შევურიოთ შაქარი,მოვადუღოთ სიროფი,პერიოდულად მოვხადოთ ქაფი,ვადუღოთ 2-3 წუთი დაბალ ცეცხლზე.

სიროფი გავაგრილოთ ოთახის ტემპერატურამდე..

ნაყენი და სიროფი ერთმანეთს შევურიოთ.ლიქიორი გადავასხათ ქილებში და 7 დღე გავაჩეროთ სიბნელეში.ამ  პერიოდის შემდეგ ლიქიორი გამოსაყენებლად მზად არის !  ალკოჰოლური სასმელი,მარწყვის ლიქიორი ინახება ორი წელი.

 

 

 

 

 

მარწყვის მოხიტო – ზაფხულის ჰიტი ბევრად გემრიელია,ვიდრე ჩვეულებრივი კომპოტი

სამი მარტივი ინგრედიენტი : მარწყვი, პიტნა და ლიმონი – თითქოს ერთმანეთისთვის შეიქმნენ! ეს არის სრულიად ახალი გემო, ინგრედიენტების კარგი  კომბინაცია და უბრალოდ გასაოცარი შედეგი. თუ თქვენ ყოველ ზაფხულს ამზადებთ კომპოტებს ზამთრისათვის,სცადეთ ეს რეცეპტი. ეს არ არის მხოლოდ მარწყვის კომპოტი, არამედ იგი ნამდვილად  მოხიტოა! ერთდროულად მოხუფეთ  რამდენიმე ქილა – თქვენ არ ინანებთ!

 ერთი 3 ლიტიანი ქილის მოსამზადებლად დაგვჭირდება  შემდეგი ინგრედიენტები :

500 გრ.მარწყვი

1 ტოტი პიტნა

2 ნაჭერი ლიმონი

300 გრ.შაქარი

მომზადების წესები :

სუფთა 3 ლიტრიან ქილაში ჩავაწყოთ მარწყვი,პიტნა და ლიმონის ნაჭრები.

ქილა ავავსოთ მდუღარე წყლით.

ქილა გავაჩეროთ 40 წუთი.

ქილიდან გადმოვასხათ ნაყენი   და ქვაბში ჩავასხათ.

ნაყენში ჩავყაროთ შაქარი და მოვადუღოთ სიროფი.

მდუღარე სიროფით ისევ ავავსოთ ქილა და გავაპიპინოთ.

ქილა იქვე მოვხუფოთ,გადმოვაბრუნოთ,შევახვიოთ პლედში და დაველოდოთ გაგრილებას.

ეს  მარწყვის კომპოტი “მოხიტო “ძალიან გემრიელია.

 

მარწყვის კისელი ბებიის რეცეპტით

ინგრედიენტები :

1 ლიტრი წყალი

200 გრ.მარწყვი

50 გრ.შაქარი

30 გ.სიმინდის სახამებელი

მომზადების წესები :

მარწყვს დავაყაროთ საქარი,950 მლ.წყალი დავასხათ და მივიყვანოთ ადუღებამდე და ვადუღოთ 2 წუთი.

მარწყვის ნახარში გადავწუროთ.

სახამებელი გავხსნათ  50 მლ. წყალში,ჩავასხათ ნახარშში  ,მოვურიოთ და მივიყვანოთ ადუღებამდე.როგორც კი შესქელდება გადმოვდგათ ცეცხლიდან და გავაგრილოთ.თუ კისელი თხელი გამოგვივიდა,იგივე წესით ჩავამატოთ 1 ჩ.კოვზი სახამებელი და კვლავ მივიყვანოთ ადუღებამდე.

ეს უალკოჰოლო სასმელი ძალიან გემრიელია !

როგორ მოვადუღოთ მარწყვის კომპოტი

ინგრედიენტები :

1 კგ.მარწყვი

800 გრ.შაქარი

1 ლიტრა წყალი

1 ლიტრიანი ქილები

ლიმონმჟავა

მომზადების წესები :

სუფთა,სტერილურ ქილებში 300 -300  გრამი  მარწყვი ჩავყაროთ.

მოვადუღოთ სიროფი ,ჩავასხათ ქილებში და  ავავსოთ  ბოლომდე,გავაპიპინოთ.

ქილებს თავზე დავახუროთ თავსახური და გავაჩეროთ გაგრილებამდე.

ქვაბში ჩავასხათ თბილი წყალი,ჩავალაგოთ ქილები. ამ ეტაპზე თითო ქილაში  ჩაის კოვზის წვერით ჩავყაროთ ლიმონმჟავა ( 1 გრ.).წყალი ავადუღოთ  და ქილებს 10 წუთი გავუკეთოთ სტერილიზაცია.2 ლიტრიან ქილით კომპოტს ვუკეთებთ 15 წუთი სტერილიზაციას და 3 ლიტრიან ქილებით  კი 20 წუთი.

ქილა მოვხუფოთ და გადმოვაბრუნოთ ,ისე გავაგრილოთ.

მარწყვის კომპოტის მომზადების მეორე ვერსია

მარწყვი

1 ლიტრა წყალი

125 გრ. შაქარი

2 ლიტრინი ქილები

2 გრ.ლიმონმჟავა

მომზადების წესები :

ორლიტრიანი ქილა ავავსოთ მარწყვით ნახევრამდე.

1 ლიტრა წყლით და 125 გრ.შაქრის მოვადუღოთ სიროფი.

სიროფი ჩავასხათ ქილაში,გავაპიპინოთ , დავახუროთ თავსახური და გავაგრილოთ.

ქილიდან გადმოვასხათ სიროფი და მოვაუღოთ.

მარწყვს დავაყაროთ 2 გრ.ლომონმჟავა,დავასხათ სიროფი,ქილა ბოლომდე გავაპიპინოთ და სწრაფად მოვხუფოთ,გადმოვაბრუნოთ და ისე გავაგრილოთ.

 

 

 

 

ლიმონისა და პიტნის გამაგრილებელი სასმელი

ინგრედიენტები :

1 ლიმონი

1 პატარა შეკვრა პიტნა

1 ლაიმე

4 ს.კოვზი შაქარი ან გემოვნებით

3 ლიტრა წყალი

 

მომზადების წესები :

ლიმონს და ლაიმს გადავავლოთ ცხელი წყალი.

პიტნა გავრეცხოთ  .

ციტრუსი გავყოთ 4 ნაწილად ,გამოვწუროთ წვენი.

ციტრუსის გამოწურული ქერქი,შაქარი ჩავყაროთ 3 ლიტრიან ქილაში, ჩავასხათ  წვენი დავაყაროთ პიტნის ფოთლები.ქილაში ცავასხათ 100 მლ ადუღებამდე მიყვანილი წყალი და ფრთხილად მოვურიოთ ხის კოვზით,შაქარის გასადნობად .

ქილა შევავსოთ გადადუღებული და გაგრილებული წყლით,გადავაფაროთ მარლა. გავაჩეროთ თბილ ადგილას 30 წუთი და შემდეგ შევინახოთ სიგრილეში დილამდე. თუ გვინდა ნაკლებად კონცენტრირებული სასმელი დავამზადოთ,ნაყენი გავაჩეროთ სულ 4 საათი.

 

 

გარგლის კომპოტი – მოვემზადოთ ზამთრისათვის

ინგრედიენტები:

3 კგ.  გარგარი

2,5 კგ. .შაქარი

წყალი,რამდენიც საჭიროა ქილების ასავსებად.

გარგარი გავრეცხოთ,მოვაშოროთ კურკა.

3 ლიტრიან ქილებში ჩავყაროთ გარგარი, დავასხათ ცხელი წყალი,დავახუროთ თავსახური და გავაჩეროთ გაცივებამდე.

ქილებიდან ნაყენი გადმოვასხათ ქვაბში,დავუმატოთ შაქარი და მოვადუღოთ სიროფი. ქაფქაფა სიროფით ავავსოთ ისევ ქილები და გავუკეთოთ სტერილიზაცია 10 წუთი,შემდეგ კი მოვხუფოთ. ქილები გადმოვაბრუნოთ და ასე გავაგრილოთ.

მაყვლისა და ჟოლოს სმუზი

ინგრედიენტები:

1 პატარა ბანანი

ნახ ჭიქა მაყვალი

1 ჭიქა ჟოლო

1 ს.კოვზი თაფლი

170 გრ.ვანილიანი იოგურტი

იოგურტის ყინულები (სურვილისამებრ)

 

ბანანი დავჭრათ რგოლებად.

მაყვალი და ჟოლო გარეცხოთ და საწურზე დავწრიტოთ.

ყველა ინგრედიენტი ერთად დავაბლენდეროთ,ჩავასხათ ჭიქებში .თუ სურვილი გვაქვს ჩავყაროთ ყინულის ნაჭრები და გამრიელად მივირთვათ.

ქლიავის ლიქიორი

ინგრედიენტები:

1 კგ.  ძალიან მწიფე ქლიავი

0,5 მლ.არაყი

200 გრ.შაქარი

1 ფორთოხალი

 

1 ფორთოხლისგან მოვამზადოთ ცედრა,მოვაშოროთ თეთრი ქერქი და დავჭრათ კუბებად.

ქლიავი  არ ირეცხება. ქლიავს გარედან აქვს თეთრი ფერის ნადები,რომელიც ხელს უწყობს დუღილის პროცესს.

გაურეცხავ ქლიავებს გამოვაცალოთ კურკები,დავჭყლიტოთ და  ჩავდოთ 2ლიტრიან ქილაში დავუმატოთ შაქარი და ფორთოხალი,დავახუროთ პლასტმასის სახურავი,შევანჯღრიოთ,შევინახოთ 5 დღე გრილ ადგილას.

5 დღის შემდეგ მარლაში გავწუროთ, გამოვა 300 მლ.სითხე. ნაყენს შევურიოთ ფორთოხლის ცედრა,დავასხათ არაი და 24 საათი შევინახოთ ბნელ,გრილ ადგილას.

 

 

 

ტარხუნისა და მსხლის სასმელი

ინგრედიენტები :

100 გრ.ტარხუნა

75 გრ.შაქარი

2 მსხალი

1 ლიტრი წყალი ან გაზირებული წყალი

მომზადების წესები :

ტარხუნა  დავაბლენდეროთ შაქართან ერთად დავასხათ 200 მლ  წყალი და შევდოთ 20 წუთი მაცივარში.

ამ რეცეპტში მინერალურ წყალს არ ვამატებთ ,რადგანაც ტარხუნა რეაქციაში შედის სოდასთან და სხვა მინერალებთან და იღებს მწარე გემოს.

1 მსხალი დავაბლენდეროთ.მეორე დაგვჭირდება გასაფორმებლად.

ტარხუნის ნაყენი გავატაროთ საცერში,დავუმატოთ დაბლენდერებული მსხალი,დავასხათ წყალი და სასმელი მზადაა.გავაფორმოთ მსხალითა და ტარხუნის ფოთლებით

 

 

 

საგაზაფხულო მარწყვის მოხიტო – გამაგრილებელი სასმელი

ინგრედიენტები :

4-5 მარწყვი

1 ლაიმა

45 მლ.რომი

10 პიტნის ფოთოლი

2 ს.კოვზი შაქარი

2 ს.კოვზი წყალი

მინერალური წყალი

მომზადების წესები :

მოვადუღოთ სიროფი და გავაგრილოთ.

პიტნის ფოთლები ხელით მოვსრისოთ,დავასხათ ლაიმის წვენი და ჩავყაროთ ყინულიან ჭიქაში.

ჭიქაში ჩავამატოთ სიროფი,რომი,დაჭრილი მარწყვი ,ყინულის ნატეხები და შევავსოთ მინერალური წყლით.

მოხიტო გავაფორმოთ ლაიმით,პიტნის ფოთლებითა და მარწყვით.