ჭარხლის სამარხვო სალათა

ინგრედიენტები :

1 კგ ჭარხალი

2 კბილი ნიორი

1 კონა ქინძი

50 გრ.ნიგოზი სურვილისამებრ

 პრასი თვალზომით ან 1 პატარა კონა კამა

1  დიდი ბროწეული ( ნახევარი მარცვლები და ნახევარი წვენი )

ზეთი

პილპილი

მარილი

მომზადების წესები :

მოხარშული წარხალი კუბებად დავჭრათ,დავუმატოთ  ბროწეულის მარცვლები, დაჭრილი მწვანილი, ნიგოზი, მოვაყაროთ მარილი და პილპილი, მოვასხათ ზეთი და ბროწეულის მარცვლები.

 

კომბოსტოს მწნილი ჭარხლით – ქართული სამზარეულო

ინგრედიენტები ორი სამკილოიანი ქილისათვის :

3კგ.კომბოსტო

1 დიდი ზომის ჭარხალი

3-4 კბილი ნიორი

1 პატარა კონა ნიახური

მარინადისათვის:

3 ლიტრი წყალი

1 ჭიქა შაქარი

9 სუფრის კოვზი მარილი

50 მლ.70% ძმარი

5 დაფნის ფოთოლი

7 ბაჰარის მარცვალი

10 შავი წიწაკის მარცვალი

მომზადების წესები :

კომბოსტო გავჭრათ 8 ნაწილად.თითოეულს ამოვაჭრათ მურკი.

ჭარხალი გავთალოთ, გავრეცხოთ და დავჭრათ თხლად.

ნიორი გავფცქვნათ, წიწაკას თესლი გამოვაცალოთ, დავჭრათ და ნიახური გავრეცხოთ.

მზა ინგრედიენტები ფენებად ჩავაწყოთ ქილაში : კომბოსტო,ჭარხალი,ნიახური,წიწაკა,ნიორი

მოვადუღოთ მარინადი თ ადუღებულ წყალში გავხსნათ მარილი და შაქარი,ჩავაგდოთ დაფნის ფოთლები და ვადუღოთ ერთი წუთი. მარინადი გადმოვიღოთ ცეცხლიდან,  დაფნის ფოთლები ამოვიღოთ,გავაჩეროთ 10 წუთი და ჩავასხათ ძმარი.მოვურიოთ კარგად.

ცხელი მარინადი დავასხათ კომბოსტოს,ისე რომ სითხემ მთლიანად დაფაროს ბოსტნეული,დავაფაროთ თავსახური ( არ მოვხუფოთ),გავაჩეროთ 3 დღე ოთახის ტემპერატურაზე.ამის შემდეგ მწნილი მზადაა.

 

მხლოვანი

 ინგრედიენტები :

500 კგ. ფქვილი

5 გრ . საფუარი

250 მლ.წყალი

30 მლ.ზეთი

მარილი

გულსართი ;

1000 გრ.ისპანახი

20 გრ.მწვანე ხახვი

20 გრ.ქინძი

100 მლ.ზეთი

დაღერღილი წიწაკა და მარილი გემოვნებით

მომზადების წესები :

ფქვილი და  საფუარი შევურიოთ ,დავასხათ თბილი წყალი და მოვზილოთ. ზელვის პროცესში შევურიოთ მარილი.

ცომს შევაზილოთ ზეთი და დავდოთ ასაფუებლად თბილ ადგილას.

აფუებული ცომი ზეთიანი ხელებით 2-ჯერ გადავზილოთ 15 –  20  წუთის შუალედით.

გულსართის მომზადების წესები :

კარგად გარეცხილი ისპანახის მხოლოდ ფოთლები დავჭრათ.

ტაფა გავახუროთ და ისპანახის ფოთლები ზეთში მოვშუშოთ.თავიდანვე დავუმატოთ წინასწარ დაჭრილი მწვანილი და მწვანე ხახვი,ბოლოს კი მარილი და დაღერღილი წიწაკა.თუ მარხვაზე არ ვართ,მზა მასას  შევურიოთ გახეხილი ყველი.

ცომი დავყოთ  300 გრამიან გუნდებად,გავაბრტყელოთ ,შუაგულში მოვათავსოთ გულსართი , გვერდები მოვუკრათ და ხაჭაპურივით გავაბრტყელოთ .

გამოვაცხოთ ღუმელში 220-250 გრaდუსზე 7-10 წუთი.

 

 

ლეღვის მურაბა

ინგრედიენტები :

2 კგ.ლეღვი

1,600 გრ.შაქარი

6 ცალი მიხაკის ბუტკო

1  ნაჭერი ლიმონი

3 -4 ჩ.კოვზი ბალზამიკოს ძმარი  თუ სურვილი გვაქვს

 

მომზადების წესები ;

მურაბის მოსამზადებლად შევარჩიოთ მკვრივი და პატარა ზომის ლეღვები.

გარეცხილი ლეღვი დავჩხვლიტოთ, დავაწყოთ თუშფალანგზე, რომ დაიწრიტოს,ჩავაწყოთ ქვაბში და ფენა-ფენა დავაყაროთ შაქარი და გავაჩეროთ რამოდენიმე საათი, რომ წვენი  გამოვიდეს.

ქვაბი დავადგათ საშუალო ცეცხლზე,როგორც კი ადუღდებ, ცეცხლს დავუწიოთ და ვხარშოთ 10 წუთი.გადმოვდგათ ცეცხლიდან,გადავაფაროთ პირსახოცი და  სიროფში 8-10 საათი გავაჩეროთ.

ამ დროს გავლის შემდეგ ისევ ვადუღებთ 10  წუთი,ვუმატებთ  ნახევარი ლიმონის ცედრას და 1 ნაჭერ ლიმონს , ,მიხაკის ბუტკოს   და ისევ ვაჩერებთ სიროფში 8-10 .

მესამედ ვადუღებთ 10-15 წუთი,ჩავასხამთ სტერილურ ქილებში,მოვხუფავთ,გადმოვაბრუნებთ,შევახვევთ პირსახოცში გაცივებამდე და . შევინახავთ გრილ ადგილას.

 

 

“ტყემალი” – გემრიელი რეცეპტი

ინგრედიენტები:

5 კგ. წითელი და ყვითელი  ტყემალი .

10  თავი ახალი ნიორი

5  პატარა კონა აყვავებული  ქინძი

5  პატარა კონა ცერეცო ან კამა

1-2  კონა ომბალო ,შეგიძლიათ არ დაუმატოთ

დაღერღილი წიწაკა,მარილი გემოვნებით

შაქარი გემოვნებით

მომზადების წესები:

ტყემალი მოვხარშოთ და საცერში გავატაროთ.

გარჩეული ნიორი, გარეცხილი მწვანილი, მოვათავსოთ ბლენდერში. დავასხათ ტყემლის  ნახარში და დავაბლენდეროთ.

საცერში გატარებულ ტყემალს დავასხათ დაბლენდერებული მასა, დავუმატოთ წიწაკა, მარილი, შაქარი და კარგად მოვურიოთ.ტყემალი 

თუ სქელი გამოგვივიდა,გავათხელოთ ტყემლის ნახარშით .

ჭურჭელი ცეცხლზე შემოვდგათ და ვადუღოთ 20-30 წუთი. დავუმატოთ სალიცილი ან ასპირინი  და გადავიტანოთ ქილებში.მოვხუფოთ  და შევინახოთ ზამთრისთვის.

ლეღვის ჯემი

ინგრედიენტები:

4 კგ ლეღვი

2 კგ.შაქარი

1 ლიმონი

100 მლ.წყალი ( შეგვიძლია არ დავუმატოთ)

1 დარიჩინის ჯოხი (სურვილისამებრ)

მომზადების წესები:

მწიფე ლეღვი გავრეცხოთ,მოვაშოროთ ყუნწი  და ოთხ ნაწილად გავჭრათ.

ალუმინის ქვაბში ჩავაწყოთ ლეღვის ნაჭრები, დავაყაროთ შაქარი, დავასხათ წყალი, ლიმონის წვენი და ჩავდოთ დარიჩინის ჯოხი.

გაზზე დავდოთ გამანაწილებელი და დაბალ ცეცხლზე ვხარშოთ 15-20 წუთი. ლეღვის ხის კოვზით ვურიოთ დროდადრო, რომ არ მიიკრას.

ლეღვის ჯემი გაზიდან გადმოვდგათ, ცოტა გავაგრილოთ,დარიჩინის ჯოხი ამოვიღოთ და დავაბლენდეროთ,ისევ ცეცხლზე შემოვდგათ და ვადუღოთ 20 წუთი. ჯემის სისქის მიხედვით მივხვდებით დუღილის დრო კიდევ გავზარდოთ თუ არა.

ცხელი ჯემი ჩავასხათ სტერილურ ქილებში და მოვხუფოთ.

ლეღვის ჩირი

ინგრედიენტები :

2 კგ.ლეღვი

2 ჭიქა წყალი

1 ჭიქა შაქარი.

მომზადების წესები :

მწიფე ლეღვებს  მოვაშოროთ ყუნწები,  ჩავაწყოთ წყალში და გავეცხოთ, შემდეგ დავაწყოთ თუშფალანგზე დასაწრეტად.

5 ლიტიან ქვაბი შემოვდგათ ცეცხლზე, ქვეშ გამანაწილებელი დავუდოთ ჩავასხათ წყალი, ჩავყაროთ შაქარი და საშუალო ცეცხლზე  მოვადუღოთ სიროფი.

ადუღებულ სიროფში ჩავყაროთ ლეღვები,დავახუროთ თავსახური და ვხარშოთ 5-7 წუთი.

5-7 წუთის შემდეგ  ცეცხლიდან გადმოვდგათ ,გავაციოთ .

თითოეული მათგანი მოვაქციოთ ხელისგულებს შორის   და ოდნავ გავაბრტყელოთ.

გაწურული ლეღვები დავალაგოთ ბადეზე ( თუ არ გვაქვს,მაშინ ფიცარზე) და გადავაფაროთ მარლა და მზეზე 4-5 დღე გავაშროთ.

50-60 სმ სიგრძის ძაფზე ავასხათ ლეღვები ისე, რომ ერთმანეთს არ ეხებოდნენ, დავკიდოთ გაშლილად, რამდენიმე დღეში იქნება მზად.

თუ 2 ჭიქა წყალში ჩავყრით 2 ჭიქა შაქარს და ლეღვს მოვხარშავთ 12-15 წუთი, მაშინგამოშრობის შემდეგ მივიღებთ ცუკატებს.

ქლიავის წვენი – მოვემზადოთ ზამთრისათვის

ინგრედიენტები :

5 კგ . მწიფე შავი ქლიავი

50-100 გრ. შაქარი ყოველ ლიტრა წვენზე

სუფთა და სტერილური ქილები 

მომზადების წესები :

ქლიავი გავრეცხოთ, გამოვაცალოთ კურკები, ჩავყაროთ ალუმინის ქვაბში, დავასხათ იმდენი წყალი, რომ დაიფაროს.

ქვაბი შემოვდგათ ცეცხლზე .  რომ ადუღდება, ცეცხლს დავუწიოთ და  ქლიავი ვხარშოთ 5 წუთი. ქაფი არ მოვხადოთ.

ხელის ბლენდეროთ მასა დავაბლენდეროთ, გავატაროთ საწურში.

წვენი თავიდან ჩავასხათ ქვაბში.დაახლოებით გამოგვივა 4 ლიტრა სითხე.

ყოველ ერთ ლიტრა სითხეს შევურიოთ 100 გრამი შაქარი. ჩვენ შემთხვევაში შევურიეთ 400 გრამი. თუ წვენი სქელია, მაშინ გავათხელოთ ცოტა წყლით.

ქვაბი შემოვდგათ ცეცხლზე, ვადუღოთ 10 წუთი .პერიოდულად მოვქაფოთ.

ცხელი და ქაფქაფა ქლიავის წვენით გავაპიპინოთ სტერილური ქილა და იქვე მოვხუფოთ.

ქილები გავაგრილოთ  და  შევინახოთ ზამთრისათვის.

ეს წვენი ძალიან გემრიელია!

 

 

ჟოლოს მურაბა – შევინახოთ ცოცხლად ზამთრისათვის

ინგრედიენტები :

1 კგ ჟოლო

1,5 კგ.შაქარი ( წვრილი კრისტალები )

მომზადების წესები ;

ჟოლო გავრეცხოთ და თუშფალანგზე დასაწრეტად გავაჩეროთ.

მომინანქრებულ ქვაბში ფენა-ფენა ჩავყაროთ ჟოლო და წვრილკრისტალოვანი შაქარი.დავახუროთ ტავსახური და დრეში რამოდენიმეჯეწრ მოვურიოთ ხის კოვზით.

როცა შაქარი გადნება, მურაბა გადავიტანოთ სტერილურ  ქილებში, მოვხუფოთ და შევინახოთ გრილ; ადგილას.

 

 

ნესვის მურაბა

ინგრედიენტები :

ნესვი (თესლისა და ქერქის გარეშე) – 1 კგ

შაქარი – 1 კგ

ლიმონი – 1 ც.

წყალი – 1 ჭიქა

დარიჩინი – 2 ჯოხი

კონიაკი – 2 ს.კ.

მომზადების წესები :

ნესვი დავჭრათ კუბებად.

დაჭრილ ნესვს  დავაყაროთ  500 გრ.  შაქარი, მოვასხათ კონიაკი და გავაჩეროთ 1-2 საათი წვენის გამოსაშვებლად.

ლიმონი გავწუროთ.

500 გრ. შაქარს დავასხათ წყალი,ლიმონის წვენი და მოვადუღოთ სიროფი.

ცხელ სიროფში ჩავყაროთ  ნესვის ნაჭრები, ჩავასხათ წვენი და ვადუღოთ დაბალ ცეცხლზე  15 -20 წუთი და გავაჩეროთ მთელი ღამე.

ნესვის ნაჭრები ამოვიღოთ მურაბიდან დაცხრილული კოვზით.

მურაბის წვენი  წამოვადუღოთ, შემდეგ ჩავყაროთ ნესვის ნაჭრები და დაბალ ცეცხლზე ვადუღოთ მოხარშვამდე.

სტერილურ ქილებში ჩავასხათ მურაბა. თითოეულში ჩავდოთ ერთი დარიჩინის ჯოხი და მოვხუფოთ.