ინგრედიენტები :
280 მლ თბილი წყალი
20 გრ.ნედლი საფუარი ან 1 ს.კოვზი მშრალი საფუარი
380 გრ.გაცრილი ფქვილი
50 გრ.მარგარინი
1სავსე ჩ.კოვზი მარილი
3 ს.კოვზი შაქარი
350 გრ.მარგარინი შესაზელად
კრემი:
300 მლ.რძე
30 გრ.ფქვილი
30 გრ.სიმინდის სახამებელი
არ შეგეშალოთ კარტოფილის სახამებლის დამატება არ შეიძლება
3 კვერცხი
75 გრ.შაქარი
10 გრ.კაკაოს ფხვილი
5გრ.კარაქი
მომზადების წესები :
50 გრ.მარგარინი გავადნოთ და გავაგრილოთ.
საფუარი და შაქარი გავხსნათ თბილ წყალში, ჩავასხათ გაგრილებული მარგარინი ,ჩავყაროთ ფქვილი და მოვზილოთ ცომი.
მოზელვის პერიოდში ჩავუმატოთ მარილი .
თასს გადავაფაროთ ტილო და დავდოთ 1-2 საათი ასაფუებლად.
აფუებული ცომი გადავზილოთ,ჯვრისებურად ჩავსეროთ,გადავშალოთ ,შევახვიოთ პარკში და შევინახოთ მაცივარში ნახ,საათი.
ცომი მაცივარში კიდევ აფუვდება.
ოთახის ტემპარატურაზე დარბილებული მარგარინი დავდოთ პერგამენტის ქაღალდზე შუაში ,დავაფაროთ ქაღალდის მეორე ნახევარი,მივცეთ ოთხკუთხედი ფორმა და შევდოთ მაცივარში 20 წუთი საყინულესთან ახლოს.
ცომი გავაბრტყელოთ,დავადოთ მარგარინი ირიბულად და შევახვიოთ ისე როგორც ეს არის ნაჩვენები სურათზე.
გადმოვატრიალოთ და გავაბტყელოთ ისევ მართკუთხედის ფორმაზე.ცომი გადავკეცოთ ჯერ 3- ად,შემდეგ კი 2-ად.
და შევდოთ საყინულეში 15 წუთი.ასეთივე პროცედურას გავიმეორებთ კიდევ 4-ჯერ.ბოლოს მაცივარში გავაჩეროთ მინიმუმ 2 საათი
მოვამზადოთ კრემი:
300 მლ.რძე გავაცხელოთ და ჩავყაროთ მასში 50 გრ. შაქარი.
კვერცხის გულები ავთქვიფოთ 25 გრ. შაქართან ერთად.მასში გავხსნათ სიმინდის სახამებელი,ფქვილი , დავუმატოთ 1 ს.კოვზი კაკაო და 150 მლ თბილი რძე.მოვურიოთ ისე,რომ მივიღოთ ერთგვაროვანი თხევადი მასა.
მასას დავუმატოთ დარჩენილი რძე და მივიყვანოთ ადუღებამდე.არავითარ შემთხვევაში არ ავადუღოთ.
გადმოვდგათ ცეცხლიდან და იქვე ჩავაგდოთ კარაქი.
კრემი გავაგრილოთ და შემდექ მიქსერით ამოვიყვანოთ.მივიღებთ საკმაოდ სქელ კრემს,რომელიც ცხობისას კრუასანებიდან არ გამოჟონავს.
კრუასანები დავალაგოთ თუნუქის ფირფიტაზე,გადავაფაროთ ტილო და გავაჩეროთ 1 საათი,რომ ამოვიდეს.
შემდეგ თითოეულს ზემოდან წავუსვათ გათქვეფილი კვერცხის გული და გამოვაცხოთ 170 გრადუსზე დაახლოებით 15 წუთი.
