მაჭკატები (ოლოდები,სირნიკი ) კახურად

ინგრედიენტები :

300 მლ.მაწონი

1 კვერცხი

0,5 ჩ.კოვზი მარილი

0,5 ჩ.კოვზი სოდა

2 ჩ.კოვზი შაქარი

1 ჭიქა ფქვილი( ყურადღება მიაქციეთ სისქეს)

დაკეპილი პიტნა და ქონდარი

 

მომზადების წესები ;

მწვანილი  გავრეცხოთ,შევამშრალოთ და დავკეპოთ.

მაწონს დავუმატოთ კვერცხი,მარილი,სოდა,შაქარი  დავყაროთ ფქვილი და მოვზილოთ ცომი.

ცომი უნდა გამოგვივიდეს სქელი არაჟნის კონსისტენციის და წელვადი.

ცომს შევურიოთ დაკეპილი ქონდარი და პიტნა ( სურვილისამებრ).

ტაფაზე დავასხათ ზეთი და მაჭკატები შევწვათ ორივე მხრიდან.ყველაზე გემრიელი და არომატული მაჭკატები მზადაა !

კარტოფილის ნავები

ინგრედიენტები:

4 საშუალო ზომის კარტოფილი

100 გრ. ნაღების კარაქი კუბებად დაჭრილი

1 ჭიქა( 225 გრ.)არაჟანი

115 გრ.ყველი ჩედარი

4 ფირფიტა ბეკონი

3-4 მწვანე ხახვი

მარილი,წიწაკა

 

მომზადების წესები:

კარგად გარეცხილი და გამშრალებული კარტოფილი შევახვიოთ ფოლგაში,გამოვაცხოთ ღუმელში 200 გრადუსზე.

კარტოფილი გავაგრილოთ ,ღუმელის ტემპერატურა დავწიოთ 180 გრადუსზე.

ბეკონი შევწვათ ოქროსფერის მიღებამდე და წვრილად დავჭრათ.

კარტოფილები გავჭრათ შუაზე,ჩაის კოვზით გამოვუღოთ გულები,ისე რომ მთლიანობა არ დავარღვიოთ და მივიღოთ „ნავები“.

დიდ თასში ავურიოთ კარტოფილის გულები,ბეკონი,კარაქი,არაჟანი,დაჭრილი ხახვი,მარილი,წიწაკა და ავავსოთ კარტოფილის „ნავები“.

კარტოფილის ნავები დავალაგოთ ღუმელის ტაფაზე და 30-35 წუთი გამოვაცხოთ.შიგთავსი ზემოდან  უნდა შეწითლდეს.მივირთვად ცხელი.

კარტოფილის ატმები

ინგრედიენტები:

1 კგ.კარტოფილი

200 გრ.საქონლის  ხორცი

3 კვერცხი

100 გრ.ბატონი

100 გრ.ხახვი

180 გრ.ფქვილი

100 გრ.მაგარი ყველი

10 გრ.მარილი

8 გრ.კურკუმა

5 გრ.პაპრიკა

2 გრ.შავი დაფქული წიწაკა

260 მლ.ზეთი

 

მომზადების წესები:

კარტოფილი კანიანად  მოვხარშოთ,გავაციოთ,გავფცქვნათ ,გავატაროთ ხორცსაკეპში.

პიურეს დავუმატოთ ფქვილი,კვერცხი,მარილი,მოვზილოთ ცომი და გავყოთ 2 ნაწილად: ერთს დავუმატოთ კურკუმა და მეორეს პაპრიკა.

ხორცი დავკეპოთ,დავუმატოთ ძალიან წვრილად დაწრილი ხახვი,მარილი წიწაკა და ფარში „გავლახოთ“.

მოვამზადოთ 12 პატარა ბურთულა და 5 წუთი მოვხარშოთ ფრიწიურში.

ბურთულები ამოვიღოთ ფრიწიურიდან,დავალაგოთ ქაღალდის ხელსახოცზე,რომ ზეთი დაიწრიტოს.

ბატონ  პურს მოვაცილოთ ქერქი,გული დავაბლენდეროთ და ცოტა ხნით გამოვაშროთ ღუმელში.საფანელი შემდგომ დაგვჭირდება.

მოვამაზდოთ 12-12 წითელი და ყვითელი ბურთულები.თითოეულს მივცეთ პატარა და ღრმა თასის ფორმა.

დავამზადოთ ატმები ისე,როგორც ეს სურათზე არის ნაჩვენები ,ყუნწები გავუკეთოთ მიხაკის ბუტკოებით  ,დავალაგოთ პერგამენტის ქაღალდზე,ფუნჯით წავუსვათ გათქვეფილი კვერცხის ცილა,მოვაყაროთ საფანელი და წინასწარ 200 გრადუსზე გახურებულ ღუმელში გამოვაცხოთ 10 წუთი.

 

წყარო:იუთუბი ,გადაცემა все будте смачно 2016

 

 

 

კარტოფილის მსუყე რულეტები

ინგრედიენტები:

1 კგ.კარტოფილი

1 კვერცხი

250 გრ.ქათმის ფილე

200 გრ. ქამა სოკო

15 გრ. ხმელი სოკო

250 მლ. რძე

100 გრ. სახამებელი

140 გრ. ხახვი

50 მლ. ნაღები

50 მლ. მაგარი ყველი

15 გრ. მარილი

3 გრ.შავი დაფქული წიწაკა

50 გრ.კარაქი

35 მლ.ზეთი

5 ღერი კამა

5 ღერი ოხრახურში

მომზადების წესები:

კარტოფილი გავთალოთ,გავჭრათ – 4 ად,ჩავყაროთ ადუღებულ წყალში,დავუმატოთ 5 გრ.მარილი,კარაქი და მოვხარშოთ.

მოხარშული კარტოფილი  გავატაროთ ხორცსაკეპში,დავუმატოთ ნაღები,სახამებელი,ათქვეფილი კვერცხის ცილა,შავი დაფქული წიწაკა,მარილი გემოვნებით.

კარტოფილის ცომი დავდოთ პერგამენტის ქაღალდზე, თანაბრად გავაბრტყელოთ და 10 წუთი გამოვაცხოთ  ღუმელში 200 გრადუსზე.

გულსართის მომზადების წესები:

ხმელი სოკო მოვხარშოთ რძეში და შემდეგ დავჭრათ წვრილად.

ტაფაზე ზეთში მოვშუშოთ კუბებად დაჭრილი ხახვი,შევურიოთ ასევე წვრილ კუბებად დაჭრილი ხახვის ფილე და შევწვათ,დავუმატოთ 5 გრ. მარილი.

ცალკე ტაფაზე ზეთში შევწვათ ფირფიტებად დაჭრილი სოკო შამპინიონი,მოვაყაროთ მარილი.

კარტოფილის ფირფიტაზე  გადავიტანოთ  გულსართი,გადავანაწილოთ თანაბრად,მოვაყაროთ გახეხილი ყველი,დაჭრილი მწვანილი,გადავახვიოთ რულეტივით,წავუსვათ კვერცხის გული  და 10 წუთი 200 გრადუსზე ღუმელში გამოვაცხოთ.

 

 

არგო – ქართული სალათი

ინგრედიენტები:

500 გრ.ხბოს ხორცი

300 გრ.ქამა სოკო

200 გრ.მაგარი ყველი

4 კვერცხი

2-3 ს.კოვზი მაიონეზი

2 ს.კოვზი გატარებული ნიგოზი

1 პატარა კონა მწვანილი

მარილი,პილპილი გემოვნებით

 

ქამა სოკო დავჭრათ და ტაფაზე მოვშუშოთ ზეთში.

ხბოს ხორცი მოვხარშოთ,მოვაყაროთ მარილი  და ავწეწოთ.

კვერცხი მოვხარშოთ, კუბებად  დავჭრათ.

ყველი მსხვილად გავხეხოთ.

ცალკე მოვამზადოთ სალათი არგოსთვის სოუსი:ცალკე თასში მაიონეზი,წვრილად დაჭრილი მწვანილი,მარილი,პილპილი და გატარებული ნიგოზი შევურიოთ.

მომზადებული ინგრედიენტები  ფენა-ფენა დავყაროთ დიდ თეფშზე და ფენებს შორის მოვასხათ სოუსი.

თუ ზალიან გვეჩქარება,ინგრედიენტები შეგვიძლია  ჩავყაროთ თასში და ერთმანეთს  შევურიოთ .

 

შავი ქლიავის სალათი იოგურტით

ინგრედიენტები:

მოხარშული ქათამის ფილე – 500 გ;
შავი ქლიავის ჩირი – 15 ცალი.
მოხარშული კვერცხი – 3 ცალი.
ახალი კიტრი – 2 ცალი.
ერთი მუჭა კაკალი;
იოგურტი

მოხარშული ქათმის ფილე,ჩირი დავჭრათ წვრილად. მოხარშული კვერცხი და კიტრი კი დავჭათ კუბებად.
ინგრედიენტებს მოვასხათ იოგურტი და სალათი მზადაა.

 

ეკალა იმერულად

ინგრედიენტები:

1 კგ.მოხარშული ეკალა

150 გრ,გატარებული ნიგოზი

2-3 კბილი ნიორი

4-5 ღერი ომბალო

1 კონა ქინძი

1 კონა ოხრახურში

2 ს.კოვზი ძმარი

მარილი ,წიწაკა. გემოვნებით

 

მოხარშული ეკალა კარგად დავკეპოთ.

ნიგოზი,ნიორი, მარილი დავნაყოთ.

გარეცხილი მწვანილი წვრილად დავჭრათ.

ეკალა შევკაზმოთ მწვანილებით,ნიგოზით,ნიორით.მოვასხათ ძმარი,მარილი,წიწაკა მოვაყაროთ და ხელით მოვურიოთ.

წყარო: გურმანია 24,მაისი  2015წელი

კვარი – მეგრული სამზარეულო

ინგრედიენტები:

500 -550 გრ.ფქვილი

1 ჭიქა რძე

მწიკვი მარილი

1 კვერცხი

2 ს.კოვზი ზეთი

შიგთავსისათვის:

500 გრ.სულგუნის ყველი

50 გრ.კარაქი

სოუსისათვის:

200 გრ არაჟანი

1 ჩ.კოვზი აჯიკა

 

მომზადების წესები:

რძეში ავთქვიფოთ კვერცხი.ფქვილს მოვაყაროთ მარილი და

ზეთიანი ხელებით მოვზილოთ ელასტიური,რბილი ცომი.

ცომს გადავაფაროთ ტილო და დავასვენოთ.

სულგუნი გავხეხოთ,ხელით შევაზილოთ ოთახის ტემპერატურაზე დარბილებული კარაქი და მოვამზადოთ პატარა ყველიანი  ბურთები.

ცომი გავაბრტყელოთ,ჭიქით გამოვჭრათ რგოლები.ჩავდოთ ყველის ბურთულები,მოვუკრათ პირი,ხელით გავაბრტყელოთ და მივცეთ მრგვალი ფორმა,როგორც სურათზეა ნაჩვენები.

კვარი  მოვხარშოთ მარილიან წყალში.ზემოდან მოვასხათ გაზზე გამდნარი კარაქი.

თუ ბავშვებისთვის არ ვამზადებთ კერძს,მაშინ არაჟანს შევურიოთ აჯიკა.

მივირთვათ  კვარი  ცხარე არაჟნის სოუსთან ერთად

 

 

ბადრიჯანი მაიონეზის სოუსში

ინგრედიენტები:

4 ცალი ბადრიჯანი

20  გრ.ქინძი

15 გრ.პიტნა

30 გრ.ტარხუნა

15 გრ.რეჰანი

3 -4 კბილი ნიორი

1 ჩ.კოვზი ხმელი ქინძი

შავი დაფქული წიწაკა ,მარილი გემოვნებით

 

მომზადების წესები:

ბადრიჯანი დავჭრათ თხელ და გრძელ ნაჭრებად,შევწვათ ზეთში.

პიტნა და ნიორი დავნაყოთ ერთად.

მაიონეზში შევურიოთ წიწაკა,მარილი,ხმელი ქინძი.

მწვანილები დავჭრათ .ნიორი პიტნასთან ერთდ,მწვანილები შევურიოთ შეკაზმულ  მაიონეზს.

მაიონეზიანი საკმაზი შევახვიოთ ბადრიჯნის ნაჭრებში.გავაფორმოთ სურვილისამებრ.

 

 

 

 

 

 

ქათმის სალათი ნიგვზით ქართულად

ინრედიენტები:

1 კგ ქათმის ფილე

300 გრ.ნიგოზი

1ჩ.კოვზი უცხო სუნელი

2-3 კბილი ნიორი

ნახ.ჩ.კოვზი ყვითელი ყვავილი

ბულიონი ან გადადუღებული წყალი

20 გრ.ქინძი

პილპილი,მარილი გემოვნებით

ბროწეულის მარცვლები

 

მომზადების წესები:

ქათმის ფილე კარგად მოვხარშოთ,გადავავლოთ ცივი წყალი,რომ ხელით დაჩეჩვა გაგვიადვილდეს.

ხორცსაკეპში გავატაროთ ნიგოზი და ნიორი,დავუმატოთ სუნელები,პილპილი,მარილი და მოვზილოთ.

თუ ნიგვზიანი საკმაზი ძალიან სქელი გამოგვივა გვათხელოთ გადადუღებული წყლით ან ბულიონით.

ქათმის ფილე დავჩეჩოთ,შევაზავოთ სანელებლით  ,დავუმატოთ ბროწეულის მარცვლები და წვრილად დაჭრილი ქინძი.