ხაჭოს ბლომანჟე ხილით

ინგრედიენტები :

350 გრ.ხაჭო

100 მლ.რძე

100 მლ.20% არაჟანი

100 გრ.შაქარი

15 გრ.ჟელატინი

ნების მიერი ხილის კონსერვი( ატამი,ანანასი და ასე შემდეგ)

მომზადების წესები :

ჟელატინს დავასხათ  50 მლ. თბილი რძე და დავალოდოთ აფუებას.

ხაჭო  დავაბლენდეროთ და შემდეგ შევურიოთ შაქარი და არაჟანი.მიღებული მასა  კიდევ დავაბლენდეროთ.

ქვაბში ჩავასხათ რძე,მივიყვანოთ ადუღებამდე და წვრილი ჭავლით დავასხათ ჟელატინს,მოვურიოთ.

ხილი დავჭრათ წვრილად.

ხაჭოს მასაში ჩავასხათ ჟელატინი,ჩავყაროთ ხილი და მოვურიოთ.

ბლომანჟე გადავიტანოთ ფორმებში და 3-4 საათი შევდოთ მაცივარში.

ეს დესერტი ძალიან გემრიელია!

ჩინური თუ ინდური ცივი ტორტი – ატმის ტრაიფლი

ინგრედიენტები :

6 კვერცხიანი ბისკვიტი

მოხარშული კრემი მუსლინი ან  ნებისმიერი კრემი თქვენი გემოვნებით

გახეხილი შოკოლადი  – ზემოდან მოსაყრელად

ატმის –  სიროფი  დასანამად

ნიგოზი – 100 გრამი ( სურვილისამებრ)

ატამი  – 8 ცალი

6 ს.კოვზი შაქარი

ვანილიანი შაქარი

1 ლიმონის წვენი

მომზადების წესები :

გამოვაცხოთ  კლასიკური ბისკვიტი და  დავაქუცმაცოთ.

ატამი გავრეცხოთ,გავთალოთ და კუბებად დავჭრათ.

მოვამზადოთ კრემი მუსლინი.

ნიგოზი მოვხალოთ და დავტეხოთ.

გავუკეთოთ ატამს კარამელიზაცია.

გახურებულ ღრმა ტაფაში ჩავყაროთ შაქარი და დავასხათ ლიმონის წვენი.

შაქარი დაიწყებს დადნობას,როგორც კი ფერს შეიცვლის,დავაყაროთ ატამი .ხილი გამოუშვებს წვენს და შაქართან ერთად წარმოიქმნება სიროფი.ამ ეტაპზე ჩვენ დავუმატებთ შაქრიან ვანილს.

ატამი სიროფში არ უნდა მოვხარშოთ.როგორც კი ხილის ნაჭრები ოდნავ  დარბილდება, კარამელიზირებული გახდება ,ტაფა გადმოვდგათ და სიროფით ბისკვიტი დავნამოთ,ხილის ნაჭრები გამოვიყენოთ ტრაიფლის მოსამზადებლად.

თუ ბავშვებისთვის არ ვამზადებთ სიროფში შევურიოთ კონიაკი.

გამჭირვალე თასში ფენა -ფენა ჩავალაგოთ მომზადებული ინგრედიენტები შემდეგ თანმიმდევრობით:დაქუცმაცებული ბისკვიტი,კარამელიზირებული ატამი,კრემი.თუ სურვილი გვაქვს,ფენებს შორის მოვაყაროთ ნიგოზი,გახეხილი შოკოლადი.ზემოდან მოვრთოთ სურვილისამებრ.

ტრაიფლი 2-3 საათი შევდოთ მაცივარში.

მხლოვანი

 ინგრედიენტები :

500 კგ. ფქვილი

5 გრ . საფუარი

250 მლ.წყალი

30 მლ.ზეთი

მარილი

გულსართი ;

1000 გრ.ისპანახი

20 გრ.მწვანე ხახვი

20 გრ.ქინძი

100 მლ.ზეთი

დაღერღილი წიწაკა და მარილი გემოვნებით

მომზადების წესები :

ფქვილი და  საფუარი შევურიოთ ,დავასხათ თბილი წყალი და მოვზილოთ. ზელვის პროცესში შევურიოთ მარილი.

ცომს შევაზილოთ ზეთი და დავდოთ ასაფუებლად თბილ ადგილას.

აფუებული ცომი ზეთიანი ხელებით 2-ჯერ გადავზილოთ 15 –  20  წუთის შუალედით.

გულსართის მომზადების წესები :

კარგად გარეცხილი ისპანახის მხოლოდ ფოთლები დავჭრათ.

ტაფა გავახუროთ და ისპანახის ფოთლები ზეთში მოვშუშოთ.თავიდანვე დავუმატოთ წინასწარ დაჭრილი მწვანილი და მწვანე ხახვი,ბოლოს კი მარილი და დაღერღილი წიწაკა.თუ მარხვაზე არ ვართ,მზა მასას  შევურიოთ გახეხილი ყველი.

ცომი დავყოთ  300 გრამიან გუნდებად,გავაბრტყელოთ ,შუაგულში მოვათავსოთ გულსართი , გვერდები მოვუკრათ და ხაჭაპურივით გავაბრტყელოთ .

გამოვაცხოთ ღუმელში 220-250 გრaდუსზე 7-10 წუთი.

 

 

ტაფაზე გამომცხვარი ხაჭაპური

ინგრედიენტები ( პირველი ვერსია) :

200 გრ.მაწონი

25-50 მლ. (მინერალური წყალი)

ნახევარი ჩაის კოვზი ძმრით

300  – 400 გრ. ფქვილი

მარილი

ინგრედიენტები შიგთავსისათვის:

2 კვერცხი

250 გრ.სულგუნი

300 გრ.იმერული ყველი

მომზადების წესები :

ფქვილს მოვაყაროთ მარილი.

მინერალური წყალი და მაწონი შევურიოთ,დავუმატოთ სოდა ძმრით.

სითხე დავასხათ ფქვილს და წრიული მოძრაობებით მოვზილოთ ცომი.

ცომი ოდნავ უნდა ეწეპებოდეს ხელს.

ცომს გადავაფაროთ და გავაჩეროთ ნახევარი საათი ოთახის ტემპერატურაზე.

მოვამზადოთ გულსართი :

ყველი გავხეხოთ ან გავატაროთ ხორცსაკეპში,შევურიოთ კვერცხი.

ცომი და ყველი დავყოთ ერთნაირი რაოდენობის გუნდებად.

ცომის გუნდა გავაბრტყელოთ,ჩავდოთ ყველის ერთი გუნდა,მოვუკრათ პირი და შევწვათ გახურებულ  ტაფაზე ორივე მხრიდან.ზემოდან გადავუსვათ ცხიმი.

ინგრედიენტები ცომისთვის ( მეორე ვერსია)

250 მლ. მინერალური( გაზიანი ) წყალი

2 კვერცხი

1 სუფრის კოვზი შაქარი

2 სუფრის კოვზი ზეთი

ნახევარი ჩაის კოვზი მშრალი საფუარი

ფქვილი რამდენსაც შეიზელს

მომზადების წესები :

ნახევარ ჭიქა მინერალურ წყალში გავხსნათ საფუარი , ნახევარი სუფრის კოვზი შაქარი .დაველოდოთ აქაფებას.

თასში ჩავასხათ ოპარა,ზეთი,ჩავახალოთ კვერცხი,ჩავყაროთ მარილი,შაქარი,შევაზილოთ ფქვილი და მოვზილოთ ელასტიური ცომი.

ცომი ოდნავ უნდა ეწეპებოდეს ხელს.

ცომს გადავაფაროთ და გავაჩეროთ ნახევარი საათი ოთახის ტემპერატურაზე.

მოვამზადოთ გულსართი :

ყველი გავხეხოთ ან გავატაროთ ხორცსაკეპში,შევურიოთ კვერცხი.

ცომი და ყველი დავყოთ ერთნაირი რაოდენობის გუნდებად.

ცომის გუნდა გავაბრტყელოთ,ჩავდოთ ყველის ერთი გუნდა,მოვუკრათ პირი და შევწვათ გახურებულ  ტაფაზე ორივე მხრიდან.ზემოდან გადავუსვათ ცხიმი.

 

 

ღუმელში გამომცხვარი ქათამი ბრინჯის,სოკოს , ჩირის სატენით და კარტოფილის გარნირით

ინგრედიენტები :

ერთი 2 კილოგრამიანი ქათამი

300 გრ.სოკო

5 -6 გარგრის ჩირი

70 გ.თხილი,ქეშიუ ან ნიგოზი

2 მუჭა ბრინჯი

1 თავი ხახვი

3 კბილი ნიორი

70 გრ.კარაქი

50 მლ.ზეთი

მომზადების წესები :

სოკო  საშუალო ზომებად დავჭრათ.

ხახვი გავფცქვნათ,დავჭრათ გრძლად.

ნიორი დავჭრათ.

მაღალ ცეცხლზე შემოვდგათ საშუალო ზომის ტაფა.მასში გავადნოთ კარაქი,დავასხათ ზეთი და  ჩავყაროთ ხახვი,ნიორი და სოკო . შემდეგ დავაყაროთ დაჭრილი ნიგოზი და გარგრის ჩირი.სოკო ბოლომდე არ უნდა შეიწვას,უნდა გამოცხვეს ქათამში.მოვაყაროთ 2 მუჭა ბრინჯი.

შიგთავსი გადავიტანოთ სხვა ჯამში და დაველოდოთ გაცივებას.

ტაფაზე გავადნოთ კარაქი.

ღუმელის ტაფაზე მოვასხათ ზეთი,გადავიტანოთ ქათამი,ამოვავსოთ შიგთავსით,ფეხები კარგად შევუკრათ ალუმინის ქაღალდით,ზემოდან გადავუსვათ გამდნარი კარაქი და შევდოთ ღუმელში გამოსაცხობად.

ვაცხობთ 190 გრადუსზე ზედა და ქვედა წვაზე დაახლოებით  ერთი საათი და 25 წუთი.

კარტოფილის გარნირი:

5-6  კარგად გარეცხილი კარტოფილი ქერქიანად დავჭრათ კუბებად,ჩავყაროთ თასში.

კარტოფილს მოვაყაროთ : ერთი მწიკვი წითელი წიწაკა,მარილი გემოვნებით,  ერთი გრამი როზმარინი,ერთი გრამი შაშკვლავი, 5 კბილი გახეხილი ნიორი,მოვასხათ კარაქი და ზეთი.

სანამ კარტოფილს მოვაყრით ქათამს,გადავუსვათ გამდნარი კარაქი.

ქათამს ირგვლივ კარტოფილი მოვაყაროთ ნახევარი საათით ადრე და გამოვაცხოთ.

წყარო: იუთუბი,გადაცემა გურმანია,2015 წელი.

 

 

 

 

მარწყვის ტორტი ” წითელქუდა “

ინგრედიენტები :

6 კვერცხიანი ბისკვიტი( წაიკითხეთ რეცეპტი)

არაჟნის სუფლე:

450 გრ.არაჟანი

2 კვერცხის ცილა( 60-70გრ)

10 გრ.ვანილი

90 გრ.შაქარი

30 გრ.სიმინდის სახამებელი

ხილის შემავსებელი:

200 გრ.მარწყვი

25 გრ .შაქარი

4 გრ.ჟელატინი

30 მლ.წყალი

დეკორი:

მარწყვი ან ჟოლო,მაყვალი,წითელი მოცხარი

მომზადების წესები :

გამოვაცხოთ ბისკვიტი.

ბისკვიტს გამოვაჭრათ გული ისე,რომ მიიღოს ჯამის (კალათის) ფორმა.შევეცადოთ,რომ ბისკვიტის ჯამის კედლები იყოს  5 მმ სისქის.

ბისკვიტის თასი ჩავდოთ იგივე ფორმაში,რომელშიც გამოვაცხვეთ.

ბისკვიტის ნამცეცები შევინახოთ და მოვამზადოთ ტრაიფლი.

არაჟანს დავუმატოთ შაქარი და სახამებელი.

კვერცხის ცილისა და შაქრიაგან მოვამზადოთ ბეზე.

ბეზე ორ ულუფად შევურიოთ არაჟნის მასას.

ბისკვიტის ჯამი  შევავსოთ არაჟნის მასით.

 

ფორმას გარედან შემოვახვიოთ ფოლგა, რომ  ღუმელში არ დაგვეწვას.

ბისკვიტი გამოვაცხოთ 140 გრადუსზე 60 წუთი (შუა თარო )კოვნერსიის გარეშე.გამოცხობის შემდეგ ღუმელის კარები გამოვაღოთ,გავაჩეროთ 30 წუთი.

ბისკვიტი ბოლომდე გავაგრილოთ,გადავაფაროთ პლასტიკი და მაცივარში შევინახოთ 10 საათი.

ჟელატინს დავასხათ წყალი და გავაჩეროთ ასაფუებლად.

მარწყვი დავაბლენდეროთ,შემოვდგათ ცეცხლზე და ადუღებიდან 1 წუთის განმავლობაში ვხარშოთ.

ცხელ მარწყვის პიურეში გავხსნათ შაქარი და ჟელატინი.

მარწყვები ლამაზად დავჭრათ.

ტორტზე დავაწყოთ მარწყვის ნაჭრები,მოვასხათ პიურე.

 

 

 

 

 

ფარშირებული ქათამი ტყემლით

ინგრედიენტები :

1 ქათამი

შიგთავსი( სატენი):

1 ბულგარული

1 სტაფილო

10 ტყემალი

3 კბილი ნიორი

1/2 პამიდორი

2 ს.კოვზი ზეთი

სუნელები :

1 გრ.პაპრიკა

1 გრ.პილპილი

1 გრ.ხმელი ქინძი

2 გრ.როზმარინი

2 გრ.ბაზილიკი

მარილი გემოვნებით

პომიდვრის საკმაზი:

1,5 პომიდორი

1 კბილი ნიორი

30 მლ.მზესუმზირის ზეთი

1ჩ/კ პაპრიკა

1 ჩ/კ მარილი

მომზადების წესები :

ერთი სტაფილო დავჭრათ ერთნაირი ზომის კუბებად.

წითელ ბულგარულს გამოვაცალოთ თესლები და დავჭრათ კუბებად.

სტაფილო,ტყემალი,ბულგარული ჩავყაროთ თასში,მოვასხათ ზეთი,ჩავახეხოთ ნიორი და ნახევარი პომიდორი მოვაყაროთ პაპრიკა, პილპილი,ხმელი ქინძი,როზმარინი,ბაზილიკი.

გულსართით ამოვტენოთ ქათამი და კბილის ჩხირებით შევკრათ.

გადავიტანოთ  ფარშირებული ქათამი გამოსაცხობ ფირფიტაზე და მოვუმზადოთ პომიდვრის საკმაზი.

პომიდვრის საკმაზის მომზადება:

დარჩენილი პომიდორი, ნიორი გავხეხოთ, ჩავასხათ ზეთი,პაპრიკა( სიწითლისთვის) და მარილი დავუმატოთ.

პომიდვრის საკმაზი გადავუსვათ ქათამს.ვაცხობთ 200 გრადუსზე 40 წუთი.

გამომცხვარი ქათამი დავჭრათ. ნაჭრები დავაწყოთ თეფშებზე და გარნირად მოვაწყოთ შიგთავსი.

წყარო: გადაცემა გურმანია,2015 წელი.

 

 

 

 

 

 

 

 

 

 

 

ნაყინი პლომბირი – საბჭოთა რეცეპტი

ინგრედიენტები :

400 გრ.მაღალპროცენტიანი ნაღები

200 გრ.შედედებული რძე

მწიკვი ვანილი.

მომზადების წესები :

ცივ ნაღებს დავუმატოთ ვანილი და ავთქვიფოთ მყარ პიკამდე.

ნაღების ჰაეროვან კრემს დაბალ სიჩქარეზე მიქსერით შევათქვიფოთ შედედებული რძე.მიღებული ნაყინის მასა გადავიტანოთ კონტეინერში,დავახუროთ თავზე და მოვათავსოთ საყინულეში,ყოველ 3 საათში ერთხელ კარგად ავურიოთ და 9 საათში ჩვენი  მომზადებული ნაყინი მზად არის.

ინგრედიენტები,  მეორე ვარიაცია:

200 გრ.ნაღები

200 გრ.შედედებული რძე

200 გრ.მარწყვი,ჟოლო,მოცხარი,მაყვალი

მომზადების წესები :

მარწყვი დავაბლენდეროთ და გავატაროთ საცერში.

ცივ ნაღებს დავუმატოთ ვანილი და ავთქვიფოთ მყარ პიკამდე.

ნაღების ჰაეროვან კრემს დაბალ სიჩქარეზე მიქსერით შევათქვიფოთ შედედებული რძე და ნიჩბით შევურიოთ მარწყვის ან სხვა კენკროვანის პიურე.

ნაყინი გადავიტანოთ კონტეინერში და გავყინოთ.

ნაყინი პლომბირი რძით. მესამე ვარიაცია

ინგრედიენტები :

4 კვერცხის გული

90 გრ.შაქარს პუდრა

250 მლ.რძე (6%)

350 მლ.33% ნაღები

ვანილი

მომზადების წესები :

ჭურჭელში რძე ჩავასხათ, ვანილი დავუმატოთ,სითხე ავადუღოთ ,ცეცხლი გამოვრთოთ და გაციებას დაველოდოთ.

კვერცხის გულებისა და შაქრის პუდრისაგან  გავაკეთოთ გოგლიმოგლი.

გოგლიმოგლი ჩავასხათ მოდურებულ რძეში,ცეცხლზე შემოვდგათ და ვურიოთ გასქელებამდე,არავითარ შემთხვევაში არ ავადუღოთ  და  ეს მასა გასაციებლად მაცივარში შევდოთ.

ძალიან კარგად გაციებული ნაღები ამოვიყვანოთ ,შევურიოთ მოდუღებული მასა და გადავიტანოთ ახალ ჭურჭელში,მოვათავსოთ საყინულეში,ყოველ 3 საათში ერთხელ კარგად ავურიოთ და 9 საათში ჩვენი  მომზადებული ნაყინი მზად არის.

მარწყვის პიურეს ბისკვიტი – ტორტი ხაჭოს კრემით

ინგრედიენტები :

6 კვერცხი

110 გრ.შაქარი ცილაში

40 გრ.შაქარი კვერცხის გულში

240 გრ.ფქვილი

30 გრ.სიმინდის სახამებელი

250 გრ.მარწყვია,ჟოლოს პიურე

120 მლ.ზეთი

10 გრ.გამაფხვიერებელი

მწიკვი მარილი

2 წვეთი მარწყვის ესენცია სუვილისამებრ

2 წვეთი წითელი საღებავი სურვილისამებრ

სიროფი დასანამი :

120 მლ.მარწყვის წვენი

120 გრ.შაქარი

კრემი :

350 მლ. 35% ნაღები

90-100 გრ.შაქრის პუდრა

300 გრ.ხაჭო

ვანილის 1-2 წვეთი

მომზადების წესები :

მარწყვი ან ჟოლო  დავაბლენდეროთ .მიღებული პიურე გავატაროთ საცერში.

ფქვილში შევურიოთ გამაფხვიერებელი და სიმინდის სახამებელი.

კვერცხის გულები შაქართან ერთად ავთქვიფოთ ცალკე გათეთრებამდე ,დავუმატოთ პიურე,ჩავასხათ ზეთი და თუ სურვილი გვაქვს,ჩავაწვეთოთ საკვები საღებავი ,არომატიზატორი.მიქსერით შევურიოთ მშრალი ინგრედიენტები.მივიღებთ თხელ ცომს.

კვერცხის ცილაში ჩავყაროთ მწიკვი მარილი და ავთქვიფოთ. ულუფობით ვუმატებთ შაქარს და მივიღებთ ბეზეს.

თხელ ცომს ნიჩბით ან ხის კოვზით შევურიოთ ბეზე.

ავიღოთ 20 სმ დიამეტრის ორი  ფორმა. ორივეში ჩავაფინოთ ცხიმწასმული ქაღალდი,მოვუსვათ ცხიმი გვერდებზეც.

ცომი გავყოთ ორ ნაწილად.თითოეულში გადავიტანოთ დაახლოებით 540 გრ.ცომი და 175 გრადუსზე გახურებულ ღუმელში გამოვაცხოთ.

გამომცხვარი ბისკვიტები ფორმებიდან გამოვიღოთ,გავაგრილოთ ,შევახვიოთ პლასტიკში დ გამოყენებამდე მინიმუმ 3 საათი შევდოთ მაცივარში.

მოვამზადოთ კრემი: ხაჭო დავაბლენდეროთ,შევურიოთ შაქრის პუდრა და ვანილი.

ცივი ნაღები კარაგდ ამოვიყვანოთ და ულუფობით შევურიოთ ხაჭო.

დასანამი: მარწყვის წვენში ჩავყაროთ შაქარი,მივიყვანოთ ადუღებამდე,შაქრის კრისტალები უნდა გადნეს.

მარწყვი დავჭრათ.

ბისკვიტი გავჭრათ სამ ნაწილად,ფენები დავნამოთ, ფენებს წავუსვათ კრემი ,მოვაყაროთ  მარწყვის ნაჭრები  და ერთმანეთზეი დავალაგოთ.ტორტს ასევე გვერდებზეც წავუსვათ კრემი და გავასწოროთ. ტორტი შევდოთ მაცივარში 2-3 საათი.

გაუფორმებლად ტორტი იწონის 2100 გრ.

ტორტის გასაფორმებელი ხაჭოს კრემი :

370 გრ.ხაჭო

75 გრ.შაქრის პუდრა

270 გრ.ნაღების კარაქი

70 გრ.შედედებული რძე

მომზადების წესები :

ხაჭო( მშრალი) და შედედებული რძე  დავაბლენდეროთ.

კარაქი ავთქვიფოთ გათეთრებამდე შაქართან ერთად ,შემდეგ შევათქვიფოთ დაბლენდერებული ტკბილი ხაჭოს მასა.მიღებული კრემით გავაფორმოთ ჩვენი გემოვ ნებით ტორტი .

 

 

 

 

 

 

 

 

 

 

ბანანის ტკბილი პიცა – იტალიური სამზარეულო

ინგრედიენტები :

150 გრ.პიცის ცომი ( წაიკითხეთ რეცეპტი)

2 ბანანი

100 გრ.მაშმელოუ

100 გრ შოკოლადის კრემი( ნუთელა)

მომზადების წესები :

პიცის ცომი ჯერ ხელთ და შემდეგ საბრტყელებლით გავაბრტყელოთ ძალიან თხლად.

ცომი გადავიტანოთ ცხიმწასმულ ღუმელის ტაფაზე,გადავაფაროთ ტილო და ვაცადოთ ამოფუება.

ცომს წავუსვათ ნუთელაანსხვა ნებისმიერი შოკოლადის კრემი,მოვაყაროთ დაჭრილი ბანანი.

250 გრადუზე გახურებულ ღუმელში გამოვაცხოთ 8-10 წუთი.გამოცხობამდე 2 წუთით ადრე გამოვიტანოთ ღუმელიდან,მოვაყაროთ დაჭრილი მაშმელოუ და დავასრულოთ გამოცხობა.