კულიჩისა და ხაჭოს პასკის მარტივი რეცეპტი – სააღდგომო სუფრა

კულიჩის  მარტივი რეცეპტი

■ 1600 გრ. ფქვილი
■ 800 გრ. შაქარი
■ 10 კვერცხი (საშუალო ზომა)
■ 300 გრ. კარაქი
■ 500 მლ. რძე
■ 500 გრ. არაჟანი
■ 3 ს/კოვზი საფუარი
■ 200-300 გრ. ქიშმიში
■ 150 გრ. ცუკატები
■ ვანილი
■ კარდამომი იგივე ილი
■ 1 ჩ/კოვზი დარიჩინი
■ ნახევარი ჩ/კოვზი მიხაკი
■ 30-50 მლ. კონიაკი
■ ზაფრანას ნაყენი
■ ლიმონის ზეთი


👨‍🍳 მომზადების წესები :
ავთქვიფოთ კვერცხი კარგად შაქართან ერთად,დავუმატოთ გამდნარი თბილი კარაქი და შემდეგ არაჟანი ,კარგად მოვურიოთ.

ცალკე:თბილ რძეს დავუმატოთ საფუარი და ერთი კოვზი შაქარი,მოვურიოთ და დავაცადოთ ხომ აფუვდეს.

როცა კარგად აფუვდება,ამ საფუვრიან მასას ვუმატებთ კვერცხიან მასას!ამასაც კარგად მოვურევთ და დავუმატებთ სუნელებს,ვანილინს და კონიაკს.დავიწყებთ ფქვილის დამატებას და ცომის მოზელვას!
კარგად უნდა მოვზილოდ.

ცომი თბილ ადგილას მოათავსეთ და დაელოდეთ აფუვდეს. როდესაც ამოვა, ხელები ზეთით დაისველეთ, ორჯერ ჩაზილეთ და დააცადეთ კვლავ ამოვიდეს.
როდესაც ის მესამეჯერ აფუვდება, დაუმატეთ ქიშმიში და გადაიტანეთ

ფორმებში (ფორმებს შიგნიდან პერგამენტი უნდა შემოახვიოთ). ცომი ფორმების მხოლოდ 2/3 უნდა ფარავდეს. შემდეგ ცომი კვლავ თბილ ადგილას დადგით და დააცადეთ ფორმებშივე აფუვდეს. როცა ცომი ამოვა, გადაიტანეთ ღუმელში და აცხვეთ საშუალო ტემპერატურაზე. გემრიელად მიირთვით!

თუ გინდათ, რომ ქიშმიში თანაბრად იყოს პასკაში განაწილებული, სანამ ცომს დაუმატებთ გარეცხეთ, გაამშრალეთ და ცოტაოდენი ფქვილი მოაყარეთ.
😊 გემრიელად მიირთვით!

ხაჭოს პასკა
რეცეპტის ინგრედიენტები:
,ხაჭო – 1 კგ.;
კვერცხის გული – 3ც.;
შაქარი – 400 გრ.;
კარაქი – 200 გრ.;
არაჟანი – 0.5 ლ.;
ხმელი ხილი – 200 გრ.;
ნუში ან ნიგოზი – 100 გრ.;
ქიშმიში – 100 გრ.;
კონიაკი – 2 ს.კ
ფორთოხლის ცედრა – 1 ს.კ.
გარგარის ჩირი – 100 გრამი.


👨‍🍳 მომზადების წესი:


ხაჭო ორჯერ გავქნათ წმინდა საცერზე.

ცალკე გავთქვიფოთ შაქრის პუდრა და დარბილებული კარაქი, სათითაოდ დავუმატოთ კვერცხის გულები, ბოლოს ფორთოხლის ცედრა და კონიაკი.
ქიშმიში გავრეცხოთ და გავამშრალოთ, ხმელი ხილი, კურაგა და ნიგოზი დავჭრათ, რამდენიმე მოვიტოვოთ მოსართავად.

ცალკე ავთქვიფოთ არაჟანი. დავუმატოთ ხაჭოიან მასას და კოვზით ფრთხილად ამოვურიოთ.

დავუმატოთ ქიშმიში, ხმელი ხილი, ნიგოზი, გარგარის ჩირი.
სუფთა, განიერი დოლბანდი დავასველოთ, კარგად გავწუროთ და ჩავაფინოთ საწურში, რომელიც, თავის მხრივ, თასზე ზემოდან უნდა მოვათავსოთ, რომ პასკიდან გამოჟონილი სითხე მოგროვდეს.

ხაჭოს მასა გადავიტანოთ დოლბანდჩაფენილ საწურზე, ზემოდანაც დოლბანდი გადავაფაროთ, თეფში დავადოთ და ზედ რამე სიმძიმეც დავუმატოთ.
საწური თავის თასიანად 12 საათი შევდგათ მაცივარში. შემდეგ გამოვიღოთ, დაწრეტილი სითხე გადავაქციოთ, პასკას კი დავაფაროთ თეფში და ფრთხილად ამოვატრიალოთ.

ხაჭოს პასკა მოვრთოთ ხმელი ხილით, ნიგვზით, გარგარის ჩირით, კაკაოთი ან გახეხილი შოკოლადით.
😊 გემრიელად მიირთვით!

გემრიელი სააღდგომო ბაჭიები

ინგრედიენტები :

გემრიელი სააღდგომო ბაჭიები მოვამზადოთ კულიჩის ცომისაგანცომისაგან დამზადებული ბაჭიებს ქიშიშით გავუკეთოთ თვალები . ცხვირი და დავალაგოთ პერგამენტის ქაღალდზე, გადავუსვათ გათქვეფილი კვერცხის გული, გადავაფაროთ ტილო და გავაჩეროთ თბილ ადგილას ასაფუებლად.

გამოვაცხოთ 180 გრადუსზე 20-25 წუთი.

 

 

 

 

 

 

 

ჩაქაფული-ქართული საგაზაფხულო კერძი

ინგრედიენტები:

2 კგ.ბატკნის ან ხბოს ხორცი

4-5 კონა ტარხუნა

3-4 პიტნის ტოტი (სურვილისამებრ)

3 კონა მწვანე ხახვი

2 კონა ქინძი

ნახ. ჭიქა წყალი

1 ჭიქა თეთრი ღვინო ( რქაწითელი)

მარილი გემოვნებით

10 ცალი ტყემალი ან 1 ჭიქა ალუჩა

2 ცალი მწვანე წიწაკა

მომზადების წესები :

ბატკნის ხორცი დავჭრათ .

მწვანილები ,მწვანე ხახვი წვრილად დავჭრათ და ერთმანეთში შევურიოთ.

ქვაბში ჩავასხათ წყალი ( ძირზე ხორცი რომ არ მიიწვას) და  ხორცი მწვანილთან ერთად  ფენა-ფენა ჩავაწყოთ.ფენებს შორის მოვაყაროთ მარილი,წიწაკა .ზემოდან  მოვასხათ ღვინო.ქვაბს თავი დავახუროთ და წამოდუღებისთანავე ცეცხლს დავუწიოთ. ხორცი ნახევარზე მეტად რომ მოიხარშება ,დავაყაროთ ტყემალი.

როცა კერძი მზად იქნება,ხის კოვზით მთელი მასა ჩავკეპოთ,ცეცხლს დავუწიოთ და კიდევ რამდენივე წუთი ვადუღოთ.

 

 

 

როგორ მოვამზადოთ შოკოლადის მინანქარი კულიჩის გასაფორმებლად

ძალიან მარტივი შოკოლადის ჭიქურის რეცეპტი, რომელიც თქვენს კულიჩს განსაკუთრებულს გახდის.

ინგრედიენტები :

1 ჭიქა შაქრის პუდრა

1-2 კვერცხის ცილა

2 ჩ.კოვზი კაკაო

1 ჩ.კოვზი შაქრიანი ვანილი

1 ჩ.კოვზი ლიმონის წვენი ან 10 წვეთი  წყალში გახსნილი ლიმონმჟავა

მომზადების წესები :

ღრმა ჭურჭელში ჩავყაროთ შაქრის პუდრა,კაკაოს ფხვილი და შაქრიანი ვანილი.

წაიკითხეთ კულიჩის რეცეპტები  აქ >>

შემოვდგათ ორთქლის აბაზანაზე, დავუმატოთ ლიმონის წვენი,კვერცხის ცილა და ავსრისოთ კოვზით ერთგვაროვანი მასის მიღებამდე.

 

გებჟალია-მეგრული სამზარეულო

ინგრედიენტები:

500 მლ. რძე

500 გრ.სულგუნი

100 გრ.არაჟანი

200 გრ.ნადუღი

1 პატარა კონა პიტნა

ბროწეულის მარცვლები

მარილი,მწვანე წიწაკა გემოვნებით

მომზადების წესები:

პიტნის შიგთავსის მომზადება;

ნახ. კონა პიტნის ფოთლები დავჭრათ ძალიან წვრილად და დავნაყოთ მარილთან ერთად;

რძე ჩავასხათ ალუმინის ქვაბში და ცეცხლზე დავდგათ .

სულგუნი ძალიან პატარა ნაჭრებად დავჭრათ, ჩავყაროთ გაცხელებულ რძეში და მოვხარშოთ რძესთან ერთდ.

მოვურიოთ ,სულგუნი გახდება წელვადი , შეერთდება,მოვაგუნდავოთ და მივიღებთ სულგუნის ცომის ერთგვაროვანი მასა.

სულგუნის ცომი სველ  ხის დაფაზე 1 სმ-ის სისქეზე გავაბრტყელოთ  და ცხელსვე წავუსვათ წინასწარ მომზადებული პიტნის შიგთავსი .

სულგუნის ცხელი ფირფიტა გადავახვიოთ რულეტივით  და გავაციოთ.

რულეტი დავჭრათ ნაჭრებად და მოვათავსოთ  სოუსში.

სოუსის მომზადება:

ნადუღი მოვათავსოთ თასში და დავუმატოთ არაჟანი,თვალზომით პიტნის გულსართი(დაახლოებით 2 ჩ.კოვზი),მარილი,ყველის ნახარში.

ნარევი აუცილებლად დავაბლენდეროთ(ნადუღის კოშტები არ იგრძნობოდეს).

სოუსი დავასხათ გებჟალიას ნაჭრებს და მოვრთოთ პიტნით,ბროწეულის მარცვლებით

 

 

 

სამეფო კულიჩი ( პასკა) კვერცხის გულებითა და ნაღებით

სამეფო პასკა – ნამდვილად ამართლებს სახელს! ინგრედიენტების მიხედვით იგი ძვირი გამოდის,მაგრამ ის ხომ სამეფოა.გამოაცხვეთ პასკა ამ რეცეპტით და მიიღებთ დიდ სიამოვნებას!

ინგრედიენტები :

6 ჭიქა ფქვილი(200 მლ)

3 ჭიქა  20-22%  ნაღები ( 200 მლ) ან 3,2 % რძე

200 გრ.კარაქი

1 ჭიქა შაქარი ( 200 მლ)

10 გრ.საფუარი

15 კვერცხის გული

40 გრ.ილი

7 გრ. დაფქული მუსკატის კაკალი

30 გრ.ქიშმიში

ნუში გემოვნებით

მომზადების წესები :

3 ჭიქა ფქვილს შევურიოთ საფუარი ,დავასხათ 1 ჭიქა ნაღები,მოვზილოთ ცომი და  დაველოდოთ ხაშის აფუებას.

აფუებულ მასას შევათქვიფოთ შაქარი,კვერცხის გულები და ოთახის ტემპერატურამდე დარბილებული კარაქი.

კარაქი სასურველია,წინასწარ კუბებად დავჭრათ,რომ ადვილად შევათქვიფოთ.

მიღებულ მასას შევურიოთ დარჩენილი ფქვილი, ნაღები, მუსკატის კაკალი, ილი, გადავაფაროთ და დაველოდოთ ამოსვლას.

ფორმას წავუსვათ ცხიმი,მოვაყაროთ საფანელი.

ამოფუებულ ცომს შევაზილოთ ქიშმიში და დაჭრილი ნუში.

ცომი დავყოთ გუნდებად და ფორმები ნახევრამდე შევავსოთ .

ფორმებში ცომი კიდევ ამოვა და შეავსებს.

შევდოთ 180 გრადუსზე წინასწარ გახურებულ ღუმელში.

სულ ესაა! გააფორმეთ სურვილისამებრ და გემრიელად მიირთვით!

 

 

 

 

ბატკნის ფორმის სააღდგომო კექსი

ამ კექს სააღდგომო სუფრაზე შეხვდებით.მის გამოსაცხობად სპეციალური ბატკნის ფორმის ყალიბი არის საჭირო.

ინგრედიენტები:

2 კვერცხი

2 ჭიქა ფქვილი

1 ჭიქა არაჟანი

100 გრ.კარაქი

1 5 ს.კოვზი ზეთი

1,5 ჭიქა შაქარი

1 ჩ.კოვზი გამაფხვიერებელი

1/4 ჭიქა ქიშმიში

ვანილი

მშრალი ინგრედიენტები ერთმანეთში შევურიოთ.

ქიშმიში გავრეცხოთ და შევამშრალოთ ქაღალდის ხელსახოვით.

მიქსერით გოგლი მოგლი მოვამზადოთ,შევათქვიფოთ ოთახის ტემპერატურაზე დარბილებული კარაქი და არაჟანი.მიღებულ მასას შევურიოთ მშრალი ინგრედიენტები,ქიშმიში.

ყალიბს წავუსვათ კარაქი,მოვაყაროთ საფანელი,ჩავასხათ ცომი,დავაფაროთ მეორე ნაწილი და შევდგათ გამოსაცხობად 180 გრადუსზე  60  წუთი.

20-25  წუთის შემდეგ ფორმა გადავაბრუნოთ და კვლავ გამოვაცხოთ კიდევ 35-40  წუთი .

მზა სააღდგომო კექს მოვაყაროთ შაქრის პუდრა.ბატკანს შევაბათ წითელი ლენტი.

 

კუჭმაჭი

ინგრედიენტები :

300 გრ ფრინველის გული

300 გრ .ფრინველის კუჭი

300 გრ.ფრინველის ღვიძლი

2 თავი ხახვი

4 კბილი ნიორი

6 გრ.კოწახური

1 ცალი წითელი წიწაკა

6 გრ.უვხო სუნელი

3 გრ ყვითელი ყვავილი

ქონდარი გემოვნებით

ხმელი მწვანე ბაზილიკი გემოვნებით

120 მლ წითელი მშრალი ღვინო

ნახ.ჩ.კოვზი მარცვალი შავი წიწაკა

1 ჩ.კოვზი ქინძის მარცვლები

100 მლ.ზეთი

12 გრ .მარილი ან  გემოვნებით

3 გრ.დაფქული შავი წიწაკა

მომზადების წესები :

გახურებულ ტაფაზე დავასხათ 2 ს.კოვზი ზეთი.

ფრინველის გული გავჭრათ შუაზე,ხოლო კუჭი და ღვიძლი გავყოთ 4 ნაწილად.

დავყაროთ გახურებულ ტაფაზე გულები ,  კუჭები და საშუალო ცეცხლზე შევწვათ.

დაახლოებით 5 წუთის შემდეგ  ცხელშივე მოვაყაროთ  მარილი გემოვნებით,შავი დაფქული წიწაკა , მოვასხათ 60 მლ.ღვინო და  დაველოდოთ, სანამ ალკოჰოლი აორთქლდება.

ცეცხლს ძალიან დავუწიოთ და ვშუშოთ დაახლოებით30 წუთი,სანამ კუჭები კარგად არ შეიწვება.

ხახვი დავჭრათ მოგრძო ნაჭრებად. მეორე ტაფაზე დავასხათ 60 მლ.ზეთი და  მოვშუშოთ ხახვი შემდეგ დავაყაროთ ღვიძლები და შევწვათ.

ნიორი, წიწაკა, კოწახური, ქინძის ,შავი წიწაკის მარცვლები, მარილი დავნაყოთ და მიღებული მასა გავხსნათ 60 მლ .ღვინოში.

ფრინველის შიგნეული ერთმანეთში შევურიოთ, შევაზავოთ დანაყილი მასით, დავუმატოთ ხმელი ბაზილიკი (შეგვიძლია არც დავუმატოთ),უცხო სუნელი, ყვითელი ყვავილი, ქონდარი და 5 წუთი გავჩეროთ საშუალო ცეცხლზე.

კუჭმაჭი მოვრთოთ ბროწეულის მარცვლებით,წითელი ხახვითა და ქინძით.

 

 

როგორ გავაფორმოთ კულიჩი ჭიქურით: 5 განსხვავებული რეცეპტი

    ძალიან მარტივი შოკოლადის ჭიქურის რეცეპტი, რომელიც თქვენს კულიჩს განსაკუთრებულს გახდის.

1.ინგრედიენტები შოკოლადის ჭიქურისათვის :

1 ჭიქა შაქრის პუდრა

1-2 კვერცხის ცილა

2 ჩ.კოვზი კაკაო

1 ჩ.კოვზი შაქრიანი ვანილი

1 ჩ.კოვზი ლიმონის წვენი ან 10 წვეთი  წყალში გახსნილი ლიმონმჟავა

მომზადების წესები :

ღრმა ჭურჭელში ჩავყაროთ შაქრის პუდრა,კაკაოს ფხვილი და შაქრიანი ვანილი.

წაიკითხეთ კულიჩის რეცეპტები  აქ >>

შემოვდგათ ორთქლის აბაზანაზე, დავუმატოთ ლიმონის წვენი,კვერცხის ცილა და ავსრისოთ კოვზით ერთგვაროვანი მასის მიღებამდე.

2.ინგრედიენტები შაქრის ჭიქურისათვის. პირველი ვარიაცია :

200 მლ.წყალი

500 გრ.შაქარი

100 გრ.საკონდიტრო გლუკოზა ან ინვენტური სიროფი

თასი წყლით.

1 ს.კოვზი ლიმონის წვენი

 

მომზადების წესები :

ალუმინის ქვაბში ჩავყაროთ  გლუკოზა,შაქარი და დავასხათ წყალი,მოვადუღოთ სიროფი .

სიროფის წვეთი ჩავასხათ ცივ წყალში.თუ წყალში წარმოიქმნა რბილი ბურთულა,მაშინ სიროფი მხადაა.

ამის შემდეგ ჩავასხათ ლიმონის წვენი და მაღალ სიჩქარეზე ავთქვიფოთ მასის გაგრილებამდე და გათეთრებამდე.

შეგვიძლია დავუმატოთ კულინარიული საღებავი.

3.ინგრედიენტები შაქრის მინანქრისათვის მეორე ვარიაცია

5 გრ.ჟელატინი აფუებული 25 მლ.წყალში

50 მლ.წყალი

125 გრ.შაქარი

მწიკვი ლიმონმჟავა

მომზადების წესები :

ჟელატინსა დავასხათ ოთახის ტემპერატურის წყალი და გავაჩეროთ ასაფუებლად.

ქვაბში ჩავასხათ წყალი, ჩავყაროთ შაქარი და ლიმონმჟავა,მოვადუღოთ სიროფი.

ქვაბი გადმოვდგათ ცეცხლიდან და ნახევარი წუთის შემდეგ გავხსნათ გაფუებული ჟელატინი და აუცილებლად გავაგრილოთ ოთახის ტემპერატურამდე.

ჟელატინიანი სიროფი ავთქვიფოთ მიქსერით.მას ძალიან გათეთრდება და მოცულობაში გადიდდება.

ამ შაქრიანი ჭიქურის დადებითი ის არის,რომ არ ტყდება და არ იფჩხვნება.

 

4.მოხარშული ცილოვანი კრემი ანუ იტალიური მირენგა.

4 კვერცხის ცილა

200 გრ.შაქარი

100 მლ.წყალი

1ჩ.კოვზი ლიმონის წვენი

მომზადების წესები :

100 მლ.წყალი ჩავასხათ ალუმინის ქვაბში,ჩავყაროთ ცენტრში შაქარი,ამით ავიცილებთ  შაქრის დაკრისტალებას.ხელი არ ვახლოთ და მაღალ ცეცხლზე მოვადუღოთ სიროფი,სანამ შაქარი არ გადნება.

ცივ წყალში ჩავაწვეთოთ სიროფის წვეთები,თუ წარმოიქმნა თეთრი ფერის რბილი ბურთულები,სიროფი მზადაა.

კვერცხის ცილას დავუმატოთ ლიმონის წვენი და ავთქვიფოთ მყარ პიკამდე.მიქსერით თქვეფა არ შევაჩეროთ და წვრილი ჭავლით ჩავასხათ შაქრის სიროფი.მირენგა ვთქვიფოთ გაცივებამდე ყინულის აბაზანაზე.მოხარშულ ცილოვან კრემს გადავაფაროთ პლასტიკი და შევდოთ მაცივარში.

5.შვეიცარული მერენგა პირველი ვარიაცია :

2 კვერცხის ცილა  N1 ,პირველი კატაგორიის

110 გრ.შაქარი

მომზადების წესები :

კვერცხი ცილა და შაქარი მსუბუქად შევურიოთ.აუცილებლად  ჭურჭელი უნდა იყოს სუფთა ,უცხიმო და  მშრალი. ცილაში კვერცხის გულის ნამცეციც არ უნდა შეერიოს.

თასი შემოვდოთ ორთქლის აბაზანაზე ,გამუდმებით ვურიოთ ,სანამ შაქარი არ გადნება (70 გრადუსი) . ხელის თითებით არ უნდა ვიგრძნოთ შაქრის კრისტალები.

დავიწყოთ ცილის ათქვეფა დაბალ სიჩქარეზე  მიქსერით და თანდათან მოვუმატოთ სიჩქარეს. მას სანამ ძალიან გასქელდება, ჩავუმატოთ მწიკვი ლიმონმჟავა.ცილოვანი მასა  ვთქვიფოთ გაგრილებამდე.

დავსვათ მირენგას სააღდგომო ფიგურები ღუმელის ტაფაზე( დაფენილი გვაქვს ქაღალდი და ვაშრობთ 70-80 გრადუსზე 1,5-2 საათი გააჩნია ღუმელს.

თუ ღუმელში არ შეგვიძლია დავაყენოთ დაბალი ტემპერატურა ,მაშინ გამოვაღოთ ღუმელის კარები და ბეზე გაღებულ ღუმელში გამოვაცხოთ.

შვეიცარული მერენგა მეორე ვარიაცია:

150 გრ.ცილა

300 გრ.შაქარი

კვერცხის ცილაში ჩავყაროთ შაქარი,შემოვდგათ ორთქლის აბაზანაზე და განუწყვეტლივ ვურიოთ.შაქრის კრისტალები უნდა გადნეს კვერცხის ცილაში.მერენგა ავთქვიფოთ მიქსერით მივიღებთ თხელ,წელვად მასას.ასეთი თხელი მას კულიჩის თავზე სწრაფად გაშრება.

მერენგა გადავიტანოთ სხვა გაშლილ თასში და  მასში კულიჩის თავები ამოვსვაროთ.

 

კულიჩი – ქართული ტრადიციული რეცეპტი

ინგრედიენტები :

500 მლ.რძე

500 გრ.კარაქი

500 გრ.შაქარი

1ჩ.კოვზი მარილი

8 კვერცხი

1 კვერცხის გული ზემოდან მოსასმელად

250 გრ.ქიშმიში

1,5 -2 კგ.ფქვილი

0,5  ჭიქა ზეთი

3 ს.კოვზი საფუარი

1 ს.კოვზი დაფქული ჯავზი

1 ს.კოვზი დაფქული ილი

0,5 ჩ.კოვზი მიხაკ-დარიჩინი

 

მომზადების წესები :

მოვამზადოთ ხაში:2 ს.კოვზი შაქარი გავხსნათ თბილ რძეში. 150 გრ.ფქვილს ავურიოთ საფუარი და დავასხათ ტკბილი  რძე.მოვზილოთ  ძალიან თხელი ცომი , გადავაფაროთ ტილო და დავდოთ ასაფუებლად.

კარაქი,მარილი და შაქარი ავთქვიფოთ,შევათქვიფოთ კვერცხები და შემდეგ დავუმატოთ სანალებლები.

გათქვეფილ მასას შევურიოთ აფუებული ხაში,შევაზილოთ ფქვილი,მოვზილოთ  კარგად ნაზი ცომი,გადავაფაროთ,დავდოთ თბილ ადგილას და დაველოდოთ ამოფუებას.

ამოსული ცომი ზეთიანი ხელებით ორჯერ ჩავზილოთ და კვლავ დავდოთ ასაფუებლად.

მესამედ აფუებულ ცომს დავუმატოთ ქიშმიში,ჩავდოთ ქაღალდჩაფენილ,ცხიმწასმულ  ფორმებში 2/3 სიმაღლეზე გადავაფაროთ და კვლავ დაველოდოთ ფორმებში ცომის ამოსვლას.

ამოსულ ცომს ფუნჯით გადავუსვათ გთქვეფილი კვერცხის გული ( გახსნილი ერთ სუფრის კოვზი რძე) და საშუალო ცეცხლზე გამოვაცხოთ.