ისპანახის ტორტი – უცხოური სამზარეულოს დესერტი

ინგრედიენტები ბისკვიტისათვის :

600 გრ. ისპანახი

2 კვერცხი

200  გრ.შაქარი

2 ს.კოვზი  ლიმონის წვენი და 2 ჩ.კოვზი  ცედრა

200 გრ.ფქვილი ან ცოტა მეტი

150 გრ.კარაქი

2 ჩ.კოვზი გამაფხვიერებელი

ვანილი

მარწყვი,ჟოლო,მოცხარი გასაფორმებლად.

მომზადების წესები :

საცხობ ფორმაში  ჩავაფინოთ ქაღალდი და მოვუსვათ ცხიმი.

ღუმელი გავახუროთ 170 გრადუსზე.

ფქვილში შევურიოთ ვანილი  და გამაფხვიერებელი.

ისპანახი გავრეცხოთ ,ფოთლები გავამშრალოთ და დავაბლენდეროთ  დავუმატოთ ლიმონის წვენი და გავატაროთ საცერში .შემდეგ ვუმატებთ კვერცხს,კარაქს,ლიმონის ცედრას და შაქარს.ვაბლენდერებთ .

მიღებულ პიურეში ვამატებთ მშრალ ინგრედიენტებს.უნდა მივიღოთ ძალიან სქელი არაჟნის კონსისტენციის მასა.

ცომი ჩავასხათ ფორმაში და გამოვაცხობთ 30 წუთის განმავლობაში.

ბისკვიტი გავაგრილოთ და გავჭრათ შუაზე.

ხაჭოს კრემი :

300 მლ.ნაღები

400 გრ.ხაჭო

4 ს.კოვზი ჟელატინი

6 ს.კოვზი შაქრის პუდრა

 

მომზადების წესები :

ჟელატინი დავალბოთ .

ნაღები,შაქრის პუდრა,ხაჭო ერთად ავთქვიფოთ,დავუმატოთ გაბერილი და  წყლის აბაზანაზე გამდნარი   ჟელატინი და ვათქვიფოთ.

მიღებული კრემი წავუსვათ ბისკვიტის ფირფიტებს  და მოვრთოთ ხილით  ( კენკროვანებით) სურვილისამებრ.

 

 

 

 

კარტოფილის ნავები

ინგრედიენტები:

4 საშუალო ზომის კარტოფილი

100 გრ. ნაღების კარაქი კუბებად დაჭრილი

1 ჭიქა( 225 გრ.)არაჟანი

115 გრ.ყველი ჩედარი

4 ფირფიტა ბეკონი

3-4 მწვანე ხახვი

მარილი,წიწაკა

 

მომზადების წესები:

კარგად გარეცხილი და გამშრალებული კარტოფილი შევახვიოთ ფოლგაში,გამოვაცხოთ ღუმელში 200 გრადუსზე.

კარტოფილი გავაგრილოთ ,ღუმელის ტემპერატურა დავწიოთ 180 გრადუსზე.

ბეკონი შევწვათ ოქროსფერის მიღებამდე და წვრილად დავჭრათ.

კარტოფილები გავჭრათ შუაზე,ჩაის კოვზით გამოვუღოთ გულები,ისე რომ მთლიანობა არ დავარღვიოთ და მივიღოთ „ნავები“.

დიდ თასში ავურიოთ კარტოფილის გულები,ბეკონი,კარაქი,არაჟანი,დაჭრილი ხახვი,მარილი,წიწაკა და ავავსოთ კარტოფილის „ნავები“.

კარტოფილის ნავები დავალაგოთ ღუმელის ტაფაზე და 30-35 წუთი გამოვაცხოთ.შიგთავსი ზემოდან  უნდა შეწითლდეს.მივირთვად ცხელი.

ღუმელში გამომცხვარი ღორის ხორცი ქლიავით

ინგრედიენტები :

1,5 კგ ღორის ხორცი რბილი ( შეიკა)

20 მლ.ტომატ -პასტა ( 1 ს.კოვზი)

300 გრ.ქლიავი

25 გრ.შაქარი ( 1 ს.კოვზი)

3 გრ.დაფქული ქინძი ( 1 ჩ.კოვზი)

5 გრ.პაბრიკა ( 1 .კოვზი)

3 გრ.შავი დაფქული წიწაკა

60 მლ.სოიოს სოუსი ( 3 ს.კოვზი)

25 მლ.ზეთი ( 1 ს.კოვზი)

7-8 ცალი ნიგოზი

ინგრედიენტები სოუსი ჩატნისათვის :

150 გრ.ქლიავი

1 ვაშლი

1 ხახვი

3 კბილი ნიორი

დარიჩინის ჯოხი

8 გრ.ნედლი ჯანჯაფილი

2 გრ.ბაჰარი ( დაფქული)

1 გრ.წითელი წიწაკა დაფქული

20 მლ.ვაშლის ძმარი

75.გრ.შაქარი

5 გრ.მარილი

2გრ.შავი წიწაკა

მომზადების წესები :

ტომატ პასტა,სოიოს სოუსი,ზეთი,შაქარი,ხმელი ქინძი,პაპრიკა,შავი დაფქული წიაკა შევურიოთ ერთმანეთს ,წავუსვათ ხორცს ,გადავაფაროთ პლასტიკი და დასამარინადებლად შევდოთ 1 საათი მაცივარში.

ქლიავიდან გამოვიღოთ კურკა და ჩავდოთ მასში ნიგოზის ლებანი.

ღორის ხორცის   რბილი დანით ჩავჭრათ და სიგრძეზე ჩავალაგოთ ნიგვზიანი ქლიავები.

ღორის ხორცი, 10 ცალი ქლიავი შევახვიოთ ფოლგაში და შევწვათ წინასწარ გახურებულ ღუმელში 180 გრადუსზე 1 საათი.

 

სოუსი ჩატნის მომზადება :

ვაშლი გავთალოთ,გავყოთ 4 ნაწილად.

გავახუროთ ტაფა.

ხახვი გავფცქვნათ და გავყლოთ 6 ნაწილად.

ნიორი  დავჭრათ წვრილად.

ჯანჯაფილი გავთალოთ და გავხეხოთ.

გახურებულ ტაფაზე დავაწყოთ ვაშლი,ქლიავი,ხახვი,ჯანჯაფილი,ნიორი დავასხათ 60 მლ. წყალი და დაბალ ცეცხლზე ჩაითუშოს.

ჩატნის დავუმატოთ სუნელები:დარიჩინის ჯოხი,წითელი და შავი წიწაკა,დაფქული ბაჰარი,შაქარი,მარილი და მოვასხათ ძმარი.სოუსი ჩატნი მოვამზადოთ 40 წუთი დაბალ ცეცხლზე.მომზადებული სოუსიდან ამოვიღოთ დარიჩინის ჯოხი და დავაბლენდეროთ.

ღორის ხორცი დავჭრათ ნაჭრებათ,მოვასხათ სოუსი ჩატნი და ირგვლივ მოუწყოთ დაჭრილი ბულგარული,პომიდორი და მოვაყაროთ წვრილად დაჭრილი კამა,ქინძი.

 

შოკოლადის მაფინები ალუბლით

ინგრედიენტები :

1 ცალი შავი შოკოლადის ფილა

45 გრ.კარაქი

200 გრ.ფქვილი

100 გრ.შაქარი

1 კვერცხი

200 მლ.რძე

2 ჩ.კოვზი გამაფხვიერებელი ( არა სავსე)

და 1/4 ჩ.კოვზი სოდა

მომზადების წესები :

შოკოლადის მაფინების დამზადებისას არ გვჭირდება არც მიქსერი და არც ბლენდერი.

შოკოლადი კარაქთან ერთად გავადნოთ ორთქლის აბაზანაზე.დავუმატოთ კვერცხი და რძე,მოვურიოთ კოვზით.

ფქვილი,შაქარი,სოდა და გამაფხვიერებელი ერთმანეთს  შევურიოთ.

მშრალ ინგრედიენტებს დავასხათ თხევადი  მასა და კოვზით მოვურიოთ.არ შევეცადოთ მასა გახდეს ერთგვაროვანი.შოკოლადის მაფინების მოსამზადებლად, აუცილებელია ,იყოს ცომში კოშტები.

ცომს დავუმატოთ 100 გრ.ფქვილში ამოსვრილი ალუბლის ცუკატი ან დაკურკული ალუბალი.მაფინის სილიკონის  ფორმა მთლიანად ავავსოთ ცომით.ცომში არსებული კოშტები ხელს შეუშლის ცხობისას,ცომის ფორმიდან გადმოსვლას და მაფინები გამოცხვება  მაღალი.

ღუმელში შედების წინ, მოვაყაროთ ზემოდან  მცირეოდენი შაქარი ზემოდან,რომ მაფინების თავი გამოვიდეს კნატუნა და წინასწარ 200 გრადუსზე გახურებულ ღუმელში შევდოთ გამოსაცხობად 15-20 წუთი.

თუ მაფინებს ვაცხობთ  მეტალის ფორმაში,მაშინ ფორმას წავუსვათ ზეთი  და მოვაყაროთ ფქვილი ან  ფორმაში ჩავდოთ მაფინის გამოსაცხობი ქაღალდები ,რომლებსაც შევავსებთ ცომით.

 

 

 

კლასიკური ხინკალი

ინრედიენტები:

1000 გრ.უმაღლესი ხარისხის ფქვილი

500 მლ.წყალი

60 მლ.რაფინირებული მცენარეული ზეთი

2 ჩ.კოვზი მარილი

 

შიგთავსი:

1 კგ.შერეული ფარში

300 გრ.ხახვი

1 ჩ.კოვზი მარილი

3 კბილი ნიორი

250 მლ წყალი

1/2 ჩ.კოვზი შავი წიწაკა

 

ყინულიან წყალში გავხსნათ მარილი.თასში ჩავყაროთ ფქვილი.

ფქვილს ნელ-ნელა დავასხათ წყალი,ზეთი მოვზილოთ ცომი .გადმოვიტანოთ ხის დაფაზე  და ცომის მოზელვა 15-20 წუთი  გავაგრძელოთ.როცა ცომი გახდება ელასტიური,შევახვიოთ საკვების შესაფუთ პარკში,ცოტა ხნით დავასვენოთ( 15-20 წუთი შევდოთ მაცივარში).

ფარშს დავამატოთ წვრილად დაჭრილი ხახვი,ნიორი.ძირა(თუ არ მოგწონთ,ნიორი არ გაუკეთოთ)და გავათხელოთ 250 მლ.თბილი წყლით.

ცომი გავაბრტყელოთ ნახევარ სანტიმეტრზე,ამოვჭრათ რგოლები,რომლებსაც კიდევ გავაბრტყელებთ.

ცომის შუაში დავდოთ თითო კოვზი ფარში.ცომს თავი ისე მოვუკრათ,რომ გამოგვივიდეს თანაბარი ნაოჭები.

ხინკალი გადავიტანოთ ფქვილიან დაფაზე.

ცეცხლზე წყალი ავადუღოთ ,ჩავამატოთ მარილი,ჩავყაროთ ხინკლები.ხის კოვზით ვურიოთ და წამოვადუღოთ.

მოხარშული ხინკალი წყლის ზედაპირზე ამოტივტივდება და გაიბერება.ქვაბიდან ხინკლები ქაფქირით ამოვიღოთ.

 

 

 

 

 

 

 

იმერული ხაჭაპური

ინგრედიენტები:

1,5 კგ.ფქვილი

500 მლ. თბილი წყალი

20 გრ.საფუარი

2 გრ.მარილი

2 კვერცხის გული ზემოდან წასასმელად

შიგთავსი:

1 კგ ჭყინტი ყველი

2 კვერცხის ცილა

 

თასში  ფქვილი,საფუარი,მარილი ჩავყაროთ.მშრალი ინგრედიენტები ერთმანეთს კარგად შევურიოთ,თბილი წყალი დავასხათ და თხელი ცომი მოვზილოთ.ცომი დავასვენოთ ნახ. საათი.

ყველი ხელით დავჭყლიტოთ და შევურიოთ 2 კვერცხის ცილა.

ცომისაგან სასურველი ზომის  გუნდები მოვამზადოთ  და თითოეული გავაბრტყელოთ.

გაბრტყელებული ცომის შუაგულში ჩავდოთ ბლომად შიგთავსი,მოვუკრათ პირი,ზემოდან წავუსვათ ათქვეფილი კვერცხის გული და 15 წუთის განმავლობაში გამოვაცხოთ წინასწარ გახურებულ ღუმელში.

 

 

 

 

 

 

 

 

 

 

ჩაშუშული იმერულად

ინგრედიენტები:

1 კგ.ხბოს ხორცი(ბარკალი)

2 ს.კოვზი დაფქული კოწახური

1 დიდი ზომის ბროწეული

6 თავი ხახვი

1 თავი ნიორი

მარილი ,წიწაკა (დაღერღილი)გემოვნებით

მომზადების წესები:

ხბოს ხორცი დავჭრათ და ზეთში შევწვათ ტაფაზე. ხშირად ხის კოვზით ვურიოთ .

შემწვარ ხბოს ხორცს მოვაყაროთ  ხახვი( ნახევარ რგოლებად დაჭრილი) ,დავახუროთ ტაფას თავი და კარგად შევწვათ.კერძი  დაჭყლეტილი ნიორით,კოწახურით და მარილით შევკაზმოთ.ბოლოს მოვაყაროთ ბროწეული.

ხბოს ხორცის ცხელი კერძი გადავიტანოთ გახურებულ კეცზე.

 

წყარო: გურმანია 24,მაისი  2015წელი

 

 

 

გებჟალია-მეგრული სამზარეულო

ინგრედიენტები:

500 მლ. რძე

500 გრ.სულგუნი

100 გრ.არაჟანი

200 გრ.ნადუღი

1 პატარა კონა პიტნა

ბროწეულის მარცვლები

მარილი,მწვანე წიწაკა გემოვნებით

მომზადების წესები:

პიტნის შიგთავსის მომზადება;

ნახ. კონა პიტნის ფოთლები დავჭრათ ძალიან წვრილად და დავნაყოთ მარილთან ერთად;

რძე ჩავასხათ ალუმინის ქვაბში და ცეცხლზე დავდგათ .

სულგუნი ძალიან პატარა ნაჭრებად დავჭრათ, ჩავყაროთ გაცხელებულ რძეში და მოვხარშოთ რძესთან ერთდ.

მოვურიოთ ,სულგუნი გახდება წელვადი , შეერთდება,მოვაგუნდავოთ და მივიღებთ სულგუნის ცომის ერთგვაროვანი მასა.

სულგუნის ცომი სველ  ხის დაფაზე 1 სმ-ის სისქეზე გავაბრტყელოთ  და ცხელსვე წავუსვათ წინასწარ მომზადებული პიტნის შიგთავსი .

სულგუნის ცხელი ფირფიტა გადავახვიოთ რულეტივით  და გავაციოთ.

რულეტი დავჭრათ ნაჭრებად და მოვათავსოთ  სოუსში.

 

სოუსის მომზადება:

ნადუღი მოვათავსოთ თასში და დავუმატოთ არაჟანი,თვალზომით პიტნის გულსართი(დაახლოებით 2 ჩ.კოვზი),მარილი,ყველის ნახარში.

ნარევი აუცილებლად დავაბლენდეროთ(ნადუღის კოშტები არ იგრძნობოდეს).

სოუსი დავასხათ გებჟალიას ნაჭრებს და მოვრთოთ პიტნით,ბროწეულის მარცვლებით

 

 

 

ყველის წვნიანი ქართულად

ყველის წვნიანი მომზადებული ქართულად ძალიან გემრიელია და სასარგებლოა,როგორც მოზრდილებისათვის,ასევე  ბავშვებისათვის.

ინგრედიენტები:

500 მლ. რძე

500 გრ.სულგუნი

100 გრ.არაჟანი

200 გრ.ნადუღი

1 პატარა კონა პიტნა

2 პატარა თავი ხახვი

4 .კოვზი ბრინჯი

მარილი,მწვანე წიწაკა გემოვნებით

 

პიტნის შიგთავსის მომზადება;

ნახ. კონა პიტნის ფოთლები დავჭრათ ძალიან წვრილად და დავნაყოთ მარილთან ერთად.

არაჟანი და ნადუღი ერთმანეთს შევურიოთ და  შევკაზმოთ  დანაყილი პიტნით.

რძე ჩავასხათ ალუმინის ქვაბში და ცეცხლზე დავდგათ .

სულგუნი ძალიან პატარა ნაჭრებად დავჭრათ ჩავყაროთ გაცხელებულ რძეში და მოვხარშოთ რძესთან ერთდ.

რძეს მოვურიოთ ,სულგუნი გახდება წელვადი , ყველის ნაჭრები  შეერთდება,მოვაგუნდავოთ და მივიღებთ სულგუნის ცომის ერთგვაროვან მასას .

სულგუნის ცომი სველ  ხის დაფაზე 1 სმის სისქეზე გავაბრტყელოთ  და ცხელსვე წავუსვათ წინასწარ მომზადებული პიტნის შიგთავსი .

სულგუნის ცხელი ფირფიტა გადავახვიოთ რულეტივით  და გავაციოთ.სულგუნის რულეტი დავჭრათ,

ხახვი დავჭრათ წვრილად და ერბოში  ოდნავ მოვშუშოთ.ყველის ნახარშში მოვხარშოთ ბრინჯი,ჩავამატოთ მოშუშული ხახვი,წვრილად დაჭრილი

ქინძი,პიტნა,წიწაკა(თუ ბავშვებისთვის ვამზადებთ წიწაკა არ დავუმატოთ).ჩავაწყოთ პატარა ნაჭრებად დაჭრილი გებჟალიას რულეტი ,

ერთი წამოვადუღოთ და გადმოვდგათ ცეცხლიდან.

მარილი კერძს საჭიროების მიხედვით დავამატოთ,რადგანაც ყველის მასა ისედაც მარილიანია.