ცოცხლად შენახული შინდი – მოვემზადოთ ზამთრისათვის

ინგრდიენტები :

2 კგ. მწიფე შინდი

შაქარი 2-ჯერ მეტი

მომზადების წესები :

მწიფე შინდი ფრთხილად გავრეცხოთ და დავწრიტოთ.

კარგად მშრალი შინდი რკინის საცერზე ან თუშფალანგზე გავხეხოთ.

შინდის პიურე გადავიტანოთ ქილებში.რამდენი ქილაც გამოვა,ორი  იმდენი შაქარი დავაყაროთ.

პიურე  გადავიტანოთ მომინანქრებულ ქვაბში და 3-4 დღე ვურიოთ( დღეში 4-5 ჯერ )ხის კოვზით.

როცა პიურეში  შაქარი გადნება,გადავიტანოთ სტერილურ ქილებში და თავზე დავახუროთ.სტერილიზაცია არ არის საჭირო.

 

 

მსხლის ჯემი

ინგრედიენტები :

1 კგ. მკვრივი და  პატარა ზომის მსხალი

500 გრ.შაქარი

1 შაქრიანი ვანილი ან 2 სუფრის კოვზი ლიმონის წვენი

მომზადების წესები :

მსხალი გავთალოთ,გული გამოვუღოთ და დავაბლენდეროთ. შეგვიძლია,რომ მსხლები არც გავთალოთ.

მსხლის პიურეს მოვაყაროთ შაქარი და გავაჩეროთ 1 საათი.

პიურე შემოვდგათ დაბალ ცეცხლზე და ავადუღოთ.დაახლოებით ჭირდება 20 წუთი.

როგორც კი მასა მოდუღდება ,ცეცხლს ავუწიოთ საშუალოზე და ვხარშოთ დახლოებით 20 წუთი შესქელებამდე. ქვაბს განუწყვეტლივ  ვურიოთ ხის კოვზით,რომ ძირზე არ მიიწვას.ბოლოს დავუმატოთ ვანილი ან ლიმონის წვენი.

ჯემი გადავიტანოთ სტერილურ  მინის ქილაში და მოვხუფოთ.

 

ქლიავის და ვაშლის ჯემი

ინგრდიენტები ;

1,5  კგ.ქლიავი

1.5 კგ. ვაშლი

2 კგ. შაქარი

1 ლიმონის წვენი და ცედრა

5 სმ. ჯანჯაფილი

ომზადების წესები :

 

ქლიავი გავრეცხოთ და დავწროტოთ თუშფალანგზე.

ვაშლი გავრეცხოთ, გავთალოთ ,გამოვუღოთ გული და  დავჭრათ ნაჭრებად.

დაწრეტილ ქლიავს გამოვუღოთ კურკები,გავატაროთ ხორცსაკეპში.

ქლიავი ჩავყაროთ ალუმინის ქვაბში,დავაყაროთ შაქარი,როცა წვენს გამოიღებს ,დავუმატოთ ვაშლი და საათნახევარი  დაბალ ცეცხლზე ვადუღოთ. ქვაბს თავსახური არ დავახუროთ და პერიოდულად ვურიოთ ხის კოვზით.ბოლოს 5 წუთით ადრე დავუმატოთ ლიმონის წვენი,ცედრა და ჯანჯაფილის ჯოხი.ამ წესით მომზადებული ქლიავის ჯემი გამოდის საკმაოდ სქელი

ქლიავის  და ვაშლის ჯემი ცხელ-ცხელი ჩავასხათ სტერილურ ქილებში და მოვხუფოთ.

 

მსხლისა და ტყემლის ჯემი

ინგრედიენტები :

2 კგ.მსხალი

2 კგ.წითელი ტყემალი ( ტკბილი)

2-2,5 კგ.შაქარი.

მომზადების წესები :

ხილი გავრეცხოთ. მსახალი დავჭრათ.

მსახლი და ტყემალი ჩავყაროთ ქვაბში,დავასხათ წყალი,ისე რომ დაიფაროს და მოვხარშოთ. დარბილებული ხილი გავატაროთ საცერში და დავსრისოთ.

სითხე გამოვიყენოთ წვენის მოსამზადებლად.

ჩენჩო და კურკები გადავყაროთ.

მსხლისა და ტყემლის მასას შევურიოთ შაქარი  შემოვდგათ  დაბალ ცეცხლზე და ვადუღოთ 30-40 წუთი.

მსხლის და ტყემლის ჯემი ჩავასხათ გასტერილებულ ქილებში და მოვხუფოთ.

 

მთელ – მთელი მსხლის მურაბა

ინგრედიენტები :

3 კგ. სამურაბე  ან პანტა მსხალი

3 ლიტრი წყალი

3 კგ. შაქარი

1  პატარა კონა პიტნა

1.5 ჩ.კოვზი ლიმონმჟავა

მომზადების წესები :

მსხალი გავრეცხოთ და დავჩხვლიტოთ.

მსხლებს ყუნწები ნახევრად მოვაჭრათ.

შაქრისა და წყლისგან მოვამზადოთ სიროფი.როცა შაქარი კარგად გაიხსნება დავუმატოთ ლიმონმჟავა და პიტნა.

მსხლები ჩავყაროთ მომინანქრებულ ქვაბში და ცხელი სიროფი დავასხათ.ასე გავაჩეროთ 3-4 საათი.

ქვაბი შემოვდგათ ცეცხლზე,როგორც კი ადუღდება,დავუწიოთ და ვხარშოთ დაბალ ცეცხლზე 30 წუთი.ხარშვისას წარმოიქმნება ქაფი და დროდადრო მოვხადოთ. ქვაბს თავზე დავახუროთ და მურაბა გავაციოთ.

ასე გავიმეორებთ კიდევ 3-4 ჯერ.

ცხელი მურაბა ჩავასხათ სტერილურ ქილებში და მოვხუფოთ.

 

 

 

როგორ გავყინოთ და შევინახოთ გარგარი ზამთრისათვის – 2 განსხვავებული მეთოდი

ინგრედიენტები :

გარგარი

მომზადების წესები :

შევარჩიოთ მწიფე,მაგრამ მკვრივი გარგარი. ნაყოფი  გვარეცხოთ ,გამდინარე წყალში, შემდეგ დავალაგოთ სუფთა ჩაის ტილოზე ან ქაღალდის ხელსახოცზე და ისე შევამშრალოთ. გარგრის ნაყოფი გავათავისუფლოდ კურკისგან, ერთ ფენად დავალაგოთ და მინუს 18 გრადუსზე გავყინოთ.გაყინული ხილი სპეციალურ კონტეინერში ან ცელოფანში მოვათავსოთ და ისე შევინახოთ.

მომზადების მეორე ვერსია

გადავწიფებული გარგარი გავრეცხოთ,შემდეგ დავალაგოთ სუფთა ჩაის ტილოზე ან ქაღალდის ხელსახოცზე და ისე შევამშრალოთ. გარგრის ნაყოფი გავათავისუფლოდ კურკისგან, დავაბლენდეროთ ,ჩავასხათ კონტეინერში ან სილიკონის ფორმებში და ისე გავყინოთ მინუს 18 გრადუსზე. სილიკონის ფორმებიდან ამოვიღოთ გაყინული პიურე,ჩავაწყოთ ცელოფანში და ისე შევინახოთ საყინულეში ზამთრისათვის.

რჩევა:

1. ერთხელ გამღვალი პროდუქტის ხელმეორედ გაყინვა არ არის რეკომენდირებული.

2. გარგარი უნდა იყოს ახალი,საღი და ბოლომდე დამწიფებული.

3. გამღვალი პროდუქტი სწრაფად გამოვიყენოთ,არ უნდა დაიტოვოს 2 დღეზე მეტ ხანს მაცივარში.

4. გამღვალი პროდუქტის გარეცხვა არ არის რეკომენდირებული,ამიტომ ხილი  უნდა გაირეცხოს გაყინვამდე.

 

 

როგორ გავყინოთ და შევინახოთ მარწყვი ზამთრისათვის

პირველი მეთოდი:

გადავარჩიოთ კენკრა.მკვრივი მარწყვი( გადამწიფებული შევინახოთ) გავრეცხოთ,ცალობით დავალაგოთ ქაღალდის ხელსახოცხზე ,ისე რომ ერთმანეთს არ ეხებოდნენ .მარწყვი დაიწრიტება და გაშრება.

დაფას გადავაკრათ პლასტიკი,ერთ ფენად დავაწყოთ მარწყვები და გავყინოთ .

გაყინული მარწყვები ჩავაწყოთ ცელოფანის პარკში და წვენის საწრუპით ამოვტუმბოთ ჰაერი.

მარწყვის გაყინვის მეორე მეთოდი: გარეცხილი ,გადამწიფებული მარწყვი  დავაბლენდეროთ,ჩავასხათ სილიკონის ფორმებში,ავავსოთ ნახევრამდე ,ფორმა დავდოთ ხის დაფაზე და ისე შევდოთ საყინულეში გასაყინად.

გაყინული მარწყვის რგოლები ჩავაწყოთ ცელოფანში.

ერთჯერადი წვენის საწრუპით ამოვტუმბოთ ჰაერი და შევინახოთ საყინულეში ზამთრისათვის.

მარწყვის გაყინვის მესამე მეთოდი: 1 კგ  მწიფე მარწყვი,გავრეცხოთ,დავწრიტოთ ,დავაბლენდეროთ,შევურიოთ 800 გრ. შაქარი  და გავყინოთ ისე,როგორ აღწერილი არის მეორე მეთოდში ან ჩავასხათ ერთჯერად ჭიქებში,დავახუროთ თავსახური და ისე გავყინოთ.

 

 

არომატული მარწყვის მურაბა მოდუღების გარეშე

ინგრედიენტები :

1 კგ. მარწყვი

800 გ.შაქარი

140 მლ.წყალი

მომზადების წესები :

მურაბის მოსამზადებლად შევარჩიოთ მწიფე და არა გადამწიფებული მარწყვი.

სასურველია,მარწყვი იყოს მცირე ზომის,რადგანაც ის არ იხარშება.

ქვაბში ჩავასხათ წყალი,ჩავყაროთ შაქარი და მოვადუღოთ სიროფი.

სიროფი ვადუღოთ  5-7 წუთი.

ქვაბში გარეცხილი,გასუფთავებული მარწყვი ჩავაწყოთ,დავასხათ სიროფი,დავახუროთ თავსახური და გავაჩეროთ გავრილებამდე. პირველად სიროფი იქნება ცოტა,მაგრამ მარწყვი გამოუშვებს წვენს და სიროფი გათხელდება.

მარწყვი გადავწუროთ.სიროფი ისევ მოვადუღოთ, მოვხადოთდუღილის დროს წარმოქმნილი  ქაფი,დავასხათ მარწყვს,დავახუროთ თავსხური და გავაჩეროთ გაგრილებამდე.

აე მოვიქცევით კიდევ 2-ჯერ.

ბოლოს მარწყვის გადავიტანოთ მშრალ სტერილურ ქილებში,დავასხათ ადუღებული სიროფი,მოვხუფოთ,გადმოვაბრუნოთ და შევახვიოთ პლედში და გავაჩეროთ ერთი დღე.

მორჩენილი მარწყვის წვენით შესაძლებელია და ვამზადოთ მარწყვის ლიქიორი ან ჟელე.წაიკითხეთ რეცეპტი.

 

 

არომატული მარწყვის მურაბა არყით

ინგრდიენტები :

2 კგ.მარწყვი

100 მლ.არაყი

1 ჩ.კოვზი ლიმონმჟავა

1200 გრ.შაქარი

მომზადების წესები :

გარეცხილი ,გასუფთავებული მარწყვი ჩავაწყოთ ფენა-ფენა ქვაბში ,ფენებს შორის მოვაყაროთ შაქარი და მოვაპკუროთ არაყი: მარწყვი-შაქარი-არაყი-მარწყვი-შაქარი-არაყი. ქვაბს დავახუროთ თავსახური და 8 საათი გავაჩეროთ.

რვა საათის შემდეგ  დავუმატოთ ლიმონმჟავა,შემოვდგათ მაღალ ცეცხლზე,მივიყვანოთ ადუღებამდე,ფრთხილად მოვურიოთ ხის კოვზით,რომ დალექილი შაქარი გავადნოთ,ცეცხლს დავუწიოთ და 5 წუთი ვხარშოთ. მურაბა ცეცხლიდან გადმოვდგათ  და ბოლომდე გავაგრილოთ.

ასე ვიქცევით კიდევ სამჯერ.

მარწყვის მურაბა ჩავასხათ მშრალ სტერილურ ქილებში.თუ სიროფი დაგვრჩება,მაშინ შევურიოთ არაყი და 2 კვირა გავაჩეროთ სიგრილეში,მივიღებთ ძალიან არომატულ ნაყენს.

 

 

ნუტელა ქლიავით ანუ შოკოლადის მურაბა – სასუსნავი ცივი ზამთრისათვის

ინგრედიენტები :

4 კილო შავი შოკოლადი

2 კგ.შაქარი

1 ლიმონის წვენი

160 გრ.კაკაო

300 -400 გრ.ნიგოზი

 

მომზადების წესები:

ქლიავი გავრცხოთ,კურკები გამოვუღოთ,შაქარში შერეული კაკაო დავაყაროთ დავაწუროთ ლიმონი და დილამდე დავტოვოთ.

გაზზე  გამანაწილებელი დავდოთ და  დაბალ ცეცხლზე ვხარშოთ ქლიავი 15 20 წუთი.შემდეგ გავაციოთ.ასე გავაკეთებთ კიდევ სამჯერ.

ქლიავის ნუთელა დავაბლენდეროთ,დავუმატოთ ვანილი,ნიგოზი ან თხილი ,წამოვდუღოთ და ცხელ-ცხელი ჩავასხათ სტერილურ ქილებში.

რჩევა: ამ წესით მომზადებული ნუთელა კარგად ინახება ზამთრისათვის სტერილიზაციის გარეშე.