ატმის ნატურალური წვენი – მოვემზადოთ ზამთრისათვის

ინგრედიენტები :

3კგ. ატამი

150 გრ  შაქარი  კილოგრამ  ატამზე

900 მლ.  წყალი  კილოგრამ ატამზე

მომზადების წესები :

ხილი გავრეცხოთ, კურკები გამოვუღოთ და ხორცსაკეპში გავატაროთ.

გატარებული ხილი გადავიტანოთ ქვაბში და მივიყვანოთ ადუღებამდე.

წყლისა და შაქრისაგან მოვადუღოთ სიროფი.

სიროფი გავატაროთ 2 ფენა მარლაში.

დარბილებული ხილის ფაფა გავატაროთ საცერში, ხელითაც გავხეხოთ დავუმატოთ  სიროფი და ვადუღოთ დაახლოებით 5-10  წუთი.

წვენი სუფთა  ქილებში ჩავასხათ ,დავახუროთ თავსახური,გავუკეთოთ სტერილიზაცია  და მოვხუფოთ.

ქილები გადმობრუნებული გავაციოთ.

 

 

თეთრი ბლის კომპოტი

ინგრედიენტები :

წყალი – რამდენიც საჭიროა ქილების ასავსებად.

შაქარი -350 გრ.ერთ ლიტრა წყალზე.

თეთრი ბალი

მომზადების წესები :

გარეცხილი, გასუფთავებული ,ყუნწმოცლილი  თეთრი ბლებით ავავსოთ 1/4 ნაწილი 3 ლიტრიანი ქილის,დავასხათ ქაფქაფა ცხელი წყალი,ავავსოთ ბოლომდე ,დავაფაროთ თავსახური და დაველოდოთ გაგრილებას.

ნაყენი გადმოვასხათ ,დავუმატოთ შაქარი და მოვადუღოთ სიროფი.

სიროფით  ბოლომდე  3 ლიტიანი ქილა ავავსოთ  , გავუკეთოთ 10 წუთი სტერილიზაცია , მოვხუფოთ.ქილები, გადმოვაბრუნოთ და ისე გავაციოთ.შევინახოთ ზამთრისათვის გრილ ადგილას.

 

 

 

როგორ გავყინოთ და შევინახოთ გარგარი ზამთრისათვის – 2 განსხვავებული მეთოდი

ინგრედიენტები :

გარგარი

მომზადების წესები :

შევარჩიოთ მწიფე,მაგრამ მკვრივი გარგარი. ნაყოფი  გვარეცხოთ ,გამდინარე წყალში, შემდეგ დავალაგოთ სუფთა ჩაის ტილოზე ან ქაღალდის ხელსახოცზე და ისე შევამშრალოთ. გარგრის ნაყოფი გავათავისუფლოდ კურკისგან, ერთ ფენად დავალაგოთ და მინუს 18 გრადუსზე გავყინოთ.გაყინული ხილი სპეციალურ კონტეინერში ან ცელოფანში მოვათავსოთ და ისე შევინახოთ.

მომზადების მეორე ვერსია

გადავწიფებული გარგარი გავრეცხოთ,შემდეგ დავალაგოთ სუფთა ჩაის ტილოზე ან ქაღალდის ხელსახოცზე და ისე შევამშრალოთ. გარგრის ნაყოფი გავათავისუფლოდ კურკისგან, დავაბლენდეროთ ,ჩავასხათ კონტეინერში ან სილიკონის ფორმებში და ისე გავყინოთ მინუს 18 გრადუსზე. სილიკონის ფორმებიდან ამოვიღოთ გაყინული პიურე,ჩავაწყოთ ცელოფანში და ისე შევინახოთ საყინულეში ზამთრისათვის.

რჩევა:

1. ერთხელ გამღვალი პროდუქტის ხელმეორედ გაყინვა არ არის რეკომენდირებული.

2. გარგარი უნდა იყოს ახალი,საღი და ბოლომდე დამწიფებული.

3. გამღვალი პროდუქტი სწრაფად გამოვიყენოთ,არ უნდა დაიტოვოს 2 დღეზე მეტ ხანს მაცივარში.

4. გამღვალი პროდუქტის გარეცხვა არ არის რეკომენდირებული,ამიტომ ხილი  უნდა გაირეცხოს გაყინვამდე.

 

 

მარწყვის მოხიტო – ზაფხულის ჰიტი ბევრად გემრიელია,ვიდრე ჩვეულებრივი კომპოტი

სამი მარტივი ინგრედიენტი : მარწყვი, პიტნა და ლიმონი – თითქოს ერთმანეთისთვის შეიქმნენ! ეს არის სრულიად ახალი გემო, ინგრედიენტების კარგი  კომბინაცია და უბრალოდ გასაოცარი შედეგი. თუ თქვენ ყოველ ზაფხულს ამზადებთ კომპოტებს ზამთრისათვის,სცადეთ ეს რეცეპტი. ეს არ არის მხოლოდ მარწყვის კომპოტი, არამედ იგი ნამდვილად  მოხიტოა! ერთდროულად მოხუფეთ  რამდენიმე ქილა – თქვენ არ ინანებთ!

 ერთი 3 ლიტიანი ქილის მოსამზადებლად დაგვჭირდება  შემდეგი ინგრედიენტები :

500 გრ.მარწყვი

1 ტოტი პიტნა

2 ნაჭერი ლიმონი

300 გრ.შაქარი

მომზადების წესები :

სუფთა 3 ლიტრიან ქილაში ჩავაწყოთ მარწყვი,პიტნა და ლიმონის ნაჭრები.

ქილა ავავსოთ მდუღარე წყლით.

ქილა გავაჩეროთ 40 წუთი.

ქილიდან გადმოვასხათ ნაყენი   და ქვაბში ჩავასხათ.

ნაყენში ჩავყაროთ შაქარი და მოვადუღოთ სიროფი.

მდუღარე სიროფით ისევ ავავსოთ ქილა და გავაპიპინოთ.

ქილა იქვე მოვხუფოთ,გადმოვაბრუნოთ,შევახვიოთ პლედში და დაველოდოთ გაგრილებას.

ეს  მარწყვის კომპოტი “მოხიტო “ძალიან გემრიელია.

 

როგორ მოვადუღოთ მარწყვის კომპოტი

ინგრედიენტები :

1 კგ.მარწყვი

800 გრ.შაქარი

1 ლიტრა წყალი

1 ლიტრიანი ქილები

ლიმონმჟავა

მომზადების წესები :

სუფთა,სტერილურ ქილებში 300 -300  გრამი  მარწყვი ჩავყაროთ.

მოვადუღოთ სიროფი ,ჩავასხათ ქილებში და  ავავსოთ  ბოლომდე,გავაპიპინოთ.

ქილებს თავზე დავახუროთ თავსახური და გავაჩეროთ გაგრილებამდე.

ქვაბში ჩავასხათ თბილი წყალი,ჩავალაგოთ ქილები. ამ ეტაპზე თითო ქილაში  ჩაის კოვზის წვერით ჩავყაროთ ლიმონმჟავა ( 1 გრ.).წყალი ავადუღოთ  და ქილებს 10 წუთი გავუკეთოთ სტერილიზაცია.2 ლიტრიან ქილით კომპოტს ვუკეთებთ 15 წუთი სტერილიზაციას და 3 ლიტრიან ქილებით  კი 20 წუთი.

ქილა მოვხუფოთ და გადმოვაბრუნოთ ,ისე გავაგრილოთ.

მარწყვის კომპოტის მომზადების მეორე ვერსია

მარწყვი

1 ლიტრა წყალი

125 გრ. შაქარი

2 ლიტრინი ქილები

2 გრ.ლიმონმჟავა

მომზადების წესები :

ორლიტრიანი ქილა ავავსოთ მარწყვით ნახევრამდე.

1 ლიტრა წყლით და 125 გრ.შაქრის მოვადუღოთ სიროფი.

სიროფი ჩავასხათ ქილაში,გავაპიპინოთ , დავახუროთ თავსახური და გავაგრილოთ.

ქილიდან გადმოვასხათ სიროფი და მოვაუღოთ.

მარწყვს დავაყაროთ 2 გრ.ლომონმჟავა,დავასხათ სიროფი,ქილა ბოლომდე გავაპიპინოთ და სწრაფად მოვხუფოთ,გადმოვაბრუნოთ და ისე გავაგრილოთ.

 

 

 

 

შინდის კომპოტი სტერილიზაციის გარეშე

ინგრედიენტები 5 ცალი 3 ლიტირანი ქილისათვის:

შინდი– 2 კგ

შაქარი – 3კგ

წყალი – 1,5 ლიტრა

მომზადების წესები:

მწიფე შინდს( გადამწიფებული არ გვინდა,რადგანაც კომპოტს აძლევს მუქ ფერს) დავასხათ ცივი წყალი და გავაჩეროთ 1 საათი,რომ სიმჟავე გამოუვიდეს.წყალი გადავღვაროთ , შინდი გავრეცხოთ გამდინარე წყალში და დავწრიტოთ.

შინდით ავასოთ ქილების 1/4 ,ამისათვის დაახლოებით გვჭირდება 400 გრ.

ადუღებული წყლით შევავსოთ ქილები.დავაფაროთ  სპეციალური   თავსახური   და გავაჩეროთ 15 წუთი.

ქილებიდან  წყალი ქვაბში გადმოვასხათ.

წყალში ჩავყაროთ შაქარი და მოვადუღოთ სიროფი.ცხელი სიროფით ავავსოთ ისევ ქილები,მოვხუფოთ.გადმოვაბრუნოთ და გადავაფაროთ პლედი.

გარგრის კომპოტი – მოვემზადოთ ზამთრისათვის

ინგრედიენტები :

3 კგ.  გარგარი

2,5 კგ. .შაქარი

წყალი,რამდენიც საჭიროა ქილების ასავსებად

მომზადების წესები :

გარგარი გავრეცხოთ,მოვაშოროთ კურკა.

3 ლიტრიან ქილებში ჩავყაროთ გარგარი, დავასხათ ცხელი წყალი,დავახუროთ თავსახური და გავაჩეროთ გაცივებამდე.

ქილებიდან ნაყენი გადმოვასხათ ქვაბში,დავუმატოთ შაქარი და მოვადუღოთ სიროფი. ქაფქაფა სიროფით ავავსოთ ისევ ქილები და გავუკეთოთ სტერილიზაცია 10 წუთი,შემდეგ კი მოვხუფოთ. ქილები გადმოვაბრუნოთ და ასე გავაგრილოთ.

მაყვლის კომპოტი -მოვემზადოთ ზამთრისათვის

ინგრედიენტები:

მაყვალი

350 გრ.შაქარი 1 ლიტრა წყალზე

წყალი – რამდენიც საჭიროა ქილების ასავსებად

 

2 ლიტრიანი ბანკის 1/4 ნაწილი ავავსოთ მაყვლით,დავასხათ ქაფქაფა ცხელი წყალი,ავავსოთ ბოლომდე ,დავაფაროთ თავსახური და დაველოდოთ გაგრილებას.

ნაყენი გადმოვასხათ ,დავუმატოთ შაქარი და მოვადუღოთ სიროფი.

სიროფით  ბოლომდე  2 ლიტიანი ქილა ავავსოთ  , გავუკეთოთ 10 წუთი სტერილიზაცია , მოვხუფოთ.ქილები, გადმოვაბრუნოთ და ისე გავაციოთ.შევინახოთ ზამთრისათვის გრილ ადგილას.

ქლიავის კომპოტი

ინგრედიენტები :

წყალი – რამდენიც საჭიროა ქილების ასავსებად.

შაქარი -350 გრ.ერთ ლიტრა წყალზე.

ქლიავი

მომზადების წესები :

გარეცხილი, გასუფთავებული ,კურკაგამოცლილი ქლიავით ავავსოთ 1/4 ნაწილი 3 ლიტრიანი ქილის,დავასხათ ქაფქაფა ცხელი წყალი,ავავსოთ ბოლომდე ,დავაფაროთ თავსახური და დაველოდოთ გაგრილებას.

ნაყენი გადმოვასხათ ,დავუმატოთ შაქარი და მოვადუღოთ სიროფი.

სიროფით  ბოლომდე  3 ლიტიანი ქილა ავავსოთ  , გავუკეთოთ 10 წუთი სტერილიზაცია , მოვხუფოთ.ქილები, გადმოვაბრუნოთ და ისე გავაციოთ.შევინახოთ ზამთრისათვის გრილ ადგილას.

 

 

 

გარგრისა და ფორთოხლის ფანტა – მოვემზადოთ ზამთრისათვის

ინგრედიენტები :

3 კგ გარგარი

2 ფორთოხალი

2 ლიმონი

2,5 კგ.შაქარი

მომზადების წესები :

ფორთოხალს მოვაშოროთ ქერქი,გამოვაცალოთ კურკები, რგოლებად დავჭრათ.

ლიმონი ქერქიანად დავჭრათ რგოლებად,მოვაშოროთ კურკები.

გარგარი გავრეცხოთ,მოვაშოროთ კურკა.

3 ლიტრიან ქილებში ჩავყაროთ გარგარი,თითოეულში ჩავდოთ 4 რგოლი ფორთოხალი და 2 რგოლი ლიმონი.დავასხათ ცხელი წყალი,დავახუროთ თავსახური და გავაჩეროთ გაცივებამდე.

ქილებიდან ნაყენი გადმოვასხათ ქვაბში,დავუმატოთ შაქარი და მოვადუღოთ სიროფი. ქაფქაფა სიროფით ავავსოთ ისევ ქილები და გავუკეთოთ სტერილიზაცია 10 წუთი,შემდეგ კი მოვხუფოთ.ქილები გადმოვაბრუნოთ და ასე გავაგრილოთ.