კომშის ცუკატი – არომატული მშრალი მურაბა

ინგრედიენტები :

1 კგ.კომში

1 კგ.შაქარი

500 მლ.წყალი

1 ლიმონი.

მომზადების წესები :

კომში კარგად გავრეცხოთ,გავთალოთ,1.5 სმ სისქის რგოლებად დავჭრათ .

ყოველ  კომშის რგოლს ამოვაჭრათ შუაგული და მოვაცილოთ კურკები.

კომშის ნაჭრები მოვათავსოთ ცივ წყალში,რომ არ გამუქდეს.

ქვაბში ჩავასხათ წყალი,ჩავყაროთ ქერქები ,დავახუროთ თავსახური  და 20 წუთი ვადუღოთ.

ნახარში გავწუროთ. ქერქი გადავყაროთ .

ნახარშში ჩავყაროთ კომშის ნაჭრები და ვხარშოთ 10-15 წუთი.

კომშის ნაჭრები ამოვიღოთ  და გავაციოთ.თუ ფორმა არ მოგვწონს, კიდევ შეგვიძლია დავჭრათ  უფრო პატარა ზომის.ნაჭრებად.

ნახარშში ჩავყაროთ შაქარი და მოვადუღოთ სიროფი.

სიროფში ჩავყაროთ კომშის ნაჭრები და ვხარშოთ ადუღებიდან 5-8 წუთი.და გადმოვდგათ ცეცხლიდან.ქვაბს თავზე დავახუროთ და 8- 9 საათი გავაჩეროთ.

ასე გავაიმეორებთ 4-5 ჯერ.

ლიმონი გავჭრათ შუაზე.

ბოლოჯერზე ჩავახარშოთ  ლიმონი. და შემდეგ  ამოვიღოთ წვენიდან.

მოხარშული ხილის ნაჭრები დავაწყოთ ცხაურზე და 2-3 საათი გავაჩეროთ,რომ დაიწრიტოს.

ამის შემდეგ ხილის ნაჭრები გავშალოთ სწორ ზედაპირზე და ისე გავაშროთ მზეზე ან 3-4 დღე სახლში მშრალ და ბნელ ადგილას.

ცუკატები შეგვიძლია ღუმელშიც გამოვაშროთ. თუნუქის ფირფიტაზე დავაფინოთ ქაღალდი,დავაწყოთ ცუკატები და 40 გრადუსზე გამოვაშროთ შეღებული კარით.

ცუკატები ამოვსვაროთ შაქრის პუდრაში ,გადავიტანოთ მინის ქილებში და შევინახოთ ზამთრისათვის.

რჩევა: არომატის გამძაფრების მიზნით ,შეგვიძლია.სიროფში ჩავახარშოთ 1 დარიჩინის ჯოხი და 1 ანისი, მოდუღების შემდგომ კი ამოვიღოთ.ასევე  კომშის ცუკატთან ერთად ძალიან კარგია ფორთოხლის ცუკატის მომზადება.

 

 

 

 

 

კომშის წვენი

ინგრედიენტები :

3 კგ.კომში

650 გრ.შაქარი 1 ლიტრა სითხეზე

ვაშლი,კუნელი,ფეიხო სურვილის მიხედვით

მომზადების წესები :

კომშს კანი გავაცალოთ,მოვაშოროთ თესლები,დავჭრათ ნაჭრებად,დავასხათ წყალი და მოვხარშოთ დარბილებამდე.

  კომშს წვენი გადავუწუროთ,შევინახოთ მეორე დღისათვის.

მეორე დღეს წვენი გავზომოთ და თითოეულ ლიტრზე დავამატოთ 650 გრ შაქარი.

წვენი ვადუღოთ შაქართან ერთად,პერიოდულად მოვხაფოთ ქაფი,ჩავასხათ ბოთლებში  და ცხელ წყალში გავუკეთოთ 15 წუთი სტერილიზაცია.ბოთლები მოვხუფოთ.

რჩევა: იგივე წესით შესაძლებელია მოვხარშოთ კომშის და ვაშლის წვენი ერთად.ზოგიერთი გამოცდილი დიასახლისი კომშს უმატებს  კუნელს ან ფეიხოს.

კომშის ჯემი

ინგრედიენტები :

3 კგ.კომში

4,5 ლ.წყალი

1,5 გრ.შაქარი

20 ცალი კარდამონი( არ არის აუცილებელი)

მომზადების წესები :

კომშები  კარგად გავრეცხოთ ღრუბელით,გავთალოთ,გულები და კურკები გამოვუღოთ .

კომშის ნაჭრები დავჭრათ ოთხკუთხედებად.

გულები და კურკები კარგად დავკეპოთ მჭრელი დანით.

დაკეპილ გულებს,კურკებს და ქერქს დავასხათ წყალი და ვადუღოთ საშუალო ცეცხლზე 30 წუთი.ნახარში გავაგრილოთ,გადავწუღოთ და 3 ლიტრა დავასხათ დაჭრილ კომშის ნაჭრებს.

ვხარშოთ კომში 30 წუთი სუსტ ცეცხლზე და 8-10 საათი გავაჩეროთ.ასე ვაკეთებთ კიდევ ორჯერ. ბოლოს ქვაბს თავზე გადავხადოთ,ცეცხლს ავუწიოთ,რომ სითხე დაიშროს.ვურევთ განუწყვეტლივ.

ცხელ კომს ვაბლენდერებთ,ვაყრით შაქარს . გაზქურაზე დავდოთ გამანაწილებელი და მასზე შემოვდგათ კომშის ტკბილი პიურე და როგორც კი წამოდუღდება ,დავუწიოთ ცეცხლს და ვურიოთ ხის კოვზით.ჯემი ვადუღოთ 55 წუთი – 1 საათი.თუ სურვილი გვაქვს ,ბოლოს ჩავუმატოთ დაფქული კარდამონი.

სტერილურ ქილებში გადავიტანოთ ჯემი და მოვხუფოთ.

 

 

 

 

 

 

კომშის კომპოტი

ინგრედიენტები 3ლიტრიანი ქილისათვის :

900 გრ.კომში

1,5 ჭიქა  შაქარი

წყალი იმდენი,რამდენითაც შეივსება ქილა

2 ნაჭერი ლიმონი,თუ სურვილი გვაქვს

მომზადების წესები :

კომში კარგად გავრეცხოთ და ბუსუსები მოვაშოროთ ჯაგრისით ან უცხო ქსოვილით.

კომში გავჭრათ 4 ნაწილად,ამოვაცალოთ გული და კურკები და დავჭრათ 3 მმ სისქის თხელ ნაჭრებად.

კომშის ნაჭრები ჩავაწყოთ ქილაში.

წყლისგან და შაქარისგან მოვადუღოთ სიროფი,გავაგრილოთ.

ქილას გადავაფაროთ მარლა( 2 ფენა),ჩავასხათ სიროფი,გავაპიპინოთ,დავახუროთ თავსახური და გავუკეთოთ 15-20 წუთი სტერილიზაცია,შემდეგ მოვხუფოთ.

 

 

არომატული,გემრიელი და ქარვისფერი კომშის მურაბა

ინგრედიენტები :

1 კგ.კომში

1 კგ.შაქარი

1 ჭიქა წყალი

1/2 ჩაის კოვზი ლიმონმჟავა

მომზადების წესები :

კომში კარგად გავრეცხოთ და ბუსუსები მოვაშოროთ ჯაგრისით ან უცხო ქსოვილით.

კომში გავჭრათ 4 ნაწილად,ამოვაცალოთ გული და კურკები და დავჭრათ 3 მმ სისქის თხელ ნაჭრებად.

1 ჭიქა წყლისგან და 500 გრ. შაქრისგან მოვამზადოთ სიროფი.სიროფში არ დაგვავიწყდეს ლიმონმჟავის ჩაყრა.

დაჭრილ კომშს დავაყაროთ 500 გრ.შაქარი , ცხელი სიროფი დავასხათ , მოვურიოთ  და შაქარს ვაცადოთ გადნობა.

ტასი შემოვდგათ საშუალო ცეცხლზე და კომშის მურაბა ვხარშოთ 5 წუთი.მურაბა მთლიანად გავაგრილოთ და ისევ 5 წუთი მოვადუღოთ,მოლომდე გავაგრილოთ.ასე გავიმეორებთ კიდევ 2-ჯერ.

როცა მეხუთეჯერ წამოვადუღებთ 5 წუთი,ცხელ-ცხელი ჩავასხათ სტერილურ ქილებში და მოვხუფოთ.

 

ცოცხლად შენახული ფეიხოა ნიგვზით და თაფლით

ინგრედიენტები :

1 კგ ფეიხოა

1 ,200 კგ.შაქარი  ან თაფლი

1/4 ლიმონი

ნიგოზი გემოვნებით ( სურვილისამებრ)

მომზადების  წესები :

ფეიხოა გავრეცხოთ ,მოვაჭრათ  ზედა ნაწილი თავი ,გავამშრალოთ.

თუ ძალიან გვეჩქარება გარეცხილ ფეიხოას გადავავლოთ მდუღარე.

ხილი და ლიმონი დავაბლენდეროთ,დავაყაროთ შაქრის ნახევარი,ისევ დავაბლენდეროთ 2-3 წუთი,დავუმატოთ დარჩენილი შაქარი და კიდევ გავაგრძელოთ დაბლენდერება რამდენიმე წუთი.

მზა მურაბა ჩავასხათ სტერილურ ქილებში,მოვხუფოთ და 2-3 თვე შევინახოთ მაცივარში  .

თუ სურვილი გვაქვს, მურაბას დავუმატოთ 100 გრ.დაჭრილი ნიგოზი და შაქარი შევცვალოთ თაფლით.

 

წიწაკის ქარვისფერი მწნილი – მოვემზადოთ ზამთრისათვის

ინგრედიენტები :

5 კილო სამწნილე წიწაკა

3 სუფრის კოვზი თავდადგმული მარილი 2 ლიტრიანი ქილიასათვის

4 სიმინდის ფუჩეჩი 2 ლიტრიანი ქილისათვის. სწორედ რომ,სიმინდის ფუჩეჩი აძლევს კარგ ქარვისფერს.

2 ქოლგიანი კამა 2 ლიტრიანი ქილისათვის

5 დაფნის ფოთოლი

მომზადების წესები :

წიწაკა მაგიდაზე გაშლილად დავაწყოთ და 2-3 დღე გავაჩეროთ,რომ შეჭკნეს.

შემჭკნარი წიწაკები გავრეცხოთ,  ჩანგლით დავჩხვლიტოთ  ან ბოლოები ჩავუჭრათ,ყუნწები ცოტათი წავაჭრათ და ფენა-  ფენა ჩავაწყოთ ქილებში,ფენებს შორის ჩავაყოლოთ კამა,დაფნის ფოთოლი ,სიმინდის ფუჩეჩი.

ცივ წყალში გავხსნათ არაიოდიზირებული მარილი და სითხით შევავსოთ წიწაკით სავსე ქილები,დავადოთ სიმძიმე ,დავაფაროთ თავსახური და გავაჩეროთ 10 დღე.

მე-11 დღეს წიწაკები დავაწყოთ თუშფალანგზე,დავწრიტოთ,წყალი გადავღვაროთ და იგივე წესით მოვამზადოთ ახალი მარილწყალი.

დაწრეტილი წიწაკები ნაზად ჩავტკეპნოთ ქილებში,რომ არ გაიხეს,დავასხათ მარილწყალი ,ზემოდან მოვასხათ 1 სუფრის კოვზი გადადუღებული  ძმარი ან მოვაყაროთ  ცოტა ლიმონმჟავა,დავაფაროთ სიმინდის ფუჩეჩი და დავაფაროთ პლასტმასის თავსახური.

ცალკე გადავინახოთ მარილწყალი,,რადგანაც წიწაკები დაიწევს და ამ სითხით შევავსებთ სიცარიელეს.ამავე დროს ს თავიდან ავიშორებთ წიწაკის  ზედა ფენის გაშავებას

 

 

 

მწვანე ლობიოს კონსერვი ზამთრისათვის

ინგრედიენტები:

1 კილოგრამი  მწვანე ლობიო

4 კბილი  ნიორი

1 ლიტრი  წყალი

100 მლ. სუფრის ძმარი

3 სუფრის კოვზი  მარილი

5 სუფრის კოვზი შაქარი

მომზადების წესები :

მწვანე ლობიო  გავრეცხოთ ცივ გამდინარე წყალში.

პარკი ლობიოს ბოლოები მოვკვეთოთ ისე, რომ მარილწყალმა  თავისუფლად შეაღწიოს და გაჯერდეს იგი გემოთი და არომატით.

მოვამზადოთ  ორი ჭურჭელი წყალი.ერთში წყალი  ცივი უნდა დარჩეს და მეორში მივიყვანოთ  ადუღებამდე.

მოვათავსოთ  ლობიო საწურში და მივცეთ კონტრასტული აბაზანა, მონაცვლეობით ჩავყაროთ  ლობიო მდუღარე წყალში და ცივ წყალში.
ეს გახდის მას ხრაშუნასა და სასიამოვნო იქნება საჭმელად.

გავასტერილოთ ოთხი ნახევარლიტრიანი ქილა.
განვათავსოთ  ლობიო მათში რაც შეიძლება ვერტიკალურად, თითოეულ ქილაში თითო-თითო კბილი ნიორი ჩავდოთ.

ამის შემდეგ, მარილწყალი მოვამზადოთ.

გავხსნათ  ძმარი, მარილი და შაქარი ერთ ლიტრა წყალში და ავადუღოთ.

როგორც კი სითხე ადუღდება, ჩავასხათ ქილებში , სტერილური თავსახური დავახუროთ  და მოვხუფოთ.აღნიშნული წესით მომზადებულ ლობიოს კონსერვს არ ჭირდება სტერილიზაცია,მაგრამ თავდაცვის მიზნით  ქილები  გავასტერილოთ ცხელ წყალში 5-10 წუთი.

ბანკები თავდაყირა გავაგრილოთ და შევინახოთ ზამთრისათვის.

როგორ მოვამზადოთ და გავყინოთ მწვანე ლობიო ზამთრისათვის

1. მომზადებამდე  მოვაცილოთ ლობიოს ბოლოები. მისი წყალში ჩაყრა შეგვიძლიათ რამდენიმე საათის განმავლობაში.

2.წყალი, რომელშიც ლობიო მოიხარშება, უნდა მივიყვანოთ ადუღებამდე. მომზადებამდე ლობიო სწრაფად გავრეცხოთ ცხელი წყლის ქვეშ.

3. მოვხარშოთ  ლობიო 5-6 წუთის განმავლობაში, თუ ლობიო გაყინული არის – შემდეგ 8 წუთის განმავლობაში წყალი დუღდება, ვხარშოთ ლობიო მომდევნო  8-10 წუთის განმავლობაში. თუ შემდეგ ლობიოს გაყინვას ვაპირებთ, უნდა მოვხარშოთ არაუმეტეს 2-3 წუთის განმავლობაში.

4.მოხარშული მწვანე ლობიო უნდა დარჩეს მყარი, მაგრამ არა ხრაშუნა.

5.მოხარშული ლობიო ქვაბით დაუყოვნებლივ  მოვათავსოთ ძალიან ცივი წყლით სავსე  ჭურჭელში – ეს ხელს შეუშლის ლობიოს ზედმეტად მოხარშვას და აღადგენს  ფერს და სტრუქტურას.

6. მოხარშული ლობიო შეიძლება გავყინოთ : ვჭრით ნაჭრებად და ვდებთ საყინულეში პლასტიკური ტომარით.

7. სუფრასთან მიტანის წინ ლობიო გავათბოთ ქვაბში ან ტაფაში, რომ სითხე აორთქლდეს. გემოვნებით დავუმატოთ მარილი, პილპილი და კარაქი. ასევე შეგიძლიათ დავამატოთ მწვანილი და ლიმონის წვენი.

მწვანე ლობიოს კონსერვი პომიდვრის სოუსით – მოვემზადოთ ზამთრისათვის

ინგრედიენტები :

3 კგ.მწვანე ლობიო

3 კგ. პომიდორი

2 კონა ნიახური

2  თავი ნიორი

200 მლ.ზეთი

100 გრ.მარილი

200 გრ.შაქარი

2 კგ ბულგარული წიწაკა

0,5 კგ.მწვანე წიწაკა

4 სუფრის კოვზი ძმარი

მომზადების წესები :

პარკი ლობიო გავრეცხოთ, თავი და კუდი მოვაშოროთ,დავტეხოთ 4 ნაწილად.

პომიდორი დავაბლენდეროთ.

წიწაკა  გრძლად ,ნიორი  და მწვანილები წვრილად დავჭრათ.

პამიდვრის წვენში ჩავყაროთ შაქარი  და მარილი ,ზეთი ჩავასხათ,მოვადუღოთ.

პომიდვრის წვენში ჩავყაროთ დაჭრილი ბოსტნეული,ნიორი,მწვანილი და ვშუშოთ 60 წუთი  შემდეგ დავუმატოთ ნიორი და მწვანილები,ჩავასხათ ძმარი და კვლავ ვშუშოთ 20 -30 წუთი.

მწვანე ლობიო   გადავიტანოთ სუფთა ქილებში,მოვხუფოთ,გადმოვაბრუნოთ და ისე გავაგრილოთ.

კონსერვი  – მწვანე ლობიოს სალათი ტომატში და ზეთში შევინახოთ ზამთრისათვის გრილ ადგილას.