ნიგვზით ფარშირებული კალმახი ქართულად

ინგრედიენტები:

კალმახი

2-3 კბილი ნიორი

1/2 მწვანე მწარე წიწაკა

ზეითუნის ზეთი

მწვანილი

მარილი

ლიმონი

ბროწეულის მარცვლები

 

პასტისათვის:

ნიგოზი

2 კბილი ნიორი

ხმელი სუნელი

წყალი

მომზადების წესები:

მოვამზადოთ ნიგვზის პასტა:ნიგოზი , ნიორი გავატაროთ ხორცსაკეპში.ნარევს  შევურიოთ ხმელი სუნელი,წყალი დავუმატოთ და მივცეთ პასტის კონსისტენცია.

კალმახი გავასუფთავოთ,გამოვშიგნოთ,გავრეცხოთ,გავამშრალოთ.კალმახს შიგნითა ზედაპირზე  მოვაყარო მარილი და წავუსვათ ნიგვზის პასტა.

თევზის მუცელი   ამოვავსოთ ქინძის ტოტებით,ნივრითა და წიწაკით, ბროწეულის მარცვლები მოვაყაროთ, მოვასხათ ლიმონის წვენი.

ზემოდან თევზი  დავსეროთ ,მოვაპკუროთ ლიმონის წვენი,მოვასხათ ზეითუნის ზეთი .

ღუმელის ტაფაზე დავაფინოთ პერგამენტის ქაღალდი და წავუსვათ ზეთი.

გადავიტანოთ კალმახი ღუმელის ტაფაზე,შევწვათ 15 წუთი 200 გრადუსზე.

შემწვარ თევზს მოვაყაროთ ბროწეულის მარცვლები.

 

  

 

 

 

წყარო :იუთუბი,ავტორი შეფ-მზარეული რევაზ თეიმურაზოვი.http://www.aif.ru/food/master/chesnok.

 

თევზის სალათი რაფაელო

ინგრედიენტები :

4 მოხარშული კვერცხი(დიდი ზომის)

4 კბილი ნიორი

200 გრ.მსხვილ სახეხზე გახეხილი ყველი

400 გრ.მოხარშული წითელი თევზი

1 სუფრის კოვზი გატარებული ნიგოზი ან ნუში

4 სუფრის კოვზი მაიონეზი

მარილი,შავი დაფქული წიწაკა გემოვნებით

 

მომზადების წესები ;

ზემოთ ჩამოთვლილი ინგრედიენტები ერთმანეთში შევურიოთ და ბურთულები გავაკეთოთ.

თეფშზე დავაფინოთ სალათის ფურცლები და ბურთულები  დავალაგოთ

 

 

 

თევზი ქინძმარში – ქართული ტრადიციული კერძი

ინგრედიენტები:

500 გრ.ლოქო ან თეთრი ორაგული

დაფნის ფოთოლი

20 გრ.კამა

2-3 ცალი ბაჰარი

1 კბილი ნიორი

100 მლ ძმარი

წყალი

მარილი

მომზადების წესები :

ღრმა ტაფაში გავაცხელოთ წყალი . შიგნით მოვათავსოთ დაფნის ფოთოლი,მარილი, კამა.

თევზი დავჭრათ საშუალო ზომის ნაჭრებად.ლოქო  ტაფაში ჩავაწყოთ მოსახარშად.

სოუსისათვის წვრილად დავჭრათ ქინძი,ნიორი . მარილი,წიწაკა მოვაყაროთ. სოუსს დავასხათ ძმარი და მოურიოთ.

თევზი გადმოვიტანოთ ფორმაში. თევზის ნახარში გავატაროთ საცერში და სოუსს შევურიოთ.

ლოქოს დავასხათ მომზადებული ქინძმარი,3-4 საათი გავაჩეროთ და შემდეგ მივირთვათ.

 

 

 

 

თევზი ბაჟეში

ინგრედიენტები:

1 კგ თევზი(ორაგული,სკუმბრია,კამბალა)

400 გრ.ნიგოზი

1ჩ.კოვზი უცხო სუნელი

1 კონა ქინძი

1/4 ჩ.კოვზი ყვითელი ყვავილი

2-3 კბილი ნიორი

ნახ ბროწეულის მარცვლები

მარილი,დაფქული წითელი წიწაკა  გემოვნებით

წყალი  იმის მიხედვით რა სისქის სოუსი გვინდა

 

მომზადების წესები :

გასუფთავებულ თევზი ნაჭრებად  შევწვათ და ზედმეტი ცხიმი ხელსახოცით მოვაშოროთ.

ნიგოზი 2 -ჯერ გავატაროთ ხორცსაკეპში წვრილი ბადით ან დავაბლენდეროთ.

ნიორი დავჭყლიტოთ ან დავნაყოთ მარილთან ერთად.

გატარებული ნიგოზი,ნიორი,სუნელები ,მარილი მოვათავსოთ ემალის ქვაბში,დავასხათ 1 ს.კოვზი ცივი წყალი ,ღონივრად ვზილოთ,თასის ფსკერზე კი დაახლოებით 20 წუთი ხელისგულით ვსრისოთ.საკმაზს დავასხათ წყალი და სასურველ სისქემდე გავათხელოთ.

ზოგიერთი გამოცდილი დიასახლისი ბაჟეს სოუსს  ამზადებს ცხელი წყლით .

შემწვარი თევზს  მოვასხათ ბაჟე  და ნიგვზის ზეთი.ზემოდან მოვაყაროთ წვრილად დაჭრილი ქინძი და ბროწეულის მარცვლები.

ბევრი დიასახლისისათვის რთულია ნიგვზისათვის ზეთის გამოხდა,მაშინ ნიგოზი ნიორთან,სუნელებთან ერთად დავაბლენდეროთ.

ზეთი კი შემდეგნაირად  მოვამზადოთ.ტაფაზე დავასხათ ზეთი და ტომატ- პასტა მოვხრაკოთ.განუწყვეტლივ ვურიოთ,რომ არ დაგვეწვას.ტომატ- პასტა გავწუროთ  და ზეთი მოვასხათ ბაჟეს.

კუბდარი -სვანური სამზარეულო

ინგრედიენტები:

1 კგ პურის ფქვილი

1 ჩ.კოვზი საფუარი

500 მლ რძე ან წყალი

1 კვერცხი

1ჩ,კ მარილი

1ჩ.კ. შაქარი

50 მლ. მცენარეული ზეთი

900 გრ.ცხიმიანი ღორის ხორცი

300 გრ.საქონლის ხორცი

2-3 თავი ხახვი

4-5 კბილი ნიორი

1/2 ჩ.კ  ხმელი ქინძი

1/2 ჩ.კ უცხო სუნელი

1/4 ჩ.კ.ძირა

1/4 ჩ.კ  კვლიავი

1/2 ჩ.კ.დაფქული წითელი წიწაკა

მარილი,აჯიკა გემოვნებით

100 მლ ზეთი ზემოდან წასასმელად

 

მომზადების წესები:

ხორცი დავჭრათ ძალიან პატარა ზომის ნაჭრებად,ჩავყაროთ თასში,შევკაზმოთ.

თასს თავზე დავახუროთ,შევდოთ მაცივარში და ხორცი დავამარინადოთ.

რძე,საფუარი და შაქარი ერთმანეთში შევურიოთ.ფქვილში გავაკეთოთ ჩაღრმავება.შიგნით ჩავყაროთ მარილი,ჩავასხათ საფუარიანი მასა,ჩავაგდოთ კვერცხი და მოვზილოთ ერთგვაროვანი მასა.

თასს თავზე დავახუროთ და ცომი გავაჩეროთ ასაფუებლად.

აფუებული ცომი 2-ჯერ გადავზილოთ 15 წუთის შუალედით ზეთიანი ხელებით.

ცომი დავყოთ 300 გრამიან გუნდებად,გავაბრტყელოთ მრგვლად,შუაგულში მოვათავსოთ ფარში,მოვუკრათ პირი და გავაბრტყელოთ ხაჭაპურივით.

გაბრტყელებული კუბდარი 220 გრადუსზე გამოვაცხოთ ღუმელში.

გამოცხობის შემდეგ ზემოდან წაუსვათ ზეთი.

 

რჩევა:

შესაძლებელია ,ავიღოთ 900 გრ საქონლის ხორცი და 300 გრ .საქონლის გულ-ღვიძლი.

კუბდარის შიგთავსად შეგვიძლია გამოვიყენოთ ასევე კალმახი ან ნებისმიერი თევზი.

1 კგ. თევზის ფილე დავჭრათ კუბებად,შევურიოთ 2-3 თავი წვრილად დაჭრილი ხახვი,1 კონა ქინძი,მოვასხათ ზეთი , შევკაზმოთ აჯიკით  და მარილით.

 

 

 

 

 

კალმახი ბროწეულის სოუსში

ინგრედიენტები:

3-4 ცალი კალმახი

200 გრ.ფქვილი

500 მლ ზეთი

30 გრ.კამა

სოუსისათვის:

2 კგ ბროწეული

100 გრ.ხახვი

500 მლ წითელი,მშრალი ღვინო

3 ლიმონი

20 გრ.სახამებელი

მარილი,წიწაკა გემოვნებით

 

მომზადების წესები:

კალმახი გამოვშიგნოთ,გამოვაცალოთ ფხები,ხერხემალი,გავრეცხოთ.

ფქვილში შევურიოთ მარილი,შიგ ამოვგანგლოთ კალმახი ორივე მხრიდან

და შევწვათ გაცხელებულ ზეთში.

 

ბროწეულის სოუსის მომზადება:

წვრილად დაჭრილი ხახვი მოვშუშოთ ზეთში,დავუმატოთ ბროწეულის წვენი და წამოვადუღოთ.

წვენს დავუმატოთ ღვინო,ლიმონის წვენი და შევასქელოთ  წყალში გახსნილი სახამებლით.

სოუსი შევკაზმოთ წიწაკითა და მარილით.

შემწვარ კალმახს მოვასხათ ბროწეულის წვენი და მოვრთოთ ოხრახურშის ფოთლებით,ლიმონის ნაჭრებით.

ბროწეულის სოუსი მე-2 ვერსია:

300 მლ.ბროწეულის წვენი

100 გრ.ბროწეულის მარცვლები

1  თავი  ბოლოკი ( დაახლოებით 30 გრ.)

მარილი გემოვნებით

ბროწეულის წვენი და ბოლოკი ავადუღოთ,წვენი გავატაროთ საცერში,შემდეგ ჩავყაროთ ბროწეულის მარცვლები,მივიყვანოთ ადუღებამდე,დავამარილოთ და ცხელშივე ჩავაგდოთ 1 პატარა  ნაჭერი კარაქი,დაახლოებით 10-15 გრ.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

თევზი მაიონეზის სოუსში -თანამედროვე ქართული სამზარეულო

ინგრედიენტები:

3-4 ცალი კალმახი ან 1 კგ სკუმბრია,თევზის ფილე

200 გრ.ფქვილი

500 მლ ზეთი

 

სოუსისათვის:

400 მლ.მაიონეზი

3-4 კბილი დანაყილი ნიორი

წყალი სოუსის გასათხელებლად

30 გრ. კამა

ნახ.ჩ.კოვზი უცხო სუნელი

ნახ.ჩ.კოვზი ყვითელი ყვავილი

მარილი,წიწაკა გემოვნებით

 

მომზადების წესები:

კალმახი გამოვშიგნოთ,გამოვაცალოთ ფხები,ხერხემალი,გავრეცხოთ.

ფქვილში შევურიოთ მარილი,შიგ ამოვგანგლოთ კალმახი ორივე მხრიდან

და შევწვათ გაცხელებულ ზეთში.

თუ სკუმბრია გვაქვს,მაშინ თევზი გამოვშიგნოთ,გავასუფთაოდ ფხებისგან,გავრეცხოთ,დავჭრათ ნაწილებად.

თევზი შევამშრალოთ ქაღალდის ხელსახოცით და ზეთში შევწვათ იგივე  წესით ,როგორც კალმახი.

მაიონეზის სოუსის მომზადება:

მაიონეზი გავათხელოთ ანადუღარი გრილი წყლით და ავთქვიფოთ.

დავუმატოთ მარილი,წიწაკა,უცხო სუნელი,ყვითელი ყვავილი,დაჭყლეტილი ნიორი,წვრილად დაჭრილი კამა .

შემწვარ თევზს  მოვასხათ მაიონეზის სოუსი  და მოვრთოთ ოხრახურშის ფოთლებით,ლიმონის ნაჭრებით.

ზუთხის მარინადი და მწვადი

ინგრედიენტები:

1 კგ ზუთხი

1 თავი ხახვი

5 გრ.პილპილის მარცვლები

2 ცალი დაფნის ფოთოლი

1 ს.კ. ძმარი

ინგრედიენტები მარინადისათვის:

4 ცალი პატარა  ბულგარული წითელი წიწაკა

ან 2 ცალი პატარა ბულგარული მწვანე წიწაკა და 2 ცალი

პატარა წითელი ბულგაული წიწაკა.

20 გრ.ნიორი

30 გრ.ქინძი

200 მლ.ძმარი

 

მომზადების წესები:

დაღერღილი წიწაკა და მარილი გემოვნებით

ზუთხი გავრეცხოთ,დავჭრათ საშუალო ზომის ნაჭრებად.

ქვაბში ჩავასხათ წყალი,დავუმატოთ ძმარი,მარილი გემოვნებით,პილპილის  მარცვლები,დაფნის ფოთლები,1 თავი ხახვი და მოვხარშოთ ზუთხი.თევზს წყალი ოდნავ უნდა ფარავდეს.

თევზს წყალი გადავუწუროთ,გავაგრილოთ,გამოვაცალოთ ძვლები,დავჭრათ ხრტილებიანად,სასურველი ზომის ნაჭრებად.

ცალკე თასში ჩავყაროთ წვრილად დაჭრილი ბულგარული წიწაკა,დავუმატოთ დანაყილი ნიორი,წვრილად დაჭრილი ქინძი,ძმარი,წიწაკა და მარილი.

ზუთხის ნაჭრებს მოვაყაროთ  ძმრიანი მასა,ავურიოთ და სუფრაზე მივიტანოთ თასით.გავაფორმოთ ლიმონითა და ბულგარული წიწაკით.

ზუთხის მწვადი:

1-1,5 კგ.ზუთხი დავჭრათ 6-6 სმ-ის სიგრძისა და სიგანის ნაჭრებად.

2  თავი ხახვი დავჭრათ ალყა-ალყად,მოვჭყლიტოთ ხელით,რომ წვენი გამოუშვას.

6 მარცვალი თეთრი წიწაკა დავფქვათ.

ზუთხის ნაჭრებს მოვასხათ 2 ს.კოვზი ზეითუნის ზეთი,1/2 ლიმონის წვენი,მოვაყაროთ მარილი გემოვნებით,თეთრი  წიწაკა.

დაჭრილი ზუთხის ნაჭრებს დავასხათ ღვინო და მოვაყაროთ ხახვი.ზუთხი დავამარინადოთ თავდახურულ ჭურჭელში  2 საათი.

თევზის ნაჭრები წამოვაგოთ შამფურზე და შევწვათ.

 

 

 

თევზის ბუღლამა

ინგრედიენტები:

1 კგ ზუთხის ფილე

500 გრ.პამიდორი

100 გრ.ხახვი

100 გრ.კარაქი

1 ს.კ ტომატი

1ც. ლიმონი

10 გრ.ნიორი

პილპილი და მარილი გემოვნებით

 

მომზადების წესები:

გარეცხილი ზუთხის ფილე დავჭრათ საშუალო ზომის ნაჭრებად.

წვრილად დაჭრილი ხახვი  ზუთხის ნაჭრებთან ერთად მოვშუშოთ კარაქში.

რომ მოიბრაწება,დავუმატოთ გახეხილი ან ხორცსაკელში გატარებული პამიდორი  და ტომატი.

ლიმონი გავრეცხოთ,კურკები გამოვაცალოთ,კანიანად დავჭრათ წვრილად და შევურიოთ დანაყილ ნიორს.სასურველია, ლიმონს არ ქონდეს სქელი კანი,რომ კერძის მომზადებისას მოასწროს მოხარშვა.

ნივრიანი მასა შევურიოთ თევზის ნაჭრებს.კერძს მოვაყაროთ მარილი, პილპილი და  როგორც კი წამოდუღდება ,ცეცხლიდან გადმოვდგათ.

თევზის საცივი – გურული კერძი

ინგრედიენტები:

1 კგ თევზი

1,5 ჭიქა გატარებული ნიგოზი

4-5 თავი ხახვი

2 კბილი ნიორი

3 კვერცხის გული

1/3 ჩ.კოვზი ყვითელი ყვავილი

1/2 ჩ.კოვზი ქონდარი

1/2 ჩ.კოვზი ქინძი

1 პატარა კონა ოხრახურში

ძმარი,წიწაკა,მარილი გემოვნებით

 

მომზადების წესები:

გარეცხილი , გასუფთავებული თევზი ნახევრად მოვხარშოთ და მერე შევწვათ.

ნიგოზს ყვითელ ყვავილთან  და ნიორთან ერთად გამოვხადოთ ზეთი.

ცალკე დავნაყოთ ქინძის თესლი ,წვრილად დაჭრილი ოხრახურში,წიწაკა,მარილი,ქონდარი.

დანაყილი საკმაზი შევურიოთ ნიგვზიან მასას და ნაზავი გავხსნათ ძმარში და თევზის ბულიონში.ბულიონს ცხიმი შეგვიძლია არ მოვხადოთ.

თევზის ნიგვზიანი წვენი გადავიტანოთ ცალკე ქვაბში,დავუმატოთ წვრილად დაჭრილი ხახვი, დავდგათ ცეცხლზე და მივიყვანოთ ადუღებამდე.

კვერცხის გული გავთქვიფოთ მიქსერით და ჩავასხათ თევზის ნიგვზიან საცივში.შეგვიძლია კვერცხის გული საერთოდ არ დავუმატოთ

შემწვარი თევზი გადავიტანოთ ლანგარზე და მოვასხათ ცხელი საცივი.ზემოდან კი გავაფორმოთ სურვილისამებრ ან ნიგვზის გამოხდილი ზეთით.