როგორ შევწვათ კარტოფილი გემრიელად და სწორად

ინგრედიენტები :

1 კგ.კარტოფილი

50 მლ.ზეთი

20 გრ.კარაქი

მომზადების წესები :

1. შესაწვავად შეარჩიეთ ვარდისფერი კარტოფილი,ყველაზე ნაკლებ სახამებელს შეიცავს.

2. დაჭრილი ნაჭრები უნდა იყოს ერთნაირი სისქის,რომ  ყველა თანაბრად შეიწვას.

3. ჩაყარეთ  დაჭრილი  კარტოფილი 10-15 წუთის განმავლობაში წყალში, ისე რომ დაიფაროს. ამით ზედმეტი სახამებელი გამოვა.

4. შეწვის წინ კარტოფილის ნაჭრები კარგად გაამშრალოთ.

5. ნუ დაიშურებთ მცენარეულ ზეთს, თუ გსურთ მიიღოთ ხრაშუნა კარტოფილები.  თუ გსურთ მეტი არომატი, დაამატეთ კუბიკი კარაქი.

6. კარტოფილი ტაფაზე დავყაროთ 2 ფენად. მხოლოდ ამ გზით შეუძლია მას ,რომ კარგად შეიწვას.

7. კარტოფილი აურიეთ 5 წუთში ერთხელ  და ის მზად იქნება 25 წუთის შემდეგ.

8. მარილი მოაყარეთ ბოლოს.

9. არავითარ შემთხვევაში არ დააფაროთ კარტოფილს  სახურავი, წინააღმდეგ შემთხვევაში იგი გახურდება, გახდება რბილი და არ გამოვა  ხრაშუნა.

 

როგორ მოვამზადოთ ხრაშუნა კარტოფილის ფრი სახლის პირობებში

ინგრედიენტები :

1 კგ. თეთრი კარტოფილი

1 ლიტრა წყალი

2 ჩ.კოვზი შაქარი

1 ჩ.კოვზი მარილი

ზეთი

მომზადების წესები:

ფრის მოსამზადებლად შევარჩიოთ თეთრი,მაგარი და გრძელი კარტოფილები.

კარტოფილები დავჭრათ   ფრის დასაჭრელი აპარატით.

კარტოფილი  შეგვიძლია დავჭრათ 1 სმ-ის სისქისა და სიგრძის ზოლებად ფიგურული ან ჩვეულებრივი დანით.

ერთ ლიტრა წყალში გავხსნათ შაქარი და მარილი,ჩავყაროთ კარტოფილები და 20 წუთი დავამარინადოთ.საიდუმლო ნომერი 1.

კარტოფილები გავამშრალოთ კულინარიული ქაღალდის ხელსახოცებით ,გადავიტანოთ კონტეინერში და აუცილებლად გავყინოთ.საიდუმლო ნომერი 2.

გაყინული კარტოფილის ფრი შევწვათ ფრიწიურში 5-8 წუთი.

კარტოფილის ფრი დავჭრიტოთ ქაღალდის ხელსახოცზე და ისე მივიტანოთ სუფრასთან.

 

 

 

 

შემწვარი ყაბაყი კვერცხით

ინგრედიენტები :

500 გრ ყაბაყი

100 გრ.ფქვილი

150 გრ.საფანელი ან მჭადის ფქვილი

1 კვერცხი

1 ჩ.კოვზი მარილი

0.5 ჩ.კოვზი შავი დაფქული წიწაკა

100 მლ.ზეთი შესაწვავად

არაჟნის სოუსი:

150 გრ.არაჯანი

3 კბილი ნიორი

კამა ან ოხრახურში( შეიძლება მიქსიც)

 

მომზადების წესები :

გარეცხილი ყაბაყი დავჭრათ ნაჭრებად და დავამარილოთ.

კვერცხს შევურიოთ ცოტა მარილი და შავი დაფქული წიწაკა.

პარკში ჩაყაროთ ფქვილი,დავაყაროთ ყაბაყის ნაჭრები და ამოვსვაროთ.

ფქვილში ამოსვრილი ყაბაყის ნაჭრები ჯერ ამოვავლოთ კვერცხში და შემდეგ საფანელში ამოვსვაროთ.

ყაბაყები შევწვათ ტაფაზე ზეთში ორივე მხრიდან.

ოქროსფერი ყაბაყები მივირთვათ არაჟნის  სოუსთან ერთად.

არაჟანში ავურიოთ დაჭყლეტილი ნიორი და დაჭრილი მწვანილები.

 

 

 

შემწვარი ყაბაყი ნივრით და მაიონეზით

ინგრედიენტები :

2 ყაბაყი

2 კბილი ნიორი

5-6 სუფრის კოვზი ფქვილი

მარილი გემოვნებით

ზეთი შესაწვავად

მაიონეზი

მომზადების წესები :

ყაბაყი გავრეცხოთ ცივ წყალში და დავჭრათ 2-3 სმ სისქის რგოლებად.

ყაბაყის ნაჭრებს მოვაყაროთ მარილი და გავაჩეროთ 15-20 წუთი.

ყაბაყის რგოლები ამოვსვაროთ ფქვილში და შევწვათ ზეთში ტაფაზე 5-7 წუთი  ორივე მხრიდან.

შემწვარი ყაბაყები დავალაგოთ ტაფაზე და მოვასხათ მაიონეზის სოუსი.

მაიონეზის სოუსის მომზადება: ნიორი დავჭყლიტოთ და შევურიოთ მაიონეზში.

თუ მაიონეზი არ გვაქვს, შემწვარ ყაბაყს მოვაყაროთ დაჭყლეტილი ნიორი და წვრილად დაჭრილი ოხრახურში.

 

სამარხვო ყაბაყის კატლეტები

ყაბაყი – ვიტამინებისა და სხვადსხვა ნივთიერებიების მდიდარი შემცველობის წყალობით შეუცვლელი პროდუქტია მრავალ დაავადებასთან ბრძოლაში.ყაბაყი C ვიტამინს ბევრად მეტს შეიცავს ვიდრე ვაშლი ან ქლიავი და ასევე დიდი რაოდენობით შეიცავს კალიუმს,ვიდრე სხვა ხილ  -ბოსტნეული.ჩვენ მას დავუმატებთ კარტოფილს,სტაფილოს და მოვამზადებთ სამარხვო ყაბაყის კატლეტებს მთელი ოჯახისათვის.

 

ინგრედიენტები:

3 ყაბაყი

3 კარტოფილი

2 სტაფილი

1 ჭიქა ფქვილი

მარილი,პილპილი გემოვნებით

კამა და მწანე ხახვი გემოვნებით

 

მომზადების წესები :

კარტოფილი გავთალოთ,გავრეცხოთ და მოვხარშოთ.მოვამზადოთ პიურე.

ყაბაყი გავთალოთ,გავხეხოთ  და გამოშვებული წვენი გადავწუროთ.

სტაფილო გავხეხოთ.

პიურეში შევურიოთ გახეხილი ყაბაყი,სტაფილი, დაჭრილი მწვანილები,მარილი,პილპილი,ფქვილი და დავამზადოთ კატლეტების ბურთულები.

ყაბაყის სამარხვო კატლეტები შევწვათ ზეთში ტაფაზე ორივე მხრიდან.

ეს სამარხვო კატლეტები ძალიან გემრიელია!

 

 

ლაიფჰაკი : როგორ მოვხარშოთ კარტოფილი სწორად და სწრაფად

ლაიფხაკი დაგვეხმარება შევამციროთ კარტოფილის ხარშვის დრო და გავაძლიეროთ მისი არომატი.

როგორ მოვხარშოთ კარტოფილი”მუნდირით”

კარტოფილის ერთნაირი ზომის ბოლქვები გავრეცხოთ,უხესი ჯაგრისით მოვაშოროთ ჭუჭყი

კარტოფილები ხის ჩხირით რამოდენიმე ადგილას ჩავჩხვლიტოთ,რომ კანი არ დასკდეს და ჩავალაგოთ ქვაბში.

კარტოფილების კანი რომ არ დასკდეს, ასევე შეგვიძლია,წყალში ჩავაწვეთოთ რამოდენიმე წვეთი ძმარი და მასში გავხსნათ მარილი.

კარტოფილებს დავასხათ ცივი წყალი,ისე რომ დაიფაროს,ჩავყაროთ მარილი.გავითვალისწინოთ,რომ 1 ლიტრა წყალში უნდა გავხსნათ 1/2 სუფრის კოვზი მარილი.შესძალებელია,მარილი ჩავყაროთ უფრო მეტიც,კარტოფილი აიღებს იმდენს,რამდენიც საჭიროა.

ქვაბს თავსახური დავახუროთ და მაღალ ცეცხლზე მოვხარშოთ.

როგორც კი წყალი ადუღდება,ცეცხლს დავუწიოთ საშუალოზე და კარტოფილები მოვხარშოთ 20-25 წუთი.

ძველი კარტოფილის მოხარშვას მთლიანად ჭირდება 30 წუთი,ხოლო ახალ კარტოფილს კი 15 წუთი.

მოხარშულ კარტოფილებს გადავასხათ ცივი წყალი და შემდეგ მოვაშოროთ ქერქი.

როგორ მოვხარშოთ გათლილი კარტოფილი

კარტოფილი გავთალოთ,გავრეცხოთ და დავჭრათ ნაჭრებად.

გათლილი კარტოფილები ჰაერზე არ გავაჩეროთ.თუ მოგვიანებით უნდა მოვამზადოთ ,მაშინ მოვათავსოთ ცივ წყალში,რომ არ გაგვიშავდეს.

კარტოფილის ნაჭრების მოვათავსოთ ქვაბში,დავასხათ ცივი წყალი,ისე რომ დაიფაროს ,ჩავყაროთ მარილი და მოვხარშოთ საშუალო ცეცხლზე.როგორც კი წყალი ადუღდება, ცეცხლს დავუწიოთ  და ხარშვა ისე გავაგრძელოთ.

სულ კარტოფილის ნაჭრების მოხარშვას ჭირდება 15-20 წუთი.

ზოგიერთი შეფმზარეული ,მაგალითად ჯეიმს ოლივერი, კარტოფილებს ხარშავს ადუღებულ წყალში.

კარტოფილები ხარშისას რომ არ დასკდეს, წყალში ჩავაწვეთოთ რამოდენიმე წვეთი ძმარი.

კარტოფილი  მოხარშულია თუ არა ,შევამოწმოთ დანის წვერით.

ნახარში გადავწუროთ და კარტოფილები გამოვიყენოთ კერძის მოსამზადებლად.

კარტოფილები სწრაფად  რომ მოიხარშოს,ქვაბში ჩავამატოთ 1 ს.კოვზი კარაქი.გამდნარი კარაქი წყალს ზემოდან გადააეკვრება ,ტემპერატურა გაიზრდება და 5 წუთით ადრე მოიხარშება.

თუ კარტოფილს მოხარშვისას დავუმატებთ ხახვს,ნიორს,კამას,დაფნის ფოთოლს,იგი მიიღებს კარგ არომატს.

 

 

 

 

 

 

სამარხვო სოკოსა და კარტოფილის ტოლმა

ინგრედიენტები :

1 თავი კომბოსტო

1 კგ.კარტოფილი

3-4 კბილი ნიორი

2 თავი ხახვი

500 გრ.სოკო

2 ს.კოვზი ზეთი

1 ს.კოვზი ფქვილი

წიწაკა გემოვნებით

მარილი გემოვნებით

მწვანილი

თუ მარხვა არ არის,500 მლ.არაჟანი( სასურველია სახლის)

მომზადების წესები :

კომბოსტოს ფურცლები მოვწალოთ ადუღებულ მარილიან წყალში.

კარტოფილი გავთალოთ,გავრეცხოთ,გავხეხოთ საწურზე და გავწუროთ.

ხახვი და სოკო მოვშუშოთ ზეთში  ერთად.ნახევარს შევურიოთ 1 ს.კოვზი ფქვილი,მარილი,წიწაკა და დავასხათ 0,5 ლიტრა წყალი, წამოვადუღოთ.ეს მასა დაგვჭირდება ფენებს შორის მოსასხმელად.

გულსართი:დარჩენილს შევურიოთ კარტოფილი,მარილი,წიწაკა.

კომბოსტოს ფურცლებში შევახვიოთ გულსართი.

ტოლმები ჩავაწყოთ ფორმაში ფენებად,ფენებს შორის მოვასხათ სოკოს მასა( თუ მარხვა არ არის,მაშინ არაჟანი),მოვაყაროთ ნივრის კბილები და შევდოთ ღუმელში ერთი საათი გამოსაცხობად.

 

 

 

 

 

 

კარტოფილის ტოლმა – იტალიური სამზარეულო

ინგრედიენტები :

კომბოსტოს ფურცლები

400 გრ.ლორი

1 კგ.კარტოფილი

100 გრ.ყველი პარმეზანი

100 მლ.რძე

100 გრ.კარაქი

1 კვერცი

1 კვერცხის გული

1/4 ჩ.კოვზი  დაფქული მუსკატის კაკალი

მარილი ,წიწაკა გემოვნებით

ოხრახურში

მომზადების წესები :

კარტოფილი მოვხარშოთ კანიანად.

კომბოსტოს ფურცლები მოვწალოთ მდუღარე წყალში.

მოხარშულ კარტოფილს კანი გავაცალოთ,დავჭყლიტოთ,შევურიოთ რძე, კარაქი,კვერცხის გული,კვერცხი,დაჭრილი ლორი,მარილი,შავი დაფქული წიწაკა, მუსკატის კაკალი,დაჭრილი ოხრახურში,ჩავახეხოთ  50 გრ. ყველი.

ფარშისაგან დავამზადოთ გუნდები და მივცეთ კატლეტის ფორმა.

ბოსტნეულის ფარში ( კატლეტი) შევახვიოთ მოწალულ კომბოსტოს ფურცლებში,ჩავალაგოთ  ცხიმწასმულ ფორმაში,მოვაყაროთ დარჩენილი გახეხილი ყველი და გამოვაცხოთ ღუმელში  200 გრადუსზე.

 

 

სამარხვო ბოსტნეულის ტოლმა

ინგრედიენტები :

კომბოსტო – 1 ​​ც.
სტაფილო – 150 გ
ხახვი – 50 გრ
ბრინჯი – 200 გ
ტომატის პასტა – 40 გრ
მცენარეული ზეთი – 2 სუფრის კოვზი
ნიორი – 3 კბილი ცალი

მომზადების წესები :

პეკინური კომბოსტოს ფოთლები მოვწალოთ მდუღარე  მარილიან წყალში.

გარეცხილი ბრინჯი მოვხარშოთ 7 წუთის განმავლობაში მდუღარე წყალში და შემდეგ გადავწუროთ.ბრინჯი დავყაროთ თუშფალანგზე დასაწრეტად.

გარეცხილი სტაფილო მსხვილად გავხეხოთ.

ხახვი და ნიორი დავჭრათ წვრილად.

ტაფაზე დავასხათ ზეთი  და მასში მოვშუშოთ ხახვი და ნიორი,შემდეგ კი დავაყაროთ გახეხილი სტაფილო და  ბოსტნეულის კერძის შუშვა გავაგრძელოთ 2-3 წუთი.

მოშუშულ ბოსტნეულს შევურიოთ მოხარშული ბრინჯი და დავამარილოთ.

ფოთლებში შევახვიოთ გულსართი.ერთი სუფრის კოვზი გულსართი შევახვიოთ ერთ ფოთოლში.

ტოლმები ორივე მხრიდან შევწვათ.

ქვაბში ჩავაწყოთ ტოლმები,დავასხათ წყალი(  მასში გახსნილი გვაქვს ტომატ პასტა),ისე რომ დაიფაროს  და მოვამზადოთ 40 წუთის განმავლობაში.

 

 

 

დიეტური ბროკოლის წვნიანი ბავშვებისათვის

თუ გსურთ, მიირთვათ რაღაც მსუბუქი გაზაფხულზე  , მაშინ ჩვენი ბროკოლის ბოსტნეულის წვნიანი არის ზუსტად ის, რაც გჭირდებათ. ეს წვნიანი არა მხოლოდ ძალიან გემრიელია, არამედ წარმოუდგენლად ჯანსაღია. რაც მთავარია, ეს წვნიანი იდეალური გამოსავალია მათთვის, ვინც უფრთხილდება თავის ჯანმრთელობას და აკონტროლებს  წონას. გააკეთეთ ბროკოლის წვნიანი ჩვენი რეცეპტის მიხედვით,ის ძალიან გემრიელია  და ნამდვილად მოგეწონებათ.

ინგრედიენტები :

1 სტაფილო

1 ყაბაყი

500 გრ.კარტოფილი

50 გრ.მწვანე ხახვი

300 გრ.ბროკოლი

50 მლ.ზეთი

2 ლიტრა წყალი

მარილი და წიწაკა გემოვნებით

მომზადების წესები :

მწვანე ხახვი და სტაფილო დავჭრათ , ერთად მოვშუშოთ ზეთში.

კარტოფილები ნახევრად მოვხარშოთ ადუღებულ წყალში.10 წუთის შემდეგ ქვაბში ჩავყაროთ  დაჭრილი ყაბაყი და ბროკოლი.თუ ყაბაყი ახალგაზრდა არ არის,გავთალოთ და გამოვუღოთ თესლები.

კერძს დავუმატოთ მოშუშული ხახვი და სტაფილი,მოვაყაროთ მარილი და წიწაკა.კერძი ვადუღოთ 3-5 წუთი.წვნიანი შეგვიძლია მივირთვათ არაჟანთან ერთად.