პიცა მარგარიტა – იტალიური სამზარეულო

ინგრედიენტები :

500 მლ.წყალი

800 გრ.ფქვილი

10 გრ.ნედლი საფუარი

25 გრ.მარილი

150 გრ.პამიდვრის სოუსი 

5-6 პამიდორი ( კლასიკურ რეცეპტში არ გამოიყენება)

10 გრ.ყველი მოვარელა ან სულგუნი

50 გრ.ყველი პეკოპინო

ცოცხალი ბაზილიკი

შავი დაფქული წიწაკა

ზეითუნის ზეთი

 

მომზადების წესები :

თბილ წყალში გავხსნათ საფუარი ხელით,შემდეგ  ნელ – ნელა 400 გრ. ფქვილი შევაზილოთ ,მოვზილოთ ცომი,მოვაყაროთ მარილი,დავუმატოთ დარჩენილი ფქვილი და გავაგრძელოთ ცომის მოზელვა.ცომი უნდა ვზილოთ 7-10 წუთი.ცომი უნდა დავასვენოთ 10 წუთი.

ცომი გავყოთ 3 ნაწილად და მოვამზადოთ გუნდები.

ცომი  ხელით გავაბრტყელოთ, წავუსვათ პამიდვრის სოუსი,მოვაყაროთ დაჭრილი მოცარელა,ბაზილიკი,გახეხილი მაგარი ყველი,თუ სურვილი გვაქვს დავალაგოთ დაჭრილი პამიდვრები  და 180 გრადუსზე ღუმელში გამოვაცხოთ 12 წუთი .

გამომცხვარ პიცას მოვაყაროთ შავი დაფქული წიწაკა,მოვასხათ ზეითუნის ზეთი,დავჭრათ ნაჭრებად და სუფრაზე მივიტანოთ დაჭრილი.თითოეულ ნაჭერზე მოვათავსოთ ერთი  მოცარელას ბურთულა.

 

 

 

 

ფრიტატა სოკოთი – იტალიური სამზარეულო

ინგრედიენტები :

4 კვერცხი

300 გრ. ქამა სოკო

1 ხახვი

1 ს.კოვზი გახეხილი პარმეზანი

ზეთი

მარილი გემოვნებით

წიწაკა გემოვნებით

მწვანილი გემოვნებით

თუ არ იცით რა უნდა გააკეთოთ საუზმეზე, გთავაზობთ ფრიტატას რეცეპტს. სოკოთი მომზადებული  იტალიური ომლეტი არის  გემრიელი და მსუყე, უფრო მეტიც, იგი მზადდება მარტივად,  რაც მთავარია – სწრაფად!

მომზადების წესები :

სოკო  და ხახვი დავჭრათ წვრილად.

ზეთში ერთად მოვშუშოთ სოკო და ხახვი,ვუმატებთ მარილს და წიწაკას გემოვნებით.

კვერცხები ავთქვიფოთ,შევურიოთ გახეხილი პარმეზანი,დავასხათ ხახვთან ერთად მოშუშულ სოკოს და შევდოთ 180 გრადუსზე გახურებულ ღუმელში 10 წუთი გამოსაცხობად.

ცხელ კერძს მოვაყაროთ მწვანილი, გახეხილი ყველი და დავჭრათ ულუფებად

მოხარშული სუპერელასტიკური ცომი ხინკლის,პელმენისა და ჩებურეკისათვის

ინგრედიენტები :

150 მლ.მდუღარე წყალი

250 გრ.ფქვილი

2 ს.კოვზი ზეთი

1 გრ.მარილი

მომზადების წესები :

ადუღებულ წყალში გავხსნათ მარილი.

თქვილი ჩავყაროთ თასში, შუაში გავაკეთოთ ჩაღრმავება,შიგნით ჩავასხათ ზეთი ,დავასხათ ადუღებული წყალი და კოვზით წრიული მოძრაობებით ვურიოთ.

თასს დავაფაროთ თავზე და გავაჩეროთ გაგრილებამდე.

როგორც კი შევძლებთ ხელის მიკარებას,ცომი გადმოვიტანოთ დაფაზედა მოვზილოთ.ვზილოთ 15 წუთი.

ცომს გადავაფაროთ ტი;ლო და აუცილებლად გავაჩეროთ ნახევარი საათი.ცომი გახდება ძალიან ელასტიკური და პლასტელინივით წელვადი.რაც მთავარია,ამ წესით მომზადებული ცომი  გაბრტყელებისას არ იხევა და ხარშვისას არ სკდება.

ამ ცომით შესაძლებელია, გავაკეთოთ პელმენები,ხინკლები ,ვარენიკები და ჩებურეკები.

 

კარტოფილის ფირფიტები – ფრანგული სამზარეულო

ინგრედიენტები ;

1,5 კგ.კარტოფილი

250 მლ.ნაღები

1 ვაშლი

1 მსხალი

1 ლიმონი

30 გრ.კარაქი

1 ხახვი

2 ტოტი მწვანე ხახვი

2 კბილი ნიორი

ქონდარი

40 მლ.ზათი

14 გრ.მარილი

6 გრ.შავი დაფქული წიწაკა

მომზადების წესები :

ღუმელი გავახუროთ 200 გრადუსზე.

მსხალი,ვაშლი  გავჭრათ შუაზე  და  შუაგული  ამოვაცალოთ.

მსახალი და ვაშლი გავთალოთ და გავხეხოთ ალყა – ალყად,მოვაპკუროთ  ლიმონის წვენი.

იგივე წესით დავჭრათ კარტოფილი,ჩავყაროთ თასში,დავასხათ ცივი წყალი და გავაჩეროთ 3 საათი.

ხახვი დავჭრათ ოთხკუთხედებად.

ღრმა თასში ჩავასხათ ნაღები, ერთი  ჩაის კოვზი დავუმატოთ მარილი და  ნახევარი შავი დაფქული წიწაკა.

ფორმაში ჩავაფინოთ ქაღალდი.პირველ ფენად დავალაგოთ 1/3 ხილის ფირფიტები  ,მოვაყაროთ ხახვი და კუბებად დაჭრილი კარაქი.მეორე ფენად დავაწყოთ 1/ 4კარტოფილის ფირფიტების  , მოვაყაროთ 1/4 ჩ.კოვზი  მარილი და  1/4 ჩ.კოვზი შავი დაფქული წიწაკა .დავაწყოთ ისევ კარტოფილის ფიფიტები,მოვასხათ შეზავებული ნაღები,დავაწყოთ ხილის ფიფიტები,მოვასხათ ნაღები და ასე ვაკეთებთ  მანამ ,სანამ არ გათავდება ხილის  და  კარტოფილის ფირფიტები.

გადავაფაროთ ფოლგა და 50 წუთი გამოვაცხოთ ღუმელში 200 გრადუსზე.

დაველოდებით კერძის ბოლომდე გაგრილებას,გადმოვიტანთ ხის დაფაზე და დავჭრით ოთხკუთხედებად.კარტოფილის ოთხკუთხედებს შევწვათ ზეთში ( ჩავდოთ 2 ტოტი ქონდარი და 2კბილი ნიორი) ტაფაზე.

 

 

 

 

 

 

 

მჭადის კლასიკური და არატრადიციული რეცეპტი

ინგრედიენტები :

350-400 გრ.ფქვილი

1/4 ჩ.კოვზი მარილი

1 ჭიქა ცივი წყალი(შეიძლება დაგვჭირდეს უფრო მეტი ,ფქვილს გააჩნია)

მომზადების წესები :

ფქვილში შევურიოთ მარილი,დავასხათ ცივი წყალი და მოვზილოთ მჭადის ცომი.ცომი უნდა ვზილოთ 10 წუთი,შემდეგ ნახევარი საათი დავასვენოთ.სველი ხელებით ამოვიღოთ გუნდები,გავაბრტყელოთ და გამოვაცხოთ ან ღუმელში ან ბლომად ზეთმოსხმულ ტაფაზე.

ზოგიერთი გამოცდილი დიასახლისი მჭადს ზელს ხელისთვის გასაძლისად ცხელ წყალში.მჭადი შეგვიძლია მოვზილოთ ბორჯომში.

ამ წესით გამომცხვარი მჭადს ძალიან უხდება ნიგვზიანი ბადრიჯანი .

მჭადი ქინძით.მეორე ვარიაცია

300 გრ.მჭადის ფქვილი

1 პატარა კონა ქინძი

ცოტა მარილი

მომზადების წესები :

ფქვილში შევურიოთ მარილი და წვრილად დაჭრილი ქინძი,დავასხათ წყალი,მოვზილოთ ცომი.ცომი ვზილოთ დიდხანს და აუცილებლად დავასვენოთ ნახევარი საათი.

ცომი დავყოთ გუნდებად და გამოვაცხოთ ზეთიან ტაფაში.

მჭადი ტარხუნით.

400 გრ.მჭადის ფქვილი

1 კონა ტარხუნა

ცოტა მარილი

წყალი, რამდენსაც შეიზელს

მომზადების წესები :

ტარხუნის ღეროებს მოვაშოროთ ფოთლები და ძალიან წვრილად დავჭრათ.

ფქვილს შევურიოთ მარილი,დაჭრილი ტარხუნის ფოთლები,დავასხათ წყალი და მოვზილოთ.გამოცხობის წესი იგივეა.ამ წესით გამომცხვარი მჭადს ძალიან უხდება პრასის , კეჟერა და წითელი ფხალი.

 

 

 

კარტოფილის რიოშტები – შვეიცარული სამზარეულო

ინგრედიენტები :

500 გრ.კარტოფილი

100 გრ.კარაქი

100 გრ.ხაჭო

40 მლ.რძე

400 გრ.თევზის ფილე

2-3 ტოტი მწვანე ხახვი

1 ლიმონი

40 მლ.ზეთი

10 გრ.მარილი

3 გრ.შავი დაფქული წიწაკა

მომზადების წესები :

თევზის ფილე ოთხკუთხედებად დავჭრათ და ზეთში შევწვათ.

კარტოფილი გავრეცხოთ ,გავთალოთ და მსხვილ სახეხზე გავხეხოთ.,მოვასხათ ლიმონის წვენი,რომ არ გამუქდეს,მოვაყაროთ ნახ.ჩ.კოვზი მარილი.გახეხილი კარტოფილი მარლაში გავწუროთ,ზედმეტი სითხის მოსაშორებლად.

ავიღოთ მეორე ტაფა,გავადნოთ კარაქი.

გაწურულ კარტოფილს შევურიოთ გამდნარი კარაქი და შავი დაფქული წიწაკა.

კარაქიან ტაფაზე დავახათ ზეთი და დავდოთ 2 ს.კოვზი კარტოფილი.კოვზით გავაბრტყელოთ თხლად და გამოვაცხოთ კარტოფილის ბლინჩიკები.კარტოფილის ბლინჩიკები შევწვათ ორივე მხრიდან 3-3 წუთი.

მოვამაზდოთ გულსართი:მწვანე ხახვი დავჭრათ,ხაჭოს შევურიოთ რძე და მსუბუქად  კოვზით გავსრისოთ,დავუმატოთ ნახ.ჩ.კოვზი მარილი და შემწვარი თევზი.

კარტოფილის ბლინის ნახევარზე მოვათავსოთ 1 ს.კოვზი გულსართი,მეორე ნახევარი გადმოვკეცოთ,შევახვიოთ სალათის ფურცლებში და მივირთვათ გემრიელად.

 

 

 

 

საახალწლო თაფლაკვერი (“პრიანიკი) – ზუსტი რეცეპტი

ინგრედიენტები:

ცომი

100 გრ.შაქარი კარამელისათვის

150 გრ.შაქარი

100 მლ.წყალი

100 გრ.თაფლი

80 გრ.კარაქი

5 გრ.სოდა

40 გრ. კვერცხის გული (2 ცალი)

10 გრ.დარიჩინი

10 გრ.ჯანჯაფილი

1 გრ.მიხაკი

5 გრ.ილი

5 გრ.ბადიანი

500 გრ.ფქვილი

აისინგი :

200 გრ.შაქარის პუდრა

1 კვერცხი ცილა

1 ს.კოვზი ლიმონის წვენი ან ფრეში

საღებავი ( წყალგამძლე) სურვილისამებრ

 

მომზადების წესები :

გახურებულ ტაფა-ქვაბში ჩავყაროთ  100 გრ.შაქარი. როგორც კი შაქარი გადნება,მივიღებთ მუქი ფერის.

კარამელს დავასხათ ადუღებული წყალი.ვიყოთ ფრთხილად,რომ ორთქლზე არ დავიწვათ.

თხევად მასას დავუმატოთ თაფლი,150 გრ.შაქარი,კარაქი და  დაბალცეცხლზე გავაჩეროთ შაქრის გადნობამდე.

გადმოვდგათ ცეცხლიდან,დაახლოებით 10 წუთი გავაჩეროთ გასაგრილებლად.

დავუმატოთ სოდა.

დავუმატოთ კვერცხის გულები.ამ დროს ტემპერატურა უნდა იყოს 50-60 გრადუსი.წინააღმდეგ შემთხვევაში მივიღებთ კარამელის ომლეტს.

მასას დავუმატოთ ფქვილი,დაფქული ილი,ბადიანი,მიხაკი ,მოვზილოთ ცომი,გადავაფაროთ პლასტიკი და 12 საათი შევდოთ მაცივარში.

ცომი 1 სმ სისქეზე გავაბრტყელოთ,გამოვჭრათ ფორმებით,გადავიტანოთ პერგამენტის ქაღალდზე და 12-15 წუთი გამოვაცხოთ 170-180 გრადუსზე.

ცხელ გამომცხვარ თაფლაკვერის  ორცხობილას მსუბუქად დავაჭიროთ ხელის გული,რომ ზედაპირი ერთგვაროვანი გახდეს.

აისინგი:

კვერცხის ცილა, შაქრის პუდრა და ლიმონის წვენი ავთქვიფოთ მიქსერით ,გადავიტანოთ საკონდიტრო ტომარაში.თუ სურვილი გვაქვს შევურიოთ სარებავი  და მოვრთოთ თაფლაკვერები.

 

 

სამარხვო ფახლავა

ინგრედიენტები :

300 გრ.ფქვილი

2 ჭიქა შაქარი

1 ჩ.კოვზი საფუარი

300 გრ.წყალი

1 კგ.ნიგოზი

100 გრ.თაფლი

6 ს.კოვზი ზეთი ან გამდნარი მარგარინი

1 ლიმონი

1 ვანილი

2 ჩ.კოვზი დარიჩინი სურვილისამებრ

მომზადების წესები :

100 მლ. თბილ წყალში გავხსნათ 1 ჩ.კოვზი საფუარი,1 ჩ.კოვზი შაქარი და 3 ს.კოვზი ზეთი.შემდეგ დავუმატოთ 200 მლ.წყალი ,შევაზილოთ ფქვილი.ცომი გავყოთ 8 გუნდად .

ცომის გუნდები დავასვენოთ ნახევარი  საათი.

გულსართი:

ნიგოზი დავაბლენდეროთ,შევურით 2 ჩ.კოვზი დარიჩინი,6 ს.კოვზი შაქარი და ვანილი.

ცომის გუნდები გავაბრტყელოთ ოთხკუთხედებად,დავაფინოთ ღუმელის ტაფაზე,ყველა ფენას წავუსვათ ზეთი  და ფენებს შორის მოვაყაროთ გულსართი. ბოლო ფენას ასევე წავუსვამთ ზეთს,მხოლოდ გულსართს არ მოვაყრით ,დავჭრათ რომბის ფორმის ნაჭრებად და თითოეული ულუფის ზემოდან დავალაგებთ ნიგოზის ლებნებს.ვაცხობთ 180 გრადუსზე გახურებულ ღუმელში ნახევარი საათი.

სიროფის მომზადება.

1 ლიმონის წვენი,100 მლ.თაფლი,1 ჭიქა ყავისფერი შაქარი და 100 მლ.წყალი ერთმანეთში შევურიოთ და მოვადუღოთ სიროფი,ვადუღოთ 5 წუთი.

როგორც კი ფახლავა ფერს შეიცვლის დავასხამთ ნახევარ სიროფს,შევდებთ ისევ ღუმელში 15 წუთი,დავასხამთ დარჩენილ სიროფს და დავასრულებთ გამოცხობას.

 

 

 

ვინეგრეტი – უკრაინული სამზარეულო

ინგრედიენტები :

200 გრ.კარტოფილი

100 გრ.სტაფილო

150 გფ.ჭარხალი

100 გრ.კომბოსტოს მწნილი

100 გრ.კონსერვირებული ბარდა

100 გრ.მჟავე კიტრი

1 თავი ხახვი

2 ს.კოვზი ზეითუნის ზეთი ან მზესუმზირის ზეთი

მარილი და წიწაკა გემოვნებით

მომზადების წესები :

კარტოფილი ,ჭარხალი და  სტაფილო  გავრეცხოთ ,გავთალოთ,ცალობით შევახვიოთ ფოლგაში და ღუმელში შევწვათ  .ყველაზე გვიან ჭარხალი შეიწვება.

ბარდის კონსერვიდან სითხე გადმოვასხათ.

კომბოსტო ხელებით  გავწუროთ.

კარტოფილი,ჭარხალი,სტაფილო,კიტრი,  დავჭრათ.

დაჭრილ ინგრედიენტებს დავუმატოთ ბარდა,მჟავე კიტრი,მოვაყაროთ მარილი,დაფქული წიწაკა,მოვასხათ ზეთი და ამოურიოთ.

 

კრაბის სალათა

ინგრედიენტები :

1-2  ცოცხალი კიტრი

100 გრ.კრაბის ჩხირები

4 კვერცხი

1 ჭიქა ბრინჯი

მაიონეზი

1 ქილა კონსერვირებული სიმინდი

თითო-თითო კონა მწვანე ხახვი და კამა

მარილი და წიწაკა გემვნებით

 

მომზადების წესები :

ბრინჯი და კვერცხი მოვხარშოთ.

სიმინდის მარცვლები  დავწრიტოთ.

კვერცხი,ცოცხალი კიტრი,რაბის ჩხირები,მწვანილი დავჭრათ წვრილად,მოვათავსოთ ქვაბში,დავაყაროთ სიმინდის მარცვლები,მოხარშული ბრინჯი,მოვასხათ მაიონეზი,მოვაყაროთ მარილი , წიწაკა და კარგად ამოვურიოთ. სალათი მზადაა, მივირთვად გემრიელად!