კომშუს პიურე ხორცეულისათვის

ინგრედიენტები :

1 კგ.კომში

30 გრ.შაქარი

მწიკვი დარიჩინი

მომზადების წესები :

კომში გავრეცხოთ,თესლები გამოვუღოთ,გავთალოთ , დავჭრათ ნაჭრებად, მოვხარშოთ,დავაყაროთ შაქარი , დარიჩინი და დავაბლენდეროთ.

კომშის პიურე მზად არის.

მეორე ვარიაცია

1,5 კომში

80 გრ.შაქარი

60 გრ.კარაქი

ლიმონი

0,5 გრამი წვრილად დაფქული წიწაკა

მომზადების წესები :

კომში გავრეცხოთ,თესლები გამოვუღოთ,გავთალოთ , დავჭრათ ნაჭრებად, დავასხათ 0,5 ლიტრი წყალი ,,დავაყაროთ შაქარი , ჩავაგდოთ კარაქი და სუსტ ცეცხლზე ვხარშოთ 10-12 წუთი.

სითხე გადავღვაროთ .

კომში დავაბლენდეროთ .

პიურეს დავუმატოთ ლიმონის წვენი,ცედრა და წიწაკა.

კომშის პიურე განასაკუთებით უხდება ღორის ხორცს,ინდაური ფილეს და იხვის ხორცს.

მესამე ვარიაცია 

1 კგ.კომში

1 ჩაის კოვზი თაფლი

მარილი

სანელებლები

მომზადების წესები ;

კომში გავრეცხოთ,თესლები გამოვუღოთ,გავთალოთ , დავჭრათ ნაჭრებად, მოვხარშოთ,დავამატოთ თაფლი, , დარიჩინი ან ჯანჯაფილი და დავაბლენდეროთ.

თუ სოუსი გვინდა იყოს ცხარე.მაშინ ვუმატებთ წიწაკას.

ვაშლის დიეტური ოლადები

ინგრედიენტები :

3 კვერცხი

2 ვაშლი

2 სუფრი კოვზი შაქარი

2,5 -3 სუფრის კოვზი ფქვილი

200 მლ.მაწონი ან კეფირი

1 ჩაის კოვზი სოდა

50 მლ.ზეთი

5 გრ.დარიჩინი

მომზადების წესები :

ყველა პროდუქტი უნდა იყოს ოთახის ტემპერატურის.

ვაშლი გავთალოთ,გული გამოვუღოთ და რგოლებად დავჭრათ.

კვერცხი და შაქარი ჩანგლით ავთქვიფოთ,ჩავუმატოთ ზეთი,მაწონი,მოვურიოთ.

თხევად მასას დავუმატოთ სოდა,მოვურიოთ  და  შემდეგ ჩავყაროთ გაცრილი ფქვილი.უნდა მივიღოთ არაჟნის კონსისტენციის ცომი.

ცომი აუცილებელია, გავაჩეროთ 15-20 წუთი.

ვაშლის რგოლები ამოვსვაროთ ცომში.

და ორივე მხიდან  გაცხელებულ  ტაფაში  შევწვათ .ცხელ ოლადებს მოვაყაროთ დარიჩინი.

 

 

 

 

 

ბლომანჟე მაწვნით შაქრის გარეშე – ფრანგული სამზარეულო

ინგრედიენტები :

1,5 ლ.მაწონი ან კეფირი

200 გრ.არაჟანი

40 გრ.ჟელატინი

3 ს.კოვზი თაფლი

4 ს.კოვზი ალუბლის ან ნებისმიერი ხილის  სიროფი

1 ს.კოვზი ლიმონის ცედრა

1 ჩ.კოვზი ვანილი

მომზადების წესები :

ჟელატინს დავასხათ წყალი და 20 წუთი გავაჩეროთ ასაფუებლად.

არაჟანი და მაწონი შევურიოთ,შემდეგ დავუმატოთ თაფლი,კარგად მოვურიოთ.

ჟელატინი გავადნოთ ორთქლის აბაზანაზე,გავაგრილოთ და ისე ჩავასხათ მასაში,შემდეგ ვუმატებთ ლიმონის ცედრას და ვანილს.

მასა გავყოთ ორ ნაწილად.ერთ ნაწილს შევურიოთ  ალუბლის სიროფი.

თეთრი ფერის ბლომანჟე ჩავასხათ ფორმაში ,შევდოთ მაცივარში ნახევარი საათი.

ფორმა მაცივრიდან გამოვიტანოთ,დავასხათ ვარდისფერი ბლომანჟე და ისევ შევდოთ მაცივარში 1-2 საათი.

 

 

 

ყავის ბლომანჟე რძით – ფრანგული დესერტი ცხობის გარეშე

ინგრედიენტები :

250 მლ.რძე

200 მლ.ნაღები

100 გრ.შაქარი

2-3  ჩ.კოვზი ხსნადი ყავა

20 გრ.ჟელატინი

50 მლ.წყალი

მომზადების წესები :

რძე  შევათბოთ.

რძეში ჩავყაროთ შაქარი და ყავა,შემოვდგათ ცეცხლზე ,ვურიოთ შაქრის  და ყავის გრანულების გახსნამდე. რძე მივიყვანოთ ადუღებამდე.

ჟელატინს დავასხათ წყალი და დაველოდოთ აფუებას.

ცხელ რძეში ჩავასხათ ნაღები და  სითხე  მივიყვანოთ ადუღებამდე. რძიანი მასა არ უნდა ავადუღოთ,თორემ ნაღები ამობრუნდება.

ცხელ რძიან მასაში ჩვვდოთ აფუებული ჟელატინი და კარგად გავთქვიფოთ მიქსერით.ცხელ სითხეში ჟელატინი გაიხსნება.

ბლომანჟე ჩავასხათ ფორმებში ან ჭიქებში  და შევდოთ მაცივარში 1,5 საათი.თუ ბლომანჟეს დიდი ზომის ფორმაში ჩავასხათ,მაცივარში გავაჩეროთ 3-4 საათი.

ბლომანჟიანი ფორმა 3-4 წამით ჩავუშვათ ცხელ წყალში და  სწრაფად მოვსხნათ.

 

დიეტური წიწიბურას და ფარშის კოტლეტები – უკრაინული სამზარეულო

მრავალი წელია ვამზადებ კოტლეტებს ფარშით და წიწიბურათი.ეს ბურღულეული მას  განსაკუთრებულ გემოს ანიჭებს და ფაფუკს ხდის. 

ინგრედიენტები :

1 კგ.ქათმის ფილეს ფარში

2 ხახვი

2 კვერცხი

200 გრ.წიწიბურა

2 სუფრის კოვზი სოიოს სოუსი

მწვანილი

მარილი გემოვნებით

მომზადების წესები :

წიწიბურა ძალიან მოვხარშოთ,უნდა ჩაიქნას.

ხახვი დავჭრათ ძალიან წვრილად.

მწვანილი დავჭრათ წვრილად,შეგვიძლია არც დავუმატოთ.

ღრმა თასში შევურიოთ ; ფარში,წიწიბურა,კვერცხი,ხახვი, სოიოს სოუსი,მარილი.

სველი ხელებით დავამზადოთ გუნდები,მივცეთ კატლეტის ფორმა,ამოვსვაროთ ფქვილში.

კოტლეტები უნდა დავაწყოთ სპეციალურ ფორმაზე,რომელსაც შემოვდგამთ ქვაბზე, ორთქლის აბაზანაზე.ქვაბს ( რომელშიც წყალი დუღს)უნდა ეფაროს ნასვრეტებიანი ფორმა.რომ ორთქლი ნასვრეტებიდან გამოვიდეს.კოტლეტებს მჭიდროდ დავახუროთ თავსახური და  ორთქლზე ვხარშოთ 30-35 წუთი.

თუ დიეტაზე არ ვართ,მაშინ ტაფაზე დავასხათ ზეთი.

სველი ხელებით დავამზადოთ გუნდები,მივცეთ კატლეტის ფორმა,ამოვსვაროთ ფქვილში.

და შევწვათ  ორივე მხრიდან  ტაფაზე.როცა მეორე მხრიდან შეიწვება დავასხათ ცოტა მდუღარე წყალი,ტაფას თავსახური დავაფაროთ და ვშუშოთ წყლის აოთქლებამდე.

აკროშკის დიეტა

ჩემი აზრით,ეს არის ერთ-ერთი ყველაზე მარტივი და უვნებელი დიეტა.ამ დიეტის ხანგრძლივობა 7 დღე არის და დაიკლებთ 4-5 კგ.დიეტა უნდა გამეორდეს ერთი თვის შემდეგ.გარდა ამისა , ” აკოშკას” დიეტის დროს შეგვიძლია,მივითვათ ჩვენთვის სასურველი ინგრედიეტებისაგან მომზადებული კერძი .

აკროშკა ჭარხლით:

1 კიტრი

1 ჭარხალი

1 კარტოფილი

3 კვერცხი

1 ლიტრი კეფირი

500 მლ.წყალი

200 გრ.მოხარშული ძეხვი

0,5 ჩ.კოვზი მდოგვი

40 გრ.არაჟანი

100 გრ.მწვანე ხახვი

50 გრ. კამა

მარილი,წიწაკა გემოვნებით

მომზადების წესები :

დავჭრათ კუბებად (1X1სმ) მოხარშული კარტოფილი,ძეხვი , მოხარშული კვერცხი, კიტრი.

მოხარშული ჭარხალი გავხეხოთ.

დავჭრათ მწვანილი .

წყალი ავადუღოტ და გავაგრილოთ.

ინგრედიენტები შევურიოთ ერთმანმეთს,მოვაყაროთ მარილი და წიწაკა დავასხათ იოგურტი,შევურიოთ მდოგვი.წვნიანი გავათხელოთ წყლით და მივცეთ სასურველი სისქე.

თევზის აკროშკა

შებოლილი  წითელი  ორაგული – 100 გ

კარტოფილი – 2 ცალი.

ახალი კიტრი – 1 ც.

ქათმის კვერცხები – 2 ცალი.

ბოლოკი – 4-5 ცალი.

მწვანე ხახვი, კამა, ოხრახუში – 5-6 ტოტი

კეფირი 2.5% – 500 მლ

ყინულიანი წყალი – 1 ჭიქა

არაჟანი – 2 სუფრის კოვზი

ლიმონის წვენი – 3 სუფრის კოვზი

მარილი, წიწაკა – გემოვნებით

მომზადების წესები :

კარტოფილები მოვხარშოთ მარილიან წყალში და დავჭრათ 0,5 სმ-ის კუბებად.

მოვხარშოთ კვერცხი და  ისიც დავჭრათ 0,5 სმ-ის კუბებად.

შებოლილი ორაგული,კიტრი და ბოლოკი( გავთალოთ,რომ კერძი არ გაამწაროს) დავჭრათ 0,5 სმ-ის კუბებად.

მწვანე ხახვი,კამა და ოხრახურში დავჭრათ.

არაჟანი,კეფირი ან მაწონი,ლიმონის წვენი  ერთმანეთში შევურიოთ.წვენში ჩავყაროთ დაჭრილი ინგრედიენტები,მწვანილები და მოვაყაროთ მარილი.თუ სურვილი გვაქვს,დავუმატოთ შავი დაფქული წიწალა.    გამოყენებამდე კერძი   3 საათით ადრე შევდოთ მაცივარში.

წაიკითხეთ რეცეპტები : ვეგეტარიანული აკროშკა  ,აკროშკა ბურახით და ქათმის ფილეს აკროშკა.

 

 

 

 

 

ვეგეტარიანული “აკროშკა “

ინგრედიენტები :

1 ბოლოკი

4-5 კიტრი

3 კარტოფილი

7 კვერცხი

1 ლიტრა კეფირი

მწვანე ხახვი

მარილი

მომზადების წესები :

კარტოფილები მოვხარშოთ მარილიან წყალში და დავჭრათ 0,5 სმ-ის კუბებად.

ბოლოკი გავთალოთ.

მოვხარშოთ კვერცხი,ბოლოკი დავჭრათ 0,5 სმ-ის კუბებად.

მწვანე ხახვი დავჭრათ.

ინგრედიენტები შევურიოთ ერთმანეთში,მოვასხათ კეფირი,კარგად მოვურიოთ.მოვაყაროთ მარილი .გამოყენებამდე კერძი   3 საათით ადრე შევდოთ მაცივარში.

 

 

მანდარინი შოკოლადში

მანდარინი შოკოლადში  – გემრიელი და ჯანსაღი დესერტი. გარდა ამისა, იგი სწრაფად  და მარტივად მოსამზადებელია. ამისათვის  კი საჭიროა მხოლოდ მანდარინი და შოკოლადი.

ინგრედიენტები :

4 მანდარინი

100 გრშოკოლადის ფილა

1 ს.კოვზი ფორთოხლის ლიქიორი

თხილი,ნუში

მომზადების წესები:

შოკოლადი გავადნოთ ორთქლის აბაზანაზე შევურიოთ ლიქიორი.თუ დესერტს ბავშვებისატვის ვამზადებთ,მაშინ ალკოჰოლი შევცვალოთ 50 მლ ნაღებით და დავუმატოთ 1 სუფრის კოვზი შაქარი.

.მანდარინის ლებნების  ერთი ბოლო  ამოვსვაროთ შოკოლადში.

 

მოვაყაროთ დატეხილი თხილი .გემრიელად მივირთვათ! ამ დესერტით შეგვიძლია გავაფორმოთ სხვა დესერტები. მანდარინის კექსის რეცეპტი იხ. აქ

 

 

 

 

 

მარწყვი შოკოლადში – დაბალკალორიული დესერტი

მარწყვი  შოკოლადში  – გემრიელი და დაბალკალორიული  დესერტი. გარდა ამისა, იგი სწრაფად  და მარტივად მოსამზადებელია. 

ინგრედიენტები :

მსხვილი მარწყვი – 500 გრ

შოკოლადი – 150 გრ

ნაღები 33% –  50 მლ

მომზადების წესები :

თეფში შევდოთ საყინულეში.

მწიფე ,დაუზიანებელი და მსხვილი მარწყვი გავრეცხოთ,შევამშრალოთ ქაღალდით.

შოკოლადის ფილა დავტეხოთ,გავადნოთ ორთქლის აბაზანაზე,შევურიოთ ნაღები.

გამოვიტანოთ საყინულედან თეფში.

ამოვსვაროთ შოკოლადში მარწყვები,დავალაგოთ თეფშზე,მოვაყაროთ დატეხილი თხილი,ნუში ან გავაფორმოთ სურვილისამებრ.

მაწონი თაფლით ,ნიგვზით , ხილით – ქართული დესერტი

ამ ჯანსაღი ქართული დესერტის ძირითადი ინგრედიენტი არის მაწონი ,რომელსაც აქვს ანტიოქსიდანტური მოქმედება, ამის გამო იგი ზრდის სიცოცხლის ხანგრძლივობას და აუმჯობესებს კანის მდგომარეობას!

ინგრდიენტები :

250 გრ.მაწონი

2 სუფრის კოვზი თაფლი

2 ს კოვზი ნიგოზი

ხილი მსხალი,ატამი,მარწყვი,ქლიავი და ა.შ  ( თქვენთვის სასურველი)

ან კაკლის მურაბა

მომზადების წესები :

შევარჩიოთ  სოფლის ახალი მაწონი, ქართული ნიგოზი,თხევადი და რბილი არომატის თაფლი .

ნიგოზი მოვხალოთ და დავჭრათ.შეგვიძლია გავატაროთ.

ნებისმიერი ხილი დავჭრათ ნაჭრებად.

ჭიქებში გავანაწილოთ მაწონი,მოვასხათ თაფლი,მოვაყაროთ ნიგოზი და მოვრთოთ ხილის ნაჭრებით ან კაკლის მურაბით

ეს ქართული დესერტი ყოველგვარი დანამატების,შაქრის, ცხიმის გარეშე ძალიან ჯანსაღი,სასარგებლო და გემრიელია.

ამ დესერტის არადიეტური ვარიაცია ;

500 გრ.მაწონი

250 მლ.ნაღები

5 გრ.ჟელატინი

1 გრ.მუსკატის კაკალი

2 გრ.დარიჩინი

ნიგოზი

თაფლი

კაკლის მურაბა

მომზადების წესები :

ჟელატინი დავალბოთ ოთახის ტემპერატურის წყლით.

მაწონსკარგად მოვურიოთ,რომ არ დარჩეს კოშტები.

ნაღები მივიყვანოთ ადუღებამდე,ჯერ გავატაროთ საცერში და შემდეგ დავასხათ მაწონს,მოვურიოთ,დავუმატოთ დარიჩინი და მუსკატი.

ნარევში ჩავასხათ ორთქლის აბაზანაზე გამდნარი ჟელატინი,მოვურიოთ, გადავიტანოთ ქოთნებში ან ჭიქებში ,შევდოთ 6 საათი მაცივარში.

დესერტს ზემოდან მოვასხათ თაფლი და გავაფორმოთ კაკლის მურაბით,მოხალული ნიგვზით  ან გოზინაყით.თუ დესერტს მოვასხამთ კაკლის მურაბის წვენს,მაშინ არ ვუმატებთ თაფლს.