სალათი “შუბა”

ინგრედიენტები :

1 ქაშაყი

3 მოხარშული კარტოფილი

3 მოხარშული კვერცხი

3 მოხარშული სტაფილო

1 მწვანე ვაშლი

2 მოხარშული ჭარხალი

ნახ თავი წვრილად დაჭრილი დამარინადებული  ხახვი

250-300 გრ.მაიონეზი

 

მომზადების წესები :

თევზი გავასუფთაოთ ფხებისაგან და დავჭრათ.

კარტოფილი,კვერცხი,სტაფილო, ვაშლი ჭარხალი ცალ-ცალკე გავხეხოთ.

თეფშზე ფენა ფენა დავალაგოთ კატროფილი, ხახვი,თევზი,სტაფილო, ვაშლი ჭარხალი,კვერცხი.

ფენებს შორის მოვასხათ მაიონეზი და მოვაყაროთ მარილი გემოვნებით.

ხახვის  მარინადის მომზადება :

100 მლ .წყალი ავადუღოთ,გავხსნათ შიგნით ნახ,ჩაის კოვზი ხახვი,2 ჩ.კოვზი შაქარი და ჩავასხათ 2 ს.კოვზი ძმარი.ჩავყაროთ დაჭრილი ხახვი და გავაჩეროთ 3-4 წუთი.

ბოსტნეულის სალათი”შუბა”( სამარხვო)

3 მოხარშული კარტოფილი

3 მოხარშული სტაფილო

2 მოხარშული ჭარხალი

1 ვაშლი

მწვანე ხახვი,კამა.

250-300 გრ. სამარხვო მაიონეზი

მარილი და შავი დაფქული წიწაკა გემოვნებით

 

კარტოფილი,ვაშლი ,სტაფილო,ჭარხალი ცალ-ცალკე გავხეხოთ.

თეფშზე ფენა ფენა დავალაგოთ კატროფილი,მწვანე ხახვი,კამა ,ვაშლი ,სტაფილო,ჭარხალი.

ფენებს შორის მოვასხათ მაიონეზი და მოვაყაროთ მარილი გემოვნებით

სამარხვო ბოსტნეულის წვნიანი” ბორში”

ინგრედიენტები :

4 ცალი კარტოფილი

200 გრ.ჭარხალი

1 თავი ხახვი

400 გრ.კომბოსტო

1 სტაფილო

1 ს.კოვზი შაქარი

1 პამიდორი

2 ს.კოვზი ტომატი

30-50 გრ.ერბო, დამზადებული სამარხვო კარაქისაგან

3-4 კბილი ნიორი

1 ს.კოვზი ლიმონი ან ვაშლის ძმარი.

ოხრახურში

1 ს.კოვზი ფქვილი

1 დაფნის ფოთოლი

მწვანილი

მარილი,აჯიკა,ცხარე წითელი წიწაკა,სამარხვო მაიონეზი გემოვნებით

მომზადების წესები :

დავჭრათ გათლილი კარტოფილი მსხვილ კუბებად, ჭარხალი და სტაფილო ზოლებად,ხახვი წვრილად.,კომბოსტო წვრილ  ზოლებად.

ქვაბში ჩავაწყოთ კარტოფილები და მოვხარშოთ.

ჭარხალს მოვასხათ ძმარი ან ლიმონის წვენი.ამ მეთოდის გამოყენებით  მივიღებთ წითელ ბორშს.

ტაფაზე დავასხათ 1 ს.კოვზი ზეთი,დავყაროთ ჭარხალი,მოვაყროთ შაქარი ,დავუმატოთ ტომატი და მოვშუშოთ.

ცალკე ტაფაზე სტაფილო და ხახვი მოვშუშოთ ერთად ზეთში.შევურიოთ ფქვილი და 5 წუთის შემდეგ დავუმატოთ კანგაცლილი,გახეხილი პამიდორი.მოვაყაროთ მარილი,წიწაკა.ვშუშოთ 5-10  წუთი.

მოშუშული ჭარხალი და სტაფილო გადავიტანოთ კარტოფილიან ქვაბში.

ნიორი, მწვანილი დავნაყოთ და სამარხვო კარაქთან ერთად  ჩავდოთ ბოსტნეულის  ბულიონში,დავუმატოთ კომბოსტო და ვადუღოთ 10-15 წუთი.

ბოლოს ჩავუმატოთ 1 კბილი ნიორი,დაფნის ფოთოლი,აჯიკა. გადმოვდგათ ცეცხლიდან,ამოვიღოთ დაფნის ფოთოლი და ნიორი,მოვაყაროთ წვრილად დაჭრილი მწვანილი და მივირთვათ სამარხვო მაიონეზთან  ერთად.

 

 

ჭარხალი ტყემალში – ქართული სამარხვო სალათა

ინგრედიენტები :

1 კგ.ჭარხალი

3 კბილი ნიორი

200 მლ.შეკაზმული ტყემალი

1-2 ს.კოვზი ძმარი

1  კონა ქინძი

მარილი და წიწაკა გემოვნებით

 

მომზადების წესები :

მოვხარშოთ ჭარხალი ,კანი გავაცალოთ და დავჭრათ ჩვენთვის სასურველ ფორმებად.

ჭარხალს მოვასხათ ძმარი,შეკაზმული ტყემალი. თუ სურვილი გვაქვს, ჩავახეხოთ ნიორი.

ჭარხალს მოვაყაროთ მარილი,წიწაკა და წვრილად დაჭრილი ქინძი.

 

 

წითელი ფხალი და ჭარხალი ტყემალში

ინგრედიენტები:

500 გრ.ბოლქვი ჭარხალი

2 კგ.ჭარხლის ფოთოლი

200 გრ.ნიგოზი

1 თავი ნიორი

200 გრ.ქინძი

ცოტა ნიახური სურვილისამებრ

1ჩ.კოვზი უცხო სუნელი

1 ჩ.კოვზი ხმელი ქინძი

1/2 ჩ.კოვზი დაღერღილი წიწაკა

მარილი გემოვნებით

ძმარი სურვილისამებრ

 

მომზადების წესები;

გარეცხილი ჭარხლის ბოლქვები მოვხარშოთ დაბალ ცეცხლზე და გავაციოთ, გავწუროთ, გავატაროთ ხორცსაკეპში ნიგოზთან,ჭარხლის ბოლქვებთან, ნიორთან და ცოცხალ ქინძთან ერთად.

გარეცხილი ჭარხლის ფოთლები მოვთუთქოთ მდუღარე წყალში და დავკეპოთ .

ორივე მასა ერთმანეთში შევურიოთ, მოვაყროთ სუნელები,მარილი,დაღერღილი წიწაკა და კარგად ავურიოთ.

სუფრაზე მირტანის წინ მივცეთ სასურველი ფორმა და გავაფორმოთ ბროწეულის მარცვლებით.

 

ჭარხალი ტყემალში

მოხარშული ჭარხლის ბოლქვები დავჭრათ 1 სმ-ის სისქის ნაჭრებად.

მოვასხათ ღოღნაშოს საწებელი ან ტყემალი.მოვაყაროთ წვრილად დაჭრილი ქინძი,ხმელი ქინძი,მარილი,პილპილი და კარგად შევურიოთ.

 

ჭარხალი ნიგვზით

ინგრედიენტები:

500 გრ.ბოლქვი ჭარხალი

2 კგ.ჭარხლის ფოთოლი

200 გრ.ნიგოზი

1 თავი ნიორი

200 გრ.ქინძი

ცოტა ნიახური სურვილისამებრ

1ჩ.კოვზი უცხო სუნელი

1 ჩ.კოვზი ხმელი ქინძი

1/2 ჩ.კოვზი დაღერღილი წიწაკა

მარილი გემოვნებით

ძმარი სურვილისამებრ

 

მომზადების წესები:

გარეცხილი ჭარხლის ბოლქვები მოვხარშოთ დაბალ ცეცხლზე.

გარეცხილი ჭარხლის ფოთლები მოვთუთქოთ მდუღარე წყალში.

მოთუთქულუ ფოთლები გავაციოთ,გავწუროთ და დავკეპოთ გავატაროთ ხორცსაკეპში ერთად  ნიგოზი,ჭარხლის ბოლქვები,ნიორი და ცოცხალ ქინძი .

დაკეპილი და გატარებული მასა ერთმანეთში შევურიოთ ,მოვაყროთ სუნელები,მარილი,დაღერღილი წიწაკა და კარგად ავურიოთ.

სუფრაზე მირტანის წინ მივცეთ სასურველი ფორმა და გავაფორმოთ ნროწეულის მარცვლებით.

 

ჭარხალი ტყემალში

მოხარშული ჭარხლის ბოლქვები დავჭრათ 1 სმ-ის სისქის ნაჭრებად.

მოვასხათ ღოღნაშოს საწებელი ან ტყემალი.მოვაყაროთ წვრილად დაჭრილი ქინძი,ხმელი ქინძი,მარილი,პილპილი და  კარგად მოვურიოთ.

 

 

 

კეჟერა ფხალი – გურული სამზარეულო

ინგრედიენტები:

1 კგ.კეჟერას ფოთოლი

2 კბილი ნიორი

200 გრ.გატარებული ნიგოზი

10-10 გრ.უცხო სუნელი,ხმელი ქინძი,წითელი დაფქული წიწაკა,ყვითელი ყვავილი

10 გრ.სვანური მარილი

1ჩ.კოზი კვაწარახი

მარილი გემოვნებით

 

მომზადების წესები :

ფოთოლი გავრეცხოთ,გავარჩიოთ,დავჭრათ,ადუღებულ წყალში მოვხარშოთ.

მოხარშული ფოთლები ხელით გავწუროთ ,დავამატოთ კვაწარახი,

შევკაზმოთ  დანაყილი ნიორით,ნიგვზითა და სუნელებით.

მივირთვათ მჭადთან ერთად.

 

 

 

 

პრასის ფხალი იმერულად

ინგრედიენტები:

1 კგ.მოხარშული პრასი

150 გრ.გატარებული ნიგოზი

3-4 კბილი ნიორი

2 ს.კოვზი ღვინის ძმარი

1 კონა ქინძი

მარილი,დაღერღილი წიწაკა გემოვნებით

 

მომზადების წესები :

მოვარშული პრასი დავკეპოთ.

მწვანილი დავჭრათ ძალიან წვრილად.

ნიგოზი გავატაროთ.ნიორი დავჭყლიტოთ.

პრასს დავაყაროთ ნიგოზი, ნიორი, მწვანილები,მოვასხათ ძმარი,მარილი წიწაკა მოვაყაროთ და შევკაზმოთ.