მარწყვის ტორტი ” წითელქუდა “

ინგრედიენტები :

6 კვერცხიანი ბისკვიტი( წაიკითხეთ რეცეპტი)

არაჟნის სუფლე:

450 გრ.არაჟანი

2 კვერცხის ცილა( 60-70გრ)

10 გრ.ვანილი

90 გრ.შაქარი

30 გრ.სიმინდის სახამებელი

ხილის შემავსებელი:

200 გრ.მარწყვი

25 გრ .შაქარი

4 გრ.ჟელატინი

30 მლ.წყალი

დეკორი:

მარწყვი ან ჟოლო,მაყვალი,წითელი მოცხარი

მომზადების წესები :

გამოვაცხოთ ბისკვიტი.

ბისკვიტს გამოვაჭრათ გული ისე,რომ მიიღოს ჯამის (კალათის) ფორმა.შევეცადოთ,რომ ბისკვიტის ჯამის კედლები იყოს  5 მმ სისქის.

ბისკვიტის თასი ჩავდოთ იგივე ფორმაში,რომელშიც გამოვაცხვეთ.

ბისკვიტის ნამცეცები შევინახოთ და მოვამზადოთ ტრაიფლი.

არაჟანს დავუმატოთ შაქარი და სახამებელი.

კვერცხის ცილისა და შაქრიაგან მოვამზადოთ ბეზე.

ბეზე ორ ულუფად შევურიოთ არაჟნის მასას.

ბისკვიტის ჯამი  შევავსოთ არაჟნის მასით.

 

ფორმას გარედან შემოვახვიოთ ფოლგა, რომ  ღუმელში არ დაგვეწვას.

ბისკვიტი გამოვაცხოთ 140 გრადუსზე 60 წუთი (შუა თარო )კოვნერსიის გარეშე.გამოცხობის შემდეგ ღუმელის კარები გამოვაღოთ,გავაჩეროთ 30 წუთი.

ბისკვიტი ბოლომდე გავაგრილოთ,გადავაფაროთ პლასტიკი და მაცივარში შევინახოთ 10 საათი.

ჟელატინს დავასხათ წყალი და გავაჩეროთ ასაფუებლად.

მარწყვი დავაბლენდეროთ,შემოვდგათ ცეცხლზე და ადუღებიდან 1 წუთის განმავლობაში ვხარშოთ.

ცხელ მარწყვის პიურეში გავხსნათ შაქარი და ჟელატინი.

მარწყვები ლამაზად დავჭრათ.

ტორტზე დავაწყოთ მარწყვის ნაჭრები,მოვასხათ პიურე.

 

 

 

 

 

ნაყინი პლომბირი – საბჭოთა რეცეპტი

ინგრედიენტები :

400 გრ.მაღალპროცენტიანი ნაღები

200 გრ.შედედებული რძე

მწიკვი ვანილი.

მომზადების წესები :

ცივ ნაღებს დავუმატოთ ვანილი და ავთქვიფოთ მყარ პიკამდე.

ნაღების ჰაეროვან კრემს დაბალ სიჩქარეზე მიქსერით შევათქვიფოთ შედედებული რძე.მიღებული ნაყინის მასა გადავიტანოთ კონტეინერში,დავახუროთ თავზე და მოვათავსოთ საყინულეში,ყოველ 3 საათში ერთხელ კარგად ავურიოთ და 9 საათში ჩვენი  მომზადებული ნაყინი მზად არის.

ინგრედიენტები,  მეორე ვარიაცია:

200 გრ.ნაღები

200 გრ.შედედებული რძე

200 გრ.მარწყვი,ჟოლო,მოცხარი,მაყვალი

მომზადების წესები :

მარწყვი დავაბლენდეროთ და გავატაროთ საცერში.

ცივ ნაღებს დავუმატოთ ვანილი და ავთქვიფოთ მყარ პიკამდე.

ნაღების ჰაეროვან კრემს დაბალ სიჩქარეზე მიქსერით შევათქვიფოთ შედედებული რძე და ნიჩბით შევურიოთ მარწყვის ან სხვა კენკროვანის პიურე.

ნაყინი გადავიტანოთ კონტეინერში და გავყინოთ.

ნაყინი პლომბირი რძით. მესამე ვარიაცია

ინგრედიენტები :

4 კვერცხის გული

90 გრ.შაქარს პუდრა

250 მლ.რძე (6%)

350 მლ.33% ნაღები

ვანილი

მომზადების წესები :

ჭურჭელში რძე ჩავასხათ, ვანილი დავუმატოთ,სითხე ავადუღოთ ,ცეცხლი გამოვრთოთ და გაციებას დაველოდოთ.

კვერცხის გულებისა და შაქრის პუდრისაგან  გავაკეთოთ გოგლიმოგლი.

გოგლიმოგლი ჩავასხათ მოდურებულ რძეში,ცეცხლზე შემოვდგათ და ვურიოთ გასქელებამდე,არავითარ შემთხვევაში არ ავადუღოთ  და  ეს მასა გასაციებლად მაცივარში შევდოთ.

ძალიან კარგად გაციებული ნაღები ამოვიყვანოთ ,შევურიოთ მოდუღებული მასა და გადავიტანოთ ახალ ჭურჭელში,მოვათავსოთ საყინულეში,ყოველ 3 საათში ერთხელ კარგად ავურიოთ და 9 საათში ჩვენი  მომზადებული ნაყინი მზად არის.

კრემი შუსთვის და მინანქარი ეკლერისათვის

ინგრედიენტები :

180 მლ.რძე

2 კვერცხის გული

270 გრ.შაქარი

2 ჩ.კოვზი შაქრიანი ვანილი

320 გრ.კარაქი

2 ს.კოვზი კონიაკი

მომზადების წესები :

შუს და ეკლერის მოხარშული ცომი – დეტალური რეცეპტი

კვერცხის გული ავთქვიფოთ მიქსერით,გავატაროთ საცერში,შევურიოთ შაქარი,შაქრიანი ვანილი ,შემოვდგათ ვეცხლზე,ვურიოთ განუწყვეტლივ შესქელებამდე.

მოდუღებული სიროფი გადავიტანოთ ცალკე თასში და გავაგრილოთ ოთხის ტემპერატურამდე.

ოთახის ტემპერატურაზე დარბილებული კარაქი ავთქვიფოთ მიქსერით,კოვზობით შევათვიფოთ სიროფი და ბოლოს კონიაკი.

მიღებული კრემით ავავსოთ შუ და ეკლერი.

მინანქარი შუს და ეკლერის გასაფორმებლად:

50 გრ.შავი შოკოლადი და 20 გრ.კარაქი გავადნოთ ორთქლის აბაზანაზე და წავუსვათ შუს.ნამცხვარი 2 საათი შევდოთ მაცივარში.

შოკოლადის კარაქი

როგორ ფიქრობთ, მხოლოდ ბავშვებს უყვართ შოკოლადის კარაქი ? მერწმუნეთ, მასზე არც მშობლები ამბობენ უარს ! 

ინგრედიენტები :

200 გრ. ნაღების კარაქი

3 ს.კოვზი რძე

2 ს.კოვზი შაქრის პუდრა

2 ს.კოვზი კაკაო

30 გრ.შოკოლადის ფილა

მომზადების წესები :

ოთახის ტემპერატურაზე დარბილებული კარაქი კოვზით გავთქვიფოთ.

კაკაო და შაქრის პუდრა ერთმანეთში შევურიოთ.

შოკოლადის ფილა დავტეხოთ,დავასხათ რძე და ორთქლის აბაზანაზე შემოვდგათ.გამდნარი შოკოლადი გავაგრილოთ.

კარაქს კოვზით შევურიოთ ჯერ  კაკაოს და შაქრის ნარევი ხოლო ამის  შემდეგ დავუმატოტ თბილი სოკოლადის მას.

შოკოლადის კარაქი გადავიტანოთ კონტეინერში და 1 საათი შევდოთ საყინულეში.

ერთი საათის შემდეგ კარაქი გამოვიტანოთ საყინულედან და შევდოთ მაცივარში.

 

 

 

 

 

ნაყინის დამზადება დიანას ფხვნილით

ინგრედიენტები :

1 ლიტრა რძე

400 გრ.დიანას ფხვნილი

100 გრ.შაქრის პუდრა

200 გრ.კარაქი

1 ქილა შედედებული რძე

ვანილი

 

მომზადების წესები :

რძე ავადუღოთ და გავაციოთ.

დიანას ფხვნილს დავაყაროთ შაქრის პუდრა,დავასხათ ცივი რძე და მიქსერით ამოვიყვანოთ.

კარაქი , შედედებული რძე ვანილი  ავთქვიფოთ  და შევათქვიფოთ ამოყვანილი დიანის მასა.

სურვილისამებრ შეგვიძლია შევურიოთ ორთქლზე გამდნარი შოკოლადი,თხილი, ქიშმიში .

 

 

ხრაშუნა ბეზეს ნამცხვარი – საბჭოთა რეცეპტი

ინგრედიენტები :

4 კვერცხის ცილა

280 გრ.შაქარი

ლომონმჟავა დანის წვერით

მომზადების წესები :

მშრალ მინანქრის ქვაბში კვერცხის ცილა ვათქვიფოთ ღრუბელივით მასის მიღებამდე,ქვაბს რომ გადმოვაბრუნებთ ,არ უნდა მოშორდეს კედლებს, შემდეგ ნელ-ნელა შევათქვიფოთ შაქარი და ლომონმჟავა.

მიღებული ბეზე გადავიტანოთ კულინარიულ ტომარაში .

ღუმელის ტაფაზე დავაფინოთ ქაღალდი,მოვაყაროთ ფქვილი და დავსვათ ბეზე ლამაზ ფორმებად.

გამომცხვარი ბეზეს ორცხობილები შევაერთოთ  “შარლოტა” კრემით.

50 – 60 გრადუსზე ბეზეს ვაშრობთ 4 საათი და მივიღებთ თეთრ ქათქათა ბეზეს.

110  გრადუსზე ვაშრობთ პირველი 15 წუთი,შემდეგ ვუწევთ 60-70 გრადუსზე ტემპერატურას და მივიღებთ  გამომცხვარ  თეთრ ბეზეს ზემოდან ნახეთქებით.

100-120 გრადუსზე ვაშრობთ ბეზეს 1-2 საათის განმავლობაში  – მივიღებთ ორცხობილა ოდნავ ყავისფერ ბეზეს.

140 – 160  გრადუსზე ვასრობთ 30-40  წუთი  – მივიღებთ ბეზეს პავლოვას დესერტისათვის,გარედან ხრაშუნა,შიგნით წელვადი.

200 გრადუსზე ,ვაცხობთ 5-10 წუთი  – მივიღებთ ზემოდან მობრაწულ  და რბილ ბეზეს.

 

 

 

კრემი” შარლოტა” -საბჭოთა რეცეპტი დესერტებისა და ტორტების გასაფორმებლად

ინგრედიენტები :

2 კვერცხის გული

1 ჭიქა შაქარი

1 ჭიქა რძე

400 გრ.შაქარი

300 – 350  გრ.კარაქი

მომზადების წესები :

კვერცხის გული ავთქვიფოთ შაქართან ერთად,დავასხათ რძე და მივიყვანოთ ადუღებამდე,ვურიოთ განუწყვეტლივ შესქელებამდე.მოდუღებული ფაფა გავაგრილოთ ოთახის ტემპერატურამდე.

კარაქი დავარბილოთ ოთახის ტემპერატურამდე,ავთქვიფოთ მიქსერით გათეთრებამდე და შემდეგ ნელ-ნელა შევათქვიფოთ ოთხის ტემპერატურამდე გაგრილებული ფაფა.კარაქს და ფაფს აუცილებლად უნდა ქონდეს ერთნაირი ტემპერატურა.

მზა კრემს შეგვიძლია დავუმატოთ ბუნებრივი საღებავები,რომი,კონიაკი, ვანილი ან ბალზამიკო სურვილისა და გემოვნების მიხედვით.

 

ხაჭოს ტორტი “ანგელოზის ცრემლები”- დესერტი,რომელიც მოლოდინს აჭარბებს

ინგრედიენტები ცომისათვის:

80 გრ.კარაქი

1 ჭიქა ფქვილი

1 კვერცხი

1 ჩ.კოვზი გამაფხვიერებელი

2  ს.კოვზი შაქარი

გულსართი:

500 გრ.ხაჭო

0,5 ჭიქა შაქარი

100 გრ.ნაღები მაღალპროცენტიანი

1 ს.კოვზი მანანის ბურღული

3 კვერცხის გული

სუფლე:

3 კვერცხის ცილა

3 ს.კოვზი შაქარი

 

მომზადების წესები :

გაცრილ ფქვილს შევურიოთ გამაფხვიერებელი,ჩავახეხოთ ცივი კარაქი ,ხელითავაფხვიეროთ,დავუმატოთ კვერცხი და შაქარი,სწრაფად მოვზილოთ ცომი,შევახვიოთ პლასტიკში და 20 წუთი შევდოთ მაცივარში.

ხაჭო დავაბლენდეროთ,შევურიოთ კვერცხის გულები,ნაღები და შაქარი.ხაჭო თავიდან დავაბლენდეროთ და მივიღებთ ერთგვაროვან მასას.

მოვამზადოთ ბეზე ;კვერცხის ცილა ავთქვიფოთ მიქსერით მყარ პიკამდე,შემდეგ ულუფობით შევათქვიფოთ შაქარი .

ცომი გავაბრტყელოთ, 24 სმ დიამეტრის ფორმაში გადავიტანოთ,0,5 სმ სიმაღლეზე გვერდები ამოვუწიოთ ,ჩავდოთ ხაჭოს გულსართი და 20-30 წუთი შევდოთ 180 გრადუსზე გახურებულ ღუმელში.შემდეგ ზემოდან  გადავანაწილოთ სუფლე და 10 წუთი კვლავ შევაბრუნოთ ღუმელში.

ტორტი გამოვიღოთ ღუმელიდან და ცხელსვე დავაფაროთ თასი.წარმოიქმნება კონდენსატი და ყვითელი ფერის ” მძივები,ცრემლები ” გაჩნდება ტორტის ზედაპირზე.

როგორ მოვამზადოთ ყველი მასკარპონე სახლის პირობებში

ინგრედიენტები :

500 მლ.35% ნაღები

1 ლიმონი

მომზადების წესები :

მომინანქრებულ ქვაბში ჩავასხათ ნაღები, 85 გრადუსამდე გავაცხელოთ,ჩავასხათ ლიმონის წვენი და კარგად აურიოთ.

1-2 წუთი გავაჩეროთ დაბალ ცეცხლზე,მთავარია არ ადუღდეს და გადმოვდგათ.

საცერში 4 ფენად გადაკეცილი მარლა  ჩავაფინოთ ,ჩავასხათ თხევადი კრემ ყველის მასა. საცერის ქვეშ მოვათავსოთ ჯამი.

მარლას თავი მოვუკრათ და დაველოდოთ შრატის დაწურვას 3-4 საათი.კრემ ყველი მასკარპონე მაცივარში ინახება 10-12 საათი.

 

ნაყინი არაჟნით

ინგრედიენტები :

700 გრ.სქელი არაჟანი

300 გრ.შედედებული რძე

1 ლიმონის ცედრა და წვენი

მმზადების წესები ;

არაჟანი და შედედებული რძე მიქსერით ავთქვიფოთ ,დავუმატოთ ლიმონის წვენი და ცედრა.თხევადი ნაყინი გადავიტანოთ კონტეინერში და გავყინოთ.ყოველ ერთ საათში ერთხელ კონტეინერშივე ავთქვიფოთ ხელის ბლენდერით  და 3 საათში ნაყინი მზადაა