ხაჭოს ტორტი “ანგელოზის ცრემლები”- დესერტი,რომელიც მოლოდინს აჭარბებს

ინგრედიენტები ცომისათვის:

80 გრ.კარაქი

1 ჭიქა ფქვილი

1 კვერცხი

1 ჩ.კოვზი გამაფხვიერებელი

2  ს.კოვზი შაქარი

გულსართი:

500 გრ.ხაჭო

0,5 ჭიქა შაქარი

100 გრ.ნაღები მაღალპროცენტიანი

1 ს.კოვზი მანანის ბურღული

3 კვერცხის გული

სუფლე:

3 კვერცხის ცილა

3 ს.კოვზი შაქარი

 

მომზადების წესები :

გაცრილ ფქვილს შევურიოთ გამაფხვიერებელი,ჩავახეხოთ ცივი კარაქი ,ხელითავაფხვიეროთ,დავუმატოთ კვერცხი და შაქარი,სწრაფად მოვზილოთ ცომი,შევახვიოთ პლასტიკში და 20 წუთი შევდოთ მაცივარში.

ხაჭო დავაბლენდეროთ,შევურიოთ კვერცხის გულები,ნაღები და შაქარი.ხაჭო თავიდან დავაბლენდეროთ და მივიღებთ ერთგვაროვან მასას.

მოვამზადოთ ბეზე ;კვერცხის ცილა ავთქვიფოთ მიქსერით მყარ პიკამდე,შემდეგ ულუფობით შევათქვიფოთ შაქარი .

ცომი გავაბრტყელოთ, 24 სმ დიამეტრის ფორმაში გადავიტანოთ,0,5 სმ სიმაღლეზე გვერდები ამოვუწიოთ ,ჩავდოთ ხაჭოს გულსართი და 20-30 წუთი შევდოთ 180 გრადუსზე გახურებულ ღუმელში.შემდეგ ზემოდან  გადავანაწილოთ სუფლე და 10 წუთი კვლავ შევაბრუნოთ ღუმელში.

ტორტი გამოვიღოთ ღუმელიდან და ცხელსვე დავაფაროთ თასი.წარმოიქმნება კონდენსატი და ყვითელი ფერის ” მძივები,ცრემლები ” გაჩნდება ტორტის ზედაპირზე.

როგორ მოვამზადოთ ყველი მასკარპონე სახლის პირობებში

ინგრედიენტები:

500 მლ.35% ნაღები

1 ლიმონი

 

მომინანქრებულ ქვაბში ჩავასხათ ნაღები, 85 გრადუსამდე გავაცხელოთ,ჩავასხათ ლიმონის წვენი და კარგად აურიოთ.

1-2 წუთი გავაჩეროთ დაბალ ცეცხლზე,მთავარია არ ადუღდეს და გადმოვდგათ.

საცერში 4 ფენად გადაკეცილი მარლა  ჩავაფინოთ ,ჩავასხათ თხევადი კრემ ყველის მასა. საცერის ქვეშ მოვათავსოთ ჯამი.

მარლას თავი მოვუკრათ და დაველოდოთ შრატის დაწურვას 3-4 საათი.კრემ ყველი მასკარპონე მაცივარში ინახება 10-12 საათი.

 

ნაყინი არაჟნით

ინგრედიენტები:

700 გრ.სქელი არაჟანი

300 გრ.შედედებული რძე

1 ლიმონის ცედრა და წვენი

 

არაჟანი და შედედებული რძე მიქსერით ავთქვიფოთ ,დავუმატოთ ლიმონის წვენი და ცედრა.თხევადი ნაყინი გადავიტანოთ კონტეინერში და გავყინოთ.ყოველ ერთ საათში ერთხელ კონტეინერშივე ავთქვიფოთ ხელის ბლენდერით  და 3 საათში ნაყინი მზადაა

საზამთროს ნაყინი

ინგრედიენტები:

400 გრ.საზამთრო ( კურკებგამოცლილი)

1 ს.კოვზი  შაქრის პუდრა

200 მლ 35% ნაღები

საზამთრო დავაბლენდეროთ და შევურიოთ შაქრის პუდრა.

ცივი ნაღები მიქსერით ამოვიყვანოთ,დავუმატოთ საზამთროს პიურე.

თხევადი ნაყინი გადავიტანოთ კონტეინეტში და შევდოთ საყინულეში.ყოველ ერთ  საათში ერთხელ მიქსერით ავთქვიფოთ ნაყენი და 5 საათში მზად არის.

ავოკადოს ნაყინი თაფლით

ინგრედიენტები

500 მლ.ნაღები 35%

3 კვერცხის გული

300 გრ.შაქარი

2 ავოკადო

50 გრ.თაფლი

1 ლაიმა

1 ლიმონი

მარილი

 

ავოკადოს რბილობი,  თაფლი,შაქარი,ლიმონი და ლაიმას წვენი,ცედრა  და  მარილი ერთად დავაბლენდეროთ.

კვარცხის გული გავთქვიფოთ,დავასხათ ნაღები , შემოვდგათ დაბალ ცეცხლზე ,მივიყვანოთ ადუღებამდე.როგორც კი პირველივე ბუშტუკები გაჩნდება გადმოვდგათ. ნაყინის მოსამზადებლად დაგვჭირდება მთლიანი მასის 500 მლ.

250 მლ. ნაღები ჩავასხათ ბლენდერში და დავაბლენდეროთ ავოკადოს მასასთან ერთად,რომ გახდეს ერთგვაროვანი.შემდეგ შევურიოთ ნაღების მეორე ნახევარი.თხევადი ნაყინი გადავიტანოთ ჭიქებში და საყინულეში 2 საათი გავყინოთ.

.

 

 

 

ყავის ნაყინი

4 კვერცხის გული

20 გრ.უნალექო ყავა

80 გრ.შაქარი

200 მლ.რძე

200 მლ.33% ნაღები

 

ჭურჭელში რძე ჩავასხათ, უნალექო ყავა დავუმატოთ,სითხე ავადუღოთ ,ცეცხლი გამოვრთოთ და გაციებას დაველოდოთ.

კვერცხის გულებისა და შაქრისაგან გავაკეთოთ გოგლიმოგლი.

გოგლიმოგლი ჩავასხათ მოდურებულ რძეში,ცეცხლზე შემოვდგათ და ვურიოთ გასქელებამდე,არავითარ შემთხვევაში არ ავადუღოთ  და  ეს მასა გასაციებლად მაცივარში შევდოთ.

ძალიან კარგად გაციებული ნაღები ამოვიყვანოთ ,შევურიოთ მოდუღებული მასა და გადავიტანოთ ახალ ჭურჭელში,მოვათავსოთ საყინულეში,ყოველ 3 საათში ერთხელ კარგად ავურიოთ და 9 საათში ჩვენი  მომზადებული ნაყინი მზად არის.

ჟოლოსა და მაყვლის ნაყინი შოკოლადის ორცხობილით

ინგრდიენტები:

80 გრ.ჟოლო

80 გრ.მაყვალი

3 კვერცხი

36% ნაღები 250 მლ

200 გრ.შაქარი

60 გრ.შოკოლადის  ორცხობილა ვანილის კრემით

 

ჟოლო და მაყვალი დავაბლენდეროთ.

კვერცხის გული შევურიოთ ნაღებს,დავდგათ ცეცხლზე,განუწყვეტლივ ვურიოთ კოვზით  და მივიყვანოთ ადუღებამდე.როგორც კი პირველივე ბუშტუკები გაჩნდება,ცეცხლიდან გადმოვდგათ,რომ კვერცხი არ აგვეჭრას და ნაყინის გემო არ გაგვიფუჭოს.ადუღებამდე მიყვანილი ნაღები  ოდნავ გავაციოთ.

ცალკე ამოვიყვანოთ კვერცხის ცილა შაქართან ერთად,შევურიოთ ნაღები და ხილის პიურე , შიგნით ჩავყაროთ მსხვილად დატეხილი ორცხობილები და საყინულეში მოვათავსოთ 1-1,5 საათი.

წყარო :იუთუბი,გადაცემა გურმანია 15 ივნისი 2017წელი

შოკოლადის ნაყინი “ჯელატო” – იტალიური სამზარეულო

ინგრედიენტები :

200 მლ.ნატურალური რძე

250 მლ.მაღალპროცენტიანი ნაღები

4 კვერცხის გული

150 გრ.შაქარი

50 გრამი შავი შოკოლადის ფილა

50 გრ.კაკოს ფხვნილი

ვანილი

მომზადების წესები :

რძე და ნაღები ერთმანეთში  შევურიოთ,დავუმატოთ 75 გრ. შაქარი და მივიყვანოთ ადუღებამდე.სითხე ოდნავ გავაგრილოთ.

კვერცხის გულები ავთქვიფოთ დანარჩენ შაქართან ერთად,დავუმატოთ ვანილი, კაკოს ფხვნილი, დავასხათ სითხე, ვთქვიფოთ მიქსერით, შემოვდგათ ორთქლის აბაზანაზე,განუწყვეტლივ ვურიოთ შესქელებამდე,არ უნდა ავადუღოთ.შესქელებული მასა გავატაროთ საცერში.ცხელშივე ჩავყაროთ დატეხილი შოკოლადის ფილა და კარგად მოვურიოთ.

ქვაბი წყლიან ჭურჭელში მოვათავსოთ და ისე გავაგრილოთ,შემდეგ გასაყინ ფორმაში გადავიტანოთ და შევდოთ საყინულეში.ყოველ ერთ საათში ერთხელ გამოვიღოთ მაცივრიდან,ავურიოთ და 6 საათში ნაყინი მზად არის.

იტალიური ნაყინი – ”ჯელატო”

ინგრედიენტები :

250 მლ.ნატურალური რძე

250 მლ.მაღალპროცენტიანი ნაღები

4 კვერცხის გული

150 გრ.შაქარი

ვანილი

მომზადების წესები :

რძე და ნაღები ერთმანეთში  შევურიოთ,დავუმატოთ 75 გრ. შაქარი და მივიყვანოთ ადუღებამდე.სითხე ოდნავ გავაგრილოთ.

კვერცხის გულები ავთქვიფოთ დანარჩენ შაქართან ერთად,დავუმატოთ ვანილი,დავასხათ სითხე, ვთქვიფოთ მიქსერით, შემოვდგათ ორთქლის აბაზანაზე,განუწყვეტლივ ვურიოთ შესქელებამდე,არ უნდა ავადუღოთ.შესქელებული მასა გავატაროთ საცერში.

ქვაბი წყლიან ჭურჭელში მოვათავსოთ და ისე გავაგრილოთ,შემდეგ გასაყინ ფორმაში გადავიტანოთ და შევდოთ საყინულეში.ყოველ ერთ საათში ერთხელ გამოვიღოთ მაცივრიდან,ავურიოთ და 6 საათში ნაყინი მზად არის.

ღვინის ნაყინი – საოცარი დესერტი

ინგრედიენტები:

3 კვერცხი

0,5 ჭიქა ნაღები

4-5 ს.კოვზი შაქარის პუდრა

6-7 კოვზი ღვინო ხვანჭკარა

კვერცხის გულები და შაქარი ავთქვიფოთ,დავუმატოთ ღვინო,შემოვდგათ ორთქლის აბაზანაზე და ვურიოთ განუწყვეტლივ შესქელაბამდე.

ცალ -ცალკე  ამოვიყვანოთ ნაღები და კვერცხის ცილა.

შესქელებული კვერცხის  მასა ჯერ შევურიოთ ნაღებში,შემდეგ კი დავუმატოთ კვერცხის ცილა.ნაყინის მასა გადავიტანოთ ჭურჭელში,დავახუროთ თავსახური და შევდოთ საყინულეში .ყოველ  საათში ერთხელ კარგად ავურიოთ და 4 საათში ნაყინი მზად არის.