სადღესასწაულო ტორტი “ბაჭია”

ძალიან ლამაზი თეთრი სააღდგომო  “ბაჭია”დაამშვენებს ნებისმიერ ტკბილ სუფრას . გარდა ამისა, მისი შესრულება ძალიან მარტივია, რადგან არ არის საჭირო მუცლისა  და ყურების გამოძერწვა .

მომზადების წესები :

გამოვაცხოთ ბისკვიტი ნებისმიერი ფორმით, რომელსაც აქვს ნახევარსფეროს ფორმა.ბისკვიტი გავჭრათ  შუაზე .ფენებს შორის წავუსვათ კრემი.

ბისკვიტი გარედან მთლიანად დავფაროთ კრემით.

ჩამონაჭრელებით დავამზადოთ ბურთები,რომლებსაც  ჯერ ამოვსვრით კრემში და შემდეგ ქოქოსის ფანტელებში.

ჩვენ ასევე ვფარავთ სხეულს ქოქოსის ფანტელებით .

ბაჭიას თათები გამოვძერწოთ მასტიკით ან ზეფირით,ხოლო ბალიშები ვარდისფერი მასტიკით.

სადგამზე დავაკრათ მწვანე ფერის მასტიკა და  მიღებულ მინდორზე დავდოთ ბაჭიას სხეული.

შოკოლადის ორცხობილა დავაქუცმაცოთ და ირგვლივ მოვაყაროთ,ვითომ მიწაა.სხეულს გავუკეთოთ თათები და ჩავამაგროთ კუდი.

 

ხაჭოს კრემი შედედებული რძით დესერტებისა და ნამცხვრებისათვის

  წარმოუდგენლად მსუბუქი და დელიკატური ხაჭოს კრემი, რომელიც გამოიყენება ტარტლეტების,  შუს ,ეკლერისან  სხვა საკონდიტრო ნაწარმისთვის. მე მზად ვარ გაგიზიაროთ ჩემი საყვარელი  ხაჭოს კრემის  რეცეპტი.

    ეს არის ძირითადი  საბაზისო რეცეპტი, რომლის მომზადებაც მარტივია. არაჩვეულებრივად გემრიელი დესერტი აღმოჩნდება, თუ თქვენს საყვარელ კენკრას დაამატებთ მზა კრემს. ხაჭოსგან კრემის დამზადებას მხოლოდ რამდენიმე წუთი დაგჭირდებათ.  სანამ  კრემი  მაცივარში “დაისვენებს”, შეგიძლიათ გამოაცხოთ ბისკვიტი.

ინგრედიენტები :

300 გრ.ხაჭო

175 გრ.ნაღების კარაქი

1 სუფრის კოვზი კონიაკი

1 შეკვრა შაქრიანი ვანილი

65 გრ.შედედებული რძე

90 გრ.შაქრის პუდრა

მომზადების წესები :

ხაჭო დაბაბლენდეროთ.

175 გრ.კარაქი და შაქრის პუდრა  ვანილი ავთქვიფოთ.

ტკბილ კარაქს შევათქვიფოთ ულუფობით შედედებული რძე, დაბლენდერებული ხაჭო და ბოლოს კონიაკი.

 

 

ფენებიანი ნამცხვარი ჩიტის რძე

ინგრედიენტები :

კარაქი – 100 გრ.

შაქარი – 220 გრ.

კვერცხი – 2 ცალი.

რძე – 55 გრ.

თაფლი – 200 გრ.

სოდა – 1 ჩ.კ.

კრემი:

რძე – 500 მლ.

შაქარი – 440 გრ.

ფქვილი – 3 სუფრის კოვზი

ვანილი

კარაქი – 200 გრ.

კონიაკი – 20 მლ.

მინანქარი:

შოკოლადი (მწარე) – 100 გრ.

რძე – 50 გრ

კაკაო – 20 გრ.

კარაქი – 35 გრ.

მომზადების პროცესი:

ღრმა ჭურჭელში ავურიოთ რბილი კარაქი, შაქარი (220 გრ)და  თაფლი. ჭურჭელი შემოვდგათ  წყლის აბაზანა. როდესაც მასა ოდნავ გადნება, მას დავუმატოთ რძე და კვერცხი. როგორც კი ქაფი გაჩნდება გადმოვდგათ  გაზქურიდან და დავამატოთ  ფქვილი . ცომი მოვზილოთ.

ცომი გადმოვიტანოთ ფქვილმოყრილ მაგიდაზე,გავყოთ 6 ნაწილად და მივცეთ მეგვალი ფორმა. თითოეული გუნდა გავიყვანოთ  და 7-10 წუთის განმავლობაში გამოვაცხოთ.

კრემის მომზადება:

შევურიოთ ფქვილი ვანილი და შაქარი.

მშრალი ინგრედიენტები გავხსნათ რძეში და მოვადუღოთ ფაფა.

ფაფა გავაგრილოთ და შევათქვიფოთ კარაქი.

ავაწყოთ ნამცხვარი:  ხუთ ფენას  წავუსვათ კრემი ,მეექვსე ფენას კი კრემს არ წავუსმეთ და ერთმანეთზე დავაწყობთ.ნამცხვარი შევდოთ მაცივარში 5-6 საათი და ამის შემდეგ ზემოდან გადავუსმეთ მინანქარს.

მინანქრის მომზადება:

შოკოლადი დავტახოთ,დავასხათ რძე,დავუმატოთ კაკაო და კარაქი,შემოვდგათ ორთქლის აბაზანაზე,ვურიოთ, მივიღებთ ერთგვაროვან მასას  და გადავასხათ ნამცხვარს.

გემრიელად მიირთვით!

ამერიკული ლაიმის პეროგი

ლაიმის პეროგი  ხრაშუნა ფხვიერი ცომით  და დელიკატური გულსართით

ინგრედიენტები :

400 გრ  ორცხობილა

40 გრ კარაქი (82%)

400 გრ შედედებული რძე

200 გრ კვერცხი

200 გრ კრემყველი

120 მლ ლაიმის წვენი

ორი ლაიმის ცედრა

მომზადების წესები :

პირველ რიგში მოვამზადოთ გულსართი.

შევურიოთ შედედებული რძე, კვერცხი და ნაღების კრემყველი.

 ლაიმის კანი გავხეხოთ ,გავწუროთ. ცედრას დავასხათ წვენი და შემოვდგათ ცეცხლზე, მანამ სანამ სითხე  არ აორთქლდება.

ძირითად მასას შევურიოთ ლაიმის ცედრა.

პეროგის ცომის მომზადება:

ორცხობილა დავფშვნათ და შევურიოთ  გამდნარი კარაქი,

მოვათავსოთ მასა  ტარტის ფორმაში, ჩავტკეპნოთ ძირზე და ამოვიყვანოთ გვერდებზე.

ცომის თასში ჩავასხათ გულსართი.

ჩავრთოთ ღუმელი 170C ტემპერატურაზე.

გამოვაცხოთ  25-30 წუთის განმავლობაში.

ნამცხვარი მაცივარში გავაჩეროთ 3-4 საათი

შვეიცარიული მერენგა:

2 კვერცხის ცილა

40 გრ შაქარი

40 გრ შაქრის ფხვნილი

წაიკითხეთ შვეიცარული მერენგის მომზადება აქ http://livemaster.ge/12928

ამერიკული ლაიმის პეროგი მოვრთოთ შვეიცარული მერენგათი ,კენკრით ან ჩვენი გემოვნებით.

 

შოკოლადის ტორტი მოხარშული კრემით თუ პეროგი ” ვულკანი “

შოკოლადის  დესერტი ” ვულკანი ” – ზოგი მას ტორტს უწოდებს,ზოგი კი პეროგს,  მაგრამ ამას ხომ მნიშვნელობა არ აქვს. იგი არის  ფაფუკი და ლამაზი, მკვეთრად გამოხატული შოკოლადის არომატით.

ინგრედიენტები :

3 კვერცხი

300 გრ.შაქარი

300 გრ.ფქვილი

200 გრ.შოკოლადის ფილა

60 გრ.კაკოს ფხვნილი

160 გრ.არაჟანი( 20 %)

140 გრ.კარაქი ( 82%)

160 მლ.მდუღარე წყალი

8 გრ.გამაფხვიარებელი

8 გრ. სოდა

ვანილის მოხარშული კრემი

6 კვერცხის გული

800 მლ.რძე

40 გრ.ფქვილი

40 გრ.სიმინდის სახამებელი

160 გრ.შაქარი

1 ვანილის ჩხირი

დეკორისათვის : 

200 გრ.შავი შოკოლადი

30 მლ.ზეთი

160 გრ.მოხალული ნიგოზი

მომზადების წესები :

ავიღოთ 26 სმ დიამეტრის ფორმა. ჩავაფინოთ ქაღალდი და გვერდებზე მოვუსვათ ცხიმი.

ღუმელი გავახუროთ 170 გრადუსზე.

შოკოლადი და კარაქი გავადნოთ ერთად ორთქლის აბაზანაზე.

ფქვილი, კაკაოს ფხვნილი, სოდა და გამაფხვიერებელი შევურიოთ.

კვერცხი ,არაჟანი და შაქარი ავთქვიფოთ, ჩავუმატოთ შოკოლადი კარაქთან ერთად და ბოლოს გაცრილი მშრალი ინგრედიენტები, მოვურიოთ.

ამის შემდეგ დავასხათ ადუღებული წყალი და კიდევ მოვურიოთ.

მოვამზადოთ ვანილის მოხარშული კრემი.

ვანილის ჩხირიდან  “ხიზილალა ”  ამოვიღოთ და ჩავდოთ რძეში.

რძე გავაცხელოთ.

კვერცხი, შაქარი, ფქვილი და სახამებელი ერთმანეთში შევურიოთ, დავასხათ 1/3 ცხელი რძე, მოვურიოთ და  ისე შევურიოთ  დარჩენილ ცხელ რძეში.

მასას განუწყვეტლივ ვურიოთ კოვზით გასქელებამდე, 30-40 წამი ვადუღოთ და ჩავაგდოთ კარაქი.

კრემი გადავიტანოთ საკონდიტრო ტომარაში.

ფორმაში გადავიტანოთ ცომი, ცენტრში მოვათავსოთ კრემი, ზედაპირი   გავასწოროთ,გამოვაცხოთ  დაახლოებით 35 წუთი, გააჩნია ღუმელს.

ზემოდან დეკორისათვის: შოკოლადი გავადნოთ,შევურიოთ ზეთი და  თუ სურვილი გვაქვს მოხალული ნიგოზი.

მე გირჩევთ,რომ ბოლო ეტაპი არ  გამოტოვოთ,რადგანაც  ამ ტორტს თუ პეროგს მოხალული ნიგოზი ძალიან უხდება.

 

 

 

 

 

 

ბელგიური ვაფლი

ბელგიური ვაფლი

ინგრედიენტები :

3 კვერცხი

125 გრ.კარაქი

250 გრ.ფქვილი

75 გრ.შაქარი

250 მლ.რძე

125 მლ.მინერალური წყალი

1/4 ჩაის კოვზი გამაფხვიერებელი

ვანილი

მწიკვი მარილი

მომზადების წესები :

კვერცხები გავაცალკავოთ ცილისა და გულისაგან. ცილა ცალკე ავთქვიფოთ.

კვერცხის გულები,  შაქარი და  კარაქი ავთქვიფოთ ერთად.

რძეს  შევურიოთ ფქვილი გამაფხვიერებელთან  ერთად და შემდეგ კარაქთან და შაქართან ერთად გათქვეფილი კვერცხის გულები.

ამის შემდეგ დავუმატოთ   ცალკე  გათქვეფილიკვერცხის ცილა და მინერალური წყალი.

გამოვაცხოთ ვაფლის საცხობ ფორმაში.

 

 

 

 

 

 

 

 

 

 

კომშის ტორტი

ინგრედიენტები :

6 კვერცხი

6 ს.კოვზი შაქარი

6 ს.კოვზი ფქვილი

1 ჩ.კოვზი გამაფხვიერებელი( თუ კარგი ღუმელი გაქვთ,გამაფხვიერებელი არ უნდა)

შაქრიანი ვანილი

მწიკვი მარილი

 

მომზადების წესები :

ღუმელი ჩავრთოთ და გავახუროთ 220 გრადუსზე.

კვერცხის გულები და ცილა გავაცალკავოთ.

კვერცხის ცილაში ჩავყაროთ მწიკვი მარილი და  3 ს.კოვზ  შაქრთან ერთად მოვამზადოთ ბეზე.ვთქვიფოთ მიქსერით.

ცალკე ავთქვიფოთ კვერცხის გულები გათეთრებამდე 3ს.კოვზ შაქართან ერთად.

გოგლიმოგლში ხის კოვზით ან ნიჩბით შევურიოთ ბეზე.

ფქვილს შევურიოთ შაქრიანი ვანილი და ხის კოვზით ან კულინარიული ნიჩბით  ნაზად შევურიოთ კვერცხიან მასას.გაგრძელება იხ. აქ http://livemaster.ge/795

ნაღების კრემი ;

700 გრ.ნაღები 33%-იანი

300 გრ.შაქრის პუდრა

10 გრ.ჟელატინი

ვანილი

მომზადების წესები :

ჟელატინი დავალბოთ და 15-20 წუთი გავაჩეროთ ასაფუებლად.

ცივი ნაღები ავთქვიფოთ მიქსერით.როგორც კი მოცულობაში გაიზრდება და გასქელდება ,შევათქვიფოთ შაქრის პუდრა და თბილი გამდნარი ჟელატინი.ვთქვიფოთ სწრაფად,რომ ჟელატინის კოშტები არ წარმოიქნას.

ლიმონის სიროფი:

1 დიდი ზომის ლიმონი ( 4 სუფრის კოვზი წვენი)

3/4 ჭიქა წყალი

1 სუფრის კოვზი შაქარი

მოვამზადოთ ლიმონის სიროფი: თბილ წყალში გავხსნათ შაქარი და ჩავასხათ ლიმონის წვენი.

კომშის ჟელე

3 მსხვილი კომში

6 სუფრის კოვზი შაქარი

500 მლ.წყალი

12 გრ.ჟელატინი

მომზადების წესები :

კომში გავთალოთ,გული გამოვუღოთ.

კურკებს და ქერქს დავასხათ წყალი და ვხარშთ 10 წუთი.

კომში  დავჭრათ კუბებად.

სითხე გავატროთ საცერში,ქერქები და გულები გადავყაროთ.

ჟელატინი დავალბოთ.

ნახარშში ჩავყაროთ  კომშის ნაჭრები,ვადუღოთ 10 წუთი და შემდეგ ჩავდოთ აფუებული ჟელატინი..

20 დიამეტრის ფორმას ძირზე შემოვახვიოთ ფოლგა, ჩავასხათ კომშის ჟელე და 1 საათი შევდოთ საყინულეში.

ტორტის აწყობა:

ბისკვიტი გავჭრათ 2 ნაწილად და დავნამოთ ლიმონის სიროფით.

22 დიამეტრის ფორმაში ჩავაფინოთ ბისკვიტის ერთი ნაწილი.

კრემი გადავიტანოთ საკონდიტრო ტომარაში  და ამოვავსოთ სიცარიელე ბისკვიტსა და ფორმას შორის.ასევე კრემი თანაბრად გადავანაწილოთ ბისკვიტზე ზემოდან  და მასზე  მოვათავსოთ  ჟელე.

ჟელეს წავუსვათ  კრემი. ასეთი სახით შევდოთ საყინულეში 1 საათი.

გამოვიტანოთ მაცივრიდან, კრემზე ზემოდან დავდოთ ბისკვიტის მეორე ნახევარი, ისევ ამოვავსოთ სიცარიელე ბისკვიტსა და ფორმას შორის,ფირფიტას  წავუსვათ  კრემი და შევდოთ მაცივარში.

ტორტი ზემოდან გავაფორმოთ შოკოლადის სარკისებრი მინანქრით ან ჩვენი გემოვნებით.

 

 

 

 

უნგრული კომშის პეროგი

ინგრედიენტები :

200 გრ.ფქვილი

100 გრ.მარგარინი ან კარაქი

100 გრ.შაქრის პუდრა

4 კვერცხის გული

1 -2 ს.კოვზი ცივი წყალი

გულასრთი:

4 კომში

150 გრ.შაქარი

ბეზე:

4 კვერცხის ცილა + 4 სუფრის კოვზი შაქარი

მომზადების წესები :

კვერცხის გულები  მსუბუქად ავთქვიფოთ შევურიოთ წყალი.

ფქვილი ჩავყაროთ თასში,ჩავახეხოთ  ცივი მარგარინი ,ხელის თითებით ავაფხვიეროთ,,დავუმატოთ შაქრის პუდრა, შევურიოთ კვერცხის გული და მოვზილოთ სწრაფად ცომი.

ცომი შევახვიოთ პლასტიკში და შევდოთ საყინულეში ნახევარი საათი.

მრგვალ ან ოთხკუთხედ ფორმაში  ჩავდოთ ცომი, ძირი ჩავგლით დავჩხვლიტოთ, ზემოდან დავაფაროთ საცხობი ქაღალდი,დავადოთ სიმძიმე.

 

გამოვაცხოთ 180 გრადუსზე წინასწარ გახურებულ ღუმელში 15 წუთი,შემდეგ  . გამოვიტანოთ ფორმა ღუმელიდან, მოვაშოროთ სიმძიმე,სწრაფად ცომის ზემოდან მოვათავსოთ გულსართი: მსხვილ სახეხზე  გახეხილი კომში შაქრით.

შევაბრუნოთ  ნამცხვარი ღუმელში გამოსაცხობად კიდევ 20-25 წუთი.

ამასობაში მოვამზადოთ კვერცხის ცილითა და შაქრით ბეზე.

ამასობაში მოვამზადოთ კვერცხის ცილითა და შაქრით ბეზე.

ფორმა ისევ გამოვიღოთ ღუმელიდან .ტორტის ზემოდან გადავანაწილოთ თანაბრად ბეზე ,შევაბრუნოთ ღუმელში და გამოვაცხოთ მანამ, სანამ ბეზე  ზემოდან ფერს შეიცვლის.

 

 

 

 

 

შოკოლადის ოლადები ნიგვზით

ინგრედიენტები :

200 მლ.მაწონი

30 გრ.კაკაო

30 გრ.ნიგოზი

1 კვერცხი

3 სუფრის კოვზი შაქარი

1  ჭიქა ფქვილი

1 ჩაის კოვზი გავაფხვიერებელი

1/2 ჩაის კოვზი სოდა

მომზადების წესები :

თასში ჩავასხათ ოთახის ტემპერატურის ( საიდუმლო ნომერი 1) მაწონი.

მაწონს შევურიოთ კვერცხი მსუბუქად ავთქვიფოთ.

ნიგოზი დავაბლენდეროთ.

სითხეში ჩავყაროთ სოდა,მოვურიოთ, გაჩნდება ბუშტუკები და როცა უკვე რეაქცია მინელებას დაიწყებს,დავუმატოთ გამაფხვიერებელი ( საიდუმლო ნომერი 2).

თხევად მასას დავუმატოთ მცირე რაოდენობის შაქარი.ოლადების ცომი არ უნდა იყოს ტკბილი,რადგანაც შეწვისას გარედან დაიწვება და შიგნით იქნება უმი ( საიდუმლო ნომერი 3).

მასას დავუმატოთ მარილი.

ფქვილი აუცილებლად უნდა გავცრად და უნდა იყოს უმარლესი ხარისხის( საიდუმლო ნომერი 4).

გაცრილი ფქვილი ჩავყაროთ თასში და დავასხათ თხევადი მასა, კაკაო,ნიგოზი მოვურიოთ კოვზით ან ჩანგლით.მიქსერის ან სათქვეფის გამოყენება ამ ეტაპზე არ შეიძლება ( საიდუმლო ნომერი 5).

მოვზილოთ არაჟნის კონსისტენციის ცომი და დავასვენოთ 15 წუთი.

ცომს მოვურიოთ,კოვზით დავსვათ ბურთები გაცხელებულ ზეთიან  სქელძირიან( საიდუმლო ნომერი 6) ტაფაზე ,დავახუროთ თავსახური და შევწვათ ორივე მხრიდან.

შოკოლადის  ოლადები დიდი რაოდენობის ზეთში არ უნდა შევწვათ.შეწვის მომენტში იგი იწოვს ზეთს და შიგნით რჩება უმი ( საიდუმლო ნომერი 7).

შოკოლადის ოლადიკებს გადავუსვათ შაქრის მინანქარი და მოვაყაროთ ნიგოზი.

შოკოლადის ოლადიკები ნიგვზით მივირთვათ გემრიელიად!

 

გოგრის მაჭკატები

ინგრედიენტები :

150 გრ.გოგრა

10 გრ.შაქარი

2 ჩაის კოვზი ფქვილი

1 კვეცხის გული

2 გრ.დარიჩინი

3 გრ.შაქრიანი ვანილი

30 გრ.თაფლი

მომზადების წესები :

გოგრა გავრეცხოთ, არ გავთალოთ და ისე მსხვილ სახეხზე გავხეხოთ .

გახეხილ მასას შევურიოთ შაქარი,მარილი,დარიჩინი,შაქრიანი ვანილი,კვერცხის გული,ფქვილი და მოვურიოთ.

გოგრის მაჭკატები ( ოლადები) დავსვათ გაცხელებულ ზეთიან ტაფაზე და შევწვათ ორივე მხრიდან.

გოგრის მაჭკატები ძალიან გემრიელია და მივირთვათ თაფლთან ერთად!