ხაჭოს სირნიკები,ოლადები ( მაჭკატები ) – იდეალური ბლინები

ინგრედიენტები :

500 გრ. მშრალი ხაჭო ( 5%)

50 გრ.კვერცხის გული +40 გრ.ცილა ანუ 1 კვერცხი და 2 კვერცხის გული

50 გრ.ფქვილი

25 გრ. შაქარი

მწიკვი მარილი

100 გრ ფქვილი სირნიკების ამოსასვრელად

მომზადების წესები :

ხაჭოს სირნიკების მომზადებისას გაითვალისწინეთ,რომ ხაჭო უნდა იყოს მშრალი , ნაკლებცხიმიანი და აუცილებლად უნდა დავიცვათ გრამაჟი.

ხაჭო გავატაროთ საცერში.

ინგრედიენტებით მოვზილოთ ცომი.

მაგიდაზე დავყაროთ  100 გრ.ფქვილი

ხაჭოს ცომისგან მოვამზადოთ ბურთულები და ამოვსვაროთ ფქვილში.

სირნიკები შევწვათ ზეთში ტაფაზე.

 

როგორ მოვამზადოთ დესერტები კულიჩის ორცხობილისაგან – 5 განსხვავებული რეცეპტი

როცა აღდგომის დღესასწაული ჩაივლის,თითქმის ყველას გვრჩება  გამომშრალი კულიჩის ( ხატის პური) ნარჩენები , მათი გადაყრა კი  ძალიან დასანანია.ჩვენ შეგვიძლია მოვამზადოთ გამომშრალი  პასკის  ( სუხარი) ნაჭრებისაგან  საუკეთესო და გემრიელი დესერტები.

 ზარმაცების შარლოტკა

ინგრედიენტები :

გამომშრალი კულიჩის  ორცხობილა( სუხარი)

2 კვერცხი

2 ვაშლი

2 ს.კოვზი შაქარი

1 ს.კოვზი საფანელი

1 ს.კოვზი მარგარინი

1,5 ჭიქა რძე

0,5 შავი ქლიავის ჩირი

0,5 ჭიქა ნიგოზი

მომზადების წესები :

გამომშრალი კულიჩი დავჭრათ ნაჭრებად.

შაქარი და კვერცხი ავთქვიფოთ,შევურიოთ რძე.

ვაშლი გავრეცხოთ,გავთალოთ,გული გამოვაცალოთ და დავჭრათ .

შავი ქლიავი გავრეცხოთ,დავასხათ ცხელი წყალი,ცოტა ხნით გავაჩეროთ ,შემდეგ დავწრიტოთ ან შევამშრალოთ ქაღალდის ხელსახოცით.

გულსართის დამზადება: შევურიოთ დაჭრილი შავი ქლიავი,ვაშლი და დატეხილი თხილი.

ფორმას ფსკერზე და გვერდებზე  მოვაუსვათ ცხიმი ,მოვაყაროთ საფანელი .

კულიჩის ნაჭრები დავალბოთ კვერცხისა და რძის ნარევში.

ფორმის ფსკერზე და გვერდებზე  ერთ ფენად დავაწყოთ დამბალი კულიჩის ნაჭრები,დავაყაროთ გულსართი ,დავაწყოთ ზემოდან კულიჩის ნაჭრები,მოვასხათ დარჩენილი კვერცხისა და რძის ნარევი.

გამოვაცხოთ ღუმელში 20-30 წუთი.

ჰაეროვანი პეროგი კულიჩის ნარჩენებისაგან

ინგრედიენტები :

350 გრ.კულიჩის ორცხობილა( სუხარი)

200 მლ.რძე

100-159 გრ.კარაქი

5 კვერცხი

60 გრ.კარაქი

100 გრ.არაჟანი

80 გრ.ნიგოზი

80 გრ.შოკოლადი

საფანელი

მომზადების წესები :

კულიჩის  ხმელი ნაჭრები დავალბოთ რძეში.

ფორმას წავუსვათ კარაქი და მოვაყაროთ საფანელი.

კარაქი გავალღოთ და გავაგრილოთ.

ცალკე ავთქვიფოთ კვერცხის ცილა მწიკ მარილთან ერთად.

კვერცხის გულები ავთქვიფოთ შაქართან ერთად, შევურიოთ არაჟანი და გამდნარი კარაქი.ეს მასა დავასხათ კულიჩის ნაჭრებს და კარგად დავაბლემდეროთ ხელის ბლენდერით,რომ არ დაგვრჩეს  კულიჩის მსხვილი ნაწილაკები.

ცომში შევურიოთ ათქვეფილი კვერცხის ცილა ,დაჭრილი თხილი და შოკოლადი.

ცომი გადავიტანოთ ფორმაში და 200 გრადუსზე გამოვაცხოთ.

პეროგი გავაგრილოთ და მოვაყაროთ შაქრის პუდრა.

კულიჩის ტორტი

ინგრედიენტები :

კულიჩის ორცხობილა ( სუხარი)

30% ნაღები 500 მლ

100 გრ.შაქარი

ხილის სიროფი

ატმის კონსერვი

მომზადების წესები ;

კულიჩის ნაჭრები დავნამოთ ხილის სიროფით.

ნაღები ავთქვიფოთ მყარ  პიკამდე და შევურიოთ შაქარი.

ფორმაში ფენა-ფენა ჩავალაგოთ კულიჩის ნაჭრები, ფენებს შორის და ზემოდან  წავუსვათ ნაღების კრემი და დავალაგოთ დაჭრილი ატმები.

ზედა ფენა გავაფორმოთ დაჭრილი ატმებით.

დესერტი  შევდოთ მაცივარში 6 საათი და ამის შემდეგ მივირთვათ.

ფორთოხლის დესერტი

ინგრედიენტები :

კულიჩის ნაჭრები

0,5 ჭიქა ფორთოხლის წვენი

1 30 % ჭიქა ნაღები

1/3 ჭიქა შაქრის პუდრა

ბანანი,კივი,ფორთოხალი

შოკოლადი,ლიქიორი

 მომზადების წესები :

ფორთოხლის წვენში ჩავყაროთ შაქარი და მივიყვანოთ ადუღებამდე,შაქრის გადნობამდე.

სიროფი გავაგრილოთ და შევურიოთ ლიქიორი.

მიღებული სიროფით დავნამოთ კულიჩის  ორცხობილის ნაჭრები

ცივი ნაღები ავთქვიფოთ მყარ პიკამდე,შევურიოთ შაქრის პუდრა და გავაციოთ.

ფორმებში ფენა-ფენა ჩავაწყოთ კულიჩის ნაჭრები,ფენებს შორის მოვასხათ კრემი,მოვაყაროთ დაჭრილი ხილი.

ზემოდან გავაფორმოთ გახეხილი შოკოლადით.

კულიჩის ორცხობილის ( სუხარის) პუდინგი

4 ნაჭერი კულიჩის ორცხობილა

50 გრ.კარაქი

2 ს.კოვზი შაქრის პუდრა

250 მლ.რძე

2 კცერცხი

70 გრ.შაქარი

ნახევარი ფორთოხლის ცედრა

ჯავზი გემოვნებით

შაქრიანი ვანილი გემოვნებით

დარიჩინი გემოვნებით

მომზადების წესები :

კარაქს შევურიოთ დარიჩინი,ჯავზი.

კულიჩის ორცხობილებს მოვაშოროთ ქერქი.

ფორმებს მოვუსვათ არომატული კარაქი ფსკერზე და გვერდებზე.

კარაქი წავუსვათ კულიჩის ორცხობილის ნაჭრებსაც და ცხიმიანი ზედაპირით ქვემოთ ჩავდოთ ფორმებში,მივადოთ გვერდებს.

რძე შევათფოთ,გავხსნათ შიგნით შაქრიანი ვანილი.

კვერცხი ავთქვიფოთ შაქართან  ერთად გადნობამდე.

გათქვეფილ კვერცხს სათქვეფით შევურიოთ რძე.

კრემი დავასხათ ორცხობილებს და ზემოდან მოვაყაროთ შაქრის პუდრა.

თუნუქის ფირფიტაზე დავასხათ წყალი, ჩავაწყოთ ფორმები და 40-45 წუთი ვაცხობთ 180 გრადუსზე.

გამომცხვარი პუდინგი გავაგრილოთ და შემდეგ გადმოვაბრუნოთ თეფშზე.

 

როგორ მოვამზადოთ შოკოლადის მინანქარი კულიჩის გასაფორმებლად

ძალიან მარტივი შოკოლადის ჭიქურის რეცეპტი, რომელიც თქვენს კულიჩს განსაკუთრებულს გახდის.

ინგრედიენტები :

1 ჭიქა შაქრის პუდრა

1-2 კვერცხის ცილა

2 ჩ.კოვზი კაკაო

1 ჩ.კოვზი შაქრიანი ვანილი

1 ჩ.კოვზი ლიმონის წვენი ან 10 წვეთი  წყალში გახსნილი ლიმონმჟავა

მომზადების წესები :

ღრმა ჭურჭელში ჩავყაროთ შაქრის პუდრა,კაკაოს ფხვილი და შაქრიანი ვანილი.

წაიკითხეთ კულიჩის რეცეპტები  აქ >>

შემოვდგათ ორთქლის აბაზანაზე, დავუმატოთ ლიმონის წვენი,კვერცხის ცილა და ავსრისოთ კოვზით ერთგვაროვანი მასის მიღებამდე.

 

სააღდგომო შოკოლადის კულიჩი

ინგრედიენტები :

ხაში :

0,5 ლიტრა რძე

2 ჭიქა ფქვილი

2 ს.კოვზი მშრალი საფუარი ან 50 გრ.ნედლი

1 ს.კოვზი შაქარი

ინგრედიენტები ცომისათვის

200 გრკარაქი

2 ჭიქა  შაქარი( 260 გრ)

1 ს.კოვზი ზეთი

4 კვერცხი

200 გრ.შოკოლადი

ვანილი

40 გრ.ნუშის ფანტელები

1 ფორთოხალი

ქიშმიში გემოვნებით

დაახლოებით 1 კგ.ფქვილი,ხაშთან ერთად 1300 გრ

ამ რაოდენობის ინგრედიენტებით გამოდის 4 დიდი ზომის კულიჩი.

 

მომზადების წესები :

ქიშმიში დავალბოთ ცხელ წყალსი.დამბალ ქიშმიშს წყალი გადავუწუროთ და შევამსრალოთ ქაღალდის ხელსახოცით.

ჯერ მოვამზადოთ ოპარა: თბილ რძეში გავხსნათ საფუარი,შაქარი და ფქვილი,გადავაფაროთ თავზე ,დავდოთ თბილ ადგილას და დაველოდოთ ამოფუებას.

კვერცხი შაქართან ერთად ავთქვიფოთ გათეთრებამდე.

კარაქი გავადნოთ.

შოკოლადი გავადნოთ ორთლის აბაზანაზე.

აფუებულ ხაშს შევურიოთ ერთი ფორთოხლის წვენი და ცედრა,გოგლი – მოგლი,ქიშმიში,გამდნარი კარაქი,შოკოლადი .დაჭრილი ნუში და ფქვილი კარგად მოვურიოთ. ცომი უნდა ეწეპებოდეს ხელს.თავსახური დავაფაროთ,დავდოთ თბილ ადგილას და დაველოდოთ ცომის მეორედ ამოსვლას.

ამოსული ცომი ჩავზილოთ ,ისევ თავსახური დავახუროთ და დაველოდოთ მესამედ ამოსვლას.

ფორმებს მოვუსვათ ცხიმი,მოვაყაროთ ფქვილი და ნახევრამდე შევავსოთ ცომით.ფორმებს გადავაფაროთ და დაველოდოთ ცომის ამოსვლას.

კულიჩები გამოვაცხოთ  180 გრადუსზე და გავაფორმოთ სურვილისამებრ.

 

 

 

 

 

 

 

გერმანული კულიჩი – მარტივი რეცეპტი

ინგრდიენტები :

1 კგ.ფქვილი

6 კვერცხი

4 კვერცხის გული

200 გრ.კარაქი

100 გრ. არაჟანი

350 გრ.შაქარი

15 გრ.შაქრიანი ვანილი

1 ლიმონი

1 ფორთოხალი

200 გრ.ქიშმიში

140 გრ.ცუკატები

ინგრედიენტები ხაშისათვის:

100 გრ.ფქვილი

2 ს.კოვზი შაქარი

14 გრ.მშრალი საფუარი

200 მლ.რძე

 

მომზადების წესები :

თბილ რძეში გავხსნათ საფუარი,შაქარი და ფქვილი.მასას გადავაფაროთ პლასტიკი და გავაჩეროთ თბილ ადგილას ასაფუებლად.

კვერცხები გავაცაკლავოთ გულებისაგან.

შაქარი გავყოთ 2 ნაწილად.

კვერცხის გულები გათეთრებამდე ავთქვიფოთ შაქართან ერთად.

ცალკე ავთქვიფოთ კვერცხის ცილა ნახევარ შაქართან ერთად.

ფრთხილად შევურიოთ ათქვეფილი კვერცხის გულები და ცილა,შემდეგ დავაყაროთ  300 გრ. ფქვილი,დავუმატოთ ოპარა და მოვზილოთ ცომი.ცომს გადავაფაროთ ტილო და დავდოთ თბილ ადგილას.

კარაქი გავადნოთ,შევურიოთ არაჟანი,ციტრუსების ცედრა,1/3 ლიმონის წვენი,.ეს ნარევი დავასხათ ცომს,დავუმატებთ დანარჩენ ფქვილს და მოვზილოთ.

ცომი გადმოვიტანოთ ფქვილმოყრილ მაგიდაზე,კარგად მოვზილოთ.მივიღებთ რბილ ცომს,რომელიც ოდნავ ეწეპება ხელებს.შემდეგ შევურიოთ ცუკატები და ქიშმიში ,გადავაფაროთ და 1,5 გავაჩეროთ თბილ ადგილას.

ფორმებს წავუსვათ ცხიმი,მოვაყაროთ ფქვილი,ცომით 1/3 ავავსოთ,დაველოდოთ ამოსვლას,გადავუსვათ კვერცხის ცილა და 160 გრადუსზე გამოვაცხოთ 60 წუთი.

გამომცხვარი კულიჩი გავაფორმოთ  ცილოვანი მინანქრით ან შაქრის მინანქრით.

 

სააღდგომო ნიგვზიანი რულეტი

ინგრედიენტები :

1,5 კგ კულიჩის ცომი

გულსართისათვის:

500 გრ.ნიგოზი ან თხილი

150 გრ.შაქარი

150 გრ.ქიშმიში

50 გრ.კაკაო

სიროფი :

100 მლ.წყალი

30 მლ.შავი რომი

100 გრ.შაქარი

 

მომზადების წესები :

მოვადუღოთ სიროფი,ჩავასხათ რომი და აუცილებლად გავაგრილოთ.გრილ სიროფში ჩავყაროთ ქიშმიში.ეს ნაბიჯი აუცილებელია,რომ ცხობისას ქიშმიშმა  ცომიდან სისველე არ აიღოს . თასს გადავაფაროთ თავზე  და მთელი ღამით შევინახოთ მაცივარში.

ქიშმიში გადავწუროთ და საწურზე დავწრიტოთ.

ნიგოზი გავატაროთ მსხვილ ბადეში.

შაქარი, კაკაო,ნიგოზი,ქიშმიში შევურიოთ.

კულიჩის ცომი დავყოთ  300 გრამიან გუნდებათ.

ცომი გავაბრტყელოთ,წავუსვათ გულსართი.ნაპირებიდან 2 – 3 სანტიმეტრი დავტოვოთ ნიგვზის გარეშე და გადავახვიოთ რულეტი.

რულეტი გადავიტანოთ  საცხობ ფირფიტაზე ,გადავაფაროთ და დაველოდოთ ამოსვლას.ამოსულ ცომს  ფრთხილად გადავუსვათ გათქვეფილი კვერცხი და 150 გრადუსზე გახურებულ ღუმელში გამოვაცხოთ.

თუ შევამჩნევთ  ძალიან იბრაწება,გადავაფაროთ ფოლგა და 140 გრადუსამდე დავწიოთ ტემპერატურა.

წაიკითხეთ  კულიჩის ცომის რეცეპტი .

 

კულიჩი “გაზაფხული” -საბჭოთა რეცეპტი

ინგრედიენტები :

1კგ.ფქვილი

1,5ჭიქა რძე

6 კვერცხი

300 გრ.კარაქი ან მარგარინი

1,5-2 ჭიქა შაქარი

3/4 ჩ.კოვზი მარილი

40-50 გრ.საფუარი

150 გრ.ქიშმიში

50 გრ.ცუკატები

50 გრ.ნუში სურვილისამებრ

ვანილი ან 5-6 დაფქული კარდამონი

მომზადების წესები :

თბილ რძეში გავხსნათ საფუარი,ფქვილის ნახევარი,გადავაფაროთ, დავდგათ თბილ ადგილას  და დავაყენოთ ხაში.

როდესაც ცომი მოცულობაში ორჯერ გაიზრდება,დავუმატოთ მარილი,5 კვერცხის გული გათქვეფილი შაქართან ერთად,ვანილი და კარაქი.კარგად შევურიოთ და მერე დავუმატოთ გათქვეფილი კვერცხის ცილა.

მიღებულ მასას შევათქვიფოთ  დარჩენილი ფქვილი და კარგად მოვზილოთ ცომი.ცომი არ უნდა იყოს მაგარი და  უნდა შორდებოდეს ჭურჭელს.

ცომს გადავაფაროთ ,დავდოთ თბილ ადგილას  და დავაცადოთ ამოსვლა.

ნუშს კანი გავაცალოთ და დავჭრათ.ქიშმიში გავრეცხოთ და დავწრიტოთ.

ამოსულ ცომს შევაზილოთ ქიშმიში,ნუში და დავყოთ გუნდებათ.

ფორმა შევავსოთ 1/3  -ზე, გადავაფაროთ და დავაცადოთ ცომს ამოსვლა 3/4 –  ზე,შემდეგ გადავუსვათ კვერცხის გული და საშუალო ცეცხლზე 50-60 წუთი გამოვაცხოთ ღუმელში.

ზემოდან გავაფორმოთ სურვილისამებრ.

 

 

 

 

 

კულიჩი ( პასკა) მოხარშული ცომისაგან

ინგრედიენტები :

1კგ.ფქვილი

50 გრ.ცოცხალი საფუარი( მშრალი ამ რეცეპტში არ გამოიყენება)

2 ჭიქა რძე

10 კვერცხის გული

2 კვერცხის ცილა

250 გრ.შაქარი

200 გრ.კარაქი

1 ჭიქა ქიშმიში

25 გრ.ცუკატი

30 გრ.კონიაკი

3 ჩ.კოვზი ლიმონის ცედრა

1 ჩ.კოვზი ილი ან მუსკატის კაკალი

3-4 ჩ.კოვზი ვანილი

0,5 ჩ.კოვზი მარილი

1 ჩ.კოვზი შაფრანის ნაყენი

 

მომზადების წესები :

ერთ ჭიქა ადუღებულ ცხელ რძეში ჩავყაროთ 100 გრ.ფქვილი და ხის კოვზით მოვურიოთ.

საფუარი გავხსნათ 1 ჭიქა თბილ რძეში,შევათქვიფოთ 100 გრ.ფქვილი და დავალოდოთ საფუარის აქაფებას.

მოხარშულ მასას  დავასხათ აქაფებული მასა და კარგად მოვურიოთ.გადავაფაროთ პლასტიკი და დავდგათ თბილ ადგილას ამოსაფუებლად.

კვერცხის გულები, 3 კვერცხის ცილა,შაქარი,მარილი  მიქსერით ავთქვიფოთ გათეთრებამდე და გავყოთ ორ ნაწილად.

ცომს დავასხათ ჯერ ერთი ნაწილი,მოვაყაროთ 250 გრ.ფქვილი და მოვზილოთ.

შემდეგ დავასხათ გათქვეფილი კვერცხის  მეორე ნახევარი,დავაყაროთ დარჩენილი ფქვილი და მოვზილოთ.ცომი ვზილოთ მანამ ,სანამ ხელს არ მოშორდება.

მიღებულ ცომს შევაზილოთ გამდნარი კარაქი,ვანილი,სანელებლები,ცედრა შაფრანის ნაყენი ( სურვილისამებრ) და გადავაფაროთ.

ცომი მოვათავსოთ თბილ ადგილას და დაველოდოთ ამოფუებას.

გარეცხილი გამშრალებული ქიშმიშს დავაყაროთ 1 ს.კოვზი ფქვილი და ავურიოთ,დავუმატოთ ცომს და გადავზილოთ. ამ მეთოდის გამოყენებით ცხობისას ქიშმიში თანაბრად გადანაწილდება ცომში.

ცომს დავაცადოთ მესამედ ამოსვლა.

ცომი დავყოთ გუნდებად ,ევავსოთ ფორმების 2/3 და გამოვაცხოთ 180 გრადუსზე ღუმელში.

500 გრ.კულიჩს ვაცხობთ 30 წუთი.

1 გრ.კულიჩს ვაცხობთ 45 წუთი .

1,5 კულიჩა ვაცხობთ 1 სთ .

2 კგ.კულიჩს ვაცხობთ 1,5  საათი.

 

 

 

 

 

კულიჩი ( პასკა) – უკრაინული სამზარეულო

აღდგომის სუფრის მთავარი გმირი არის შესანიშნავი, სურნელოვანი, ლამაზი და  გემრიელი სააღდგომო კულიჩი ! რეცეპტის ავტორია შეფ – მზარეული,კონდიტერი ელიზაბეტ გლინსკაია,რომელიც გვასწავლის კულიჩის( პასკა) მომზადებას ფრანგული ბრიოშის ტექნოლოგიის საფუძველზე.

ინგრედიენტები :

ოპარა:

150 გრ.ფქვილი

170 მლ.რძე

1 გრ.მშრალი საფუარი

0,5 გრ.ნედლი საფუარი

ინგრედიენტები ცომისათვის:

500 გრ.ფქვილი

320 გრ.ოპარა

80 გრ.შაქარი

10 გრ.მარილი

40 გრ.თაფლი( ინვენტური შაქარი – ტრიმოლინი)

24 გრ.მშრალი საფუარი ან 5 გრ.ნედლი

300 გრ.ცივი კვერცხი

250 გრ.  ცივი ნაღების კარაქი

150 გრ.ქიშმიში

სიროფი :

100 მლ.წყალი

30 მლ.შავი რომი

100 გრ.შაქარი

შვეიცარული მერენგა:

150 გრ.ცილა

300 გრ.შაქარი

დეკორი:

თხილი,ნიგოზი,ცუკატები

მომზადების წესები :

მოვადუღოთ სიროფი,ჩავასხათ რომი და აუცილებლად გავაგრილოთ.გრილ სიროფში ჩავყაროთ ქიშმიში.ეს ნაბიჯი აუცილებელია,რომ ცხობისას ქიშმიშმა  ცომიდან სისველე არ აიღოს . თასს გადავაფაროთ თავზე  და მთელი ღამით შევინახოთ მაცივარში.

მოვამზადოთ ოპარა: ოდნავ თბილ რძეში გავხსნათ საფუარი და ფქვილი.თუ ვიყენებთ მშრალ საფუარს,იგი შევურიოთ ჯერ ფქვილს და შემდეგ რძეს.გადავაფაროთ თავზე  პლასტიკი და დაველოდოთ აფუებას.თუ ოთახში 21 გრადუსი გვაქვს 5-6 სააათი ჭირდება ამოსვლას.

ფქვილი გავცრათ,შევურიოთ საფუარი და მარილი.

ცივი ნაღების კარაქი კუბებად დავჭრათ..

ალბათ თქვენ დაგებადათ შეკითხვა,რატომ ვუმატებთ ცივ კვერცხებს  და კარაქს.ეს იმიტომ,რომ მოზელვის პერიოდში ცომი არ უნდა გადახურდეს.

კომბაინის თასში ,რომელშიც უნდა მოვზილოთ კულიჩის ცომი,გადავიტანოთ ოპარა,ჩავახალოთ  ცივი კვერცხები,დავუმატოთ შაქარი,თაფლიან ან ტრიმოლინი და დაბალ სიჩქარეზე ავთქვიფოთ.შემდეგ შევაზიოლოთ ფქვილი( ვზილოთ მიქსერით 5-7 წუთი და ბოლოს კი კუბებად დაჭრილი კარაქი.უნდა შევაზილოთ  10-15 წუთი.ზელვისას არ უნდა მოვუმატოთ სიჩქარეს.

მივიღებთ წებოვან და თხელ ცომს.

ცომი გადავიტანოთ  სხვა თასში,გადავაფაროთ თავზე და მოვათავსოთ თბილ ადგილას  2 საათი.

ამოსული ცომი ჩავზილოთ,გადავაფაროთ ისევ პლასტიკი და შევდოთ მაცივარში არანაკლებ 12 საათი. ეს არის ბრიოშის მომზადების ფრანგული ტექნოლოგია.მაცივარში ცომი თავიდან ამოვა.

ცომს რატომ  ვინახავთ მაცივარში?მაცივარში საფუარი ნელა მოქმედებს და ცომი ნელა ამოდის,როცა სითბოში გამოვიტანთ ის ძალიან სწრაფად იწყებს მოქმედებას.

ქიშმიში დავყაროთ საცერზე და  დავწრიტოთ.

ფორმებს წავუსვათ ცხიმი და მოვაყაროთ ფქვილი.

თუ ქაღალდის ფორმები გვაქვს ცხიმს აღარ მოვუცხებთ.

ცომი შეიცავს დიდი რაოდენობით კარაქს.ხელების სითბო კარაქს გაალღობს.ეს რომ არ მოხდეს , ცომი წინასწარ არ გამოვიღოთ მაცივრიდან.

ცომი დავყოთ სამ 500 გრამიან  გუნდად.

ქიშმიშიც გავყოთ სამ ნაწილად.

ცომის ერთ გუნდას შევაზილოთ ერთი ნაწილი ქიშმიში და მოვათავსოთ ფორმაში.

ასევე შევაზელთ ქიშმიშს ცომის დანარჩენ გუნდებს და მათაც მოვათავსებთ ფორმებში.გადავაფარებთ და გავაჩერებთ 2 საათი.

გაცხობთ 170 გრადუსზე 30-35 წუთი.

მოვამზადოთ შვეიცარული მერენგა; კვერცხის ცილაში ჩავყაროთ შაქარი,შემოვდგათ ორთქლის აბაზანაზე და განუწყვეტლივ ვურიოთ.შაქრის კრისტალები უნდა გადნეს კვერცხის ცილაში.მერენგა ავთქვიფოთ მიქსერით მივიღებთ თხელ,წელვად მასას.ასეთი თხელი მას კულიჩის თავზე სწრაფად გაშრება.

მერენგა გადავიტანოთ სხვა გაშლილ თასში და  მასში კულიჩის თავები ამოვსვაროთ.

კულიჩს მოვაყაროთ დეკორი.

წყარო : იუთუბი 2020 წლის 12 მარტი.

 

 

 

 

 

 

 

 

 

 

 

 

 

 

 

სააღდგომო ბანანის კულიჩი (პასკა)

ინგრედიენტები :

2 ბანანი

75 გრ.კარაქი

50 მლ.წყალი

2 კვერცხი

ვანილი

1,5 ჭიქა ფქვილი

1 ჭიქა შაქარი

1 ჩ.კოვზი სოდა

მწიკვი გამაფხვიერებელი

30 გრ.ქიშმიში

მინანაქრისათვის:

2 კვერცხის ცილა

1ჭიქა  შაქრის პუდრა

2 ს.კოვზი ლიმონის წვენი

მომზადების წესები :

ბანანი დავაბლენდეროთ და შევურიოთ წყალი.

კვერცხი,შაქარი,ვანილიანი შაქარი, ოთახის ტემპერატურაზე დარბილებული კარაქი ავთქვიფოთ მიქსერით და შევურიოთ ბანანის მასა.

მიღებულ მასას შევათქვიფოთ ფქვილი, სოდა ,გავაფხვიერებელი ,დავუმატოთ ქიშმიში და მივიღეთ სქელ წელვად ცომს.

ფორმების 3/4 ავავსოთ ცომით და 180 გრადუსზე გამოვაცხოთ 40 წუთი.

გამომცხვარ  ცხელ კულიჩს წავუსმევთ შაქრის მინანქარს.

შაქრის მინანქარი: კვერცხის ცილა ავთქვიფოთ ,შევათქვიფოთ შაქრის პუდრა და შევურიოთ ლიმონის წვენი.