ფენებიანი ნამცხვარი ჩიტის რძე

ინგრედიენტები :

კარაქი – 100 გრ.

შაქარი – 220 გრ.

კვერცხი – 2 ცალი.

რძე – 55 გრ.

თაფლი – 200 გრ.

სოდა – 1 ჩ.კ.

კრემი:

რძე – 500 მლ.

შაქარი – 440 გრ.

ფქვილი – 3 სუფრის კოვზი

ვანილი

კარაქი – 200 გრ.

კონიაკი – 20 მლ.

მინანქარი:

შოკოლადი (მწარე) – 100 გრ.

რძე – 50 გრ

კაკაო – 20 გრ.

კარაქი – 35 გრ.

მომზადების პროცესი:

ღრმა ჭურჭელში ავურიოთ რბილი კარაქი, შაქარი (220 გრ)და  თაფლი. ჭურჭელი შემოვდგათ  წყლის აბაზანა. როდესაც მასა ოდნავ გადნება, მას დავუმატოთ რძე და კვერცხი. როგორც კი ქაფი გაჩნდება გადმოვდგათ  გაზქურიდან და დავამატოთ  ფქვილი . ცომი მოვზილოთ.

ცომი გადმოვიტანოთ ფქვილმოყრილ მაგიდაზე,გავყოთ 6 ნაწილად და მივცეთ მეგვალი ფორმა. თითოეული გუნდა გავიყვანოთ  და 7-10 წუთის განმავლობაში გამოვაცხოთ.

კრემის მომზადება:

შევურიოთ ფქვილი ვანილი და შაქარი.

მშრალი ინგრედიენტები გავხსნათ რძეში და მოვადუღოთ ფაფა.

ფაფა გავაგრილოთ და შევათქვიფოთ კარაქი.

ავაწყოთ ნამცხვარი:  ხუთ ფენას  წავუსვათ კრემი ,მეექვსე ფენას კი კრემს არ წავუსმეთ და ერთმანეთზე დავაწყობთ.ნამცხვარი შევდოთ მაცივარში 5-6 საათი და ამის შემდეგ ზემოდან გადავუსმეთ მინანქარს.

მინანქრის მომზადება:

შოკოლადი დავტახოთ,დავასხათ რძე,დავუმატოთ კაკაო და კარაქი,შემოვდგათ ორთქლის აბაზანაზე,ვურიოთ, მივიღებთ ერთგვაროვან მასას  და გადავასხათ ნამცხვარს.

გემრიელად მიირთვით!

ამერიკული ლაიმის პეროგი

ლაიმის პეროგი  ხრაშუნა ფხვიერი ცომით  და დელიკატური გულსართით

ინგრედიენტები :

400 გრ  ორცხობილა

40 გრ კარაქი (82%)

400 გრ შედედებული რძე

200 გრ კვერცხი

200 გრ კრემყველი

120 მლ ლაიმის წვენი

ორი ლაიმის ცედრა

მომზადების წესები :

პირველ რიგში მოვამზადოთ გულსართი.

შევურიოთ შედედებული რძე, კვერცხი და ნაღების კრემყველი.

 ლაიმის კანი გავხეხოთ ,გავწუროთ. ცედრას დავასხათ წვენი და შემოვდგათ ცეცხლზე, მანამ სანამ სითხე  არ აორთქლდება.

ძირითად მასას შევურიოთ ლაიმის ცედრა.

პეროგის ცომის მომზადება:

ორცხობილა დავფშვნათ და შევურიოთ  გამდნარი კარაქი,

მოვათავსოთ მასა  ტარტის ფორმაში, ჩავტკეპნოთ ძირზე და ამოვიყვანოთ გვერდებზე.

ცომის თასში ჩავასხათ გულსართი.

ჩავრთოთ ღუმელი 170C ტემპერატურაზე.

გამოვაცხოთ  25-30 წუთის განმავლობაში.

ნამცხვარი მაცივარში გავაჩეროთ 3-4 საათი

შვეიცარიული მერენგა:

2 კვერცხის ცილა

40 გრ შაქარი

40 გრ შაქრის ფხვნილი

წაიკითხეთ შვეიცარული მერენგის მომზადება აქ http://livemaster.ge/12928

ამერიკული ლაიმის პეროგი მოვრთოთ შვეიცარული მერენგათი ,კენკრით ან ჩვენი გემოვნებით.

 

შოკოლადის ტორტი მოხარშული კრემით თუ პეროგი ” ვულკანი “

შოკოლადის  დესერტი ” ვულკანი ” – ზოგი მას ტორტს უწოდებს,ზოგი კი პეროგს,  მაგრამ ამას ხომ მნიშვნელობა არ აქვს. იგი არის  ფაფუკი და ლამაზი, მკვეთრად გამოხატული შოკოლადის არომატით.

ინგრედიენტები :

3 კვერცხი

300 გრ.შაქარი

300 გრ.ფქვილი

200 გრ.შოკოლადის ფილა

60 გრ.კაკოს ფხვნილი

160 გრ.არაჟანი( 20 %)

140 გრ.კარაქი ( 82%)

160 მლ.მდუღარე წყალი

8 გრ.გამაფხვიარებელი

8 გრ. სოდა

ვანილის მოხარშული კრემი

6 კვერცხის გული

800 მლ.რძე

40 გრ.ფქვილი

40 გრ.სიმინდის სახამებელი

160 გრ.შაქარი

1 ვანილის ჩხირი

დეკორისათვის : 

200 გრ.შავი შოკოლადი

30 მლ.ზეთი

160 გრ.მოხალული ნიგოზი

მომზადების წესები :

ავიღოთ 26 სმ დიამეტრის ფორმა. ჩავაფინოთ ქაღალდი და გვერდებზე მოვუსვათ ცხიმი.

ღუმელი გავახუროთ 170 გრადუსზე.

შოკოლადი და კარაქი გავადნოთ ერთად ორთქლის აბაზანაზე.

ფქვილი, კაკაოს ფხვნილი, სოდა და გამაფხვიერებელი შევურიოთ.

კვერცხი ,არაჟანი და შაქარი ავთქვიფოთ, ჩავუმატოთ შოკოლადი კარაქთან ერთად და ბოლოს გაცრილი მშრალი ინგრედიენტები, მოვურიოთ.

ამის შემდეგ დავასხათ ადუღებული წყალი და კიდევ მოვურიოთ.

მოვამზადოთ ვანილის მოხარშული კრემი.

ვანილის ჩხირიდან  “ხიზილალა ”  ამოვიღოთ და ჩავდოთ რძეში.

რძე გავაცხელოთ.

კვერცხი, შაქარი, ფქვილი და სახამებელი ერთმანეთში შევურიოთ, დავასხათ 1/3 ცხელი რძე, მოვურიოთ და  ისე შევურიოთ  დარჩენილ ცხელ რძეში.

მასას განუწყვეტლივ ვურიოთ კოვზით გასქელებამდე, 30-40 წამი ვადუღოთ და ჩავაგდოთ კარაქი.

კრემი გადავიტანოთ საკონდიტრო ტომარაში.

ფორმაში გადავიტანოთ ცომი, ცენტრში მოვათავსოთ კრემი, ზედაპირი   გავასწოროთ,გამოვაცხოთ  დაახლოებით 35 წუთი, გააჩნია ღუმელს.

ზემოდან დეკორისათვის: შოკოლადი გავადნოთ,შევურიოთ ზეთი და  თუ სურვილი გვაქვს მოხალული ნიგოზი.

მე გირჩევთ,რომ ბოლო ეტაპი არ  გამოტოვოთ,რადგანაც  ამ ტორტს თუ პეროგს მოხალული ნიგოზი ძალიან უხდება.

 

 

 

 

 

 

ბელგიური ვაფლი

ბელგიური ვაფლი

ინგრედიენტები :

3 კვერცხი

125 გრ.კარაქი

250 გრ.ფქვილი

75 გრ.შაქარი

250 მლ.რძე

125 მლ.მინერალური წყალი

1/4 ჩაის კოვზი გამაფხვიერებელი

ვანილი

მწიკვი მარილი

მომზადების წესები :

კვერცხები გავაცალკავოთ ცილისა და გულისაგან. ცილა ცალკე ავთქვიფოთ.

კვერცხის გულები,  შაქარი და  კარაქი ავთქვიფოთ ერთად.

რძეს  შევურიოთ ფქვილი გამაფხვიერებელთან  ერთად და შემდეგ კარაქთან და შაქართან ერთად გათქვეფილი კვერცხის გულები.

ამის შემდეგ დავუმატოთ   ცალკე  გათქვეფილიკვერცხის ცილა და მინერალური წყალი.

გამოვაცხოთ ვაფლის საცხობ ფორმაში.

 

 

 

 

 

 

 

 

 

 

ყველაზე არომატული ციტრუსების მარმელადი

ციტრუსების მარმელადის მომზადება სახლის პირობებში ძალიან მარტივია.ეს რეცეპტი განსაკუთრებით არაფროვანებს  იმათ, ვითაც მოტკბო-მომჟავო გემოს დესერტები უყვართ..

ინგრედიენტები :

1 ჭიქა ფორთოხლის წვენი

1/4 ჭიქა ლაიმის წვენი

1/4 ჭიქა ლიმონის წვენი

2 ჩაის კოვზი თაფლი

3-4 სუფრის კოვზი ჟელატინი

თუ სურვილი გვაქვს ,შაქარი ჩავუმატოთ გემოვნებით

2-3 რგოლი კონსერვირებული ანანასი

მომზადების წესები ;

ჟელატინი  დავალბოთ.

ფორთოხლის , ლაიმის, ლიმონის წვენები შევურიოთ, თუ სრუვილი გვაქს, ჩავყაროთ შაქარი და შევათბოთ წვენი ისე,რომ შაქარი გადნეს.

თბილ წვენში გავხსნათ თაფლი და ჟელატინი.

მასა გადავიტანოთ ოთხკუთხედი ფორმის მინის ჭურჭელში,გავაჩეროთ 5-10 წუთი, ზემოდან მოვაყაროთ დაჭრილი ანანასი და  შევდოთ მაცივარში.

გამზადებული მარმელადი დავჭრათ კუბებად და ამოვსვაროთ შაქრის ფხვნილში.

 

როგორ მოვამზადოთ ნამდვილი თურქული რახათ – ლუხუმი

 იცოდით, რომ გემრიელი  დესერტის რახათ-ლუხუმის  მომზადება შეგიძლიათ მხოლოდ სამი ინგრედიენტისაგან: შაქრი, სახამებლი და წყლისგან? მე გასწავლით  დღეს, თუ როგორ უნდა გააკეთოთ.

ინგრედიენტები:

650 მლ.წყალი ( შეიძლება ჩავანაცვლოთ კენკრის ან ხილის წვენით}.

200 გრ.შაქარი

120 გრ.სიმინდის სახამებელი

30 გრ.კარკადე ( ჰიბისკუსი )

100 გრ.მოხალული და დაჭრილი ნიგოზი

50 მლ.ლიმონის წვენი

ზემოდან მოსაყრელად:

50 გრ.სიმინდის სახამებელი

30 გრ.შაქრის პუდრა

მომზადების წესები :

400 მლ. .წყალი დავასხათ ჰიბისკუსს,მივიყვანოთ ადუღებამდე, შემდეგ მას შევურიოთ შაქარი და ლიმონის წვენი.

დარჩენილ წყალში კარგად გავხსნათ სახამებელი.

სახამებლიანი სითხე ჩავასხათ ცხელ წვენში, თან გამუდმებით ვურიოთ და ისე მივიყვანოთ ადუღებამდე.,დავუწიოთ ცეცხლს და 8 – 10 წუთი ნიჩბით უწყვეტად ვურიოთ.

შევურიოთ გამზადებული ნიგოზი,გადმოვიტანოთ ოთხკუთხედ ფორმაში და 12 საათის განმავლობაში გავაჩეროთ ოთახის ტემპერატურაზე.

ამოვიღოთ ფორმიდან,წავუსვათ  ყველა მხრიდან სახამებლისა და შაქრის ნარევი.

დავჭრათ 2 სმ ის სიგრძის და სიგანის კუბებად  და ისევ ამოვსვაროთ სახამებლისა და შაქრის ნარევში

 

 

 

 

ორბელიანის კაკლუჭები და თეთრი, კნატუნა გოზინაყი

ინგრედიენტები:

500გრ.თეთრი ნიგოზი

300 მლ.ღია ფერის თაფლი

40 გრ.შაქრის პუდრა

მომზადების წესები ;

ღუმელი გავახუროთ და შემდეგ  ცეცხლი გამოვრთოთ.

თუნუქის ფირფიტაზე დავყაროთ დარჩეული ნიგოზი და შევდოთ გახურებულ ღუმელში.

ნიგოზი ღუმელში გავაჩეროთ გაგრილებამდე და შემდეგ თითოეულ ლებანს ქერქი დანის წვერით მოვაშოროთ.გაგრძელება წაიკითხეთ 

თავადი ორბელიანის კაკლუჭები

ინგრედიენტები :

500 გრ.ნიგოზი

200- 250 გრ.თაფლი

ვანილი

კარამელი. წაიკითხეთ რეცეპტი

ნიგოზი გავატაროთ,შევურიოთ თაფლი და ვანილი.

გავაკეთოთ 20 გრამიანი  ბურთები,გვერდებზე აქედან და იქედან მივაწეპოთ ნიგვზის ლებნები,დავაწყოთ ბადეზე  და გადავასხათ მოდუღებული კარამელი.

 

 

ტორტი “რაფაელო “ნუშის და ქოქოსის ბისკვიტით

ინგრედიენტები ნუშის  ბისკვიტისათვის :

125 გრ.ფქვილი

100 გრ.ნუშის ფქვილი

6 კვერცხი

1 ჩ.კოვზი გამაფხვიერებელი

1 ჭიქა შაქრის პუდრა

( თუ კარგი გაზქურა გვაქვს,გამაფხვიერებელი არ უნდა)

ვანილი

მწიკვი მარილი

ბისკვიტის დასანამად :

100-150 გ. ქოქოსის რძე

მომზადების წესები :

კვერცხის ცილისა და შაქრის პუდრისგან მოვამზადოთ ბეზე , მიქსერით შევათქვიფოთ კვერცხის გულები.

მშრალი ინგრედიენტები ერთმანეთში შევურიოთ და ქვემოდან ზემოთ მიმართულებით ნიჩბით შევათქვიаოთ კვერცხის მასას.

ღუმელი გავახუროთ 170 გრადუსზე. 24 სმ დიამეტრის ფორმაში ჩავაფინოთ ქაღალდი,წავუსვათ ცხიმი ფსკერზე და გვერდებზე,

ჩავასხათ ცომი და 40-45 წუთის განმავლობაში გამოვაცხოთ.

ბისკვიტი კარგად გავაციოთ და გავყოთ 3 ნაწილად.

კრემი ტორტი რაფაელოსათვის :

2 ფილა თეთრი შოკოლადი

400 მლ შედედებული რძე

200 გრ.ნაღების კარაქი

70 გრ.ქოქოსის ფანტელები

ორთქლის აბაზანაზე ერთად დავადნოთ კარაქი და  დატეხილი შოკოლადის  ფილა.

მიქსერით შევათქვიფოთ შედედებული რძე და ჩავყაროთ ქოქოსის ფანტელები.

ბისკვიტის ფენები დავნამოთ ქოქოსის რძით,ფენებს  წავუსვათ კრემი და ერთმანეთზე დავალაგოთ.

ტორტს გვერდებზე და ზემოდან მოვაყაროთ ქოქოსის ფანტელები და ასევე გავაფორმოთ დატეხილი ნუშით, მარწყვით.

ინგრედიენტები ქოქოსის ბისკვიტისათვის.მეორე ვერსია

3 კვერცხი

150 გრ.ფქვილი

110 გრ.შაქარი

30 გრ.ქოქოსის ფანტელები

4 გრ.გამაფხვიერებელი

მომზადების წესები :

ავიღოთ 20 სმ დიამეტრის ფორმა

.ღუმელი გავახუროთ 165 გრადუსზე კონვეციით.

კვერცხი და შაქარი ავთქვიფოთ.

ფქვილს შევურიოთ გამაფხვიერებელი.

კვერცხიან მასას დავუმატოთ ფქვილი გამაფხვიერებლით, მოვურიოთ და შემდეგ შევურიოთ ქოქოსის ფანტელები.

გამოვაცხოთ 35-40 წუთი.ქოქოსის ბისკვიტი ფორმაშივე გავაგრილოთ.

ბისკვიტი კარგად გავაციოთ და გავყოთ 3 ნაწილად.

კრემი ქოქოსით:

250 მლ.ქოქოსის რძე

150 ქოქოსის შედედებული რძე

300 მლ.ქოქოსის ნაღები

7 გრ.ჟელატინი+ 35 მლ წყალი

მომზადების წესები :

პირველ რიგში  დავალბოთ ჟელატინი.

შევურიოთ ქოქოსის რძე და შედედებული რძე ერთმანეთში.

ნარევი შევათბოთ და შევურიოთ ჟელეტინი. მასას გადავაფაროთ პარკი კონტაქტში და შევდოთ მაცივარში.

ავთქვიფოთ ქოქოსის ნაღები  მსუბუქად. მასას  უნდა ჰქონდეს გამდნარი ნაყინის კონსისტენცია და  შევურიოთ რძიანი ნარევი.

ავაწყოთ ტორტი.

ფორმა შიგნიდან ავამაღლოთ აცეტატური პარკით. ფსკერზე დავდოთ პირველი ფენა, დავნამოთ ქოქოსის რძით, გადავუსვათ კრემი და ასევე კრემით ამოვავსოთ ფორმასა და ბისკვიტს შორის არსებული სივრცე.

ასეთივე წესით  პირველ ფენაზე  დავაწყოთ დანარჩენი ორ ფირფიტაც.

შევდოთ ტორტი 4-5 საათი მაცივარში.

ტორტი გავაფორმოთ ნუშის ფანტელებით და კანფეტი რაფაელოთი.

რემის მეორე ვერსია :

200 გრ.თეთრი შოკოლადი

1 ს.კოვზი სავსე შაქრის პუდრა

250 გრ.მასკარპონე

50 მლ.ქოქოსის რძე

33-35% ნაღები

50 გრ.ქოქოსის ფანტელები

ნაღები ავთქვიფოთ გასქელებამდე,შევათქვიფოთ შაქრის პუდრა .

ცალკე ავთქვიფოთ მასკარპონე და  დავუმატოთ ორთქლის აბაზანაზე გამდნარი,გაგრილებული შოკოლადი.

თუ ნარევი სქელი გამოგვივა,გავათხელოთ ქოქოსის რძით.

ათქვეფილი ნაღები ნიჩბით შევურიოთ მასკარპონეს და ბოლოს დავუმატოთ ქოქოსის ფანტელები.

 

 

მასტერკლასი.კარამელზე მუშაობა

ინგრედიენტები :

150 გრ.შაქარი

4 ს.კოვზი წყალი

ლიმონმჟავა დანის წვერით

მომზადების წესები :

სქელძირიან ალუმინის ქვაბში ჩავყაროთ შაქარი, ცენტრში დავასხათ ძმარი.

ქვაბი შემოვდგათ მაქსიმალურად მაღალ ცეცხლზე.

შაქარს კოვზით მოვურიოთ.როგორც კი შაქარი გადნება,მორევა შევაჩეროთ.

შაქრის სიროფი უნდა გახდეს ქარვისფერი.

ქვაბის  გვერდებზე გაჩნდება  შაქრის კრისტალები,რომელიც არავითარ შემთხვევაში არ უნდა მოხვდეს სიროფში.

კრისტალები ფრთხილად მოვაშოროთ წყალში დასველებული ფუნჯით.

თუ კულინარიული თერმომეტრი არ გვაქვს,1 ჩ.კოვზი  სიროფი ჩავასხათ  ცივ წყალში. თუ მივიღეთ რბილი ბურთულა,მაშინ ( ტემპერატურა არის 118 გრადუსი) სიროფი მზადაა.

თუ მივიღეთ მკვრივი ბურთულა (ტემპერატურაა 155 გრადუსი),მაშინ კარამელი იქნება კნატუნა.

მუქი ფერის( ტემპერატურა 170 გრადუსი)კარამელს მწარე გემო დაკრავს.

კარამელის მომზადებას სულ ჭირდება 5 წუთი.როგორც კი მოდუღდება,ქვაბი ჩავდოთ  ცივ წყალში.

კარამელში ნიგოზი,თხილი,ხილის ნაჭრები ამოვსვაროთ სანამ ცხელია.

ვაშლი დავჭრათ და შევამშრალოთ ქაღალდის ხელსახოცით.თხილს,ვაშლის  ნაჭრებს ჩავასოთ ჯოხი,ამოვსვაროთ კარამელში და დავალაგოთ პერგამენტის ქაღალდზე.

ნიგვზის ლებნები და თხილი ჩანგლის მეშვეობით ამოვავლოთ კარამელში.

 

ასევე შეგვიძლია გავაკეთოთ კარამელის ძაფები და სხვა ფიგურები.ქაღალდს წავუსვათ ზეთი და კოვზის გამოყენებით ქაოსურად მოვაწუწოთ კარამელი.

მოვამზადოთ კარამელის სპირალი.

კარამელის ბურთი

კარამელის მომზადების მე-2 ვერსია .

150 გრ.შაქარი

75 მლ.ძმარი ან ლიმონის წვენი

ვამზადებთ ისე,როგორც პირველ ვერსიაში

 

არამელის მომზადება გლუკოზით.მე-3 ვერსია

570.გრ.შაქარი

20 გრ.წყალი

115 გრ.გლუკოზა

1 სუფრის კოვზი გლუკოზა არის 15 გრ.

ვამზადებთ ისე , როგორც  პირველ ვერსიაში.ამ რეცეპტით მომზადებული კარამელი გამოიყენება ორბელიანის კაკლუჭების გასაკეთებლად .

კომშის ტორტი

ინგრედიენტები :

6 კვერცხი

6 ს.კოვზი შაქარი

6 ს.კოვზი ფქვილი

1 ჩ.კოვზი გამაფხვიერებელი( თუ კარგი ღუმელი გაქვთ,გამაფხვიერებელი არ უნდა)

შაქრიანი ვანილი

მწიკვი მარილი

 

მომზადების წესები :

ღუმელი ჩავრთოთ და გავახუროთ 220 გრადუსზე.

კვერცხის გულები და ცილა გავაცალკავოთ.

კვერცხის ცილაში ჩავყაროთ მწიკვი მარილი და  3 ს.კოვზ  შაქრთან ერთად მოვამზადოთ ბეზე.ვთქვიფოთ მიქსერით.

ცალკე ავთქვიფოთ კვერცხის გულები გათეთრებამდე 3ს.კოვზ შაქართან ერთად.

გოგლიმოგლში ხის კოვზით ან ნიჩბით შევურიოთ ბეზე.

ფქვილს შევურიოთ შაქრიანი ვანილი და ხის კოვზით ან კულინარიული ნიჩბით  ნაზად შევურიოთ კვერცხიან მასას.გაგრძელება იხ. აქ http://livemaster.ge/795

ნაღების კრემი ;

700 გრ.ნაღები 33%-იანი

300 გრ.შაქრის პუდრა

10 გრ.ჟელატინი

ვანილი

მომზადების წესები :

ჟელატინი დავალბოთ და 15-20 წუთი გავაჩეროთ ასაფუებლად.

ცივი ნაღები ავთქვიფოთ მიქსერით.როგორც კი მოცულობაში გაიზრდება და გასქელდება ,შევათქვიფოთ შაქრის პუდრა და თბილი გამდნარი ჟელატინი.ვთქვიფოთ სწრაფად,რომ ჟელატინის კოშტები არ წარმოიქნას.

ლიმონის სიროფი:

1 დიდი ზომის ლიმონი ( 4 სუფრის კოვზი წვენი)

3/4 ჭიქა წყალი

1 სუფრის კოვზი შაქარი

მოვამზადოთ ლიმონის სიროფი: თბილ წყალში გავხსნათ შაქარი და ჩავასხათ ლიმონის წვენი.

კომშის ჟელე

3 მსხვილი კომში

6 სუფრის კოვზი შაქარი

500 მლ.წყალი

12 გრ.ჟელატინი

მომზადების წესები :

კომში გავთალოთ,გული გამოვუღოთ.

კურკებს და ქერქს დავასხათ წყალი და ვხარშთ 10 წუთი.

კომში  დავჭრათ კუბებად.

სითხე გავატროთ საცერში,ქერქები და გულები გადავყაროთ.

ჟელატინი დავალბოთ.

ნახარშში ჩავყაროთ  კომშის ნაჭრები,ვადუღოთ 10 წუთი და შემდეგ ჩავდოთ აფუებული ჟელატინი..

20 დიამეტრის ფორმას ძირზე შემოვახვიოთ ფოლგა, ჩავასხათ კომშის ჟელე და 1 საათი შევდოთ საყინულეში.

ტორტის აწყობა:

ბისკვიტი გავჭრათ 2 ნაწილად და დავნამოთ ლიმონის სიროფით.

22 დიამეტრის ფორმაში ჩავაფინოთ ბისკვიტის ერთი ნაწილი.

კრემი გადავიტანოთ საკონდიტრო ტომარაში  და ამოვავსოთ სიცარიელე ბისკვიტსა და ფორმას შორის.ასევე კრემი თანაბრად გადავანაწილოთ ბისკვიტზე ზემოდან  და მასზე  მოვათავსოთ  ჟელე.

ჟელეს წავუსვათ  კრემი. ასეთი სახით შევდოთ საყინულეში 1 საათი.

გამოვიტანოთ მაცივრიდან, კრემზე ზემოდან დავდოთ ბისკვიტის მეორე ნახევარი, ისევ ამოვავსოთ სიცარიელე ბისკვიტსა და ფორმას შორის,ფირფიტას  წავუსვათ  კრემი და შევდოთ მაცივარში.

ტორტი ზემოდან გავაფორმოთ შოკოლადის სარკისებრი მინანქრით ან ჩვენი გემოვნებით.