ბისკვიტის ნამცხვარი “ნაძვის ხეები”კრემით და ფსტით

ინგრედიენტები  ბისკვიტისათვის:

6 კვერცხი

6 ს.კოვზი შაქარი

6 ს.კოვზი ფქვილი

1 ჩ.კოვზი გამაფხვიერებელი( თუ კარგი ღუმელი გაქვთ,გამაფხვიერებელი არ უნდა)

შაქრიანი ვანილი

მწიკვი მარილი

დიკორაციისათვის :

200 გრ.თეთრი შოკოლადი

200 გრ.ფსტა

შაქრის მინანქრისათვის :

მომზადების წესები :

საცხობი ქაღალდისგან გამოვჭრათ 20 სმ დიამეტრის წრეები და ჩავჭრათ ცენტრამდე .დავამზადოთ კონუსები და  რომ არ დაგვეშალოს, გვერდები დავამაგროთ კლიფსით.

 

ღუმელი ჩავრთოთ და გავახუროთ 180 გრადუსზე.

კვერცხის გულები და ცილა გავაცალკავოთ.

კვერცხის ცილაში ჩავყაროთ მწიკვი მარილი და  3 ს.კოვზ  შაქრთან ერთად მოვამზადოთ ბეზე.ვთქვიფოთ მიქსერით.

ცალკე ავთქვიფოთ კვერცხის გულები გათეთრებამდე 3ს.კოვზ შაქართან ერთად.

გოგლიმოგლში ხის კოვზით ან ნიჩბით შევურიოთ ბეზე.

ფქვილს შევურიოთ შაქრიანი ვანილი და ხის კოვზით ან კულინარიული ნიჩაბით  ნაზად შევურიოთ კვერცხიან მასას.

ულუფობით, ქვემოდან ზემოთ მიმართულებით.დიდხანს არ ამოვურიოთ,რომ ცომიდან არ გამოვდენოთ ჰაერის  ბუშტუკები.

ცომით ავასოთ ფორმები  და გახურებულ ღუმელში გამოვაცხოთ.

ბისკვიტის ნამცხვარი გავაგრილოთ.

ფუნჯით წავუსვათ ორთქლზე გამდნარი შოკოლადი და მოვაყაროთ ფსტა .

შოკოლადით გავუკეთოთ მწვერვალი.

მარწყვის და ჟოლოს ვარდისფერი რულეტი

ინგრედიენტები  მარწყვის ბისკვიტისათვის :

160 გრ.ფქვილი

150 გრ.შაქარი

3 კვერცხი

6 გრ.გამაფხვიერებელი

მწიკვი მარილი

45 მლ. მზესუმზირას ან ქოქოსის ზეთი ან გამდნარი კარაქი

ვანილი

200 გრ.მარწყვი( სუფთა წონა)

1 წვეთი წითელი საღებავი

ღუმელის ტაფა 42×24 სმ

მომზადების წესები :

მარწყვი დავაბლენდეროთ.

კვერცხის გულები,ზეთი,ვანილის ექსტრაქტი,მარწყვის პიურე,1/3 შაქარი,მწიკვი მარილი ავქვიფოთ მიქსერით 5-7 წუთი.ბოლოს დავუმატოთ წითელი საღებავი.

მიღებულ მასაში ორ ეტაპად ჩავყაროთ ფქვილი გამაფხვიერებელთან ერთად.

ცალკე ავთქვიფოთ ცილა,შევათქვიფოთ დარჩენილი შაქარი. ეს ორი მასა გავაერთიანოდ.

ღუმელის ტაფაზე დავაფინოთ ქაღალდი,წავუსვათ ცხიმი ,დავასხათ ცომი და შევდოთ 190 გრადუსზე გახურებულ ღუმელში გამოსაცხობად 15-20 წუთი.

გამომცხვარ ბისკვიტს მოვაშოროთ ქაღალდი,გადავაფაროთ სუფთა ტილო,გადავახვიოთ რულეტივით და ასევე  გაგრილდეს.

მოვამზადოთ კრემი ჩიზი.

200 გრ ნაღების ყველი
130 გრ. ცივი ნაღები  32-35%
50 გრ შაქარი პუდრა (40 გრ ყველისთვის და 10 გრ. ნაღებისათვის )
1/2 ლიმონის ცედრა ან 10-15 მლ ლიმნის წვენი
1 ჩ.კ. ვანილის ექსტრაქტი ან პასტა

მომზადების წესები :

ყველი,შაქრის პუდრა.ვანილის ექსტრაქტი და ცედრა ერთად ავთქვიფოთ.

ცალკე ავთქვიფოთ ცივი ნაღები შაქრის პუდრასთან ერთად.

ეს ორი მასა  ნიჩბით ორ ეტაპად შევურიოთ.

ბისკვიტი გავშალოთ,გვერდები ჩამოვაჭრათ,წავუსვათ კრემი ჩიზი,მოვაყაროთ დაჭრილი მარწყვი და გადავახვიოთ ისევ რულეტივით.

რულეტი ზემოდან გააფორმეთ სურვილისამებრ.

 

 

 

 

 

 

 

 

მარწყვის ტორტი ” წითელქუდა “

ინგრედიენტები :

6 კვერცხიანი ბისკვიტი( წაიკითხეთ რეცეპტი)

არაჟნის სუფლე:

450 გრ.არაჟანი

2 კვერცხის ცილა( 60-70გრ)

10 გრ.ვანილი

90 გრ.შაქარი

30 გრ.სიმინდის სახამებელი

ხილის შემავსებელი:

200 გრ.მარწყვი

25 გრ .შაქარი

4 გრ.ჟელატინი

30 მლ.წყალი

დეკორი:

მარწყვი ან ჟოლო,მაყვალი,წითელი მოცხარი

მომზადების წესები :

გამოვაცხოთ ბისკვიტი.

ბისკვიტს გამოვაჭრათ გული ისე,რომ მიიღოს ჯამის (კალათის) ფორმა.შევეცადოთ,რომ ბისკვიტის ჯამის კედლები იყოს  5 მმ სისქის.

ბისკვიტის თასი ჩავდოთ იგივე ფორმაში,რომელშიც გამოვაცხვეთ.

ბისკვიტის ნამცეცები შევინახოთ და მოვამზადოთ ტრაიფლი.

არაჟანს დავუმატოთ შაქარი და სახამებელი.

კვერცხის ცილისა და შაქრიაგან მოვამზადოთ ბეზე.

ბეზე ორ ულუფად შევურიოთ არაჟნის მასას.

ბისკვიტის ჯამი  შევავსოთ არაჟნის მასით.

 

ფორმას გარედან შემოვახვიოთ ფოლგა, რომ  ღუმელში არ დაგვეწვას.

ბისკვიტი გამოვაცხოთ 140 გრადუსზე 60 წუთი (შუა თარო )კოვნერსიის გარეშე.გამოცხობის შემდეგ ღუმელის კარები გამოვაღოთ,გავაჩეროთ 30 წუთი.

ბისკვიტი ბოლომდე გავაგრილოთ,გადავაფაროთ პლასტიკი და მაცივარში შევინახოთ 10 საათი.

ჟელატინს დავასხათ წყალი და გავაჩეროთ ასაფუებლად.

მარწყვი დავაბლენდეროთ,შემოვდგათ ცეცხლზე და ადუღებიდან 1 წუთის განმავლობაში ვხარშოთ.

ცხელ მარწყვის პიურეში გავხსნათ შაქარი და ჟელატინი.

მარწყვები ლამაზად დავჭრათ.

ტორტზე დავაწყოთ მარწყვის ნაჭრები,მოვასხათ პიურე.

 

 

 

 

 

გარგრის ნამცხვარი ფენოვანი ცომით

ინგრედიენტები :

500 გრ. მზა ფენოვანი ცომი

6 გარგარი

გარგრის ჯემი

მომზადების წესები :

ცომი დავჭრათ 10×10 სმ-ის კვადრატებად.

კვადრატები კიდეებში ჩავჭრათ  და კიდეები შემოვახვიოთ ისე,როგორც სურათზე არის ნაჩვენები.

ზემოდან გადავუსვათ გარგრის ჯემი ან მურაბა,შუაში მოვათავსოთ ნახევარი გარგარი.

გამზადებული ცომის ნაჭრები ღუმელის ტაფაზე დავალაგოთ  და გამოვაცხოთ 180 გრადუსზე წინასწარ გახურებულ ღუმელში დაახლოებით 10-15 წუთი.

ნამცხვრები გავაგრილოთ და მოვაყაროთ შაქრის პუდრა.

 

 

მანდარინი შოკოლადში

მანდარინი შოკოლადში  – გემრიელი და ჯანსაღი დესერტი. გარდა ამისა, იგი სწრაფად  და მარტივად მოსამზადებელია. ამისათვის  კი საჭიროა მხოლოდ მანდარინი და შოკოლადი.

ინგრედიენტები :

4 მანდარინი

100 გრშოკოლადის ფილა

1 ს.კოვზი ფორთოხლის ლიქიორი

თხილი,ნუში

მომზადების წესები:

შოკოლადი გავადნოთ ორთქლის აბაზანაზე შევურიოთ ლიქიორი.თუ დესერტს ბავშვებისატვის ვამზადებთ,მაშინ ალკოჰოლი შევცვალოთ 50 მლ ნაღებით და დავუმატოთ 1 სუფრის კოვზი შაქარი.

.მანდარინის ლებნების  ერთი ბოლო  ამოვსვაროთ შოკოლადში.

 

მოვაყაროთ დატეხილი თხილი .გემრიელად მივირთვათ! ამ დესერტით შეგვიძლია გავაფორმოთ სხვა დესერტები. მანდარინის კექსის რეცეპტი იხ. აქ

 

 

 

 

 

მარწყვი შოკოლადში – დაბალკალორიული დესერტი

მარწყვი  შოკოლადში  – გემრიელი და დაბალკალორიული  დესერტი. გარდა ამისა, იგი სწრაფად  და მარტივად მოსამზადებელია. 

ინგრედიენტები :

მსხვილი მარწყვი – 500 გრ

შოკოლადი – 150 გრ

ნაღები 33% –  50 მლ

მომზადების წესები :

თეფში შევდოთ საყინულეში.

მწიფე ,დაუზიანებელი და მსხვილი მარწყვი გავრეცხოთ,შევამშრალოთ ქაღალდით.

შოკოლადის ფილა დავტეხოთ,გავადნოთ ორთქლის აბაზანაზე,შევურიოთ ნაღები.

გამოვიტანოთ საყინულედან თეფში.

ამოვსვაროთ შოკოლადში მარწყვები,დავალაგოთ თეფშზე,მოვაყაროთ დატეხილი თხილი,ნუში ან გავაფორმოთ სურვილისამებრ.

ბისკვიტის ყველაზე მარტივი ნამცხვარი მარწყვით

ინგრედიენტები :

კვერცხი  – 6

შაქარი- 10 გრ

ფქვილი – 120 გრ

სახამებელი -2 ს.კოვზი

გამაფხიერებელი- 2 ჩ.კოვზი

კრემი:

მოხარშული კრემი.წაიკითხეთ რეცეპტი

მომზადების წესები ;

საცხობი ქაღალდი დავჭრათ 15 სმ -ის  კვადრატებად.

კვადრატის ქაღალდებზე  ფანქრით დავხატოთ 12-13 სმ. დიამეტრის  რგოლები.

ფქვილში შევურიოთ გამაფხვიერებელი.

კვერცხის ცილას დავაყაროთ მწიკვი მარილი.

მიქსერით კვერცხის ცილისა და შაქრისაგან მოვამზადოთ ბეზე.

მიქსერით ბეზეს  ცალობით შევათქვიფოთ კვერცხის გული.

მასას  ნიჩბით ულუფობით შევურიოთ გაცრილი ფქვილი გამაფხვიერებელთან ერთად.

ქაღალდის უკანა ზედაპირზე რგოლები შევავსოთ 1 სუფრის კოვზი ცომით.

ვაცხობთ 180 გრადუსზე წინასწარ გახურებულ ღუმელში 6-8 წუთი.

ბისკვიტებს ქაღალდი მოვაშოროთ და იმავე ქაღალდზე გავაგრილოთ.

თუ ბისკვიტები  ცხობისას ძალიან გამოგვიშრა, გადავაფაროთ კარგად გაწურული სველი  ტილო და გავაჩეროთ.

მომზადებული კრემი ( თქვენთვის სასურველი)გადავიტანოთ საკონდიტრო ტომარაში და ბისკვიტს ცენტრში ზოლად წავუსვათ.

კრემზე დავაწყოთ დაჭრილი მარწყვები.

მარწყვები დავფაროთ კრემით.

ბისკვიტი გადავკეცოთ და გავაფორმოთ მარწყვით.

ზემოდან მოვაყაროთ შაქრის პუდრა

 

 

წითელი ტყემლის ან ალუჩის ნამცხვარი

ინგრედიენტები ;

ფენოვანი ცომი – 400 გრ

მწიფე  წითელი ტყემალი ან ალუჩა   – 300 გრ

შაქარი  – 5  სუფრის კოვზი

სახამებელი  – 1 სუფრის კოვზი

შაქარი დეკორაციისთვის

მომზადების წესები :

მწიფე ტყემლებს კურკა გამოვაცალოთ, დავაყაროთ შაქარი და შემოვდგათ ცეცხლზე.როდესაც  ცოტა წვენს გამოიღებს, დავდგათ ნელ ცეცხლზე და 2-3 წუთის განმავლობაში მოვხარშოთ. შემდეგ დავამატოთ სახამებელი, კარგად ავურიოთ.პიურე ,როგორც კი წამოდუღდება,შესქელდება და სახამებლის გემოს დაკარგავს ,გადმოვდგათ.

ფენოვანი ცომი დავჭრათ ოთხკუთხედებად.ერთ ნახევარზე დავდოთ ალუჩის ან ტყემლის გულსართი,გადმოვაფაროთ მეორე ნახევარი და კიდეები ჩანგლით მივაწებოთ ერთმანეთს.

ღვეზელებს ფუნჯით წავუსვათ გათქვეფილი კვერცხი და 180 გრადუსზე გახურებულ ღუმელში გამოვაცხოთ 25 წუთი.

დესერტს მოვაყაროთ შაქრის პუდრა. გემრიელად მიირთვით!

 

ნამცხვარი ”მარწყვი ” – საბჭოთა დესერტი ცხობის გარეშე

საბჭოთა დროს თითქმის ყველა ქალის კულინარიულ რვეულში ნახავდით ჩანაწერს “ტორტი კალათა “.ეს კალათა სავსე იყო ნამცხვარი “მარწყვით”.დღეს გთავაზობთ, ამ დესერტის რეცეპტს და ალბათ,ბავშვობა გაგახსენდებათ.

ინგრედიენტები :

ორცხობილა “იუბილე”-150 გრ

ვაფლი – 130 გრ

ნაღების კარაქი – 50 გრ

შედედებული რძე – 3-4 სუფრის კოვზი

შაქარი

მწვანილის ფოთლები  ან  მწვანე ფერის კრემი

მომზადების წესები:

დავაბლენდეროთ ორცხობილა და ვაფლი,შევურიოთ კარაქი, შედედებული რძე,მოვზილოთ ისეთი  ცომი,რომლითაც ადვილი იქნება მარწყვების გამოძერწვა.

გამოვძერწოთ მარწყვი.

ჭარხალი გავხეხოთ,გავწუროთ და მიღებულ ფერში ამოვსვაროთ მარწყვები.ზოგიერთი კონდიტერი  მარწყვის ფორმის  ნამცხვრებს წითელი ფერით ღებავს.

მარწყვებს ფოთლები გავუკეთოთ  მწვანე ფერის კრემით ან მწვანილის ფოთლებით.

ეს დესერტი შეგვიძლია ასევე მივირთვათ ან გავაფორმოთ ტორტი,ტარტალეტკა.ტორტი ” კალათა” – ში : შეგვიძლია ჩავაწყოთ მარციპანის მარწყვები.წაიკითხეთ რეცეპტი.