კომბოსტოს მაჭკატები ( ოლადები ) მაწვნით

ინგრედიენტები ;

900 გრ.კომბოსტო

1 კვერცხი

150 მლ.მაწონი

1/2 ჩაის კოვზი სოდა

1 ჩაის კოვზი გამაფხვიერებელი

2 სუფრის კოვზი ფქვილი

მარილი,წიწაკა გემოვნებით

მომზადების წესები :

კომბოსტო დავჭრათ წვრილად.

თასში ჩავასხათ ოთახის ტემპერატურის ( საიდუმლო ნომერი 1) მაწონი.

მაწონს შევურიოთ კვერცხი მსუბუქად ავთქვიფოთ.

სითხეში ჩავყაროთ სოდა,მოვურიოთ, გაჩნდება ბუშტუკები და როცა უკვე რეაქცია მინელებას დაიწყებს,დავუმატოთ გამაფხვიერებელი ( საიდუმლო ნომერი 2).

თხევად მასას დავუმატოთ  მარილი გემოვნებით.ოლადების ცომი არ უნდა იყოს ტკბილი,რადგანაც შეწვისას გარედან დაიწვება და შიგნით იქნება უმი ( საიდუმლო ნომერი 3).

ფქვილი აუცილებლად უნდა გავცრად და უნდა იყოს უმარლესი ხარისხის( საიდუმლო ნომერი 4).

გაცრილი ფქვილი ჩავყაროთ თასში და დავასხათ თხევადი მასა, ჩავყაროთ კომბოსტო ,მოვურიოთ კოვზით ან ჩანგლით.მიქსერის ან სათქვეფის გამოყენება ამ ეტაპზე არ შეიძლება ( საიდუმლო ნომერი 5).

მოვზილოთ არაჟნის კონსისტენციის ცომი და დავასვენოთ 15 წუთი.

ცომს მოვურიოთ,კოვზით დავსვათ ბურთები გაცხელებულ ზეთიან  სქელძირიან( საიდუმლო ნომერი 6) ტაფაზე ,დავახუროთ თავსახური და შევწვათ ორივე მხრიდან.

კომბოსტოს  ოლადები დიდი რაოდენობის ზეთში არ უნდა შევწვათ.შეწვის მომენტში იგი იწოვს ზეთს და შიგნით რჩება უმი ( საიდუმლო ნომერი 7).

კომბოსტოს ოლადიკები მივირთვათ გემრიელიად!

 

 

 

კომბოსტოს ალადუშკები

ინგრედიენტები :

200 გრ.კომბოსტო

2 კვერცხის გული

60 გრ.ფქვილი

10 გრ.გამაფხვიერებელი

ზეთი შესაწვავად

5 გრ. დაფქული მუსკატის კაკალი

მარილი გემოვნებით

მომზადების წესები :

კომბოსტო გავრეცხოთ , დავჭრათ წვრილად,მოვაყაროთ მარილი და ხელით ავსრისოთ.

კომბოსტოს  დავუმატოთ კვერცხის გული,მოვაყაროთ მუსკატის კაკალი,ფქვილი,გამაფხვიერებელი  და მოვამზადოთ ალადუშკების ცომი.

გაცხელებულ სქელძირიან ტაფაზე დავასხათ ზეთი,სუფრის კოვზით დავსვათ ალადუშკები და შევწვათ ორივე მხრიდან.

 

 

 

პომიდვრის ოლადები

ინგრედიენტები:

პამიდორი – 500 გრ

ოხრახურში – 5 ტოტი

კამა – 5 ტოტი

კვერცხი – 1 ცალი

ფქვილი – 250 გრ

სოდა – 6 გრ

შაქარი – 25 გრ

მარილი – 5 გრ

დაფქული შავი წიწაკა – 2 გრ

ზეთი – 40 მლ

მომზადების წესები:

  1. პამიდოს კანი გავაცალოთ და დავაბლენდეროთ.მას დავუმატოთ კვერცხი,მარილი,შავი დაფქული წიწაკა,წვრილლად დაჭრილი ოხრახურში ,კამა ,ფქვილი შაქართან ერთად და მოვურიოთ.
  2. ცომს დავუმატოთ სოდა,კარგად მოვურიოთ და გავაჩეროთ 15 წუთი.
  3. შეწვის წინ ცომს არ უნდა მოვურიოთ.შევწვათ ოლადები  სქელძირიან ტაფაზე  ზეთში ორი წუთი ორივე მხრიდან .

მაჭკატები,ოლადები ხახვით

ინგრედიენტები :

3 თავი ხახვი

5 სუფრის კოვზი მანანის ბურღული

2 კვერცხი

150 გრ.არაჟანი

2 სუფრის კოვზი დაჭრილი პიტნა

2 სუფრის კოვზი   დაჭრილი ზეთის ხილი

ნახევარი ლიმონი

მარილი და წიწაკა გემოვნებით

კარაქი შესაწვავად

მომზადების წესები :

ხახვი  გავჭრათ შუაზე,დავასხათ ცივი წყალი,რომ დაიფაროს,ჩავასხათ  1 სუფრის კოვზი ძმარი და ჩავყაროთ 1 ჩაის კოვზი მარილი,გავაჩეროთ 20 წუთი.

ხახვი გავატაროთ ხორცსაკეში,გავწუროთ,სითხე გადავღვაროთ.

გაწურულ ხახვს დავუმატოთ მანანის ბურღული,კვერცხი,მარილი,წიწაკა,მოვურიოთ და  ხახვის ოლადები შევწვათ კარაქში ორივე მხრიდან.

სოუსი ხახვის მაჭკატებისათვის:

პიტნა,ზეთისხილი,ლიმონის წვენი,მარილი გემოვნებით და არაჟანი შევურიოთ.

ხახვის ოლადები მივირთვათ სოუსთან ერთად!

 

ბადრიჯანი ფარშით – თურქული სამზარეულო

ინგრედიენტები :

ბადრიჯანი – 6

ფარში – 250 გრ

ტომატ -პასტა –  1 სუფრის კოვზი

კეტჩუბი –  1 სუფრის კოვზი

ხახვი –  1

პომიდორი – 2

ნიორი  – 2 კბილი

პაპრიკა –  1ჩ.კოვზი

მარილი და წიწაკა გემოვნებით

მომზადების წესები ;

ბადრიჯანს კანი ყველა მხრიდან ლენტივით ავაჭრათ, ერთ ადგილას  სიგრძეზე ჩავჭრათ ,მოვათავსოთ 20 წუთი მარილწყალში,რომ სიმწარე გამოუვიდეს.

ბადრიჯნები დავაწყოთ ღუმელის ტაფაზე ისე,რომ ჩაჭრილი მხარე ზემოდან მოექცეს.ზეთი ბარიჯნებსაც წავუსვათ და ღუმელის ტაფაზეც მოვასხათ და  გამოვაცხოთ.

გახურებულ ტაფაზე ზეთში მოვშუშოთ ხახვი და ნიორი,შემდეგ კი მათთან ერთად ფარში.დავუმატოთ მარილი,წიწაკა,კეტჩუბი,პაბრიკა.

ხის კოვზისა და დანის დახმარებით ჩაჭრილ ადგილას ბადრიჯანი გადავხანათ,მივცეთ ნავის ფორმა,ამოვავსოთ ფარშით,ზემოდან დავაწყოთ დაჭრილი პომიდვრის ნაჭრები და წიწაკა,მოვაყაროთ მწვანილი.

1 სუფრის კოვზი ტომატი გავხსნათ წყალში და დავასხათ ბადრიჯნებს.

გამოვაცხოთ 180 გრადუსზე 20-30 წუთი.

 

მუსაკა ( ბადრიჯანი ხორცით და ყველით) – ბერძნული სამზარეულო

ინგრედიენტები :

600 გრ.ბადრიჯანი

400 გრ.კარტოფილი

150 გრ.მაგარი ყველი

30 გრ.საფანელი

100 მლ.ზეთი

90 გრ.მარილი

სოუსი ბეშამელი :

50 გრ.კარაქი

100 გრ.ფქვილი

1 ლიტრი რძე

1 გრ.მუსკატის კაკალი

5 გრ.მარილი

სოუსი ბოლონეზე :

500 გრ.საქონლის ფარში

250 გრ.ღორის ხორცის ფარში

2 ხახვი

4 კბილი ნიორი

300 გრ ( 3 ცალი ) პომიდორი

30 გრ.ტომატ პასტა

125 მლ.წყალი

60 მლ.თეთრი მშრალი ღვინო

125 მლ.ზეითუნის ზეთი

4 გრ.შაქარი

2 დარიჩინის ჯოხი

1 გრ.მუსკატის კაკალი

4 ბაჰარი

2 დაფნის ფოთოლი

20 გრ.მარილი

მომზადების წესები :

ბადრიჯანი დავჭრათ 5 მმ სისქის რგოლებად.

ბდარიჯანს მოვაყაროთ 3 სუფრის კოვზი(90 გრ)მარილი და გავაჩეროთ 20 წუთი. ბადრიჯანს გადავავლოთ წყალი,დავწრიტოთ ქაღალდის ხელსახოცზე.

ღუმელის ტაფაზე დავაფინოთ ქაღალდი,წავუსვათ ცხიმი,დავალაგოთ ბარიჯნის რგოლები და 15 წუთი გამოვაცხოთ 180 გრადუსზე.

კარტოფილი დავჭრათ 5 მმ სისქის რგოლებად.

ღუმელის ტაფაზე დავაფინოთ ქაღალდი, მოვუსვათ ცხიმი დავაწყოთ კარტოფილის რგოლები და 15 წუთი გამოვაცხოთ 180 გრადუსზე.

სანამ კარტოფილი და ბადრიჯანი გამოცხვება მოვამზადოთ სოუსი ბოლონეზი:

ხახვი გავატაროთ ხორცსაკეპში.

ნიორი  წვრილად დავჭრათ.

გახურებულ ტაფაზე მოვასხათ 60 მლ.ზეთი.მასში გადავიტანოთ გატარებული ხახვი და დაჭრილი ნიორი,ერთად ვშუშოთ.

ცხელ წყალში გავხსნათ ტომატ პასტა,შევურიოთ შაქარი,მარილი და მუსკატის კაკალი.

მოშუშულ ხახვს და ნიორს  დავუმატოთ ფარში და ერთად გავაგრძელოთ მო შუშვა.

პომიდორებს გავაცალოთ კანი.

მოშუშულ ფარშს მოვასხათ თეთრი მშრალი ღვინო,დაველოდოთ აორთქლებას,შემდეგ დავასხათ ტომატ პასტის სოუსი,დავუმატოთ დარიჩინის ჯოხი,შავი წიწაკის მარცვლები და დაფნის ფოთოლი.

კანგაცლილი პომიდორები დავაბლენდეროთ,მოვასხათ ხორცს.

ცალყურა ტაფაში გავადნოთ კარაქი,შევურიოთ ფქვილი.როცა ცომი ოქროსფერი გახდება,მხოლოდ მაშინ დავასხათ რძე,ჩავყაროტ დაფქული მუსკატი და მარილი.სოუსი მივიყვანოთ ადუღებამდე.

ყველი მსხვილ სახეხზე გავხეხოთ.

სოუსი ბოლონეზედან  ამოვიღოთ დარიჩინის ჯოხი და დაფნის ფოთოლი.

ფორმას მოვუსვათ ზეთი ,მოვაყაროთ საფანელი  და ავაწყოთ კერძი ფენებად შემდეგი თანმიმდევრობით: კაროფილი,3 სუფრის კოვზი ბეშამელის სოუსი,გახეხილი ყველი,ბარიჯნის რგოლები,სამი სუფრის კოვზი ბეშამელის სოუსი,გახეხილი ყველი,სოუსი  ბოლონეზი ,დარჩენილი ბეშამელი,მოვაყაროთ ყველი,გადავაფაროთ ფოლგა და 40 წუთი გამოვაცხოთ 180 გრადუსზე.გამოცხობამდე 20 წუთით ადრე მოვაშოროთ ფოლგა და მუსაკა ისე გამოვაცხოთ.

ბადრიჯნის კონსერვი პომიდვრით “დედამთილის ენა” – მოვემზადოთ ზამთრისათვის

ინგრედიენტები 6 ლიტრისათვის :

4 კგ.ბადრიჯანი

1 კგ.პამიდორი

1 კგ.წითელი ბულგარული

100 გრ. ნიორი

4 წითელი  წიწაკა

1160 მლ.9% ძმარი

240 მლ.ზეთი

240 გრ.შაქარი

2 ს.კოვზი მარილი

მომზადების წესები :

ბარიჯანი დავჭრათ ალყა – ალყად,მოვაყაროთ მარილი და გავაჩეროთ 20-30 წუთი. ბადრიჯანი წვენს გამოუშვებს, გავწუროთ და სიმწარე ისე მოვაშოროთ.

პამიდორს დავასხათ ცხელი წყალი და კანი მოვაშოროთ.

ბულგარული გავასუფთაოთ თესლებისაგან.

პამიდორი,ნიორი,ბულგარული წიწაკა და მწარე წიწაკა გავატაროთ ხორცსაკეპში. პიურეს შევურიოთ ძმარი,მარილი,შაქარი,ზეთი და მოვადუღოთ.

მოდუღებულ პამიდვრის წვენში ჩავაწყოთ ბადრიჯნები და დაახლოებით ერთი საათი ვშუშოთ.

ცხელი ბადრიჯნის სალათი ჩავასხათ სტერილურ ქილებში მოვხუფოთ,შევფუთოთ და ისე გავაციოთ.

ბადრიჯნის სალათი შევინახოთ გრილ ადგილას ზამთრისათვის.

 

 

 

ბადრიჯნის კუჭმაჭის კონსერვი – მოვემზადოთ ზამთრისათვის

ინგრედიენტები:

5 კგ. ბადრიჯანი

1 კგ.ბულგარული ( შეგვიძლია,რომ არც დავუმატოთ)

750 გრ. წითელი ხახვი

2 თავი   ნიორი

ნახევარი არყის ჭიქა ხმელი ქინძი

500  მლ.ზეთი

250 მლ.9% ძმარი

1/4 არყის ჭიქა ქონდარი

ნახევარი არყის ჭიქა  ყვითელი ყვავილი

ნახევარი არყის ჭიქა ხმელი სუნელი

მარილი და წიწაკა გემოვნებით

მომზადების წესები :

ბადრიჯანი დავჭრათ მსხვილ კუბებად,მოვაყაროთ მარილი და გავაჩეროთ 30 წუთი.

ბადრიჯანი გამოუშვებს მწარე წვენს  და სითხე გადავწუროთ.

ტაფაზე დავასხათ ზეთი  ( ბადრიჯანს უნდა ფარავდეს)და მასში შევწვათ ბადრიჯანი.

კუბებად დავჭრათ წითელი ხახვი,ნიორი და ბულგარული.

შემწვარ ბადრიჯანს დავაყაროთ დაჭრილი ხახვი,ნიორი და ბულგარული ,ერთად ვშუშოთ.

მოშუშული ბოსტნეული შევაზავოთ მარილით, წიწაკით, სუნელებით .

ცხელ-ცხელი ბადრიჯანი    გადავიტანოთ სტერილურ ქილებში,ავავსოთ პირამდე და მოვხუფოთ.ცხელი ქილები შევფუთოთ და ისე გავაგრილოთ

 

ბადრიჯნისა და სოკოს კუჭმაჭი – ქართული სამარხვო კერძი

ინგრედიენტები:

4 ბადრიჯანი

1 წითელი ხახვი

2 კბილი ნიორი

1 პატარა ზომის წითელი ბულგარული ( შეგვიძლია არც დავუმატოთ)

1 ჩ.კოვზი ხმელი ქინძი

100  მლ.ზეთი

0,5 ჩაის კოვზი ყვითელი ყვავილი

0,5 ჩაის კოვზი ხმელი სუნელი

მარილი და წიწაკა გემოვნებით

მომზადების წესები :

ბადრიჯანი დავჭრათ მსხვილ კუბებად,მოვაყაროთ მარილი და გავაჩეროთ 30 წუთი.

ბადრიჯანი გამოუშვებს მწარე წვენს  და სითხე გადავწუროთ.

ტაფაზე დავასხათ ზეთი  ( ბადრიჯანს უნდა ფარავდეს)და მასში შევწვათ ბადრიჯანი.

კუბებად დავჭრათ წითელი ხახვი,ნიორი და ბულგარული.

შემწვარ ბადრიჯანს დავაყაროთ დაჭრილი ხახვი,ნიორი და ბულგარული და ერტად ვშუშოთ.

მოშუშული ბოსტნეული შევაზავოთ მარილით, წიწაკით, სუნელებით და მოვაყაროთ დაჭრილი ქინძი.

სოკოს კუჭმაჭი

2კგ.ხის სოკო

300 გრ.ნიგოზი

5 კბილი ნიორი

სუნელები

100 გრ.კონსერვირებული არტიშოკი,თუ სურვილი გვაქვს

2 ჩ.კოვზი ხარჩოს სუნელი

1 ჩ.კოვზი ქონდარი

მარილი და  დაღერღილი წიწაკა გემოვნებით

მომზადების წესები :

ხის სოკო დავჭრათ და მოვხალოთ სქელძირიან ტაფაში მაღალ ცეცხლზე,მოვასხათ ზეითუნის ზეთი და მოვშუშოთ.

ნიგოზი და ნიორი დავაბლენდეროთ,გავათხელოთ წყლით და შევურიოთ სუნელები: ქონდარი,ყვითელი ყვავილი,ხმელი ქინძი და უცხო სუნელი.

ხის სოკოს დავასხათ სოუსი,მოვაყაროთ არტიშოკი,მარილი, დაღერღილი წიწაკა,მოვურიოთ და ბოლოს  მოვაყაროთ ბროწეული და დაჭრილი ქინძი.

 

 

 

 

 

საქონლის ენისა და სოკოს კუჭმაჭი. ელარჯის ჩხირები

ინგრედიენტები 4 ულუფისათვის :

800 გრ.საქონლის ენა

250 გრ.ხის სოკო

100 გრ.ხახვი

50 გრ.პამიდორი

5 გრ.აჯიკა

25 გრ.ქინძი

მარილი გემოვნებით

მომზადების წესები :

მოხარშული ენა დავჭრათ გრძლად და წვრილად.

ასევე გრძლად დაწვრილად დავჭრათ ხის სოკო.

კუბებად დაჭრილი ხახვი მოვშუშოთ ზეთში,ჯერ დავუმატოთ დაჭრილი პამიდორი და აჯიკა,შემდეგ ხის სოკო და დაჭრილი მოხარშული ენა.ყველაფერი ერთად ჩავთუშოთ და ბოლოს მოვაყაროთ  მარილი,დაჭრილი ქინძი და ბროწეულის მარცვლები.

ამ კერძს ძალიან უხდება ელარჯის  ჩხირები .

350 გრ.ღერღილი

250 გრ.სიმინდის ფქვილი

850 გრ.ყველი სულგუნი

 წაიკითხეთ ელარჯის მომზადების წესები.

ელარჯი დავჭრათ  ჩხირებად და შევწვათ ოთხივე მხრიდან კარაქში.

თეფშზე დავაწყოთ შემწვარი ელარჯის ჩხირები,კუჭმაჭი და მოვასხათ ალუბლის შარბათი.

 

რეცეპტის ავტორია  რუსეთში მოღვაწე შეფმზარეული იზო ძანძავა