ღუმელში გამომცხვარი ქათამი ბრინჯის,სოკოს , ჩირის სატენით და კარტოფილის გარნირით

ინგრედიენტები :

ერთი 2 კილოგრამიანი ქათამი

300 გრ.სოკო

5 -6 გარგრის ჩირი

70 გ.თხილი,ქეშიუ ან ნიგოზი

2 მუჭა ბრინჯი

1 თავი ხახვი

3 კბილი ნიორი

70 გრ.კარაქი

50 მლ.ზეთი

მომზადების წესები :

სოკო  საშუალო ზომებად დავჭრათ.

ხახვი გავფცქვნათ,დავჭრათ გრძლად.

ნიორი დავჭრათ.

მაღალ ცეცხლზე შემოვდგათ საშუალო ზომის ტაფა.მასში გავადნოთ კარაქი,დავასხათ ზეთი და  ჩავყაროთ ხახვი,ნიორი და სოკო . შემდეგ დავაყაროთ დაჭრილი ნიგოზი და გარგრის ჩირი.სოკო ბოლომდე არ უნდა შეიწვას,უნდა გამოცხვეს ქათამში.მოვაყაროთ 2 მუჭა ბრინჯი.

შიგთავსი გადავიტანოთ სხვა ჯამში და დაველოდოთ გაცივებას.

ტაფაზე გავადნოთ კარაქი.

ღუმელის ტაფაზე მოვასხათ ზეთი,გადავიტანოთ ქათამი,ამოვავსოთ შიგთავსით,ფეხები კარგად შევუკრათ ალუმინის ქაღალდით,ზემოდან გადავუსვათ გამდნარი კარაქი და შევდოთ ღუმელში გამოსაცხობად.

ვაცხობთ 190 გრადუსზე ზედა და ქვედა წვაზე დაახლოებით  ერთი საათი და 25 წუთი.

კარტოფილის გარნირი:

5-6  კარგად გარეცხილი კარტოფილი ქერქიანად დავჭრათ კუბებად,ჩავყაროთ თასში.

კარტოფილს მოვაყაროთ : ერთი მწიკვი წითელი წიწაკა,მარილი გემოვნებით,  ერთი გრამი როზმარინი,ერთი გრამი შაშკვლავი, 5 კბილი გახეხილი ნიორი,მოვასხათ კარაქი და ზეთი.

სანამ კარტოფილს მოვაყრით ქათამს,გადავუსვათ გამდნარი კარაქი.

ქათამს ირგვლივ კარტოფილი მოვაყაროთ ნახევარი საათით ადრე და გამოვაცხოთ.

წყარო: იუთუბი,გადაცემა გურმანია,2015 წელი.

 

 

 

 

ქათმის ფილეს,სოკოს,კიტრის და პამიდვრის საზაფხულო სალათა “მარწყვი”

გემრიელი და ამავე დროს უჩვეულო სალათი “მარწყვი” მზადდება უბრალოდ.  ეს კერძი თავისი უჩვეულო ფორმისა და დეკორაციის წყალობით სადღესასწაულო სუფრის მშვენებაა, სტუმრები დააფასებენ თქვენს ძალისხმევას.

ინგრედიენტები :

300 გრ.ქათმის ფილე

200 გრ.ქამა სოკო

3 პამიდორი

1 კიტრი

1 ხახვი

100 გრ.ყველი

30 მლ.ზეთი

200 გრ.მაიონეზი

მომზადების წესები :

ქათმის ფილე მოვხარშოთ და გავაგრილოთ.

სოკო დავჭრათ და ტაფაზე შევწვათ.წვის პროცესის შუაში დავაყაროთ დაჭრილი ხახვი და  მოვაყაროთ მარილი.

ბრტყელ თეფშზე ავაწყოთ სალათი: პირველი  ფენა ქათმის ფილე,მეორე-სოკო და ხახვი,მესამე კი გახეხილი ყველი.ასე ავაწყობთ ბოლომდე,სანამ ინგრედიენტები არ გამოგველევა.ფენებს შორის მოვასხათ მაიონეზი. ინგრედიენტები დავაწყოთ ისე,რომ მივიღოთ მარწყვის ფორმა.

ბოლოს სალათი ზემოდან დავფაროთ დაჭრილი პომიდვრით და გავაფორმოთ კიტრით

 

სალათი ნისუაზი -უგემრიელესი ფრანგული თინუსის სალათი

ინგრედიენტები :

300  გრ.დაკონსერვირებული თინუსი( ტუნეცი)

10 ცალი ახალი კარტოფილი

20 ცალი კაპერსი

4 ცალი ანჩოუსი

250 გრ.მწვანე ლობიო

4 კვერცხი

50 გრ.კურკაგამოცლილი ზეთისხილი

150 გრ.პამიდორი ჩერი

სალათიდ ფურცლები

3 ს.კოვზი ზეითუნის ზეთი

2 ჩ.კოვზი მდოგვი

1 ს კოვზი ლიმონი

2 კბილი ნიორი

ზღვის მარილი,წიწაკა გემოვნებით

მომზადების წესები :

კაპერსი დავნაყოთ ,შევურიოთ მდოგვში და სანაყი ქვის გამოყენებით მასში ავსრისოთ ანჩოუსი.სანაყში  ჩავდოთ ორი  კბილი ნიორი,მოვაყაროთ მარილი, ჩავასხათ ერთი სუფრის კოვზი ძმარი,ერთი სუფრის კოვზი ზეთი ,ქვის დახმარებით კარგად შევურიოთ და ბოლოს დავუმატოთ დაჭრილი ოხრახურში.მივიღებთ სქელ სოუსს.

ახალი კარტოფილი,მწვანე ლობიო  მოვხარშოთ ,მოვასხათ ზეითუნის ზეთი,მოვაყაროთ მარილი და შავი დაფქული წიწაკა.

პამიდორი ჩერი გავჭრათ შუაზე.

კვერცხი მოვხარშოთ თოხლოდ და გავჭრათ შუაზე.

ავაწყოთ სალათი. თეფშზე მოვასხათ სოუსი,დავაწყოთ სალათის  ფურცლები , ახალი კარტოფილი,პარკი ლობიო,დაკონსერვებული თინ უსი,პომიდორი ჩერი,მოვაყაროთ ზეთისხილი,მოვასხათ სოუსი.

 

 

 

ახალი კარტოფილის,პარკი ლობიოს სალათი – გარნირი თევზეულისათვის

ინგრედიენტები :

1 კგ. ახალი კარტოფილი

500 გრ.  მწვანე ლობიო ( შეიძლება ფრანგული ლობიოს  კონსერვიც)

200 გრ.ღანძილი ან ახალი ნიორი

1 ლაიმი

კამა ,პიტნა, ტარხუნა,შაშკვლავი თითო – თითო კონა

ზღვის მარილი  გემოვნებით

 

მომზადების წესები :

ახალი კარტოფილი მოვხარშოთ ოდნავ მარილიან წყალში,გავაგრილოთ და ცოტა დიდი ზომის კარტოფილები დავჭრათ.

მარილწყალში მოვწალოთ მწვანე ლობიო .

ზეთში მოვბრაწოთ ღანძილი .

ზეთში მოვბრაწოთ კარტოფილები. შემდეგ იგივე ტაფაზე მოვბრაწოთ მწვანე ლობიო. თუ ღანაძილი არ გვაქვს ,ლობიოსთან ერთად მოვბრაწოთ ახალი ნიორი.

ახალ კარტოფილს,ლობიოს,ღანძილს მოვაყაროთ ზღვის მარილი,ლაიმის ცედრა,დაჭრილი კამა,გადავურიოთ და 2 წუთი შევდოთ გახურებულ ღუმელში. სალათს მოვაყაროთ დაჭრილი პიტნა,ტარხუნა,დავაწყოთ ზემოდან შემწვარი თევზი და გავიტანოთ საფრაზე.

მწვანე ლობიოს დიეტური სალათი

მწვანე ლობიო დიეტური კერძების მოსამზადებლად  მნიშვნელოვანი კომპონენტია. ის არ შეიცავს იმდენი რაოდენობის  ცილებს, როგორც სხვა სახეობის ლობიო, მაგრამ იგი  დაბალკალორიულია და მდიდარია ვიტამინებით.

ინგრედიენტები :

400 გრ.მწვანე ლობიო ან დაკონსერვებული ფრანგული ლობიო

4 კვერცხი

1 კბილი ნიორი

2 ს.კოვზი ზეითუნის ზეთი

მარილი გემოვნებით

 

მომზადების წესები ;

მწვანე ლობიო გავრეცხოთ, დავჭრათ,მოვხარშოთ  ადუღებულ მარილწყალში 5 წუთი,გადავავლოთ ცივი წყალი( ფერის შესანარჩუნებლად).ლობიო დავწრიტოთ.მოხარშული ლობიო ოდნავ შეგვიძლია მოვბრაწოთ ზეთში.

მოხარშული კვერცხი დავჭრათ წვრილად.

ნიორი დავჭყლიტოთ.

მწვანე ლობიოს მოვაყაროთ დაჭრილი კვერცხი,დაჭყლეტილი ნიორი,მარილი,მსუბუქად ამოვურიოთ.

მეორე ვარიაცია :

1 კგ  მწვანე ლობიო  ან დაკონსერვებული ფრანგული ლობიო

24 კბილი ნიორი

პიტნა,მარილი გემოვნებით

2 ს.კოვზი ბალზამიკო

100 გრ.ობის ყველი

ლიმონი

50 გრ.ნიგოზი

ზეთი

მომზადების წესები :

მოწალული  პარკი  ლობიო   მოვბრაწოთ ზეთში,ორი  წუთის შემდეგ მოვაყაროთ  ნივრის დაჭრილი კბილები,მარილი წიწაკა და მოვასხათ ლიმონის წვენი.

ლობიო გადმოვიტანოთ თასში და ცხელსვე მოვაყაროთ დაჭრილი პიტნა,დატეხილი ნიგოზი ,ობის ყველი .

სალათი გადავიტანოთ თეფშზე და მოვასხათ ბალზამიკო.

მწვანე ლობიოს არა დიეტური  სალათი – გარნირი თევზეულისათვის

1 კგ პარკი ლობიო.

6 კბილი ნიორი

100 გრ.კარაქი

4 მოხარშული კვერცხი

ნახევარი ფორთოხალი

მომზადების წესები :

მწვანე ლობიო გავრეცხოთ, დავჭრათ,მოვხარშოთ  ადუღებულ მარილწყალში 5 წუთი,გადავავლოთ ცივი წყალი( ფერის შესანარჩუნებლად).ლობიო დავწრიტოთ.

კარაქში მოვშუშოთ ნიორი,შემდეგ დავაყაროთ ლობიო და ერთად მოვბრაწოთ. მოვაყაროთ მარილი ,პაპრიკა და  დაჭრილი,კანგაცლილი  ფორთოხლის ლებნები.

მოხარშული კვერცხი შუაზე გავჭრათ.

სალათი თეფშზე გადმოვიტანოთ და მოვაწყოთ მოხარშული კვერცხი.

 

 

 

ღუმელში გამომცხვარი კარტოფილი ლორით

ინგრედიენტები :

საშუალო ზომის,,წითელი ( ადვილად მოსახარში)კარტოფილი

ცხიმი,ლორი

მარილი ,შავი დაფქული  წიწაკა გემოვნებით

მომზადების წესები :

კარტოფილი ქერქიანად გავრეცხოთ კარგად.

ლორი დავჭრათ თხლად.

კარტოფილები გავჭრათ შუაზე და ორ ნაწილს შორის მოვათავსოთ ლორის ნაჭერი,მოვაყაროთ მარილი,წიწაკა.

კარტოფილები შევახვიოთ ფოლგაში და 180 გრადუსზე წინასწარ გახურებულ ღუმელში გამოვაცხოთ 40 წუთი.

 

 

როგორ გამოვაცხოთ ახალი კარტოფილი ღუმელში – გარნირი თევზეულისათვის

ინგრედიენტები :

1 კგ ახალი კარტოფილი

ნახევარი ჩაის კოვზი პაპრიკა

ნახევარი ჩაის კოვზი შავი დაფქული წიწაკა

4 ს.კოვზი ზეთი

2 კბილი ნიორი

1 პატარა წითელი ხახვი

მარილი გემოვნებით

მწვანილი( ქინძი,კამა) გემოვნებით

მომზადების წესები :

ახალი კარტოფილი ქერქიანად გავრეცხოთ,ქაღალდის ხელსახოცით შევამშრალოთ და ხის ჩხირით დავჩხვლიტოთ.

მარინადი: 2 სკოვზ ზეთს  შევურიოთ პაპრიკა და შავი დაფქული წიწაკა, 1 კბილი გახეხილი ნიორი,მარილი.

კარტოფილი გადავიატნოთ ცელოფანში,მოვასხათ მარინადი, ავურიოთ მოვუკრათ თავი და გავაჩეროთ 15 წუთი.

ფორმაში ჩავაფინოთ ქაღალდი,ერთ ფენად დავალაგოთ კარტოფილები,შევდოთ 190 გრადუსზე წინასწარ გახურებულ ღუმელში 20-30 წუთი ( ზედა-ქვედა) წვა,შემდეგ ჩავრთოთ კონვერსია და კატოფილები გამოვაცხოთ დაახლოებით 10 წუთი 200 გრადუსზე.

სანამ  ახალი კარტოფილი ღუმელში  ცხვება 2 სუფრის კოვზ ზეთს  შევურიოთ წვრილად დაჭრილი ხახვი,1 კბილი გახეხილი ნიორი ,მწვანილი და შემწვარ ახალ კარტოფილს მოვაყაროთ .

ახალი კარტოფილი ღუმელში ერთი წუთი გავაჩეროთ.ამ სახით მომზადებული ახალი კარტოფილი შეგვიძლია ცალკე კერძად მივირთვათ  ან  ღუმელში გამომცხვარ თევზთან გამოვიყენოთ გარნირის სახით.

 

როგორ მოვბრაწოთ ახალი კარტოფილი კამით,ტარხუნით,რეჰანითა და სატაცურით

ახალი კარტოფილი  სეზონის ჰიტია. იგი  ორჯერ ნაკლებ ნახშირწყლებს შეიცავს ,ვიდრე ძველი და ამიტომ 30-40 % -ით ნაკლებ კალორიულია.ბავშვებს მგრძნობიარე და ადვილად გაღიზიანებადი კუჭ-ნაწლავი აქვთ და ამის გამო  7 წლამდე ახალი კარტოფილის გასინჯვა რეკომენდირებული არ არის.

მობრაწული ახალი კარტოფილი კამით

ინგრედიენტები :

1 კგ.კარტოფილი

1 ს.კოვზი მარილი (1 ლიტრა  მარილწყალის მოსამზადებლად)

1 პატარა კონა კამა

2-3 ს.კოვზი ზეთი+ 30 გრ.კარაქი

მომზადების წესები :

თასში თვალზომით ჩავასხათ დაახლოებით 1 ლიტრა  წყალი,ჩავყაროთ 1 ს .კოვზი მარილი,ჩავყაროთ კარტოფილი და გავაჩეროთ 5 წუთი.მარილწყალი დაარბილებს კანს და ადვილად გავფხიკავთ დანით.

მარილიანი წყალი გადავღვაროთ და გაფხეკილი კარტოფილები ჩავყაროთ სუფთა ცივ წყალში.გავაჩეროთ ცოტა ხნით.

ავადუღოთ წყალი,ჩავყაროთ მარილი გემოვნებით,მოვხარშოთ კარტოფილი 3 წუთი და შემდეგ გადავწუროთ.

გახურებულ ტაფაზე დავასხათ ზეთი,ჩავაგდოთ კარაქი,დავაწყოთ 1 ფენად კარტოფილები და შევწვათ ყველა  მხრიდან.

ცხელს მოვაყაროთ წვრილად დაჭრილი კამა.

ახალი კარტოფილი ტარხუნით

1 კილო ახალი კარტოფილი

1 კონა ტარხუნა

4 სუფრის კოვზი დიჟონის მდოგვი

3 ს.კოვზი ზეთი+ 30 გრ.კარაქი

მარილი და  დაღერღილი წიწაკა გემოვნებით

მომზადების წესები :

თასში თვალზომით ჩავასხათ დაახლოებით 1 ლიტრა  წყალი,ჩავყაროთ 1 ს .კოვზი მარილი,ჩავყაროთ კარტოფილი და გავაჩეროთ 5 წუთი.მარილწყალი დაარბილებს კანს და ადვილად გავფხიკავთ დანით.

მარილიანი წყალი გადავღვაროთ და გაფხეკილი კარტოფილები ჩავყაროთ სუფთა ცივ წყალში.გავაჩეროთ ცოტა ხნით.

ავადუღოთ წყალი,ჩავყაროთ მარილი გემოვნებით,მოვხარშოთ კარტოფილი 3 წუთი და შემდეგ გადავწუროთ.

გახურებულ ტაფაზე დავასხათ ზეთი,ჩავაგდოთ კარაქი,დავაწყოთ 1 ფენად კარტოფილები და შევწვათ ყველა  მხრიდან.

ცხელსვე მოვაყაროთ დაჭრილი ტარხუნა,მარილი,წიწაკა,მოვასხათ დიჟონის მდოგვი,ამოვურიოთ,ერთი წუთი გავაჩეროთ ცეცხლზე და გადმოვდგათ.

ახალი კარტოფილი სატაცურით

ინგრედიენტები :

1 კგ ახალი კარტოფილი

6  სატაცური

4 კბილი ნიორი

3-4 ღერი რეჰანი

3 ს.კოვზი ზეთი+ 30 გრ.კარაქი

მარილი და   დაღერღილი ან მწვანე წიწაკა გემოვნებით

მომზადების წესები :

თასში თვალზომით ჩავასხათ დაახლოებით 1 ლიტრა  წყალი,ჩავყაროთ 1 ს .კოვზი მარილი,ჩავყაროთ კარტოფილი და გავაჩეროთ 5 წუთი.მარილწყალი დაარბილებს კანს და ადვილად გავფხიკავთ დანით.

მარილიანი წყალი გადავღვაროთ და გაფხეკილი კარტოფილები ჩავყაროთ სუფთა ცივ წყალში.გავაჩეროთ ცოტა ხნით.

ავადუღოთ წყალი,ჩავყაროთ მარილი გემოვნებით,მოვხარშოთ კარტოფილი 3 წუთი და შემდეგ გადავწუროთ.

გახურებულ ტაფაზე დავასხათ ზეთი,ჩავაგდოთ კარაქი,დავაწყოთ 1 ფენად კარტოფილები და შევწვათ ყველა  მხრიდან.

ცხელსვე მოვაყაროთ დაჭრილი რეჰანი ,სატაცური,დაღერღილი წიწაკა, მარილი, ამოვურიოთ,ერთი წუთი გავაჩეროთ ცეცხლზე და გადმოვდგათ.

 

 

 

გემრიელი ქათმის კატლეტები სოკოთი და ახალი კარტოფილის გარნირით

 აბა, რომელ ჩვენგანს არ გვიყვარს კოტლეტი? კოტლეტი ახალი კარტოფილის გარნირით იოლი მოსამზადებელია და  გემრიელია.

ინგრედიენტები :

1 კილო ქათმის ხორცი

300 გრ.სოკოს

1 პომიდორი

1-2 კბილი ნიორი

1-2 თავი ხახვი

ხარჩოს სუნელი

საფანელი

ორეგანო და ჯანჯაფილი სურვილისამებრ

ქინძი,კამა სურვილისამებრ

მარილი  და წიწაკა გემოვნებით

მომზადების წესები :

ქათმის ხორცი მოვხარშოთ და დავძენძოთ.

ხახვი და ნიორი დავაბლენდეროთ.

სოკო ძალიან წვრილად დავჭრათ.

პომიდორი წვრილად დავჭრათ.

ფილეს შევურიოთ დაჭრილი და დაბლენდერებული ინგრედიენტები,საფანელი,სანელებლები,მარილი და წიწაკა.

ფარშისაგან დავამზადოთ კატლეტები და ჩვეულებრივი წესით შევწვათ ზეთში.

ახალი კარტოფილის გარნირი

ინგრედიენტები:

1 კგ.კარტოფილი

1 ს.კოვზი მარილი (1 ლიტრა  მარილწყალის მოსამზადებლად)

1 პატარა კონა კამა

2-3 ს.კოვზი ზეთი+ 30 გრ.კარაქი

მომზადების წესები :

თასში თვალზომით ჩავასხათ დაახლოებით 1 ლიტრა  წყალი,ჩავყაროთ 1 ს .კოვზი მარილი,ჩავყაროთ კარტოფილი და გავაჩეროთ 5 წუთი.მარილწყალი დაარბილებს კანს და ადვილად გავფხიკავთ დანით.

მარილიანი წყალი გადავღვაროთ და გაფხეკილი კარტოფილები ჩავყაროთ სუფთა ცივ წყალში.გავაჩეროთ ცოტა ხნით.

ავადუღოთ წყალი,ჩავყაროთ მარილი გემოვნებით,მოვხარშოთ კარტოფილი 3 წუთი და შემდეგ გადავწუროთ.

გახურებულ ტაფაზე დავასხათ ზეთი,ჩავაგდოთ კარაქი,დავაწყოთ 1 ფენად კარტოფილები და შევწვათ ყველა  მხრიდან.

ცხელს მოვაყაროთ წვრილად დაჭრილი კამა.