ინგრედიენტები :

0,5 კგ.მზა საფუარიანი  ფენოვანი ცომი.

საფუარიანი ფენოვანი ცომის რეცეპტი 

კრემი:

1ლიტრი რძე

300გრ.შაქარი

300 გრ.დარბილებული კარაქი

4 კვერცხის გული

50 გრ. ფქვილი

50გრ.სიმინდის სახამებელი

ვანილი

200 გრ.ქიშმიში

ან 200 გრ. გარგრის ჩირი(კურაგა)

2 კვერცხი ზემოდან  წასასმელად

მომზადების წესები :

0,5 ლ. რძე დავდგათ ცეცხლზე და შევათბოთ.

კვერცხის გულები და შაქარი ავთქვიფოთ ,შევურიოთ ფქვილი და სახამებელი.

მიღებული მასა  კარგად გავხსნათ  მორჩენილ 500 მლ. რძეში და გადავიტანოთ ოდნავ თბილ რძეში.

ვურიოთ ნელ-ნელა განუწყვეტლივ დაბალ ტემპერატურაზე ,სანამ კრემი გასქელდება.კრემი არ უნდა ადუღდეს.

ფაფა გავაცივოთ და ნელ-ნელა შევათქვიფოთ  ოთახის ტემპერატურაზე დარბილებული კარაქი.

არ დაგვავიწყდეს ვანილის დამატება.

ცომი გავაბრტყელოთ,წავუსვათ მოხარშული კრემი,მოვაყაროთ გარეცხილი,გამშრალებული ქიშმიში ან დაჭრილი  გარგრის ჩირი,გადავახვიოთ და დავჭრათ

ფუნთუშები დავჭრათ. ღუმელის ტაფაზე  დავაფინოთ ქაღალდი და გადავიტანოთ ფუნთუშები.

ფუნთუშებს ზემოდან წავუსვათ გათქვეფილი კვერცხი,გამოვაცხოთ 190 გრადუსზე წინასწარ გახურებულ ღუმელში 20-25 წუთი.