ნამცხვარი ციყვი თუ სინაზე – საბჭოთა რეცეპტი

ინგრედიენტები :

5 კვერცხი

1,5 ჭიქა შაქარი

200 გრ.კარაქი

5 ს.კოვზი მაწონი

1 ჩ.კოვზი სოდა ძმრით

2.5 ჭიქა ფქვილი

ცოტა მარილი,1 ცალი ფორთოხლის ან ლიმონის გახეხილი კანი

კრემი :

1ლიტრი რძე

300გრ.შაქარი

300 გრ.დარბილებული კარაქი

4 კვერცხის გული

50 გრ. ფქვილი

50გრ.სიმინდის სახამებელი

ვანილი

მომზადების წესები :

5 კვერცხი ავთქვიფოთ შაქართან ერთად,შევათქვიფოთ ოთახის ტემპერატურაზე დარბილებული კარაქი,დავუმატოთ მაწონი,სოდა ძმრით,მარილი,ლიმონის ცედრა და ბოლოს შევათქვიფოთ ფქვილი.

თუნუქის ფირფიტაზე დავაფინოთ ცხიმწასმული საცხობი ქაღალდი,დავასხათ ცომი და გამოვაცხოთ ღუმელში.

ბისკვიტი ჭიქით დავჭრათ,დარჩენილი ნაკუწები დავფშვნათ,ნამცხვარზე მოსაყრელად.

მოვამზადოთ მოხარშული კრემი.

0,5 ლ. რძე დავდგათ ცეცხლზე და შევათბოთ.

კვერცხის გულები და შაქარი ავთქვიფოთ ,შევურიოთ ფქვილი და სახამებელი.

მიღებული მასა  კარგად გავხსნათ  მორჩენილ 500 მლ. რძეში და გადავიტანოთ ოდნავ თბილ რძეში. ვურიოთ ნელ-ნელა განუწყვეტლივ დაბალ ტემპერატურაზე ,სანამ კრემი გასქელდება.კრემი არ უნდა ადუღდეს.

ფაფა გავაცივოთ და ნელ-ნელა შევათქვიფოთ  ოთახის ტემპერატურაზე დარბილებული კარაქი.

არ დაგვავიწყდეს ვანილის დამატება.

ბისკვიტი გავჭრათ შუაზე, წავუსვათ კრემი და შევაერთოთ. ნამცხვარს კრემი წავუსვათ გვერდებზეც და ზემოდანაც და მოვაყაროთ ნაფშვენები.