ინგრედიენტები:
3-4 ცალი კვერცხი
500 მ ლ. წყალი
1 კგ უმარლესი ხარისხის ფქვილი
10 გრ.მარილი
შიგთავსისათვის :
1 200 გრ იმერული და ჭყინტი ყველი
400 გრ.კარაქი
წასასმელად :
50 მლ .რძე
3 ცალი კვერცხი
50 გრ.კარაქი
მომზადების წესები:
კარაქი გავადნოთ.
თასში ჩავყაროთ გაცრილი ფქვილი,დავუმატოთ კვერცხი და წყალი,მოვზილოთ მაგარი ცომი .
მოზელილი ცომი გავყოთ 9 ნაწილად.ცომის ერთი ნაწილი უნდა იყოს შედარებით დიდი.პირველი და ბოლო ფენა მოუხარშავი უნდა დავტოვოთ.
აჩმის ფორმის ძირზე წავუსვათ ცხიმი,დავაფინოთ გაბრტყელებული და მოუხარშავი პირველი ფენა.წავუსვათ გამდნარი კარაქი.
ფართოპირიან თასში ჩავასხათ წყალი,ჩავყაროთ მარილი და წამოვადუღოთ.
ცომის თითოეული ნაწილი გავაბრტყელოთ საცხობი ფორმის ზომაზე.
გაბრტყელებული ცომი გადავახვიოთ ხის საბრტყელებელზე და პირიქითა მოძრაობით ჩავუშვათ მდუღარე წყალში.ვხარშოთ 40 წამი, ამოვიღოთ და ჩავდოთ ქვაბის გვერდზე მოთავსებულ ფართოპირიან ცივი წყლით სავსე თასში.
წაიკითხეთ ხაჭაპურის რეცეპტები
ცომი,რომ გაცივდება,შევამშრალოთ ქაღალდის ხელსახოცით,საცხობ ფორმაში მოხარშული მეორე და მესამე ფენა გადავიტანოთ .თითოეულ ფენას წავუსვათ გამდნარი კარაქი.
მოხარშულ ცომს მოვაყაროთ გახეხილი ყველი.ასე ფენაფენა ავაწყოთ აჩმა. ანუ 400-400 გრ. გახეხილ ყველს ვაყრი მე-3 , მე-5 და მე-7 ფენას,კარაქს კი ვუსმევთ ყველა ფენას.
ზედა ფენაზე გადავუსვათ რძეში გახსნილი კვერცხის გული და დავჭრათ.
აჩმა შევდგათ ჰაერღუმელში და 200 გრადუსზე გამოვაცხოთ.ცხელ აჩმას ზემოდან წავუსვათ კარაქი.
თუ აჩმა მეორე დღისთვის დაგრჩათ,მაშინ აჩმა ძალიან გემრიელია არაჟნით.
