ბაჟე – ყველაზე გემრიელი ქართული კერძი

ინგრედიენტები :

1 ქათამი

400 გრ.ნიგოზი

1ჩ.კოვზი უცხო სუნელი

1/4 ჩ.კოვზი ყვითელი ყვავილი

2-3 კბილი ნიორი

მარილი,დაფქული წითელი წიწაკა  გემოვნებით

1 ს.კოვზი ბროწეულის წვენი ან ლიმონის წვენი ან ღვინის ძმარი

წყალი  ან ბულიონი – იმის მიხედვით რა სისქის სოუსი გვინდა

მომზადების წესები :

გასუფთავებულ ქათამს მოვაყაროთ მარილი და ღუმელში შევწვათ.

ნიგოზი 2 -ჯერ გავატაროთ ხორცსაკეპში წვრილი ბადით ან დავაბლენდეროთ.

ნიორი დავჭყლიტოთ ან დავნაყოთ მარილთან ერთად.

გატარებული ნიგოზი,ნიორი,სუნელები ,მარილი მოვათავსოთ მინანქრის  ქვაბში,დავასხათ 1 ს.კოვზი ცივი წყალი ,ლიმონის  ან  ბროწეულის წვენი და ღონივრად ვზილოთ ხელისგულით თასის ფსკერზე დაახლოებით 20 წუთი.

საკმაზს დავასხათ წყალი და სასურველ სისქემდე გავათხელოთ.

ზოგიერთი გამოცდილი დიასახლისი ბაჟეს ამზადებს ცხელი წყლით ან ბულიონით.

შემწვარი ქათამი დავჭრათ,მოვასხათ ბაჟე  და ნიგვზის ზეთი.

ბევრი დიასახლისისათვის რთულია ნიგვზისათვის ზეთის გამოხდა,მაშინ ნიგოზი ნიორთან,სუნელებთან ერთად დავაბლენდეროთ .ზეთი კი შემდეგნაირად  მოვამზადოთ.ტაფაზე დავასხათ ზეთი და ტომატ- პასტა მოვხრაკოთ.განუწყვეტლივ ვურიოთ,რომ არ დაგვეწვას.

.ტომატ- პასტა გავწუროთ  და ზეთი მოვასხათ ბაჟეს.