ინგრედიენტები:
ქათამი – 1000 გრ
ნაღები – 300 გრ
ნიორი – 50 გრ
წითელი აჯიკა,მარილი გემოვნებით
ზეთი შესაწვავად
მომზადების წესები:
ქათამი ულუფებად დავჭრათ,მარილი მოვაყაროთ,ზეთი მოვასხათ და 20 წუთით 200 გრადუსზე წინასწარ გახურებულ ღუმელში შევწვათ.
კეცი გავახუროთ.
ტაფაზე კარაქი გავადნოთ , ნაღები დავასხათ, დაჭყლეტილი ნიორი,აჯიკა დავუმატოთ და კარგად გავხსნათ.
ქათმის ნაჭრები დავალაგოთ კეცზე, ნაღებისა და ნიორის ცხელი ნაზავი მოვასხათ , ღუმელში 5 წუთით შევდგათ.
სუფრასთან მიტანისას წვრილად დაჭრილი მწვანილი მოვაყაროთ.
წიწილა შქმერულად.მეორე ვერსია.
ინგრედიენტები :
1 წიწილა
მარილი წასასმელად.
ზეთი 50 მლ.
სოუსისათვის :
30 გრ.ნიორი
50 გრ.კარაქი
300 მლ.რძე
მარილი და დაღერღილი წიწაკა გემოვნებით.
მომზადების წესები :
გასუფთავებული,გარეცხილი წიწილა გავჭრათ შუაზე,მოვაყაროთ მარილი.
ტაფაზე დავასხათ ზეთი,კარგად გავაცხელოთ, დავდოთ წიწილა, შევწვათ ორივე მხრიდან.
სოუსისათვის ნიორი დავჭყლიტოთ და კარაქში მოვშუშოთ.დავუმატოთ რძე,მარილი და წიწაკა გემოვნებით.
წიწილა დავჭრათ და მოვასხათ სოუსი.სუფრაზე მიტანის წინ მოვაყაროთ მწვანილი.
