ინგრედიენტები მარწყვის ბისკვიტისათვის :
140 გრ.ფქვილი ან 15 გრ. სიმინდის სახამებელი + 125 გრ.ფქვილი
75 გრ.შაქარი
3 კვერცხი
6 გრ.გამაფხვიერებელი
მწიკვი მარილი
60 მლ. მზესუმზირას ან ქოქოსის ზეთი ან გამდნარი კარაქი
ვანილი
125 გრამი მარწყვის პიურე ( სუფთა წონა)
1 წვეთი წითელი საღებავი
ღუმელის ტაფა 42×24 სმ
მომზადების წესები :
მარწყვი გავრეცხოთ, გავასუფთაოთ და დავწრიტოთ.
200 გრამი მარწყვი დავაბლენდეროთ, საცერში გავატაროთ და ავწონოთ. ჩვენ დაგვჭირდება 125 გრამი კენკრის პიურე
კვერცხის გულები, ზეთი, ვანილის ექსტრაქტი, მარწყვის პიურე, 1/3 შაქარი, მწიკვი მარილი ავქვიფოთ მიქსერით 5-7 წუთი. ბოლოს დავუმატოთ წითელი საღებავი.
მიღებულ მასაში ორ ეტაპად ჩავყაროთ ფქვილი გამაფხვიერებელთან ერთად.
ცალკე ავთქვიფოთ ცილა,შევათქვიფოთ დარჩენილი შაქარი. ეს ორი მასა გავაერთიანოდ.
ღუმელის ტაფაზე დავაფინოთ ქაღალდი წავუსვათ ცხიმი ,დავასხათ ცომი და შევდოთ 190 გრადუსზე გახურებულ ღუმელში გამოსაცხობად 15-20 წუთი.
გამომცხვარ ბისკვიტს მოვაშოროთ ქაღალდი,გადავაფაროთ სუფთა ტილო, გადავახვიოთ რულეტივით და ასევე გავაგრილოთ.
მოვამზადოთ კრემი ჩიზი.
200 გრ ნაღების ყველი
130 გრ. ცივი ნაღები 32-35%
50 გრ შაქარი პუდრა (40 გრ ყველისთვის და 10 გრ. ნაღებისათვის )
1/2 ლიმონის ცედრა ან 10-15 მლ ლიმნის წვენი
1 ჩ.კ. ვანილის ექსტრაქტი ან პასტა
მომზადების წესები :
ყველი,შაქრის პუდრა.ვანილის ექსტრაქტი და ცედრა ერთად ავთქვიფოთ.
ცალკე ავთქვიფოთ ცივი ნაღები შაქრის პუდრასთან ერთად.
ეს ორი მასა ნიჩბით ორ ეტაპად შევურიოთ.
ბისკვიტი გავშალოთ,გვერდები ჩამოვაჭრათ,წავუსვათ კრემი ჩიზი,მოვაყაროთ დაჭრილი მარწყვი და გადავახვიოთ ისევ რულეტივით.
რულეტი ზემოდან გააფორმეთ სურვილისამებრ.
